[የሚኒሶታው መድሃኔዓለም ቤ/ክ ጉዳይ] የፍርድ ቤቱ ውሎ ይህን ይመስል ነበር –ከቤዛ ለኩሉ ሰንበት ት/ቤት ሕዝብ ግንኙነት

ከሚኒሶታው ደብረሰላም መድሃኔዓለም ቤ/ክ የቤዛ ኩሉ የሰንበት ትምህርት ቤት ለሕዝብ ያወጣው መረጃ ለዘ-ሐበሻ ደርሷል። የሰንበት ትምህርት ቤቱ ሕዝብ ግንኙነት ያሰራጨው ዜና እንደወረደ ይኸው፦

የቤተክርስቲያን ውሎ በጲላጦስ አደባባይ

ሰላመ እግዚአብሔር ከሁላችሁ ጋር ይሁን

ዛሬ ቤተክርስቲያናችን በጲላጦስ አደባባይ ላይ እንደምትቆም ስላወቃቸሁ ግማሾቻችሁ በአካል በመገኘት፤ አብዛኞቻችሁ ድግሞ ካላችሁበት ቦታ “እለት እለት የሚከብድብኝ የአብያተ ክርስቲያናት ሁሉ ሃሳብ ነው” እንዳለ ቅዱሱ ሐዋርያ (ቆሮ ፲፩፡፳፰) ( በፀሎትና እንባ ቀኑን ለቤተክርስቲያን ድል የሆን ዘንድ ፀልያችኋል አልቅሳችኋል።

የእግዚአብሔር ስሙ የተመሰገነ ይሁን ውሳኔው ይህን ይመስል ነበር……
፬ቱ የቦርድ አባላት (አቶ ጥበቡ፤ ቀስስ አዲስ፤ ወ/ሮ ደብረ ወርቅና አቶ አዳም) የቤተክርስቲያን አስተዳደሩን የከሰሱት በነዚህ ነጥቦች ዙሪያ ነበር…
1- – የሕዝቡን ውሳኔ አንቀበልም አሉ
2-ያለ ሊቀ መንበርና ም/ሊመንበር ፍቃድ ያደረጉት የ January 23, 2014 ስብሰባ ሕጋዊ አይደለም
3- አቶ ጥበቡን ከሊቀመንበርነት አወረዱ
እነሱ ዳኛዋ እንድትወስን የፈለጉት….
1- በ ጃንወሪ 23 የተጠራው የቦርድ ስብሰባ ኢ-ሕጋዊ አይደለም ዳኛዋ እንድትል
2- ምንም አይነት ስብሰባ እስከ ፌብ 23 ቦርዱ እንዳያደርግ፡ ለጊዜው እንዲታገድ (Temporary injunction)
3- ፍራቻቸው– ብር ያዘዋውርሉ፡

ይህንን ሁሉ ክስ ዳኛዋ ከአዳመጠች በኋላ ያቀረቡትን ሁሉ ክስ ውድቅ አድርጋለች። ስለዚህ በ ጃንዋሪ 23 የተደረገውን የቦርድ ስበሰባ ሕጋዊነቱን ዳኛዋ አስድቃለች። ነገር ግን እንደ መተዳደሪያ ደንቡ መሠረት (by law) ጠቅላላ ጉባዔ ሲጠራ የአቶ ጥበቡን ከሥልጣን መውረድና የአቶ ይመርን ሊቀመንበርነት ጠቅላላ ጉባዔው ያፀድቃል። እሰከዛ ድረስ አቶ ይመር ሕጋዊው ሊቀመንበር ናቸው። አቶ ጥበቡ በቦርድ ስብሰባ መሳተፍ አይችሉም። ባንኩኑም ቦርዱ unfreeze አድርጎ መደበኛ አገልግሎቱን ይቀጥላል።
-የ፬ቱ ካሳሾች ጠበቃ፤ ቀሲስ አዲስ ወደፊት የሚጠራውን ስብሰባ እንዲመራ ጥያቄ (recommendation) አቅርበዋል። ቦርዱም ለስብሰባ ሲቀመጥ ይወያይበታል።
የፌብ 23 ጠቅላላ ጉባዔ ይኑር አይኑር ወይንም ወደፊት ይራዘም የሚወስኑት ቦርዱ ነው እንጂ አቶ ጥበቡ በቦርድ ስብሰባ ምንም ተሳትፎ ከአሁን በኋላ አይኖራቸውም።
- March 10 2014 የፍርድ ቤት ቀጠሮ ተይዟል

እንግዲህ ቅድስት ቤተክርስቲያን በራሷ ልጆች ተጎትታ በዛሬው አማኑኤል ቀን (ጥር 28. 2006 ዓ/ም) የፍርድ ቤት ውሎዋ በአጭሩ ይህን ይመስል ነበር።
በእግዚአብሔርም ክብርም ተስፋ እንመካለን። የህም ብቻ አይደለም፤ ነገር ግን መከራ ትዕግሥትን እንዲያደርግ ትዕግሥትም ፈተናን ፈተናም ተስፋን እንዲያደርግ እያወቅን በመከራችን ደግሞ እንመካለን በተሰጠንም በመንፈስ ቅዱስ የእግዚአብሔር ፍቅር በልባችን ስለ ፈሰሰ ተስፋ አያሳፍርም። (ሮሜ ፭፡፪-፭)

ለሰው ሳይሆን ለጌታ እንደምታደርጉ፥ የምታደርጉትን ሁሉ በትጋት አድርጉት፥
2ቆላስይስ 3፡23