ጠበቃ አቶ ተማም እና ማአከላዊ እስር ቤት

ከይድነቃቸው ከበደ

ጠበቃ አቶ ተማም አባ ቡልጉ በጥብቃና ሙያችው እጅግ በጣም ዝና ያተረፉ ናቸው፡፡በተለይ የሙስሊም መፍትሔ አፈላላጊ ኮሚቴዎች በገዥው የወያኔ መንግስት ለእሰር ከተዳረጉበት ጊዜ አንስቶ ጉዳያቸውን በመከታተል ለእነ አብበከር ጠበቃ በመሆን አገራዊ እና ሙያዊ ግዴታቸውን እየተወጡ ይገኛሉ፡፡ ይህ በእንዲ እንዳለ የግንቦት ሰባት ዋና ፃሃፊ አቶ አድርጋቸው ፅጌ በህግ ወጥ መንገድ መያዝን ተከትሎ በአገር ውስጥ በሰላማዊ መንገድ እየተንቀሳቀሱ ከሚገኙ ፓርቲዎች መካከል የሰማያዊ ፓርቲ የምክር ቤት ም/ት ሰብሳቤ አቶ የሺዋስ አሰፋ፣ከአንድነት አቶ ሀብታሙ አያሌው እና አቶ ዳንኤል ሽበሺ፣ከአረና አቶ አብረሃ ደስታ በወያኔ መንግስት በሃይል መያዛቸው የሚታወቅ ነው፡፡ ይህን ተከትሎ ጠበቃ አቶ ተማም ከእረዳታቸው ከጠበቃ ከአቶ ገበየሁ ጋር በመሆን በፍርድ ቤት የእነ ሀብታሙን ጉዳዩን በመከታተል ላይ ይገኛሉ፡፡

እነ አብርሃ ደስታ ለእስር ከተዳረጉ ሁለት ወር ሊሞላቸው የተወሰነ ቀናት ይቀራቸዋል፤በነዚህ ቀናት ውጥ ከታሰሩ ለ20 ቀናት ከቤተሰብ፣ከጠበቃ እና ከወዳጅ ዘመድ እንዳይገኛኙ የተደረጉ ሲሆን፡፡ ጠበቃ አቶ ተማም ባደረጉት እልህ አስጨራሽ ትግል እነ የሺዋስ ከጠበቃቸው ጋር እንዲገኛኙ ማህከላዊ እስር ቤት በወቅቱ ሊፈቅድ የቻለ ሲሆን በዚህም ምክንያት ታሳሪዎች ከቤተሰብ እና ከጠበቃ ጋር ለመገኛኘት ችለዋል፡፡ይሁን እንጂ በተያዙ በ28 እና በ29 ቀናቸው ፍርድ ቤት ቀርበው መንግሰት “በሽብርተኝነት” ከከሰሳቸው በኋላ ተጨማሪ የጊዜ ቀጠሮ የጠየቀባቸው ሲሆን የጊዜ ቀጠሮ ፍርድ ቤት ከፈቀደበት ቀን አንስቶ ይህ ፁሁፍ እስከቀረበት ወቅት ታሳሪዎች ከጠበቆቻቸው ጋር እንዳይገናኙ ተደርጓአል፡፡

ነሃሴ 21 ቀን 2006 ዓ.ም ጠበቃ አቶ ተማም ወደ ደንበኞቻቸው እነ ዳንኤል ሽበሺ ጋር መአከላዊ እስር ቤት የሄዱ ቢሆንም ለመገናኘት አልቻሉም፡፡በወቅቱ ስለ ገጠማቸው ነገር ከእኔ ጋር ስንወያይ የገለፁልኝ ነገር እጅግ በጣም የሚያስገርም ነገር በመሆኑ ለዚህ ፁሁፍ አንባቢ ሁኔታውን ለማካፈል እውዳለው፡፡ ጠበቃ አቶ ተማም ወደ ማእከላዊ እስር ቤት በመሄድ ጉዳዩን ለሚመለከተው አካል “ደንበኞቼን ለማነጋገር ነው የመጣሁት” በማለት አስፈላጊው ትብብር እንዲደረግላቸው የጠየቁ ቢሆንም ጉዳዩ የሚመለከተው ፖሊስ “ማናገር አትችልም፣ሂድ ውጣ” ይላቸዋል ፡፡ እሳቸውም “እንዲ ማለት አይገባህም እኔ ለደንበኞቺ ህጋዊ ጠበቃ ነኝ ስለ ደንበኞቼ ማውቅ የሚገባኝ ነገር ስላለ ልተከላከለኝ አይገባም” በማለት ከፖሊሱ ጋር ከፍተኛ የሆነ የቃላት ግብግብ ይፈጠራል፡፡ በዚህን ወቅት ሌሎች ፖሊሶች ገላጋይ ሆነው በመቅረብ ጉዳይ እንዲረግብ ጥረት ያደርጋሉ፡፡በወቅቱም የቀረበው ማስታረቂያ ሃሳብ ጉዳዩ ለበላይ አካል ይቅረብ ፤ይህን ጉዳይ የሚመለከቱት ስብሰባ ላይ ስለሆኑ ከትንሽ ቆይታ በኋላ ይመለሱ በማለት ማስታረቂያ ሃሳብ ፖሊሶች ያቀርባሉ፡፡የነገሩ ሁኔታ ያላማራቸው እና ጉዳዩን በጥበብ ለማለፍ የፈለጉት ጠበቃ አቶ ተማም ዋና ሃላፊ የተባለው ሰው ከስበሰባ እስኪወጣ ብና ልጠጣ በማለት ከማአከላዊ ጊቢ ይወጣሉ፡፡

የዕለቱ አስገራሚ ነገር ከዚህ ይጀምራል፡፡አቶ ተማም ከማህከላዊ እስር ቤት ፍለፊት ወደሚገኘው ሐረር ብና ወደሚባለው ካፊ በመሄድ በካፊው ውስጥ ከሚገኘው መቀመጫ ወደ አንዱ በማምራት ለመቀመጥ ሲሉ ድንገት ዞር ሲሉ በማአከላዊ እስር ቤት አላስቆም አላስቀምጥ ያላቸው ፖሊስ ፊለፊት ከአጠገባቸው ቆሞ ያገኙታል በዚህወቅት “ እባክህ ብና ጠጣ ና ቁጭ በል በማለት በአክብሮት ይጠይቁታል” ፡፡ይህ ፖሊስ በክፈተኛ ሁኔታ ከእነ የሺዋስ ጋር አቶ ተማም እንዳይገናኙ ሲከላከል የነበረው ነው ፡፡ ለአቶ ተማም አክብሮት ፖሊስ ጠብ ያለሽ በዳቦ አይነት ጨዋታ ያማረው ስለሆነ ምላሹ “እኔን በግቦ አትደልለኝም እከስአለው” በማለት እየተውረገረገ ወደ ማአከላዊ ያመራል ፡፡ለነገሩ ዋናው ተልኮ ይህ ስለሆነ ተላላኪው ፖሊስ የእለቱ ግዳጁን ይወጣል፡፡

አቶ ተማም ለ30 ደቂቃ ያህል ብናቸው እየጠጡ ጊዚያቸውን ካሳለፉ በኋላ ተመልሰው ወደ ማአከላዊ ያመራሉ ፡፡ከበር ሆኖ የሚጠብቃቸው ፖሊስ “ሃላፊው ቢሮ ይፈለጋሉ፤ወደ-ዚያወ ይሂዱ” ብሎ ይነግራቸዋል ፤እሳቸውም ወደ ተጠቀሰው ቢሮ ይሄዳሉ፡፡ወደተጠቀሰው ቢሮ ሲገብ ያልጠበቁት ነገር ይገጥማቸዋል “አቶ ተማም !ከእርሶ ይሄ አይጠበቅም እንዴት ፖሊስን ለመደለል ይሞክራሉ ? እርሶ የህግ ባለሙያ ኖት እንዲ አይነቱ ነገር መፈፀም ወንጅል መሆኑ ያወቃሉ፤በመሆኑም ክስ ተከሰዋል” በማልት ይነግራቸዋል፡፡ እሳቸውም በሁኔታው በመገረም “እኔ ሙያዊ ግዴታዬን ጠንቅቂ የማውቅ ሰው ነኝ! ደግሞም ከደንበኞቼ ጋር መገናኘት መብትም ጭምር ነው፡፡ይህ መሆን እያወኩ አንተ የምትለው አይነት ስእተት አልሰራም፤ይህ ሐሰት የሆነ ነገር ነው” በማለት ይመልሳሉ፡፡ ሃላፊ የተባለው ፖሊስ “ለማንኛውም እዚህ ይቆዩ” በማለት መውጣትም በማይቻልበት ቢሮ ውስጥ ጥሏቸው ይሄዳል፡፡ እዚህ ቆዩ ያላቸው ፖሊስ መጥቶ አንድ ነግር ይለኛል ብለው ቢጠብቁም ለተወሰነ ሰዓታት ያህል ከማንም እንዳይገናኙ ተደርገው በአንድ ቢሮ ውስጥ ታግተው ሊቆዩ ችለዋል፡፡ ከሰዓታት ቆይታ ኋላ ሃላፊ ነው የተባለው ፖሊስ በመምጣት “ ከአንድ ባለሙያ የማይጠበቅ ነገር ነው ያደረከው፤ለማንኛውም ለዛሬ ጉዳዩን ትተነዋል ፡፡ አሁን እስረኛ መጠየቂያ ጊዜ ሰዓቱ ስላለፍ አርብ መጥተ መጠየቅ ትችላለ” በማለት ያስናብታቸዋል፡፡

አቶ ተመማ በገጠማቸው ነገር እጅግ በጣም ቢበሳጩም ሙያዊ እና አገራዊ ግዴታቸውን ቅድሚያ በመስጠት፤ ይህ በሆነ ከአንድ ቀን ቆይታ በኋላ ማለትም ዛሬ ነሃሴ 23 ቀን 2006 ዓ.ም በድጋሚ ወደ ደንበኞቻቸው ማአከላዊ እስር ቤት ይሄዳሉ፡፡ሆኖም ግን ከማአካለዊ እስር ቤት የፊተኛው በር ጀምሮ እስከ ሚመለከተው ቢሮ ድረስ ከፍተኛ የሆነ ውጣ-ውረድ ደርሶባቸዋል፡፡በስተመጨረሻም ዋና አላፊ ነው የተባለው ሰው “እስረኞችን ማግኘት የምትችለው በችሎት ነው፤አሁን ልናገናኝ አንችልም” በማለት አሰናብቷቸዋል፡፡በሆኖም ነገር ጠበቃ አቶ ተማም ከልብ ማዘናቸውን ለመረዳት ችያለው፡፡
የገዥው መንገስት ህግመንግሰት እንደሚለው ከሆነ “በጥበቃ ሥር ያሉና በፍርድ የታሰሩ ሰዎች ሰብዓዊ ክብራቸውን በሚጠብቅ መልኩ የመያዝ እና ከህግ አማካሪያቸው፣ ከዘመዶቻቸው እና ከጠያቂዎቻቸው የመገናኘት መብት አላቸው፡፡” በማለት በህገመንግስቱ አንቀፅ 21/ ንዑስ አንቀፅ 1እና2 ተፅፎ ይገኛል፡፡ይሁን እንጂ እስረኞች አያያዛቸው ክብርን ከመንካት አልፎ በህይወታቸው ላይ አደጋ የሚያስከትል ነው፡፡በተጨማሪ ከቤተሰብ፣ከወዳጅ መጠየቅ የማይሞከር ነገር ነው፤ የመጠየቅ እድል ያላቸው እስረኞች እድላቸው በቅድመ ሁኔታ ላይ የተመሠረተ ነው፡፡ነገር ግን እንዲህ አይነቱ የለየለት መንግሰትዊ ውንብድና የአምባገነን መንግሰት ስርዓት የመጨራሽ የውድቀቱ ምልክት እንደሆነ ግልፅ ማሳያ ነው፡፡
ኢትዮጵያ በክብር ለዘላለም ትኑር!!!