በስመ አብ፣ ወልድ ወ መንፈስ ቅዱስ አሃዱ አምላክ አሜን። ብፁዕ አባታችን እንደምን ሰንብተኋል። ባለፈው ደብዳቤዬ የደብረፂዮን ቅድስት ማርያም ቤተክርስቲያን ካህናት እና መእመናን አባ ጳውሎስን ብፁዕ ወ ቅዱስ ብለን አንጠራም ብለው በመወሰናቸው የተነሳ ይደርስባቸው የነበረዉን ዉግዘት፣ እንዲሁም በአንፃሩ ዛሬ አባ ግርማ ከበደ ክብራቸዉን በመጣል በአባ ጳውሎስ ደጋፊዎች ፊት ተደፍተው ያልበደሉትን በድያለሁ እያሉ ይቅርታን ሲማፀኑ ሳይ እንደ ቤተክርስቲያን አባልነቴ ብቻ ሳይሆን እንደ ኢትዮጵያዊነቴም የተሰማኝን ሃፍረት በትንሹም ቢሆን ለመግለጽ ሞክሬያለሁ። ይህንን የመኖክሴዉን አድራጎት ከመዘምራኑም መካከል አንዳንዶቹ ቀድሞዉንም ቢሆን የማይደግፉት መሆኑን እየገልፁ ሰለሆነ፣ የርስዎ የራዲዮ ቃለ ምልልስ የተለያየ አመለካከት ባላቸዉን ክርስቲያኖች መካከል የሃሳብ መለዋወጥን ባህል በማስፈን ረገድ በር ቀዳጅ ይሆናል በዬ እገምታለሁ። መዘምራን ልጆቻችንም ሰዉን በማገልገልና እመቤታችንን በማገልገል መካከል ያለዉን ልዩነት መርምረው አግባብ ያለው ዉሳኔ ላይ ለመድረስ እንዲችሉ መድረክ ቢዘጋጅ በጣሙን ጠቃሚ ይሆናል ብዬ እገምታለሁ። አንድ ወዳጄ “እነርሱ [መዘምራኑ] የቤተክርስቲያኗ ገንዘብ ተከፋይ ስላልሆኑ የሚያካሂዱት እንቅስቃሴ ሁሉ ለቤተክርስቲያናችን ይጠቅማል ከሚል የመነጨ እንጂ እነ አባ ግርማ ለስልጣን እና ገንዘብ ለማካበት ሲሉ የሚያደርጉት ትግል አካል አይደለም” ብሎ ካለው ጋር ሙሉ በሙሉ እስማማለሁ። ስለዚህ በዚህ ደብዳቤ ላይ የማቀርባቸዉን ሃሳቦች በጥሞና ተመልክተው ትክክል ነው ብለው የሚያምኑበትን፣ ዓይናቸው ያየዉን እና ጆሯቸው የሰማውን መዝነው ለሰው ሳይሆን ለዕውነት ይመሰክሩ ዘንድ የደብዳቤዉን ቅጂ ሁኔታ እንደፈቀደ ላደርሳቸው እሞክራለሁ -—[ሙሉውንለማንበብእዚህይጫኑ]—-
