መድረኩ በጠራው የተቃውሞ ሰልፍ ላይ ህዝቡ በነቂስ እንዲወጣ ጥሪ እናቀርባለን!

ከኢትዮጵያ ፌዴራላዊ አንድነት መድረክ (መድረክ) የተሰጠ መግለጫ

         ሰሞኑን በሳውዲ አረቢያ በሚገኙ ኢትዮጵያውያን ዜጎቻችን ላይ እየተፈፀመ ያለው ድብደባ፣ ግድያና በጅምላ ማጎር ከኢሰብአዊነቱም በላይ የሳውዲ መንግስት ለዜጎች ያለው ክብር በጣም ዝቅተኛ መሆኑን የሚያሳፍር ድርጊት  ነው፡፡ በኢትዮጵያዊነት ክብር ላይ የተሰነዘረ ጥቃትም ነው፡፡ በኢትዮጵያውያን ሉአላዊነት ላይ የተፈፀመ ወንጀል ሲሆን ዜጎቻችን በጭካኔ ሲገደሉ፣ ሲፈነከቱ ሲታጎሩና ሲገረፉ ማየት አንገት ያስደፋል፡፡ በአንድ አፋኝ ስርዓት ውስጥ የምንገኝ የፖለቲካ ፓርቲዎች ከዚህ በላይ ምን እንላለን?

ይህ በሳውዲ መንግስት ደፋርና ኋላ ቀር የሆነ ድርጊት የኢህአዴግን መንግስት የዲፕሎማሲ ተፅዕኖ መፍጠር ድክመት ከመግለፁም በላይ ለኢትዮጵያና ኢትዮጵያውያን ያለውን ደንታቢስነት ይመሰክራል፡፡ ድሮስ በመልካም አስተዳደር እጦት ፍትህን ከተነፈገ፣ በሙስና ከተጨማለቀና በፖለቲካ ስልጣን ለመቆየት ቆርጦ ከተነሳ የስልጣን ኃይል ምን ይጠበቃል? ዜጎችንና ሃገሪቱን ያስደፍደራል፣ የሉኣላዊነትን ክብር ያስነካል፡፡

        የኢትዮጵያ ፌዴራላዊ አንድነት መድረክ የኢህአዴግ መራሹ መንግስት የተሳሳተ ፖሊሲ እየፈጠሩ ካሉት ችግሮች አንዱ ማህበራዊ ቀውስ መሆኑን ገጠዋል፡፡ ዜጎች ተስፋቸው ጨልሞ እየታያቸው ነው፡፡ ተስፋ ያጣ ዜጋ ተስፋ ይቆርጣል፡፡ በተወለደበት ቀየና ሃገር የኑሮ እምነትና ዋስትና የሌለው ዜጋ ሞት እየሸተተውም ይሰደዳል፡፡ በአገራችን ስራ አጥተው ስራ ፍለጋ ሲንከራተቱ በሰው ሃገር በረሃ ሰብአዊ ክብራቸው ተዋርዶ ህይወታቸው ያለፉ ዜጎችን ዜና መስማት በኢህአዴግ  አገዛዝ የተለመደ ሆኖአል፡፡ በጣም የሚያሳፍረው ኢህአዴግ እነዚህን ዜጎች “ህገ  ወጥ ስደተኞች “ በሚል ፍረጃ ለመብታቸው ለመቆም ቁርጠኝነት የሚጎድለው መሆኑም ጭምር ነው፡፡

መድረክ ዜጎቻችን የሚሰደዱበት የተሻለ ኢኮኖሚና ማህበራዊ ፍትህ  ፍለጋ እንዲሁም አሰቃቂ የሆነውን የአንድ ፈላጭ ቆራጭ አምባገነናዊ ፓርቲ የፖለቲካ አስተዳደር ሽሽት መሆኑን ይገነዘባል፡፡

በተደጋጋሚ እንደገለፅነው ዜጎቻችን ወደ ደቡብ አፍሪካ፣ መካከለኛው ምስራቅና አውሮፓ ለመሰደድ በባህር፣ በበረሃና በጫካ ውስጥ ተቀጥፈው ቀርተዋል፡፡ የዚህ አንገት አስደፊ ዜና ከዕለት ወደ ዕለት እየጨመረ እንጂ ሲቀንስ አይታይም፡፡ በለስ ቀንቷቸው ባህሩን፣ በረሃውንና የዱር አውሬውን አልፈው ማረፊያዬ ብለው ያሰቡበት አገር የሚደርሱትም ሌላ ግፍና በደል ይጠብቃቸዋል፡፡ ሃገራዊ ውርደትና ሞት ከተበላሸ ስርዓትና ፖሊሲው የሚፈጠር እንደመሆኑ የችግሩ ምንጭ ኢህአዴግ መሆኑን እናምናለን፡፡

መድረክ ይህ ሁሉ ውርደት የሚደርቀው የችግሩ ምንጭ ሲነጥፍ ነው ብሎ ያምናል፡፡ የችግሩ ምንጭ ደግሞ ኢህአዴግ ነው፡፡ ስለሆነም በዚህ ፓርቲና መንግስት ላይ ህገ – መንግስታዊና ሰላማዊ የሆነ ተፅኖ በመፍጠር ስርአቱን መቀየር ወሳኝ መሆኑን ያምናል፡፡ ህዝቡ አንድነቱን በማጠናከር በጋራ እንዲንቀሳቀስ ጥሪውን በድጋሚ ያቀርባል፡፡

በሳውዲ አረቢያ የመንግስት ኃይሎች በዜጎቻችን ላይ በተፈፀመው ሰብአዊነት የጎደለው ድርጊት ላይ የመድረክ አቋም፡-

1. በዜጎቻችን ላይ እየተፈፀመ ያለው የሰብአዊ መብት ጥሰት በአስቸኳይ እንዲቆም፤
2. ለተፈፀመው አስነዋሪ ወንጀል ተጠያቂው አካል ተለይቶ ለህግ እንዲቀርብ፣ ለተጎጂዎችም ካሳ እንዲከፈል፤
3. ለተፈናቀሉ ዜጎች የአስቸኳይ ጊዜ ርዳታና መስራት የማይችሉት ተለይተው በክብር ወደ ሃገራቸው እንዲመለሱ፡፡ መስራት የሚችሉና ፈቃድ የሚያገኙቱ ሰብአዊ ክብራቸው ተጠብቆ እንዲኖሩ እንዲረግ፤
4. የኢህአዴግ መንግስት በጉዳዩ ላይ ለሕዝብ ሰፊ ማብራሪያ እንዲሰጥና ከሳውዲ መንግስት ጋር ያለውን ሁለንተናዊ ግንኙነት በመፈተሽ ጠበቅ ያለ አቋም እንዲወስድ እንጠይቃለን፡፡ በዚህ ድርጊት መባባስ የውጪ ጉዳይ ሚኒስትርና በሳውዲ የኢትዮጵያ አምባሳደር /ቆንስላ  ጽ/ቤት ተጠያቂዎች ሲሆኑ ይህም ስልጣን የሚሰጠው በችሎታና ለወገን ባለው ተቆርቋሪነት ሳይሆን በፓርቲ ታማኝነት እንደሆነ እየመሰከረ ያለ ጉዳይ መሆኑን ነው፡፡
5. አለምአቀፍ የሰብአዊና የዲሞክራሲ ተቋማትም ይህን አሳፋሪ ተግባር ህግና መንግስት ባለበት አገር እየተፈጠረ መሆኑን እንዲያስተጋቡ፡፡ ጉዳዩን ለአለም እያደረሱ ያሉትን ታላላቅ ሚዲያዎችን በዚሁ አጋጣሚ ለማመስገን እንወዳለን፡፡
6. መድረክ ድርጊቱን ለመኮነን በቅርቡ አዲስ አበባ በሚገኘው የሳውዲ አረቢያ ኤምባሲ ፊት ለፊት ታላቅ ሰላማዊ ሰልፍ ለማድረግና ለማስተባበር ወስኗል፡፡ ቀኑን በጥቂት ቀናት ውስጥ የሚያሳውቅ ሲሆን አጠቃላይ ሕዝቡ፣ ደጋፊዎችንና አባላት፣ በአገር ውስጥ የምትገኙ የተቃውሞ ጎራው የፖለቲካ ፓርቲዎች፣ ነፃ ነን የምትሉ የሲቪክ ማህበራትና የኢህአዴግ አባላት ሁሉ በሚገለጸው ዕለት፣ ቦታና ሰዓት በመገኘት ድርጊቱን ጨዋነት በተሞላበት ሁኔታ ለማውገዝ ትገኙልን ዘንድ ጥሪያችንን እናቀርባለን፡፡

                             ከኢትዮጵያ ፌዴራላዊ አንድነት መድረክ (መድረክ)

                                       ኅዳር 04 ቀን 2006 ዓ.ም

ይነጋል በላቸው (yinegal3@gmail.com)

የመጽሐፉ ርዕስ፤   “የካድሬው ማስታወሻ”

“በደርግና በኢሕአዴግ አገዛዝ ውስጥ ከተራ ወታደርነት እስከ የጦር መኮንንነትና የፖለቲካ ካድሬነት የተደረገ ትግል …”

ደራሲ፤                   አስረስ ገላነህ ብዙነህ (ሻምበል)
የኅትመት ዘመን፤    ሐምሌ 2005ዓ.ም
የገጽ ብዛት፤            271
አርታዒ፤                በስም ያልተጠቀሰ (ግን እጅግ በጣም ጎበዝ ሰውዬ!)

 
በሀገራችን የወቅቱ የፖለቲካ ትኩሣትና የትኩሣቱ መንስኤዎች ላይ በርካታ መጻሕፍት ረዘም ካለ ጊዜ ጀምሮ ለኅትመት እየበቁ ናቸው፡፡ ጊዜ ያለን ሰዎችም እንደየፍላጎታችንና እንዳለን ጊዜ ማንበብ የምንችለውን ያህል እያነበብን በ‹ጉድ ነው!› አጃኢበትም እየተደመምን አለን፡፡ ከመሳጭነቱ የተነሣ በዛሬዋ ዕለት በግማሽ ቀን ብቻ አንብቤ የጨረስኩት ከፍ ሲል የተገለጸው መጽሐፍ ከቅርብ ዓመታት የመጻሕፍት ንባቤ በስሜት ቆንጣጭነት ወደር አላገኘሁለትም፡፡ ጸሐፊውም አርታዒውም ሊመሰገኑ ይገባቸዋል፤ ዘራቸው ይለምልም፡፡ የዘመናችን ወያኔ-ወለድ ፖለቲካ ያመጣብንን መርገምት አብዛኛውን የሚያጋልጥ በመሆኑ በታሪካዊ መዝገብነት መጪው ትውልድ ሊዘክረው የሚገባው ድንቅ ሥራ ነው፡፡ በመሆኑም ኢትዮጵያውያን ነን የሚሉ አማርኛ ቋንቋን ማንበብ የሚችሉ የሀገሬ ዜጎች ሁሉ ባሉበት ይህን መጽሐፍ እንዲያነቡት ወገናዊ ጥቆማየን በታላቅ አክብሮትና ትህትና አቀርባለሁ፡፡ ብዙዎቻችን በአነስተኛ መጣጥፎችና ጦማሮች ስናትተው የከረምነውን ፀሐይ የሞቀው እውነታ በመጽሐፍ መልክ – ሊያውም ፈረንጆቹ “from the horse’s mouth” እንደሚሉት ከራሱ ገጠመኝ ጨልፎ ከሚያቀርብልን ተንከራታች ዜጋ በሚጥም አቀራረብ ታገኙታላችሁና በጥቆማየ እንደምትደሰቱ አልጠራጠርም፡፡ ብዙ የተደከመበት የአእምሮ ውጤት በመሆኑ መነበብ የሚገባው ነው፡፡ (ይህ ጽሑፍ የይነበብ ጥቆማ እንጂ የመጽሐፍ ቅኝት ወይም ትችት አይደለም!)

የምንገኝበት የእርግማን ዘመን እያበቃ እንደሆነ በበኩሌ ይሰማኛል – በዚያውም ላይ ‹ስድስተኛውን የስሜት ሕዋስ› በከንቱ ተሸክሜ የምዞር ገልቱ እንዳልመስላቸሁ!! አቅል አጥተን እንዲህ  በሀብትና በሥልጣን ራሳችን ያበድንበትና ሌሎችን ያሳበድንበት ዘመን ሊያከትም የቀረን ጊዜ በጣም ጥቂት ይመስለኛል፡፡ ሊነጋ ሲል መጨላለሙን በገሃድ እየተመለከትን ነው – በአሁኑ ወቅት ጨለማው ከፍቷል፤ ዐይንን ቢወጉ ጭራሽ የማይታይ ድቅድቅ ጨለማ ውስጥ ነን፡፡ አቅጣጫውን በውል ለይቼ አላውቅም፤ ነገር ግን እየነጋና የብርሃን ብልጭታ እየታየኝ ነው፡፡ የኢትዮጵያን ሕዝብ በታትኖ በዓለም ሕዝብ ዘንድ መሣቂያና መሣለቂያ ያደረገውን የወሮበሎች መንጋ ፈጣሪ ከአናት ጀምሮ ቀስ በቀስ ግን በፍጹም ሊጨናገፍ ወይ ሊስተጓጎል በማይችል ሁኔታ ብትንትኑን እያወጣው የሚገኝ መሆኑን መረዳት የሚከብደው ሰው ቢኖር ዐይነኅሊናው የታወረና ዕዝነልቦናው የደነቆረ ዓሣማ ወያኔ ወይም አጋሰስ ጥገኛ መሆን አለበት፡፡

ሮም በአንድ ቀን አዳር አልተገነባችም፤ ባግዳድና ደማስቆም በአንድ ቀን ጀምበር አልወደሙም፤ የቀን ጉዳይ እንጂ ወያኔዎች በሚያሣዝን ሁለንተናዊ አገባብ እየጠፉ ነው – በሥነ ልቦናም፣ በኅሊናና አእምሮም፣ በአካላዊ ጤንነትም፣ በቤተሰባዊ የጤናማ ትውልድ አለመቀጠልም … ብቻ በሁሉም ዘርፍ የተሣካ ውድቀት ውስጥ ተዘፍቀው እየተንፈላሰሱ እንደሚገኙ መገንዘብ ከጀመርን ውለን አድረናል , እንዳባታቸው ቃለ ቡራኬም “መንገዱን ጨርቅ ያድርግላችው” ብለን መርቀናቸዋል፡፡ ይህን እያደረገ ላለው የኢትዮጵያ አምላክ ምሥጋና ይድረሰው፡፡ አንድ ጥይት ሳይተኮስባቸው በትንቢቱ መሠረት እንደጉም እየተበታተኑና እንደጪስ እየበነኑ ነው – በዚህ ነባር አባባል አላፍርበትም ልድገምላችሁ – በትንቢቱ መሠረት ወያኔዎች እስከወዲያኛው ብትንትናቸው ሊወጣ ጊዜው ቀርቧል – ሃሌ ሉያ፤ በሰው ስቃይ መደሰት አግባብ ባይሆንም የፈጣሪን ፍርድ ማጣጣል ተገቢ ባለመሆኑ የውሻን ደም በከንቱ የማያስቀረው ፈጣሪ ለሚሰነዝረው ለዚህ ፍትሃዊ ብያኔ አኮቴት ማቅረብ ይገባል – እንደጥፋታቸው ከባድነት ደግሞ በሰው አምሳል የሚንቀሳቀሱ አጋንንት እንጂ እንደሰው ሊቆጠሩ የማይገባቸው ነገሮች በመሆናቸው በነሱ ላይ በሚወርድ ፍርድ ማዘን ጌታን ማስቀየም ነው፡፡ “ወይ ፍረድ ወይ ውረድ” ካልን በኋላ “እንዳይፈርድም እንዳይወርድ”ም ደንቃራ ልንሆን አይገባምና በርሱና ከርሱ ለሚመጣ የመጨረሻ ፍርድ እንቅፋት መሆን የሚዳዳን ዜጎች ብንጠነቀቅ አይከፋም፡፡ ማንም ደግሞ ሊያድናቸው አይችልም፤ የተፈረደን ፍርድ ዝምብሎ እንዳመጣጡ መቀበልና መኮምኮም እንጂ እኔ ነኝ ያለ ምድራዊ ኃይል ከዚህ ከተደገሰላቸው የመከራ ድግስ አያስጥላቸውም – “አንቺም ጨካኝ ነበርሽ ጨካኝ አዘዘብሽ፤ እንደገና ዳቦ እሳት ነደደብሽ” እንደተባለው እነሱም በሠፈሩት ቁና እየተሠፈረላቸው ነው፡፡ አስቡት፡- ከመለስና ገብረ መድኅን ሞት በኋላ ማን ይመስላችኋል እንዲህ ምንቅርቅራቸውን እያወጣ የሚገኘው? ለመሆኑ ማን ጻዲቅ ማንስ ኃጥዕ ሆኖ ነው እንዲህ እርስ በርስ እየተወነጃጀሉ ማጎሪያ ቤቶቻቸውን ሊሞሉ የደረሱት? ሥርቆትና ሙስና የሁላቸውም የሕይወት እስትንፋስ ያልሆነ ያህል አንዳቸው አንዳቸውን ካለምንም ሀፍረት እንደጅብ የሚዘረጥጡት እንደባቢሎንያውያን በክፋት ለክፋት እንዳይግባቡ እግዜር ስለፈረደባቸው አይደለምን? ይህን የማያውቅ ማን አለ? ጭካኔያቸው ወደር የሌለው እንደመሆኑ የግብ ዕዳ ክፍያቸውም ያንኑ ያህል ተወዳዳሪ የማይገኝለት እየሆነ ነው፡፡

ይህን ሂደት እነሱ ዐወቁት አላወቁት ምንም ለውጥ ስለማያመጣ ምሥጢር አይደለምና አጠፋፋቸውን ደግመው ደጋግመው ይስሙት – ይህንን ነባራዊና መለኮታዊ ፍርድ ኅሊናቸውም ቀድሞ ያውቀዋል፡፡ ፈጣሪ ሥራውን ዘንግቶ አያውቅም፤ ወደፊትም ሆነ አሁን አይዘነጋም፡፡ የሰውና የእግዜር የጊዜ አለካክ ለዬቅል በመሆኑ ግን ብዙዎቻችን ተስፋ እየቆረጥን ወዳልሆነ አቅጣጫ እንዞርና ከሁለት ያጣ ጎመን ወደመሆን ደረጃ እናጋድላለን፤ ያኔ በሁለት ጌቶች መካከል ስንመላለስ ወይ ከሥጋችን ወይ ከነፍሳችን ሣንሆን እንዲሁ በመሀል ቤት እንደተቅበዘበዝን እንቀራለን፡፡ በአቋማቸው የሚጸኑ ግን መጨረሻቸው ያማረ ይሆናል፡፡ “ንቁም በበኅላዌነ እስከንረክብ አምላክነ” አልነበር ቅዱስ ገብርኤል የተናገረው – ሰይጣን “አምላካችሁና ፈጣሪያችሁ እኔ ነኝና ለኔ ስገዱ” ብሎ የእግዚአብሔርን ኅልውና በተገዳደረበት ፈታኝ ወቅት? አዎ፣ እኛም በዚያ ዓይነት ከባድ ፈተና ውስጥ ነው የምንገኘው፡፡ እውነተኛ እናታችንን እስከምናገኝ ድረስ ታዲያ መረታት የለብንም፡፡

ለማሣጠር … በበኩሌ ከ2007ዓ.ም መጠናቀቅ በፊት ብዙ እናያለን የሚል ታላቅ የተስፋ ስንቅ ቋጥሬያለሁ፡፡ … ያልተነገረ የተፈጸመ፣ የተፈጸመ ያልተነገረ ነገር ፈጽሞውን አላስታውስም፡፡ ሁሉም ተነገረ፤ ሁሉም ተፈጸመ፡፡ ዘመነ መንሱት ወደታሪክ ሰገባ ገብቶ በብረት ክፈፍ ሊጠረቀም፣ በምትኩ ደግሞ ወርቃማው ዘመነ ፍስሐ ወሃሤት ሊብትና እምዬ ኢትዮጵያ ከሞት ልትነሣ የተሰደዱ ልጆቿም በ‹ጉሮ ወሸባየ› የድል ብሥራት ዘፈን ታጅበው ሊመለሱ፣ የሚሊዮኖች የዘመናት ሰቆቃም በፈጣሪ ዕልባት ሊያገኝ ተቃርበናል፤ ዕድሜ ለዕንባችን አሁን ዕፁብ ቅንቅ ተዓምራትን እያየን እንዳለን ሁሉ የመጨረሻውን ልዩ ትንግርት ልናይ ተቃርበናል፡፡ እነሱ ለእራት ሲያመቻቹን አንድዬ በብዙ አቅጣጫ ቀስፎ ይዟቸዋልና የነጻነታችን ቀን መቅረቡን መጠራጠር አይገባም፡፡ መተማመኛችንን እርሱን ያደረግን አናፍርም፡፡

ግን ለፈጣሪያችን ማድረስ ከሚገባን ልባዊ ጸሎትና ምህላ በተጓዳኝ ከቂም በቀለኝነትና ከክፋት መራቅ አለብን፤ እንደወያኔ በተመሳሳይ የክፋት ቅኝት የምንነጉድ ከሆነ ነጻነታችን የማይቀር መሆኑ በታሳቢነት ተይዞ ፈረሰኛው ጎርፍ እንዳይጠራርገን ያሰጋል፡፡ ልብ እንበል፡- እንደወያኔ እያሰቡ፣ እንደወያኔ እየሆኑ፣ እንደወያኔ እያደረጉ፣ እንደወያኔ እየሞሰኑ ወያኔን ከአራት ኪሎ ቤተ መንግሥት አንድ ስንዝር ማባረር አይቻልም፡፡ ይህን ስል ወያኔን በሚገባው ቋንቋ ማነጋገር መጥፎ ነው ወይም ‹ኃጢኣት› ነው ለማለት ፈልጌ እንዳልሆነ መግለጽ እፈልጋለሁ፡፡ ነገር ግን ጥፋተኛን ከንፁሕ የማይለይ፣ በቋንቋ፣ በሃይማኖትና በባህል ተመሳስሎ መገኘትን እንደወንጀል የሚቆጥር፣ በብዕር የመጣን ወገን በታንክ የሚጨፈልቅ፣ ዳቦና የንግግር ነጻነትን የጠየቀ በአሸባሪነት ፈርጆ ዘብጥያ የሚወረውር፣ አማላይና ማራኪ የመንግሥትን ሕግና የፈጣሪን ትዕዛዝ የማይከተል ወያኔዊ አሠራር ማስወገድ ለዘለቄታዊ ድል እንደሚበጅ መረዳት ይገባል – እውነትን በመደፍጠጥ የሚገኝ አብረቅራቂ ድል የውሸትና ለተወሰነ ጊዜ ብቻ በጎመን ጥጋብ የሚያስፏልል መሆኑን ከዚህ ዘመን በላይ አስረጅ የለም፡፡

የሐጎስን ስህተት አምባቸው ቢደግመው፣ የስንሻውን ግድፈት ፈይሣ ቢሰልሰው ታጥቦ ጭቃ እንጂ የምንፈልጋቸውና የምናልማቸው ፍትህና ርትዕ እንዲሁም በዜጎች ሃቀኛ እኩልነት ላይ እንዲመሠረት የምንጠብቀው ዴሞክራሲያዊ ሥርዓት ሕልምና ቅዠት እንደሆኑ ይቀራሉ፡፡ ለታደለና አንጎል ላለው ሰው ያለፈ ስህተት ከዩኒቨርስቲ በሚበልጥ ሁኔታ ከፍተኛ ትምህርት የሚቀሰምበት ነው፡፡ እንደኛ ላልታደለ ሕዝብ ግን ያንዱን ስህተት ሌላው እያዘመነና በተንኮል እያጠናከረ የሚቀጥልበት የመሠሪዎች የጭቆና አገዛዝ አዙሪት ነው፡፡ ከእንስሳት ያነሱ ሰዎች ስለራሳቸው ብቻ ይጨነቃሉ፤ ሌሎችን መቅ ይከታሉ፡፡ ለሆዱ የሚያድር ጅብና ዓሣማ ነው፡፡ ወያኔዎች መነሻቸው ምንም ይሁን ምን ከዓሣማና ከጅብ ያልተሻሉ እንዲያውም የባሱ ሆዳሞችና በአንጎል ሣይሆን በከርሳቸው የሚያስቡ አውሬዎች ናቸው፡፡ ከባድ ዋጋ እያስከፈላቸው የሚገኘውና ገና አንዲትም ጥይት ሳትተኮስ እንዲህ ፍርጠጣና ሽሽት ውስጥ የገቡት ከሰውነት ተራ ባወጣቸው ሆዳቸው አማካይነት የሠሩት ወንጀል ከአሁኑ እያቃዣቸው ነው – የሰው ዋና ጠላቱ ሆዱ ነውና በዚህ በቀዳዳ በርሜል በሚመሰል ሆዳቸው ጦስ ወያኔዎች ገና ብዙ አሣር ይገጥማቸዋል፤ ሱቅ ውስጥ እንደገባ ሕጻን ሁሉንም ለራሳቸው የማድረግ አባዜ የተጠናወታቸው እነዚህ በጎደሎ ቀን የተፀነሱ ይሉኝታቢስ ዜጎች አወራርደው የማይጨርሱት ውዝፍ ሒሳብ አለባቸው፡፡ ከአሁኑ በነሱው ቋንቋ መላቅጡ በጠፋበት ውስጣዊ “ህንፍሽፍሽ” ገብተው እንዲህ የተራወጡ ዋናው የፈጣሪ ማዕበል ሲነሣማ ዕድሜውን ይስጠን እንጂ እንዴት እንደሚሆኑ የምናየው ይሆናል፡፡ አለ ነገር!

የአዲስ አበባን ነገረ ሥራ ብታዩ ከ‹አለ ነገር› በላይም ትላላችሁ፡፡ የምፅዓት ማወጃ ፊሽካው ብቻ የቀረ ይመስላል፡፡ ርሀቡ፣ የኑሮ ውድነቱ፣ ሙስናው፣ የፍትህ ዐይን መጥፋት፣ የነጋዴውና ባለሥልጣኑ እምብርት ማጣት፣ የዘረኝነቱና ጎጠኝነቱ መንሠራፋት፣ የድህነቱ አለቅጥ መስፋፋት፣የወንጀሉና ወንጀለኛው አበዛዝ፣ የኃጢኣቱ ከላይ እስከታች መዛመት … የጥቂቶች አለልክ መንደላቀቅና መዘባነን፣ የተያዘው አሥረሽ ምቺው፣ የተወሰኑ ዜጎች ገንዘባቸውን እምን እንጣለው በሚል በእሳት የማቃጠል ያህል አልባሌ መርጨት፣ የለፋና የደከመ እየደኸዬ አጭበርባሪውና የአየር ባየር ደላላና መልቲ ዜጋ በደቂቃዎች መክበር  … በአንዲት ጠባብ ከተማ ሲዖልና ገነት፣ ገሃነምና መንግሥተ ሰማይ ባልተፈረመበት ውል እየተጎሻመጡ ይኖራሉ – ጎን ለጎን እየተያዩ፡፡ ሊቀ ጳጳሱ በድብቅ ሚስቶቹን አግብቶ እየወለደ እያስተማረ አሳድጎም ልጆቹንና የልጅ ልጆቹን ለወግ ለማዕረግ ሲያደርስ ብታዩ ልትደነቁ አይገባም – “አንተን በዚህ ምን አገባህ – እነሱው ይኮነኑበት” የማለት መብታችሁን አከብራለሁ – እየተገረፍንበት ስለምንገኘው የሀሰተኛ ነቢያት ዘመን ተጨባጭ ሁኔታ የመናገር መብት እንዳለኝ ደግሞ በግልጥ ማሳወቅ እወዳለሁ ፡፡ እኔ ይህን መሰል ታሪክ በጣም በቅርብ አውቃለሁ፡፡ ካህናት የነፍስ ልጆቻቸውን ሚስቶች ‹እየቀሙ› ቢያባልጉ አትገረሙ፤ ብዙ ወንጀሎችና ኃጢኣቶች ይሠራሉ፡፡ መንግሥተ እግዚአብሔርና መንግሥተ ሕዝብ የዱርዬዎችና የወሮበሎች መናኸሪያ ሆነው መልካም ዘመንን መጠበቅ ታዲያ የዋህነት ነውና በሚደርስብን ዕኩይ ነገር ሁሉ በቀላሉ መደናገጥ አይኖርብንም፡፡ እንደሥራችን ይህም ሲያንሰን ነውና፡፡ የእንግልታችን ሁሉ መንስኤ ይሄው ለመንግሥትና ለእግዚአብሔር ሕግጋት አለመታዘዝ ነው – ከጫፍ እስከ ሥር ድረስ – ከፓትርያርክ እስከ ዲያቆንና ከጠ/ሚኒስትር እስከተራው ዜጋ፡፡ ካልተወሻሸን በስተቀር ከሞላ ጎደል ሁላችንም ጠፍተናል፡፡

አሁንና ዛሬ ለምን አይፈርድ? ለምን ሶዶም ወገሞራዊ ብያኔውን አይደግም? ሚሊዮኖች በርሀብ አለንጋ እየተገረፉ በጠኔ ጣር ሲሞቱ ጥቂቶች በዘረፉት ወይም አግባብ በሌለው የንግድና የሙስና ተራክቦ ባገኙት ገንዘብ ዳንኪራና ጮቤ ሲረግጡ እያዬ እስከወዲያኛው የሚያስችለው ፈጣሪ ምን ዓይነት ፈጣሪ ነው? ንጉሥ ዳዊት ቢጨንቀው፤ “እስከማዕዜኑ ትረስዓኒ ሊተ” በማለት ጌታን ወቅሷል፡፡ እኛንስ እስከመቼ የረሳን እንደመሰለ ሊቆይ ይችላል? ሁሉም መጠን አለው፤ እሺ? እናም የኛ ነገር አሁን አሁን ያለቀ ይመስላል፡፡ ማለቁን ለማወቅ አዲስ አበባን ኑና ጎብኙ፡፡ አዲስ አበባ ብቻ ሣትሆን ሀገራችን ባጠቃላይ ከካምሱሩ የተላቀቀ ቦምብ ሆናለች፡፡ “የጨው ተራራ ሲናድ ብልኅ ያለቅስ፤ ሞኝ ይስቅ” እንዲሉ ካልሆነ በስተቀር ኢትዮጵያ አንድ ሐሙስ ከሚቀራት የማስፈራሪያና የማስጠንቀቂያ ደረጃ ወጥታ መጥፋት ከተገባት ጊዜ ብዙ ሐሙሶችን እንዳለፈች ልብ ልንል ይገባል – እንደእግዚአብሔር ፈቃድና ጥበቃ ግን ይሄውና ጠላቶቿ ሊያጠፏት ከውጪም ከውስጥም በተቀናጀ ሁኔታ በተደጋጋሚ ቢሞክሩም እስካሁን አለች፡፡ ነገም ትኖራለች፤ ለጊዜው ልጆቿ ተንገላታንባት እንጂ እርሷማ ሳለ ፈጣሪ ተመልሳ ታሪካዊ የክብር ሥፍራዋን እንደምትይዝ ጥርጥር የለውም – ሁሉም ነገር የሚፈራረቅባት ሁሉንም እንድታየው ነው፡፡ እነዚህን የታሪክ ወበሎዎችና አስካሪ እንክርዳዶች አቧራ ላይ ጥሎ የሚያንደባልልላት አምላክ አላትና በቅርብ የምናየው ልዩ ታሪካዊ ክስተት አለ፡፡ “stay tuned!” የሚሏት የጋዜጠኞች አባባል እንዴት ደስ እንደምትለኝ! አዎ፣ ተርፎ ከሚቀር ዕድሜና ጤናው አይንፈገን እንጂ ብዙ ድንቅ ነገሮችን በግምባር ማየታችን አይቀርም፡፡ ይህ የቅዠት ዘመን ሲያልፍ የሚጠሉን ይወዱናል፤ የሚንቁን ያከብሩናል፤ ያዋረዱን እግራችን ሥር ይወድቃሉ፤ … ለማንኛውም “stay tuned!”…

በደርግ ዘመን አንድ እንግሊዝኛ የማይችል የቀበሌ ለፋፊ “ነገ ሜይ ዴይ ስለሆነ በአብዮት አደባባይ ለሠልፍ እንድትወጡ!” የሚለውን ትዕዛዝ “ነገ መሄዴ ስለሆነ በአብዮት አደባባይ ለሠልፍ እንድትወጡ ” በማለት ጡሩንባውን እየነፋ ሲያውጅ “የቀበሌው ነዋሪ እመት ጠንፌ “እንዴ! አሁኑኑ ጥርግ ለምን አትልም፤ ላንተ ደግሞ የምን ሠልፍ ነው” አሉት አሉ፡፡ ይህንን ቀልድ አለነገር አላስታወስኩትም – የስንብት ሰላምታዬን ለማቅረብ ዳር ዳር እያልኩ ስለሆነ አንዳንድ ወዳጆቼ “ጥንቅር በላ!” ሲሉኝ እየታየኝ ነው ከወዲሁ ለፈገግታ ያህል ወደአብዮቱ ዘመን የኋሊት በመጓዝ ያቺን ጨዋታ የመዘዝኩት፡፡ እናም ማንንም የማትጠቅም ወይም የማትጎዳ አንዲት የግል መልእክት ቢጤ አለችኝ፤ ከ‹ጨዋ› መጣጥፈኛ ልንጠብቃት የሚገባን መሰነባበቻ ናት – ሌሎች ስለማይሉ እኔም አልልም አልልም፡፡ እናም ፈጣሪ ጨርሶ ፊቱን እስኪያዞርልንና የነጻነትን ብርሃን እስኪፈነጥቅልን ድረስ ላልተወሰነ ጊዜ ‹ያመት ፈቃድ ሞልቼ› ማረፍን ወድጃለሁ፡፡  እግር ኳስ ተጫዋች ጫማ ይሰቅላል፤ አጫዋቹ ወይም ሪፌሪው ደግሞ ምናልባት ፊሽካውን ሊጨምርበት ይችላል፡፡ እኔም ስለቴ እስኪሰምርና በጉጉት የምጠብቀው የነጻነት ቀን እስኪብት በዚያውም እውነተኛ የመደማመጥ ቀን እውን እስኪሆን ድረስ ብዕሬን ሰቀልኩ፡፡ ምክንያቶቼ ብዙ ናቸው፡፡ በጣም ጥቂቱን መጥቀስ ይቻላል፡፡ እንደገዳም መቁነን በቀን ለጥቂት ሰዓታት ብቻ የሚለቀቅልንና የሚንቀራፈፈው በኢንሳ አሰለጦችም እንደሚጠለፍና እንደሚፈተሸ የሚነገርለት የወያኔ ኢንተርኔት እንዳለ ስለማይቆጠር ያበሳጫል፤ የመብራቱ በቀን ሠላሣ ጊዜ መቆራረጥም ያበሳጫል፤ ኑሮውም ያበሳጫል፤ የሰው ‹ትግስት› ገደብ ማጣትም ያበሳጫል፤ የራሴው ፍርሀትም ያበሳጫል፤ ተናግረህ አለመደመጥም ያናድዳል፤ የማይቀረው የፈጣሪ ፍርድ መጓተትም እንደሰው ሆነው ሲታዘቡት ያናድዳል፤ የሃይማኖት መጥፋት ያናድዳል፤ የሞራል መላሸቅ ያቃጥላል፤ የትውልድ በትምህርትና በዕውቀት መምከን ያቃጥላል፤ የራሴ የምትለው ሰንደቅ ዓላማና ብሔራዊ መዝሙር አጥተህ የማታምንበት የነተበና የተቀዳደደ ባንዴራ ተመልካች አጥቶ 24 ሰዓት እንደተሰቀለ ሲውለበለብ ማየት ራሱ ያቃጥላል፤ የምታየው ወታደር ያንተን ጥቅምና ፍላጎት የማያስጠብቅ መሆኑን ስትረዳና ባንተ ገንዘብ በተገዛ የጦር መሣሪያና አንተው በምትከፍለው ደሞዝ ፀረ-አንተና ፀረ-ሀገርህ በሆነ መንግሥታዊ ተቋም እየታዘዘ አንተን ሊገድል መሠማራቱን ስታይ አንጀትን ያሳርራል፤ ሃይማኖት የለሽ የመንግሥት ሹመኛ ኢትዮጵያንና ሕዝቧን አብዝቶ የሚጠላ፣ ሥልጣንንና ገንዘብን ግን በእጅጉ የሚያፈቅር ሆኖ ስታይ ያናድዳል፤ ሀገርህ ውስጥ ሆነህ ሀገርህ ስትናፍቅህ በብስጭት ኮረንቲ ያስይዛል፤ በየምትሄድበት ቢሮ ካለገንዘብ መብትህ የማይጠበቅ ሆኖ ስታገኘው ያናድዳል፤ … ባጭሩ ኢትዮጵያ ውስጥ የማያበሳጭና የማያናድድ ነገር የማግኘት ዕድልህ በጣም አናሳ ነው፡፡ ስለዚህ … ለነገሩ ምን ስለዚህ አለው፡፡ ያው ለጊዜው ዝምብሎ መናደድና መበሳጨት ነው፡፡

እስካሁን በድረገፆችና በሌሎች የመገናኛ መንገዶች የምሰዳቸውን መጣጥፎችና የብሶት ጦማሮች በማስተናገድና በማንበብ ከ24 ለማይበልጡ ጥቂት ዓመታት አብረን የዘለቅን ወገኖቼን ከልብ አመሰግናለሁ፡፡ ምናልባት – እንዲያው ጠባብ ዕድል አግኝቼ ከጎርፉ በማምለጥ በነጻነት ቀን በአካል የምከሰት ከሆነ እንደስካሁኑ በብሶት ሣይሆን በወያኔና በጋራ ‹ጥረቶቻችን›ም ጭምር የጠፋውን ትውልድ ለማነፅ በሚደረግ ርብርብ ዘልዛላው ዕድሜየና ሙያዬ በሚፈቅዱልኝ ለመሣተፍ ከወዲሁ ቃል እገባለሁ፡፡ እስከዚያው ወኔው ላላችሁ መልካም የጭቅጭቅና የንትርክ ዘመን ይሁንላችሁ፤ ለሀገራችን ደግሞ ፈጣን የነጻነት መባቻ ይሁንልን!(መለያየት ሞት ነው … የሚለውን የጥላሁን ገሠሠን ጣዕመ ዜማ ከዚችው ጊዜያዊ ስቱዲዮ ልጋብዝና ልለያችሁ፡፡ እናንተዬ … ከአሁኑ ሆዴን ባር ባር አለኝሳ! ውይ እውነትም መለያየት ለካንስ ክፉ ሰው ነው፡፡ … )

“ጊዜ ገቢር ለእግዚአብሔር”

(ፎቶ ፋይል ኢትዮጵያዊው በሪያድ ከተማ በፖሊስ ተይዞ)

ከቴዎደሮስ ሐይሌ ‘’ ወዴት ነው የምንሄደው ለማን ነው የምንነግረው መንግስት ረስቶናል ኤንባሲው አላቃችሁም …ብሏል ነገ እኔ እህትህን ወይ ተደፍሬ ወይ ሞቼ ወይ አብጄ ነው የምታገኘኝ’’ አንዲት በሳውዲ ተደብቃ ያለች እህታችን ያስተላለፈችው መልዕክት አቦይ ስብሃት ከጉልምስና እስክ ሽምግልና የታገልክለት ኢትዮጽያና ኢትዮጽያዊነት የማዋረድ አላማህ ከሃገር አልፎ በአለም ሁሉ ሆኖዓልና እንኳን ደስ ያለህ አዜብ መስፍን የባልሽ እረፍት የለሹ እስከ መቃብር ያለመታከት የቆመለት አላማ ትቶት ያለፈው ራዕይ የአገዛዝ ውጤቱ ይህው ኢትዮጽያውያንን አንገት የማስደፋት ተሳክቶ እዚህ በመድረሱ የሃዘንሽ መጽናኛ ከሆነልኝ እንኳን ደስ አለሽ፤ በረከት ስምዖን የውሸት ጋጋታህ የክፋት ፕሮፓጋንዳህ ኢትዮጽያዊነት የማወረዱ አላማህ ግቡን መቷልና ከነሳውዲው ቱጃር ወዳጅህ እንኳን ደስ አለህ፤ ደብረጽዮን ገብረሚካዔልና ጌታቸው አሰፋ የገደላው መሃንዲሶች የአፈናው ሊቃውንቶች እንኳን ደስ አላችሁ ስታሳድዱት ያመለጣችሁን ሁን ብላችሁ....ቀጣዩን ለማንበብ እዚህ ይጫኑ

በይበልጣል ጋሹ

ዛሬ ላይ ስለ ስቃይ፣ መከራ፣ችግር እና እንግልት በቃላት መግለጽ አስፈላጊ አይመስለኝም። ምክንያቱም በእራሳችን ላይ ቀን በቀን በተግባር እየተፈጸመብን ነውና። ከተግባር በላይ አድን ነገር ሊገልጸው የሚችል ነገር የለም አይኖርምም። ምን አልባት አንዳንድ ሰዎች ችግሩ በቀጥታ ከእኔ አልደረሰም ልንል እንችል ይሆናል “አንተ በሰላም እንድተኛ ከፈለክ ጎረቤትህ ሰላም ይሁን” ይባል የለ በአገራችን ብሂል፤ ምናልባት ለጥቂት የዘመኑ እድለኞች ችግሩ በቀጥታ ባይደርሳቸውም ጎረቤት፣ ወገን ዘመድ ስቃይና እንግልት በዝቶበት ከሚችለው በላይ ሲሆን ሕይወትን በችግር ሲገፉ ማየት ለሰብአዊ ፍጡር እንቅልፍ የማያስተኛ ትልቅ በሽታ ነው። ይህን እያየ  አንድ ሰው ራስ ደና ካለ እሱ ከሰባዊ መደብ ወጥቷል ማለት ነው። እኛ ኢትዮጵያውያን ትናት እና ከትናት በስተያ የነበረን ልዩ  መለያ ጠባያችን መተሳሰብ፣ መረዳዳት፣ የጎረቤት ችግር  ችግሬ፣ ጭንቀቱ ጭንቀቴ፣ አገሬ ህይዎቴ እያልን የኖርን ህዝቦች ነበርን። በተለይ ደግሞ  የአገርና የዜግነት ክብር ምን እንደሆነ በተግባር ያየን፣ ለአለምም ያሳየን ህዝቦች ነበርን።

በዘርፉ ያሉ ባለሙያዎች እንደሚናገሩት አንድ አገር አገር ለመባል ሦስት መሰረታዊ ነገሮች ያስፈልጓታል። ከእነዚህ መሰረታዊ ነገሮች መካከል አንዱ ከተነካ ሉዐላዊት አገር የሚለው ይቀርና ሌላ ስም ይሰጣታል። እነዚህ ሦስቱም ተደጋግፈውና አንዱ የአንዱን ሉዐላዊነት መጠበቅ፣ ማስጠበቅ ይኖርበታል። አንዱ አንዱን ካጣ ምዕሉ ሊሆን አይችልምና። የአንድ አገር ሦስቱ መሰረታዊ ነገሮች የሚባሉት ግዛት፣ ህዝብና መንግስት ናቸው።

1. ግዛት፦ የአንድ አገር ግዛት ማለት ወሰኗ፣ ድንበሯ፣ የቆዷ ስፋቷ፣ በውስጧ የየያዘዛቸው ወንዝ፣ ተራራ፣ሸለቆ፣ ባጠቃላይ ሙሉ ካርታዋ ማለት ነው። የኢትዮጵያ ግዛት ስንል በምስራቅ፣ በሰሜን፣ በደቡብና በምዕራብ ከሚያዋስኗት ግዛቶች የምትለይበት ቦታ፣ ድንበር ወይም ክልል ጀምሮ  በውስጧ የየያዘዛቸው ወንዝ፣ ተራራ፣ሸለቆ ወዘተ ሙሉ የቆዳ ስፋቷን ያዋስናል። ከዚህ የቆዷ ስፋቷ ትንሽ ከተነካ ግን የነበራት ሙሉ ግዛት አይኖራትም። ይህን ግዛቷን ለማስጠበቅ መንግሥት በማስተባበር ህዝብ በመተባበርና በመጠበቅ ሁሉም የድርሻውን መወጣት አለበት። ዛሬ ላይ የምናያቸው ነገሮች ግን ከዚህ የራቁ ናቸው። መንግሥት ለግዛቷ ሲጨነቅ አናይም፣ ህዝብም በተመሳሳይ። እንደ ጥሬ እቃ ግዛቷን ሲሸጥም፣ ሲደራደርባትም እናያለን። የጽሕፌ ዓላማ ይህን ማንሳት ስላልሆነ እዚህ ውስጥ መግባት አልፈልግም።

2. ሕዝብ፦ ከሁሉም በላይ ክብርና ሥልጣን ሊሰጠው የሚገባ ነው። ሕዝብ ከሌለ የምንላቸው ነገሮች የሉም። ህዝብ ከሌለ ለግዛት ስም ጠርቶ፣ ወሰን ወስኖ ሊያስቀምጥ የሚችል አካል የለም። ስለዚህ ሕዝም ውድ ዋጋ ያለው ነው። በሌላም በኩል ፈጣሪ አክብሮና ባለ አዕይምሮ አድርጎ የፈጠረው መተኪያ የለለው ፍጡር ነው። ስለዚህ ግዛት በሕዝም ይከበራል፤ መንግሥት ደግሞ  በሕዝብ ይከብራል/ይነግሣል። ላከበረው፣ ላነገሠው ሕዝብ መንግሥት ዋጋ ሊከፍልለት ይገባል። ከዚያ ውጭ ግን（የዜግነት ክብር በኢትዮጵያችን ፀንቶ፣ ታየ ህዝባዊነት ዳር እስከዳር በርቶ）እያልን የአገር መለያ፣ የማንነታችን መገለጫ የሆነውን ባንዲራ እያውለበለብን የምንዘምረው የህዝብ መዝሙር ከንቱና ዋጋ አልባ ሆኗል ማለት ነው። ባንዲራ ደግሞ ጨርቅ አይደለም ልዩ መለያ ማንነታችን ነው። ይህን የማንነት ጉዳይ ሊያስከብረው የሚችል ደግሞ  ህዝብ ነው። ሕዝብ ማለት ደግሞ እያንዳንዳችን ስብስብ/ድምር ውጤት ነው።                                                                      ዛሬ ላይ እየተፈጸመ ያለው ችግር፣ ስቃይና እንግልት እንዲሁም ሞት የጥቂቶች ብቻ ሳይሆን የሕዝብን ክብርና የማንነታችንን መገለጫ ባዲራን ክብር የሚነካና ለዘላለም የማይጠፋ ጥቁር ጠባሳ ነው። ይህ ሲፈጸም ዝም ብሎ  ማየት ግን ከውርደትም በላይ ውርደት ከአረመኔነትም በላይ አረመኔነት ነው። የአረብ ሃገራት እኮ በሕዝባችን ላይ በደልና ግፍ የሚፈጽሙት አረመኔነት ቢሆንም ቅሉ አገራቸውንና የሕዝባቸውን የኑሮ ሁኔታ እንዳይነካባቸው ስለሚፈልጉ ጭምርም ነው።  ታዲያ እኛ ወገናችን የዜግነታችንን መገለጫ የሆነውን ባንዲራ ከራሱ ላይ ጠምጥሞ ሲሞት ስናይ እንዴት አስቻለን？ አዎ እውነት ነው በስሜት ብዙዎቻችን በእጅጉ ተጎድተናል፣ ተረብሸናልም፣ ምግብ መመገብ አቅቶናል። ፊታችን በእንባ ታጥቧል። ግን መፍትሔ ሊሆን አልቻለም። ይህ አዲስ ክስተትም አይደለም፤ አስር፣ አስራ ዓመታትን አስቆጥሯል። ችግሩ፣ ስቃዩ  እየባሰ፣ እየጎላ መጣ እንጂ። በአገር ውስጥም በውጭም ችግሩ ያው ነው ልይነቱ የውጭው በመገናኛ ብዙኃን ጎልቶ  መታየቱ እንጂ ብዙዎች አገር ውስጥም እየተሰቃዩ፣ መከራ በዝቶባቸው የሚኖሩት በርካታ ናቸው። ወደ ሦስተኛው መሰረታዊ ነገር ልግባ መፍትሔውን በኋላ እንመለስበታለን።

3. መንግሥት፦ መንግሥት ማለት በጥሬ ትርጉሙ በአንድ አገር  ውስጥ ሕጎችን ለማውጣትና ለማስፈጸም፣ ሕዝብን ለማስተባበርና ደኅንነቱን ለማስጠበቅ፣ አገርን ለማስከበር  ስልጣንና ኃላፊነት ያለው አካል ማለት ነው። እንዲሁም በምርጫም ይሁን በሌላ መንገድ በሕዝብ ድጋፍ ስልጣን ላይ የወጣ አካል ነው። ስለዚህ ይህ በሕዝብ ድጋፍ ሥልጣንን የያዘ አካል ከስሙና ከትክክለኛ ትርጉሙ አንፃር ለህዝብና ለአገሪቱ ግዛት ከማንም በላይ የሚጨነቅ፣ የሚያስብና የሚቆረቆር አካል ነው ማለት ነው። ምክንያቱም ሕዝብ ከሌለ መንግሥት የለም፤ ግዛትም ከሌለ እንዲሁ። ከምንም በላይ ለመንግሥት መኖር ሁለቱም ወሳኝ ጉዳዮች ናቸው። የየትኛም አገር መንግሥት ይህን ተገንዝቦ ለሁለቱም የሚገባውን እንክብካቤና ክብር መስጠት ካልቻለ የመኖር ዋስትናው ጥያቄ ውስጥ ይገባል። አወዳደቁም በእጅጉ የከፋ ይሆናል።

ከዚህ አንፃር የአገራችን መንግሥት የቱ ጋር ነው ያለው ብሎ መጠየቁ መሰረታዊና አስፈላጊ ጥያቄ ነው። ያለበትን ደረጃም በተገቢው መንገድ ማሳየት ከእያንዳንዳችን ይጠበቃል። ስንተቻች/ስንነታረክ ብዙ ዓመታትን አሳልፈናል። አሁን ጊዜው የተግባር ነው። ተግባራዊ ሥራ ለመስራት ወኔ ሰንቀን መነሳት ይኖርብናል። የጦርነት ወኔ አይደም የሰላም፣ የአገር ፍቅር፣ የዜግነት ክብር ወኔ፣ የማንነት ወኔ እንጂ።

ሰሞኑን የዓለምን ዓይንና ጀሮ የሳበ ትልቁ ክስተት በሳዑዲ አረቢያ ለማየትም ሆነ ለመስማት ዘግናኝና አሰቃቂ በሰው ልጆች ላይ እየተፈጸመ ያለው ድርጊት ነው። በተለይ ደግሞ በኢትዮጵያውያን እህት ወንድሞቻችን ላይ እየደረሰ ያለው ግፍና መከራ ነው። የክብራችን መገለጫ ባንዲራችን ሳይቀር በደም ታጠበ። ወንድሞቻችንም ሰማዕትነትን ተቀበሉ፤ ባንዲራችንም ተጨምራ በድንጋይ ተወገረች። አሁን ችግሩን ማዉራት መደጋገም መፍትሔ አይሆንም። ስለመከራው፣ ስቃዩ፣ እንግልቱና ችግሩ የመገናኛ ብዙኃኖች አወሩልን፣ እኛም ብዙ አወራን፣እያወራንም ነው።

የሁላችንም ውሳጣዊ ጥያቄ ከዚህ አስከፊ መከራና ስቃይ እንዴት እንላቀቅ？እንዴት ነጻነታችንን እንጎናፀፍ？እንዴት ወደነበርንበት ክብር እንመለስ？የሚለው ስለሆነ በዚህ ዙርያ ለመደርደርያ ያክል ጥቂት ነጥቦችን ላንሳ።

• አንድነት መፍጠር፦ ችግር ለመፍታትም ሆነ መፍትሔ ለመፈለግ እኛ አንድ መሆን ይኖርብናል። መግባባት፣ መነጋገር፣ መወያየት በምንችልባቸው ነገሮች ላይ አንድ መሆን አለብን። እኛ በሃሳብ በአመለካከት ከተለያየን እንዴት ችግር ልንፈታ  እንችላለን። ከላይ ባነሳናቸው መሰረታዊ ነገሮች ላይ የጋራ መግባባት ሊኖረን ይገባል። ለአንድ አገር ግዛት፣ ሕዝብና መንግሥት እንደማስፈልግ መግባባት አለብን። በአንድ አገር ውስጥ የተለያየ ቋንቋ፣ ባህል፣እምነት ያለው ህዝብ በአገሪቱ ግዛት አንድ መሆን መቻል አለብን። ይህንን ሊያስተባብርና ሊመራ እንዲሁም አንድ ሊያደርገን የሚችል መንግሥት ሊኖረን ይገባል። ከዚያ ውጭ በቋንቋ፣ በባህል፣ በእምነት እንደተለያየን ሁሉ አንድ ሊያደርገን የሚችል የጋራ የሆነ ነገር ከለሌን ችግሩን በህብረት መቅረፍም ሆነ መቀነስ አንችልም። ስለዚህ መንግሥትም ይህን ተረድቶ ለመለያየት ምክንያት የሆኑ ነገሮችን፣ አንድነታችንን ሊያከስም የሚችሉ ነገሮችን ሊያስወግድልን ይገባል። ብሔር፣ ጎሳ፣ ቋንቋ፣ እምነት እያለ ሊከፋፍለን፣ ሊለያየን አይገባም። ይህን ድርጊት የፖለቲካ ድርጅቶች፣ የሀይማኖት ተቋማት፣ የግል/ሰባዊ መብት ድርጅቶችና ሕዝብ ሁላችንም አግባብ ባለው መልኩ ማውገዝና ማስቆም ይኖርብናል። አንድነት፣ ህብረት ከሌለ ምንም ማድረግ የማንችል ባዶዎች ነንና። የቀደሙት አባቶቻችን በአንድነታቸው ያስመዘገቧቸውን ድል መመልከት እኛ ዛሬ አንድነት እንድንፈጥር ትልቅ ትምህርት ይሆኑናልና። ስለዚህ ዛሬ ላይ እየደረሰ ያለውን አሰቃቂ ድርጊት ለማስቆም  አንድነት ፈጥረን መወያየት፣ መነጋገርና መፍትሔ መፈለግ ትልቁ ሥራችን ሊሆን ይገባል።
• አገራዊ ስሜት መፍጠር፦ ሁላችንም በእየአለንበት አንድነት መፍጠር ስላልቻልን አገራዊ ስሜታችንም በእጅጉ ወርዶብናል ማለት ይቻላል። ወጣቱ ስለአካባቢው እንጂ እንደ አገር ማውራት አቁመናል። ስለ ኢትዮጵያ ሲወራ እንደ ሁለተኛ ሦስተኛ ዜጋ ሁነን ቁመን የምንሰማ በርካቶች ሁነናል። ኢትዮጵያዊነት ምን ማለት እንደሆነ ትርጉሙም ስሜቱም ጠፍቶብናል። ወጣቱም ብሔርን፣ ቋንቋን ይሰብካል። የፖለቲካ ድርጅቶችም ይህንኑ ያስተጋባሉ። ለአገር ሳይሆን ለብሔር ብቻ የቆሙ ናቸው። መንግሥትም ለስልጣን ማራዘሚያ ሲል አገራዊ ስሜት እንዲጠፋ ምክንያት ሁኗል። ይህን ከባድ ችግር አሶግደን አገራዊ ስሜት ሰንቀን ኢትዮጵያዊነት ምን ማለት እንደሆነ ከተረዳን አሁን በኢትዮጵያውያን ላይ የሚደርሰውን ችግር ማስቆም እንችላለን። አገር ወዳዶች ከሆን በቀላሉ ከአገር አንወጣም። አገራዊ ስሜት በውስጣችን ከነገሰ ለአገር፣ ለወገንና ለክብራችን ዘብ እንሆናለን።  በዚህ መልኩ ችግሩን ከአምላክ ጋር ማስዎገድ ይቻላል።
• ዜጎች ሕጋዊና አግባብ ባለው መንገድ እንዲወጡ ማድረግ፦ እኛ ሁላችንም ማለት ይቻላል አገራዊ ስሜት ስለሌለንና ዜጋ ማለት ምን ማለት እንደሆነ ስለማይገባን ከመንግሥት ጀምሮ ሰዎችን ወደ ውጭ ማስወጣት እንደ አንድ የገቢ ማስገኛ መንገድ አድርገነዋል። ዜጎች ሕጋዊ ሁነው እንዲወጡ ሳይሆን ገንዘብ ከፍለው በተሳሳተ መንገድ ሲሄዱ ይመለከተኛል የሚል አካል ባለመኖሩ ችግሩ እንዲባባስ አድርጎቷል። ኤጄንሲ ነን ባዮች ለሚያገኟት ሽርፍራፊ ሳንቲም እንጂ የዜጎች መከራና ስቃይ አይገዳቸውም። ይህን ችግር ለመቅረፍ ማንኛውም ሰው ከአገር ሲወጣ በሕጋዊ መንገድ እንዲወጣ ቢደረግ አማራጭ መፍትሄ ነው። ይሁን እንጂ በሕጋዊም ሆነ በሌላ መንገድ ከአገር የወጣን ሰው እንደ ዜጋ ሰባዊ መብቱ ሊከበርለት የሚችልበትን መንገድ ማመቻቸት ይኖርብናል። ኤጄንሲዎችም ገንዘብ ላይ ብቻ ሳይሆን ለሚልኳቸው ሰዎች ደኅንነትና ክብር እንዲያስቡ ማድረግ። ይህን ጉዳይ የሚመለከተው ሁሉ በኃላፊነት ይዞ ቢቀሳቀስ ችግሩን በመጠኑም ቢሆን መቀነስ ይቻላል።
• ኤምባሲዎች/ቁንስላዎች የዜጎችን መብት እንዲያስከብሩ ማድረግ፦ መቼም በየአገራቱ የተሰየሙት ኤምባሲዎች/ቁንሰላዎች ፓስፖርትና መታወቂ ለማደስና መሰል ጉዳዮችን ለማስተናገድ ብቻ አይመስለኝም። ይልቁንም በቅርበት ሁነው የዜጎችን መብት ማስከበር እንደ አንድ ትልቅ ኃላፊነት ይወስዱም ዘንድ እንጂ። ስለዚህ እነዚህ አካላት በዋናነት በሕጋዊም ሆነ በሌላ መንገድ የገቡትን ዜጎች መብት ከሚኖሩበት ሕግ አንጻር ማስከበር ተቀዳሚ ተግባር ማድረግ አለባቸው። የአሰሪና ሰራተኛ የስምምነት ውሉንም በሚገባ ማየትና ማስፈጸም ይኖርባቸዋል። ከክፍያ መጠን ጀምሮ ማየትና ከመግሥት ጋር ወጥ የሆነ የውል ስምምነት እንዲኖር መወያየት አለበት። አንድም ሰው ቢሆን ዜጋ ነውና መብቱ ሊከበርለት ይገባል። ይህን ማድረግ የሚችሉ የኢምባሲ/ቁንስላና ዲፕሎማት ሰራተኞ ያስፈልጋሉ። ይህን ማድረግ ከተቻለ ችግሩን በቀላሉ መቅረፍ ይቻላል። ሌሎች የሲቪክ ማህበራትም ሆነ የፖለቲካ ድርጅቶችም ይህን ይፈጽሙ ዘንድ ትችት ብቻም ሳይሆን እገዛ ማድረግ አስፈላጊ ነው ብየ አምናለሁ። ከዚያ ውጪ ግን ልቅሶ፣ዋይታ፣ መከራና እንግልት የዘወትር ተግባራችን እንደሆነ ይቀጥላል ማለት ነው።
• በዜጎቻችን ላይ ኢ_ሰባዊ ድርጊት ፈጻሚዎችን በዓለም አቀፍ ፍርድ ቤት መጠየቅ፦ ባለቤቱን ካልናቁ አጥሩን እንዲሉ…አገሪቱንና መንግሥትን ቢንቁ እንጂ በዚህ በ21ኛ ክፍለ ዘመን ማን የማነን ዜጋ ከሕግ ውጭ ይነካል። ሕጋዊ ባይሆንና ወንጀል እንኳ ቢሰራ በሕግ አግባብ ይቀጡታል እንጂ እንደ አሸባሪ በአገኙበት ቦታ ደሙን አያፈሱም፣ አካልን አያጎሉም። ምክንያቱም የሰባዊ መብት፣ የዓለም አቀፍ ሕግ አይፈቅድላቸውምና። እኛን ግን ተቆርቋሪና መንገሥት እንደሌለን ካለ ሕግ በአደባባይ ገደሉን፣ ወገሩን፣ ደፈሩን። እንደ እንስሳ ውሻ እየተባልን ክብራችን ይዋረዳል። የማንነታችን መገለጫ የሆነው ባንዲራችን በደም ታጠበ። በዚህ በሰለጠነ ዘመን ሴት እህቶቻችን በየመንገዱ እንዲወልዱ ተደረገ፤ ተደፈሩም። ስለዚህ ይህን ዘግናኝና አሰቃቂ ድርጊት ፈጻሚዎችንና የአገሪቱ መንግሥትን በዓለም አቀፍ ፍርድ ቤት መጠየቅና ለተባበሩት መንግሥታት አቤት ማለት። ይህን ደግሞ ከአገራችን መንግሥት ስለማንጠብቅ ሙያዊና ተሰሚነት እንዲሁም አቅሙ ያላቸውን ሰዎች በጊዛዊ ኮሚቴ አቋቁሞ ክስ መመስረትና ጉዳዩን መከታተል ከተቻለ ለዘላቂም መፍትሔ ትልቅ አስትዋጾ ያደርጋል፤ ለተጎዱ ወገኖቻችንም በዚህ መልኩ አለን ልንላቸው ይገባል።
• ጸሎት ወደ ፈጣሪያችን ማቅረብ እና በሰላማዊ መንገድ ድምጻችንን ለዓለም ሁሉ ማሰማቱ እንደተጠበቀ ሁኖ……..

ከነብዩ ሲራክ (ጋዜጠኛ)

* የመረጃው ክፍተት የለያየን ግፉአን ዜጎችና ዲፕሎማቶች

    ጥላቻው እያደገ ሔዷል ፣ ሳውዲ አሰሪዎች ኢትዮጵያውያን የቤት ሰራተኞቻቸውን ድሮ ድሮ በአረቦች ዘንድ የተከበርን ፣ የታፈርን የእኛን የሃበሻ ልጆች “ጨካኞች ፣ የማይታመኑ !” እያሉ ጥላቻቸውን መገልጽ ጀምረዋል።  November 14,2013 የወጣው አረብ ኑውስ  Recent clashes make Saudis wary of Ethiopian maids በሚል ርዕስ ስር ሳውዲ አሰሪዎች  ኢትዮጵያን ሰራተኞችን ለማባረር  እየዛቱ ነው ! ይህ የአረብ ኒውስ ዘገባ በሹክሹክታ የምንሰማው ቁልጭ አድርጎ ያሳያል።

     የሪያድ መንፉሃን ግጭት ተከትሎ ደም እድገብሮም ለኢትዮጵያን ተሰጠው ወደ ሃገር ቤት የመግባትን እድል ለመጠቀም ከሃያ ሽህ በላይ ኢትዮጵያውያን የሪያድ መጠለያወችን አጨናንቀዋል። እንዳውም በሪያድ የኢትዮጵያ አንባሳደር ቁጥሩን ወደ ሃያ ሶስት ሽህ እንደሆነ ረቡዕ November 14,2013 ለወጣው አረብ ኒውስ አስታውቀዋል። አሁንም በሽዎች የሚቆጠሩ ወደ መጠለያ ለመግባት እየጎረፉ ነው ። በመጠለያው የምግብና የሚጠጣ ውሃ እጥረቱ ደግሞ ኢትዮጰያውያኑ አጥር ሰብረው እንዲወጡ እያስገደደ ነው ተብሏል።

   
   በጅዳ  እና በተለያዩ የሳውዲ ከተሞች ያሉ ህጋዊ መኖሪያ ፈቃድ የሌላቸው ኢትዮጵያውያንም የሚይዙት የሚጨብጡት አጥተው  በቋፍ ላይ ናቸው ። በሪያድ እና በተለያዩ ከተሞቸ ባሳለፍነው ቅዳሜ በመንፉሃው ሁከት ጭካኔ የተቀላቀለበት በሃገሩ ነዋሪዎች ተወሰደ በተባለው እርምጃ ገና በመሰራጨት ላይ ያለው መረጃ ምስል ህጋዊ ሆነ ህገ ወጥ የሆነውን ሁሉንም እያስጨነቀ ነው ። እኔም እዚያው መንፉሃ ሆነውን የአይን እማኝ ከሰማሁ ወዲህ ከ16 አመታት በላይ የማውቃቸው ሳውዲዎች ይህን ፈጸሙ ለማለት ብቻ ሳይሆን በዚህች ሃገር  ይህ መሰል ግፍ በሰው ልጅ ይፈጸማል ለማለት ተቸግሬያለሁ። እውነት መሆኑን ደጋግሜ ሳሰላስለው ደግሞ የሳውዲ ኑሮ እየጎረበጠኝና ተስፋየን እየሟጠጠው ሄዷል። ብዙዎች በዚህና በመሳሰለው የማሳደድ ችግር ምክንያት ወደ ሃገር መግባት  ይፈልጋሉ ፣ በሪያድ ከመንፉሃ በተጨማሪ በኮንትራት ስራ የመጡና ለበርካታ አመታት በሳውዲ ነዋሪ የሆኑት ሳይቀሩ እንደ መንፉሃ ግፉአን በውድ የገዙትን እቃ በርካሽ እየሸጡና መኖሪያ ፍቃዳቸውን አሽቀንጥረው በመጣል  ወደ መጠለያው እየገቡ ነው ።

       “በመንፉሃ ቁጥራቸው የማይታወቅ ኢትዮጵያውያን ሞተዋል … “  በሚል ነዋሪው በሚሞግተውና መንግስት ” ሶስት ብቻ ነው የሞተው! ” ያላቸው ኢትዮጵያውያን ደም ፈስሶ በድርድርም ቢሆን ሳውዲዎች  የጣሉትን ቅጣት አንስተው ህገ ወጥ ነዋሪዎች በፍላጎት እንዲገቡ ተፈቅዷል። ይህ ለሪያድ ነዋሪዎች የተሰጠው እድል በሁሉም ከተማ ላሉት ዜጎች ስለመስራቱ ማወቅ ባለመቻሉ ነዋሪው ተጨናንቋል።  በመካ ያለው ከበድ እያለ መጥቷል። በጅዳ ከንደራ የሚፈራውን ያህልም ባይሆን በእለተ ሃሙስ November  14,2013 እኩለ ቀን ለግማሽ ሰአት የዘለቀ ፍጥጫ እንደ ነበር እለታዊው አረብ ኒውስ ጋዜጣ ከቀትር በኋላ ዘግቦታል። በጣይፍ ፣ በጀዛንና በአቅራቢያ የተለያዩ አካባቢዎችም ጉዳይ  አሳሳቢ ነው ። ቢያንስ የመንግስት ሀላፊዎች መረጀ በመስጠት ሰውን ማረጋጋት ካልቻሉ ያየን የሰማነው የመንፉሃ አደጋ በከፋ መልኩ እንዳይጫር ስጋት አለኝ።

     በጅዳ ቆንስል ምን እየተሰራ እንዳለ የሚታወቅ ነገር የለም ። እርግጥ ነው ስራ እየተሰራ ነው ። ፖስፖርት ይታደሳል ፣አዲስ ይሰጣል፣ ከአስር ሽህ በላይ ይሆናሉ ለሚባሉ በእስር ቤት ላሉት ሊሴ ፖሴ ይሰጣል፣ ሌላም ሌላ ስራ ይሰራል። ከዚህ አልፎ ከግቢው በመታመስ ላይ ላሉ ወደ አስር የሚጠጉ ያበዱትን ፣ ከሰላሳ በላይ የነሆለሉና የታመሙትን ጨምሮ ሁለት መቶ የሚጠጉ ዜጎች ጉዳይ መቋጫ አልተገኘለትም። ለወራት ሲንከባለል የቆየ ወደ ሃገር የማሳፈር ክትትል ምን ምን ላይ እንደ ደረሰ የሚታወቅ ነገር የለም። የቻለው ምግብ እና ውሃ ብሎም አንዳንድ አስፈላጊ ቁሳቁስ እያቀረበላቸው ይገኛል ። ከዚህ ባለፈ ሁኔታውን አይቶ እንባውን እየረጨ ከመሄድ ባለፈ ምንም መስራት አልቻለም ፣ አቅሙም የለውም! በርካታ ወገኖች  እየሆነ ያለውን ለማወቅ ጉጉት አላቸው ። ያም ሆኖ የጅዳ ቆንስል የበላይ መረጃ መስጠትም ሆነ መቀበል አልፈለጉም። ወጌን በማስረጃ በአንዲት ማስረጃ ብቻ ላስረግጥ … !

     ኢትዮጵያውያን እንደጨው ተበትነናል። ከቀናት በፊት ባሳለፍነው እሁድ  ሰባት ኢትዮጵያውያን ታሳሪዎች ይዞ ከጀዛን ክልል ወደ ሽሜሲ አዲሱ እስር ቤት ሲጓዝ የነበረ አንድ የፖሊስ መኪና እኩለቀን ሊዝ ተብሎ በሚጠራው አካባቢ በደረሰበት አደጋ አራት ኢትዮጵያውያን መሞታቸውና ሶስት ያህሉ መቁሰላቸውን በሰማሁ ማግስት መረጃውን በትኩሱ ለማድረስ ተወካዮቻችን በስልክ ደውየ ሳጣቸው ከጭንቀቱ ጋር ውስጤ የተሰማውን ለመግለጽ እቸገራለሁ ። ነገሩ እንዲህ ነው …እሁድ ለሰኞ አጥቢያ በጅዳ መኮሮና አካባቢ እኩለ ሌሊት ላይ አንድ መረጃ ደረሰኝ “ኢትዮጵያውያንና እዚህ አገር ተወልደው ባደጉ የውጭ  ዜጎች መካከል ሁከት ተቀስቅሷል! “የሚል ነበር።  መረጃ ለማቀበል ለብቸኛ ተጠሪዎቻችን ስልክ ደወልኩ ። አይመልሱም። መረጃ አቀባዮቸን መልሸ ስደውል አካባቢው በጩኸትና ረብሻ ሲታመስ ሰማሁ። ደግሜ ወደ ለሃላፊዎች ደወልኩ ። ዋና ሃላፊው አቶ ዘነበ ከበደም ሆነ ምክትላቸው አቶ ሸሪፍ ኸይሩ ተንቀሳቃሽ ስልካቸውን አያነሱም ።  ፖሊስ ደርሶ ረብሻው ተበተነ። አካባቢው መረጋጋት ያዘ ። መንፉሃን እያስታወስኩ በደረቁ ሌሊት በአይኔ እንቅልፍ ሳይዞር ነጋ … !

       አይነጋ የለም ነግቶ ፣ ኢትዮጵያውያኑ የተያዙት ተይዘው የቀሩት ቤታቸው ተዘርፎ ድልድይ ስር ማደራቸውን በቦታው ሔጀ ተመልክቻለሁ። በግጭቱ የቅርብ ርቀት ተሸብረው ያገኘኋቸው የግጭቱ ተጎጅዎች ህክምና ያገኙ እንደሁ እና ጉዳዩንም ስልክ የማያነሱት የቆንሰሉ ሃላፊዎች ጉዳታቸውን እንዲያውቁላቸው አሁንም ወደ ሃላፊዎች ደወልኩ። አያነሱም ። ተጎጅዎችም ሌሊት ለእኔ እንደ ደወሉ ወደ ቆንስሉ ከሃያ ጊዜ በላይ ደውለው ስልኩን የሚያነሳ ስላጡ ወደ እኔ መደወላቸውን አጫወቱኝ ። ግራ ብጋባም ቢያንስ የሆነውን ሁሉ ለማስረዳት ተጎጅዎችን ወደ ቆንስሉ ለመውሰድ ወስኘ ሳማክራቸው ” አድርገህው ነው! ” አሉኝ ከነፍሰ ጡሯ እህት ተጎጅና ሁለት በግጭቱ የቆሰሉ የተደበደቡትን እና ወደ ስምንት የሚደርሱ እማኞችን ይዠ ወደ ጅዳ ቆንስል መስሪያ ቤት አመራሁ። በሙግት ወደ ግቢው ብንገባም ሃላፊውን እኔን ለማነጋገር እንደማይችሉ እና ስብሰባ ላይ መሆናቸው እንደ ምክንያት ተሰጠኝ። ሰውነቴ ተቆጣ ፣ “የእነሱን ስራ ስሰራ ለምን አይተባበሩኝም!” ራሴን ጠየቅኩ ፣ መልስ ግን የለኝም! ከማይጋነን መጉላላቱ በኋላ ዋና ሃላፊው አቶ ዘነበ ከበደ አማካኝነት በወረደ ትዕዛዝ የዲያስፖራዋ ሃላፊ ቆንስል ሙንትሃ እንዲያነጋግሩኝ ተደርጎ ቆንስሏን አግኝቸ አነጋገርኳቸው ። ለመኮረና ግጭት መረጃ አዲስ እንደሆኑ ገልጸው ለመረጃው አመስግናውኝ  ቁስለኛና ተጎጅዎችን አስተዋውቄያቸው ወደ ስራየ ከመውጣቴ በፊት ማለት የፈለግኩትን በስጨት እንዳለኩ ተናገርኳቸው ! ቆንስል ሙንትሃ ባዩትና በሰሙት ተደናግጠው እዚያው እያለሁ በውስጥ መስመር ደውለው ለአቶ ዘነበ የጉዳዩን አሳሳቢነት አሰረዷቸው። ወደ ቆንስሉና ወደ ሃላፊዎች ስልክ ስደውል የማይነሳበትን እንቆቅልሽ ከማስረዳት ባለፈ በዚህ ሰአት በአንድ የስልክ ጥሪ በሚታጣ መረጃ ብዙ ጥሩም መጥፎም ሁኔታ ስለሚያስከትል የዜጎችን መብት ለማስከበር የተቀመጠ የመንግስት አካል ለመረጃ የራቀ መሆኑን አደገኛ አካሔድ ገለጽኩላቸው ። ብዙም ሳልቆይ ባለጉዳዮችን እዚያው ትቸ ወደ ስራየ አቀናሁ …

    ከቀትር በኋላ የቆንስሉ ሃላፊ አቶ ዘነበን ጨምሮ ሶስቱም ዲፕሎማቶች የመኮረናው ግጭት ወደ ሚመለከታቸው የሽማልያ ፖሊስ ጣቢያ ማቅናታቸውን ሰምቻለሁ። በመኮረና ሆነ ተብሎ በወሰድኳቸው ተጎጅወች የሰማነውን በዜጎች ላይ የመቁሰልና የሞት አደጋ መከሰቱን ጠይቀው ከጀኔራል አዛዡ መልስ እንደተሰጣቸው ቆንስል ሙንትሃ ስልክ ደውለው ገልጸውልኛል። የፖሊስ አዛዡም ረብሻው በኢትዮጵያውያንና በቻድ ዜጎች መካከል ከሶስት ቀብ በፊት በተጀመረ መጠነኛ ጸብ ምክንያት እንደነበር መረጃ እንደነበራቸው ፣እሁድ ለሰኞ አጥቢያ ደግሞ ሁከቱ መከሰቱን እና ፖሊስ እንዳበረደው ማስረዳታቸውን ፣ በእለቱ ግጭት ተኩስ እንደ ነበር ነገር ግን በተኩሱ የቆሰለ እንደ ሌለ  እንዳሰረዷቸው ፣ አምስት ያህል በድብድቡ የቆሰሉ እንጅ የሞተ ሰው እንደ ሌለ አስረግጠው ሲነግሯቸው በግርግሩ የታሰሩትን ኢትዮጵያውያን እንዳስጎበኟቸው ቆንስል ሙንትሃ ገልጸውልኛል። ሳውዲ ጋዜት በቀጣዩ ቀን Tuesday 12 November 2013 የመኮሮናውን ግጭት እንዲህ ብሎ አሽሞንሙኖ አቀረበው 57 held after Chadian-Ethiopian clash  http://www.arabnews.com/news/475786 . እንግዲህ ከላይ ለማሳየት የሞከርኳቸው የመረጃ ግብአቶች በዲፕሎማቶች ዙሪያና በጭንቀት ላይ ስላለው ነዋሪ መጠነኛ መረጃ በመስጠት እየሆነ እና እየተሰራ ያለውን በትክክል ካሳየ መልካም ነው ።

      መሬት ላይ በአይናችን የምናየውን እንዲህ ሆኖ እያለ እውነት የሚጣረስ ፕሮፖጋንዳ መሰል መረጃ ደግሞ ከመንግስት ቴሌቪዥንና ራዲዮ ሲነገር እየሰማን ነው። መንፉሃ ላይ ፍጅቱ ሊጀመር ሲዳዳው ፍጥጫውን ማርገብ ያልቻሉት ዲፕሎማቶች መንፉሃ በደም ከተበከለች በኋላ ዜጎች ያለ መቀጮና እስራት ወደ ሃገራቸው እንዲገቡ ስምምነት ማድረጋቸው እውነት ነው። ያም ሆኖ የመንግስት መገናኛ ብዙሃን እንደሚነግሩን ስራውን በቅንጅትና በማቀላጠፍ እየሰሩ አይደለም  የሚል መረጃ ከተጨባጭ ምንጮች ይደርሰኛል።

ከቀናት በፊት አንድ ጽነፈኛ የምለው የፊስ ቡክ አፍቃሬ ኢህአዲግ ወዳጀ Ramatohara Dertogada ችግሩ ሲከሰት የሰጣቸው ለወገን ተቆርቋሪነት የታየበት አስተያየት ተቀይሮ ተመለከትኩት ። “… ሳውዲን ጨምሮ በሁሉም ዓረብ ሀገራት በዜጎቻችን የሚያደርሱት በደልና ግድያ ሆን ተብሎ የተቀነባበረ የጥላቻ ሴራ ነው። … መንግስት በዜጎቹ የሚደርሰው በደል እንዲቆም ህጋዊ የሆነ አቋም ለዓለም ማህበረሰብ ያቀርባል። በአሁኑ ስዓት ለዜጎቹ ግዝያዊ የሆኑ የነብስ አድን ስራዎችና የዲፕሎማሲ ማግባባቶች እየሰራ ነው። ” ይላል! ይህን ሃሳብ ወዳጀ አለመጻፉን ብረዳም በሃሳቡ መስማማት መደገፉን ጠረጠርኩና የተዛባ መረጃ እየሰጠ ያየሁትን የኢትዮጵያ ቲቪን ረገምኩ! እንደተባለው ስራው እየተሰራ መሆኑ እውነት ቢሆን ምንኛ ደስ ይል ነበር! ግን በመንግስተ  መገናኛ ብዙሃን ” በሳውዲ የሚገኙ ዲፕሎማቶች 24 ሰአት እየሰሩ ነው! ” የተባለው መረጃን ተሰራ ከተባለው ስራ ጋር ስናነጻጽረው እውነት አይደለም! ባሳለፍናቸው ቀናት መረጃን ለማግኘት በየቀኑ ወደ ሪያድ እደውላለሁ። በርካታ መረጃዎችን ለመስብሰብ ሞክሬያለሁ ፣  በመጠለያ ያሉት በርሃብና በውሃ ጥም እየተቸገሩ ነው። ማረጋገጥ አልተቻለም እንጅ አዲስ የሞት ዜናም አለ!

    አሁን አሁን በመላ ሃገሪቱ በተለይም በሪያድ የሚሰማው ደስ አይልም። ረቡዕ ከቀትር በኋላ ሪያድ መንፉሃ የከፋ ችግር ተከስቶ ነበር ። ለጊዜው በረድ ቢልም የተጎዳ ሰው አለ ….መካ ውስጥ ወደ ሃገራችን ስደዱን ባሉ ዜጎቻችን መካከል ሁከት ሊቀሰቀስ እንደ ነበር ተጨባጭ መረጃዎች ደርሰውኛል። የሳውዲ ጋዜጦችም ይህንን አረጋግጠዋል።  የሪያድ ዲፕሎማቶች ነዋሪውን በማቀናጀት ማስተባበሩ ላይ ዳተኛ መሆናቸው ሲያስተዛዝብ ፣ በጅዳ ዲፕሎማቶች ሌላው ቢቀር ነዋሪውን ሰብሰበው መረጃ ሊሰጡት አልፈቀዱም።  በቆንስሉ መጠለያው እየተርመሰመሱ አንጀት ስለሚበሉት ተፈናቃይ ሰራተኞችም ሆነ “ከሃገር ይውጣ !” በተባለው ህጋዊነመኖሪያ ፈቃዱን ማስተካከል ባልቻለው ዜጋ ዙሪያ እንዲመክር እንዲዘክር የሚሰሩት ስራ የለም! ይህን ለማጣራት ከቀናት በፊት ወደ ጅዳ ቆንስል ጎራ ብየ ነበር ። ጠባቂው ወንደሜ  የቀድሞው የህዝባዊ ሃርነት ግንባር መድፍ አገላባጭ ታጋይ “ገሬ! ” አትገባም አለኝ ። ምክንያቱን ስጠይቀው ” አቶ ዘነበ እኔ ሳልፈቅድ አታስገባው ብለውኛል !” ሲል መለሰልኝ ። ከብዙ ሙግት በኋለ በአማላጅ ገባሁ ። በጅዳና አካባቢው ያለ ነዋሪ መረጃ ተጠምቷል ፣ ሃላፊዎች መረጃ መስጠት ቀርቶ መረጃ ለነዋሪው ለመስጠት የምንሞክረውን ክብራችን እየነኩ እያሳዘኑን ነው! እውነቱ ይህ ነው! ብዙ አልልም  ! ብቻ በሳውዲ አረቢያ ሪያድና ጅዳ የሚገኙት የኢትዮጵያ  መንግስት ኢንባሲና ቆንስል መስሪያ ቤቶች እያደረጉት ያለውን እንቅስቃሴ መረጃ በመስጠት እንኳ ለህዝብ ማስረዳት ፣ማረጋጋት እንዳይቻል በራቸው በብረት ሰረገላ ተከርችሟል። በሩን ለማስከፈት ተደጋጋሚ ሙከራ ቢደረግም አልተቻለም!

     የሳውዲ በርካታ ክልሎች የተለያዩ መረጃዎችን አገኛለሁ። መረጃዎችን በተገቢ መንገድ ለመጠቀም እሞክራለሁ።  ከሪያድ መንፉሃ ከተሰደው እርምጃ ውጭ በቀሩት የሃገሪቱ ክፍሎች በኢትዮጵያውያን ላይ ማንኛውም ህገ ወጥ እንደሚያዘው ይያዛሉ እንጅ  የተለየ ተጽዕኖ ወይም ማሳደድ ተፈጠረ ሲባል አልሰማሁም።  ከምህረት አዋጁ ማለቂያ ከፍተሻው የመጀመሪያ ቀን ጀምሮ በሪያድ መንፉሃ እየሆነ ስላለው የአይን እማኞችን በአካል ከማግኘት ጀምሮ በስልክ እና በተንቀሳቃሽ ምስል ሳይቀር መረጃዎች ይደርሱኛል።  አሁን አሁን ቁጥራቸው ወደ ሃምሳ ሽህ ይዘልቃሉ የሚባሉት ዜጎች ኢትዮጵያውያን በመላ ሳውዲ ይገኛሉ ተብሎ እየተገመተ ነው ። ይህ ቁጥር ቀላል አይደለም ። ጉዳዩ የሃገር የህዝብ ጉዳይ በመሆኑ ዜጎችና የመንግስት ተወካዮች ዘር ፣ ሃይማኖት እና ፖለቲካ ሳይለያየን በጋራ መረጃን ከመለዋወጥ ባለፈ ብዙ መንገድ ሂደን በአደጋ፣ በስጋትና በጭንቀት ላይ ያሉ ወገኖቻችን ብንታደጋቸው መልካም ነበር ። ባሳለፍነው ሳምንት በዘር በሃይማኖትና በፖለቲካ ለየቅል የሚያነጉደው በመላ ሳውዲ አረቢያ ብቻ ሳይሆን በመላ አለም በሚገኙ  ወገኖች መሆናቸውን እንደኔ የታዘበ ካለ አላውቅም። ያም ሆኖ መንግስት በአዋጁ ማብቂያ የመጨረሻ ቀን በሰጠው መግለጫ “የቤት ለቤት ሰበራ አይኖርም!”  ብሎ ነበር ። ይህ የወጣው መመሪያ ግን በእኛ ላይ አልሰራም። መመሪያው በመንግስት ፈታሾች ለመጣሱ እና በመንፉሃ ለተወሰደው እርምጃ በመንፉሃ በዜጎቻችን ከዚህ ቀደም የተሰሩ ወንጀሎች እንደ ምክንያት ቢቀርቡም ተንቀን ለተወሰደብን ከሰብዕና የወጣ ነውረኛ ወንጀል ግን ብዙዎች አብረን በህብረት ደወርጊቱን በማውገዝ  የተሳካ ድምጽ መሰማቱን ተመልክቻለሁ !

      በመንፉሃ ዳግም ሁከት ተቀስቅሶ ከበረደ ወዲህ በሪያድ መጠለያ አና በአካባቢው የመረጃ ክፍተት የፈጠረው ከባድ ጭንቀት ነግሷል። ይህ ጭንቀት በሪያድ ከሴቶች እና ከወንዶች ጊዜያዊ መጠለያ ቤት ጀምሮ ከውስጥም ከውጭም አገር ቤትን ባካለለ መልኩ እየተስፋፋ መሆኑን ከሚደርሱኝ መረጃዎች ለመረዳትና ለማወቅ ችያለሁ። በተለይም ከመጠለያ ፣ ከእስር ቤት እና ከነዋሪው ከሚበተኑትና ከሚደርሱት መረጃዎች አንጻር ነዋሪው ችግሩን እየለጠጠው ፣ ችግሮች በራሳቸው እያደጉ የሚያዝ የሚጨበጥ እንዳይጠፋ ስጋቴ ከብዷል !  የከበደውን አደጋ በመረጃ ልውውጥ የተደፋብንን የጭንቀት ደመና ለመግፈፍ መጠቀም ከቻልን እድሉ አላለቀም! በአሁኑ ሰአትም የመረጃው ክፍተት የሚታይበት የመንግስት ዲፕሎማቶችና የነዋሪው ግንኙነት መጠገን የማይቻል አይደለም ። ይቻላል! እናም የመፍትሄ ሃሳብ ልጠቁም …

    እኔም እንደ መፍትሔ ሃሳብ በጅዳና ሪያድ የምትገኙ መንግስት ተወካዮች እንደ ከዚህ ቀደሙ በድርጅታዊ አወቃቀር ሳይሆን ሁሉም አትዮጵያዊ እንደ ዜጋ የሚሳተፍና የሚመክርበት ስብሰባ በአስቸኳይ መጥራት ! ሌላው በዙሪያው የምንገኝ ወገኖች በማህበራዊ ገጾች አምድ ላይ የመጻፍ መብታችን የተጠበቀ ቢሆንም በየስርቻው እየተነዛ የስነ ልቦና ጭንቀት እየለቀቀ ያለው ያልተጨበጠና ያልተረጋገጠ መረጃ ከማሰራጨት መቆጠብ ይኖርብናል ! ጠቃሚ መረጃዎች ካሉ ከላይ ይቋቋም ዘንድ ሃሳብ ላቀረብኩት ኮሚቴ በመላክ የመረጃ ክምችት ከመፍጠር ባለፈ ትክክለኛውን መረጃ ለህዝብ አንዲደርስና በጥንቃቄ እና በተረጋጋ ሁኔታ እንድንመራ ይረዳናል።
ሌላውና ዋንኛው ስራ መሰራት አለበት ብየ የማምነው ወደ ሃገር ለማሳፈር የሚደረገው መንገድ እስኪስተካከል ድረስ ማንኛውም ስደተኛ ሰልፍ ማድረግና ወደ ንብረት ሰበራ አመጽ እንዳይሸጋገር ነዋሪውን የማረጋጋት ስራ መስራቱ ግድ ይላል !

     መላ ካልተባለ አጠቃላይ ሁኔታው ጥሩ አይደለም  ፣ ልዩንትን አስወግደን በህብረት የማንሔድ ከሆነና አሁንም በተቃራኒ ጥላቻ የምንሔደው አካሔድ ፍጹም አዋጣም! ይህ አደጋም ከዜጎች አልፎ በሳውዲና በኢትዮጵያ የቆየ ግንኙነት ታሪክ ትልቁን ስህተት ወደ መስራቱ እንዳያስኬደን ስጋት አለኝ  ! ችግሩ ሳያንሰን በግፉአን ዜጎችና በዲፕሎማቶች የሰመረ ግንኙንት እጦት ከሚኮላሸው የነፍስ አድን ህብረት ክፍተት ጣጣ አንድየ ይሰውረን !

የግርጌ ማስታዎሻ :
በመላ አሜሪካና አውሮፖ ብሎም በተለያዩ አለማት የምትገኙ ኢትዮጵያውያን በሳውዲ አረቢያ ላለው ወገን ድጋፍ ስታደርጉ ማየት ለወገን ያላችሁን ፍቅር ያሳያልና ደስታየ ወሰን አጥቷል። የሳውዲ አረቢያን ባንዴራ ነገር ግን አደራ ! ይህ በአረንጓዴ መደብ ላይ በነጭ ቀለም የቁርአን ቃል የሰፈረበት ባንዴራ በመሆኑ በክብር ልንይዘው ይገባል! በስህተት አለያም በጥላቻ ስሜት ተገፋፍተን ለማቃጠልና ለመቅደድ ብንሞክር መላ የአለምን ሙስሊም አስከፍቶ ወገኖቻችን ወደ ሃገራቸው እንዳይሄዱ ከሚፈጥረው ጫና በተጨማሪ በዜጎቻችን መብት ይከበርልን ጥያቄ ዙሪያ ልናጣ የምንቸለው ድጋፍ ማስተዋል ግድ ይለናል!  ይህን አልፈን ከሔድን ተጠቃሚ ካለመሆናችን በተጨማሪ ጸብ ቅያሞታችን ከሳውዲ ጋር ብቻ ሳይሆን ከመላ የሙሰሊም እምነት ተከታዮች ጋር ስለሚሆን ጥንቃቄ ያስፈልጋል! በፍጹም ጨዋነት የሚካሔደው ሰላማዊ ሰልፍ ለማየት ጓጉቻለሁ!

ከምንም በላይ ደግሞ ከመጣብንን መከራ አንድ አምላክ ይጠብቀን!

ነቢዩ ሲራክ

ይሄይስ አእምሮ

“አንበሣን ፍርቼ ዛፍ ላይ ብወጣ ነብር ጠበቀኝ፡፡”
እትብቱ በተቀበረበት የገዛ ሀገሩ መኖር ያቃተው ከርታታ ወገናችን የወያኔን ጭቆናና የኢኮኖሚ መድሎ ሸሽቶ ወደዐረቡ ዓለም ቢሰደድ የባሰ መከራና ጭፍጨፋ እየደረሰበት መሆኑን በሚዲያዎች እየሰማን ነው፤ እሰኪያልፍ ያለፋል፡፡ በዚህ በሰሞኑ ውርጅብኝ ሕይወታቸውን ያጡ ዜጎቻችንን ነፍስ ፈጣሪ በጽድቁ ቦታ ያኑርልን፡፡ ሀዘኑ እንደወገንና እንደሀገር ውርደት የወልም የግልም ነውና ለመላው ተቆርቋሪ ኢትዮጵያውያንና በተለይም ለሟቾች ቤተሰቦች እግዚአብሔር መጽናኛውን ይላክልን፡፡ ዕዳችሁ ይለቅ ብሎም ከአሁን በኋላ  ከተመሳሳይ ክፉ ዕጣ እንዲሠውረን ቅዱስ ፈቃዱ ይሁንልን፡፡ ይህን ሽል መንጣሪ የሽፍቶች መንግሥትም ዕድሜውን እንዲያሣጥርልን በየምንከተለው የእምነት ፈለግ ለፈጣሪያችን እንጸልይ፡፡ ከልብ ማዘንና መጸለይ የብዙ ችግሮች መፍቻ ቁልፍ ነው፡፡

“በራበህ ጊዜ የምታገኘው ምግብ ከምግቦች ሁሉ የበለጠ ጣፋጭ ነው!”

ከአትሌቲክስ ውጪ ሀገራችን በዓለም የክብር መድረክ የምትታወቅበት ዘመነኛ ክንዋኔ እምብዝም የለም፡፡ በጦርነት፣ በርሀብ፣ በግፈኛ አገዛዝ፣ በግድያና እሥራት፣ በደናቁርት መሪዎችና በሙስና … የምትታወቀው ኢትዮጵያችን በእግር ኳስ ስሟ መነሣት ከጀመረ ጥቂት ጊዜያት ተቆጠሩ፡፡ በዚህ ከድሆች አምባ ብዙም በማይስተዋል የስፖርት ዓይነት ብርቅየዎቹ ዋሊያዎች እያስመዘገቧቸው የሚገኙት አፍሪካዊና ዓለም አቀፋዊ ድሎች እሰዬው የሚያሰኙና ወያኔዎች ካስከተሉብን አጠቃላይ ውርደታችን በተቃራኒ ስማችን ጨርሶውን እንዳይጠፋ የበኩላቸውን አስተዋፅዖ የሚያደርጉ ናቸው፡፡ ዘረኝነት ላይ የተመሠረተ መድሎንና አስተዳደራዊ በደልን የመሳሰሉ በርካታ ውስጣዊ ችግሮችን ተቋቁመው ለዚህ ሀገራዊ ድል ላበቁን ዕንቁ ልጆቻችን ከፍ ያለ ምሥጋና ይድረሳቸው፡፡

ወያኔው በሃይማኖትና በዘር የቆረጣ ሥልት ገብቶ ሊበታትነውና ሊያጨራርሰው የሚዳክርበቱ ሕዝብ በተለያዩ ዜማዎችና የአንድነት መግለጫ እንቅስቃሴዎች አማካይነት በካምቦሎጆና ከዚያም ዉጪ በየሠፈሩ ቁጭቱን የሚወጣበት ይህ የእግር ኳስ ጨዋታ ይበልጥ እያበበ እንዲሄድ ያለኝን ምኞት ከመግለጽ በተጓዳኝ የፊታችን ቅዳሜ ማለትም ኅዳር 7 ቀን 2006ዓ.ም ለዓለም ዋንጫ የመጨረሻ አህጉራዊ ማጣሪያ ከናይጄሪያ ጋር ፍልሚያ የሚያደርገው ብሔራዊ ቡድናችን እንዲቀናው በተለያዩ አንገብጋቢ ምክንያቶች የተነሣ እግዚአብሔርን ማስቸገር እፈልጋለሁ፡፡ ተደጋጋሚ ድል የማይጠገብ ቢሆንም ለናይጄሪያውያን  አህጉራዊና ዓለም አቀፋዊ የጨዋታ ድል አምሮታቸውን የተወጡ በመሆናቸውና እኛ ለዚህ ዓይነቱ መድረክ እንግዳና ባይተዋር በመሆናችን፣ የኢትዮጵያ ሕዝብ አንድነትና አጠቃላይ ኅልውና በወሮበሎች የከፋፍለህ ግዛ ማኪያቬላዊ ሥልት በተለይ ባለፉት ሃያና ሠላሣ ዓመታት ክፉኛ ስለተጎዳ ይህ አጋጣሚ ከናይጄሪያ ይልቅ ለዚህ ክፉኛ የተጎሣቆለ ሕዝብ ይበልጥ ስለሚጠቅም፣ በአሉታዊ ነገሮች ከናይጄሪያ ይልቅ ኢትዮጵያ ይበልጥ ስለምትታወቅ ይህ ዕድል የሀገሪቱን ምሥል በማፍገግ አኳያ የበኩልን ሚና ስለሚጫወትና በሌሎች ተያያዥ ምክንያቶች የተነሣ  በዚህ ጨዋታ ፈጣሪ ፊቱን ወደዋሊያዎች ቢያዞር በልጆቹ መሀል አድልዖን እንደፈጸመ አልቆጥርም፡፡ እናት እንኳን ይበልጥ ለከሳውና ለተራበው ልጇ ከሳሳው ሞሰቧ ከዚያችው ካለችው ቆረስ አድርጋ ትጨምርለታለች፡፡  እናም ከዚህ ተጠየቃዊ አመክንዮ በመነሣት ፈጣሪ ለኢትዮጵያ “እንዲያዳላ” ብናስቸግረው በኃጢኣተኝነትና በይሉኝታቢስነት የምንፈረጅ አይመስለኝምና ለአንዲት አቡነ ዘበሰማያትና ለአንድ ቶባቶብቱልላህ የሶላት ዱኣ ባንጓደድ መልካም ነው እላለሁ፡፡

“ሰው በወደደው ይቆርባል”

ባለፈው ሰሞን የወያኔዎች ሦስት የድህነት አባላት በአንድ የተቃዋሚ ፓርቲ የአመራር አባል ላይ ፈጸሙት በተባለውና በሚዲያ በተገለጸው አሳዛኝ ገጠመኝ ላይ በመመርኮዝ አንድ መሠረታዊ የአቋም ለውጥ እንዳደረግሁና ግንቦት ሰባትን እንደደገፍኩ መግለጼ ይታወሳል፡፡ ያ አቋሜ እስካሁኒቷ ቅጽበት ትክክል ነው፤ ትክክል እንደሆነ እንዲቆይልኝም እየጸለይኩበት ነው፡፡ ኢትዮጵያ ውስጥ መደገፍም ሆነ መንቀፍ ወይም ድምፃዊት በዛወርቅ አስፋው በአንደኛው ቀደምት የቅንቀና ሥራዎች “መኖር አይቻልም ወይ የማንም ሣይሆኑ…” እንዳለችው ዐርፎ መቀመጥም ያስወነጅላል፤ በቃላት በትረ-ዲያብሎስም ያስጎንፋል፡፡ ይህ ዘመን አመጣሽ በሽታ ወረቱን ጠብቆ እስኪያልፍ ከመታገስ በስተቀር በጠብ ያለሽ በዳቦ ቅራኔንና አምባጓሮን እየፈበረከ ከሚወነጭፍ ሥራ-ፈት ሁሉ መወዛገብ አግባብ አይደለም፡፡ ጣልቃ መግባት ያለባት ብሂል ትዝ አለችኝ፡፡ እንደአቤቶኪቻው አባባል በቅንፍ ላስቀምጣት፡፡

(ባል ይሞታል፡፡ ጋለሞታ ሚስት ቆየት ብላ የባልን አንድ ወንድም ‹አግባኝና ባዕድ ሳይገባብን እኔና አንተው የወንድምህን ልጆች እናሳድግ› ትለዋለች፡፡ እሱ የሰውን ሃሜት በመፍራ እምቢዬው ይላታል፡፡ ደጋግማ ልታስረዳው ሞከረች – አልሆነላትም፡፡ ነባር ባህልን መጣስ አስቸጋሪ ነውና አንጎሉን ቀፍድዶ አላላውስ ስላለው በእምቢታው ይጸናል፡፡ ሴት መለኛ ናትናበምሳሌ ልታስረዳው እንዲህ አለችው፤ ‹ በል፣ ይህን በሬ ሳታርድ ቆዳውን በቁሙ ግፈፈውና ወደገበያ ወስደህ አዙረህ አምጣልኝ›፡፡ እንዳለችው አደረገ፡፡ ቆዳው የተገፈፈውን በሬ ለጥቂት የገበያ ቀናት እያመላለሰ አዞረው፡፡ ከተመልካች ገበያተኞች ያገጠመውን ግብረ-መልስም(ፊድባክ) በየጊዜው ይነግራታል፡፡ በመጀመሪያው ቀን ሁሉም ተከሩንና ገበያውን ትቶ ግር ብሎ እንደሞኝ እየተከተለ ሣይቀር በሬውን እንደተመለከተው፣ በቀጣዩ ቀን ባለፈው ያላየውና ቢያየውም ያልጠገበው ሰው እንደነገሩ እንዳየው፣ በሦስተኛው ‹ያ በሬ ዛሬም መጣ› በሚል የተወሰነ ገበያተኛ ከመቀመጫው ሳይነሳ መልከት እንዳደረገው፣ በአራተኛው የገበያ ቀን ማንም ከጉዳዩ ሳይጥፍ ቢያይም እንዳላዬ እንዳለፈው አብራርቶ ይገልጥላታል፡፡ ይሄኔ ‹አየህ፣ እኔና አንተም ብንጋባ ልክ እንደዚሁ ነው፡፡ በመጀመሪያው አካባቢ እንደወረት ቆጥረው ይንሾካሾካሉ፤ ያማሉ፤ የቡና ቁርስም ሊያደርጉን ይችላሉ፡፡ እየቆዬ ግን ከነመፈጠራችንም ይረሱናል፡፡ ስለዚህ ይህ ዕድል  ሁለታችንንም አያምልጠን› ትለዋለች፡፡ … ይስማሙ አይስማሙ የራሳቸው ጉዳይ፡፡ ለነገሩ በሰው ጉዳይ ምን አገባን? ማነው – ንዋይ ሳይሆን አይቀርም- ‹ሰው በሰው ጉዳይ ምን ኮነሰረው› ብሎ ያኔ ጥንት ሲያዜም አድምጨዋለሁ፡፡) በእውነቱ ከወሬ ባጀታችን ትንሽ ጊዜ ቀነስ አድርገን ለሥራ ብናውለው ኖሮ ይሄኔ እኛ ኢትዮጵያውያን የት በደረስን?)

ስለዚህ እኔ በአባልነት ባልመዘገብም በአሁኑ ወቅት ከፉልቶክና ከፓልቶክ የወሬ ጋጋታ ባለፈ ተግባራዊ እንቅስቃሴ ውስጥ እንደገባ በይፋ የገለጸልኝን ድርጅት እንደምደግፍ በድጋሚ መግለጽ እፈልጋለሁ፤ ቁንጅና ደግሞ እንደተመልካቹ እንጂ የኔን ቆንጆ ማንም ሊመርጥልኝ አይችልም፤ አይገባምም – ያልተለመደ ነውና፤ የዚያ ዓይነት ቂልነት ካለ ህመሙ ሳይብስ በቶሎ ሃኪምን ማማከር ይበጃል፡፡ ይህን ስል ከወሬ ቱሪናፋ በስተቀር ሌላ አማራጭ የሚሰጠኝ ኃይል በማጣቴ እንጂ ግንቦት ሰባት ምንም ችግር የሌለበትና ምሉዕ በኩልሄ የሆነ ያህል እንደቀኖና የምቀበለው እንዳልሆነ ያለማመንታት መግለጽ እፈልጋለሁ – ግና ልጅን ሲወዱ ደግሞ ከነልሃጩና ከነንፍጡ መሆኑን ቢያንስ ለራሴ መረዳት እፈልጋለሁ – ሲያድግ ጠቅላይ ሚኒስትርና የጦር ሜዳ ፊልድ ማርሻል እሚሆነው እኮ እንዲያ ተዝረክርኮ አድጎ ነው፤ ደግሞስ ለአካለ መጠን ደርሶ የተወለደ ሰው ወይ ድርጅት ማንን ታውቃላችሁ? ጂ – ሰቨን ከተሳሳተም ይሳሳት – ሳይሳሳት እንዴት ሊማር ይችላል – ንዴት ቢጤ ወረር ሊያደርገኝ ሲፈልግኝ እንደመራቀቅም ያደርገኛልና ይቅርታ፡፡ እናም የኔን ግንቦት ሰባት መደገፍ የምትቃወሙ ፕሊዝ ለቀቅ አድርጉኝና የራሳችሁን ወገብ ጠበቅ አድርጉ፡፡ ፍቅርና ድንኳን የትም ይተከላል ሲባል አልሰማችሁ እንደሆነ አሁን ልንገራችሁ፡፡ አንድ ምቹ ቦታ ላይ ተቀምጦ ማውራት ማንም አያቅተውም፡፡ ከዚህ ሁሉ የወሬ ክምር ጥቂትም ቢሆን ተግባራዊ እንቅስቃሴ ያየሁት በዚህ ድርጅት ነውና እንዲቀናው፣ ጠላቶቹንም እንደሰሞኑ ሁሉ እግሩ ሥር እንዲያውልለት አንድዬን እለምናለሁ፡፡ መነሻው ምንም ይሁን ምን በከንቱ መጎነታተሉን ትተን ይልቁናስ ተጨባጭ ነገር ለመሥራት እንሞክር፡፡ መቶ ዓመት ቢያወሩትና መቶ ዓመት እርስ በርስ ቢወጋገዙ ጊዜ እንደሆነ እንደጋሪ ቆሞ አይጠብቅምና ጠብ የሚል ነገር የለም፡፡ አድሮ ቃሪና መሆን የለውጥ ማዕበልን ለመጋፈጥ በግትርነት እንደመቆም ይቆጠራል፡፡

ሌላ አማራጭ ቢመጣና ለምሳሌ ‹ሸንጎ› የሚባለው ስብስብ ወይም ከአንድ ሺህ ምናምን ክቡራንና ንዑዳን ኢትዮጵያውያን ፖለቲካዊ ኩይሣዎች ውስጥ አንድኛው በተወሰነ ጊዜ ውስጥ ደጀንንና ጎሐ ጽዮንን በወያኔዊ አገላለጽ በመብረቃዊ የማጥቃት እርምጃ መቆጣጠሩን ቢያውጅና እኔ የምደግፈው ድርጅት እዚያው ኤርትራ በረሃ ውስጥ እንደተጎለተ ቢቆይ የመታገያየን ግምባርም በሉት ንቅናቄ ለመለወጥ አፍታ እንደማይፈጅብኝ ከአሁኑ ልገልጽላችሁ እፈልጋለሁ፡፡ ዘመኑ የለውጥ ዘመን ነው፡፡ ለውጥ ደግሞ የሕይወት ቅመም ነው ይባላል፡፡ ለውጡ አወንታዊና ከራስ ጥቅምና ፍላጎት ብቻ የተዋቀረ አይሁን እንጂ ዛሬ የኔ ግንቦት ሰባትን መደገፍና ማበረታታት በዚህ ድርጅት የቆረብኩ ያህል አስቆጥሮ ሌሎች እመርታ የሚያሳዩ የነጻነት እንቅስቃሴዎችን አልደግፍም ወይም ከዚያም በባሰ እቃወማለሁ ማለት አይደለም፡፡ ይህ ዓይነቱ ነገር የሚከሰተው ለሕዝብ ነጻነት ሣይሆን ተዘውትሮ እንደሚባለው ትናንሽ ዘውዶችን በየጭንቅላቱ ሰንቅሮ ለሥልጣን ፍቅር ሲል ቀን ከሌት በሚበዛን ዜጋ የዘቀጠ ስብዕና ውስጥ ነው፡፡ እኔ ደግሞ ሥልጣን አልወድም፤ አልፈልግምም፡፡ ይህን ብልም የሀገራችንን የውጭ ግንኙነት ፖሊሲ በሚመለከት ከኔ በላይ የሚያውቅ ዜጋ በጭራሽ ስለሌለ ሰው እስኪገኝ ድረስ ግፋ ቢል ለአንድ ሠላሳና ዐርባ ዓመታት ያህል ብቻ የውጭ ጉዳይ ሚኒስትርነቱን ቦታ ሊያውም ከፈቃዴ ውጪ በማስገደድ ጭምር ታስይዙኝ እንደሆነ እንጂ እኔ በፍጹም ሥልጣን አልሻም፡፡ ወደዚህ ዝቅተኛ የሥልጣን እርከን ራሴን ያጨሁትም የጠቅላይ ሚኒስትርነቱን ቦታ ያዝ ብላችሁ በሎቢስቶች እንዳታስቸግሩኝ ከወዲሁ በመፍራና ያን በመሸሽ ነው …፡፡ አዎ፣ ፈጣሪ ይመስገን – እንደኔ ዓይነቶች ሥፍር ቁጥር የለንም፤ ሞልተናል፡፡ ማን ነበር እያረረ የሚስቅ? ማሽላ አይደለም – ኢትዮጵያዊ እንጂ፡፡

ግንቦት ሰባትን እደግፋለሁ ስል በተለይ ከአሁን በኋላ – እስካሁንም ያደረግሁት አይመስለኝም – የኔን በዋናነት ጨምሮ የብዙዎቻችን ንቃተ ኅሊና ገና እታች እመነሻው አካባቢ የሚርመጠመጥ በመሆኑ ቅን ዜጎችን ላለማሳሳት ሲባል በነገር አማረልኝ የሆነ ያልሆነና ያልተረጋገጠ አሉቧልታ ላለመጻፍ ለራሴ ቃል እገባለሁ፡፡ “አንድ ወሬኛ ያባረረውን ሺህ ጦረኛ አይመልሰውም” እንዲሉ በተለይ የሀሰት ወሬና የጥላቻ ቡጨቃ እግር አውጥቶ እንደልቡ በሚረማመድባትና በሚርመሰመስባት ሀገራችን ተስፋ የሚጣልባቸው ታዳጊ ድርጅቶችን ከመነሻቸው በነገር ቁድራ ቀንድ ቀንዳቸውን በመነረት ዕድገታቸውን ማቀጨጭ ወይም ከናካቴው ድራሻቸውን ማጥፋት በከንቱ የምንኮፈስበት የምዕተ ዓመቱ የጀብድ ተግባራችን በመሆኑ ከዚህ ወረርሽኝ ለመጠንቀቅ ሙከራየ ከፍተኛ ይሆናል፡፡ ለሥራየቤታዊ አሽሙርና አግቦ መልስ የማልሰጥ መሆኔን ደግሞ ከወዲሁ በ‹ታላቅ ኩራት› መግለጽ እወዳለሁ፡፡

ለድረገፆች መልእክቴን ስሰድ ስለግንቦት ሰባት አንዳች አወንታዊ ነገር የምገልጽ ከሆነ “ግንቦት ሰባት አለበትና ተጠንቀቁ” የሚል ማሳሰቢያ በ‹ሰብጀክት› መጻፊያው ላይ አስቀምጣለሁ፡፡ ከየተሸጎጥንባቸው የራሳችን ዓለሞች ወጥተን እውነተኛ መግባባት ላይ እስክንደርስ አንዳችን የአንዳችንን ስሜት መጠበቁ አይከፋም – እገሌ አወጣልኝ – እገሌ ደበቀብኝ ብየ አላላዝንባችሁም፤ ለኔ ብሎ የሚያወጣ ለኔም ብሎ የሚደብቅ እንደሌለ ደግሞ አውቃለሁ፤ አወጣም ደበቀም ለተነሣለት ዓላማ ነው – ማን ምን እንደሚፈልግም ጠንቅቄ ከተረዳሁ ቆይቻለሁ – “መጽሐፍ በሽፋኑ አይፈረድም/ የሚያብለጨልጭም ሁሉ ወርቅ አይደለም”፡፡ ብዙ የሚገርሙ ትዝብቶች አሉ፡፡ አሁን አላሰኘኝም አነሳሴም ውስጥ አልተካተተም እንጂ በተነፈስኩ፡፡ ፈቃደኛ የሆኑ ድረገፆች ግን ግንቦት ሰባትን በአወንታዊነት መልኩ ሣላነሳ የምጽፋቸውን መጣጥፎች ሊያትሙ ወይም በማንኛውም መንገድ ሊያሠራጩ ይችላሉ፡፡ ሆ …ሆ…ሆ… የዛሬው እኔ ለየት አለብኝ! አሰፋ ይርጉን ነው ያስታወሰኝ፡፡ መጣጥፌን ዐዋጅ በዐዋጅ አድርጌው ዐረፍኩ እኮ! አሁን እምን ቤት ነኝና ነው “ስታትሙ – ስታሰራጩ – ቅብጥሶ ጂኒጃንካ” እያልኩ በባዶ ሜዳ እምውረገረግ? ይገርማል! “ማን ሊስምሽ …” አሉ?

“ወርቅ ላበደረ ጠጠር፡፡”/ “ጉድ ሳይሰማ መስከረም አይጠባም፡፡”

አንድ ደንቆሮ አማራ፣ የአማራን ሕዝብ ከምድረ ገጽ ለማጥፋት ከቆመ የወያኔ ማፊያ ጋር በመመሣጠር የግንቦት ሰባትን ሕዝባዊ ኃይል አመራሮች ለመግደል ተሠማርቶ ያልተሣካለ ሙከራ ማድረጉን በኢሳት ሰማሁ፡፡ የሚገርም ጉድ ነው፡፡ ለነገሩ አይገርምም፡፡ የአስቆረቱ ይሁዳ ክርስቶስን በሠላሣ አላድ ጉንጩን በመሣም ለስቅላት ሞት አሣልፎ ሰጥቶት የለም? ይህን ታሪክ ስሰማ እንደጅል እየሣቅሁም፣ እየተከዝኩም … ምን አለፋችሁ ለኔውም ባልገባኝና ባልተጨበጠኝ የተዘበራረቀ ስሜት ነው ፈዝዤ ዜና-መርዶውን የጨረስኩት – ይቅርታ ‹እንደጅል› ማለቴ ለወግ ጥረቃ ያህል እንጂ ጅል መሆን/አለመሆኔን አላረጋገጥሁም፡፡

ጎበዝ! ወንደሞችና እህቶች እንዲሁም ጓዶች! አደገኛ ዘመን ውስጥ ነው ያለነው፡፡ ማን ይታመናል ከእንግዲህ? ከአነጋገሩ እንደተረዳሁት ይህ ሰው – ራሱን በራሱ ለመግደል የሞከረ ጅላንፎ ልበለው – በቄንጠኛ የዘመኑ ቋንቋ የአማራው ብሔር አባል ይመስለኛል – እርግጥ ነው ኢትዮጵያውያንን በመልክና በቋንቋ እንዲህ ናቸው እንዲያ ናቸው ብሎ መፈረጅ እጅግ አስቸጋሪ መሆኑ ይገባኛል፡፡ ሆኖም ቢሆን ግን ይህ ሰውዬ አማራ መሆን አለበት ብዬ በበኩሌ አምኛለሁ – አሳማኝ ነገር ካገኘሁ ግን አሁንም በአንድ ሃሳብም ሆነ እምነት የመቁረብ ልምድ አላካበትኩምና ለመቀበል ዝግጁ ነኝ፡፡ በመሠረቱ ምንም ይሁን፤ ግዴለም፡፡ ያቺ ዮዲት ጉዲት ገነት ዘውዴስ ከነገሚስ ቤተሰቧ ስንትና ስንት ሚና ተጫውታብን የለም? ይች ጊንጥ – ደግሞ እሷን ብሎ አማራ! ገብረ መድኅን አርአያና ሌሎች ስንትና ስንት ትግራዮች ሕይወታቸውን በመገበር ሣይቀር ዘሩ እንዳይጠፋ የሚዋደቁለትን አማራ፣ ራሱ አማራው ተነስቶ ‹ባርነቴ ይሻለኛል› ሲል ለሰሚ ግራ ነው፡፡ ማዲንጎ አፈወርቅ ለፍቅረኛ ነበር ‹ስያሜ አጣሁላት› ብሎ የዘፈነው፤ የዚህን ጅል ሰውዬ ድርጊትስ ምን ስም እንስጠው? ወገኖች ሆይ – ጥናት በጤ ይደረግበትና ይገለጥልን – an action research is needed to be carried on such odd circumstances!

ወንድሞቼ! ለዚህ ሁሉ ያበቃን ድህነታችን ነው፡፡ ድህነት መጥፎ ነው፡፡ አፈር ያስባላል፤ ድንጋይ ያስግጣል፤ ሀገርንና ወገንን ያስክዳል፡፡ የገዛ ልጅንና ጓደኛን ሣይቀር ያስበላል – ጠኔ ሲነግሥ፡፡ በ1912ዓ.ም ይህ ዓይነቱ ሰውን በቁሙ የመብላት ነገር በሀገራችን ተከስቶ እንደነበር ይነገራል፡፡ በደምባራ ፈረስ ቃጭል ተጨምሮ ነውና በድህነት ላይ ማይምነት ተጨምሮበት የሚፈጠረውን አስቡት፡፡ እኔ አንዳርጋቸውን ግደልልንና ስምንት ልጆችህን ቻይና ልከን እናስተምርልሃለን፤ ላንተም የተደላደለ ኑሮ በፈለግኸው ሀገር እናመቻችልሃለን ቢሉኝ ዐይኔን አላሽም ነበር፤ ግን ይቺ የሀገር ፍቅር ልክፍት በጠማማው ቀን አሳውራኝ ይሄውና በከባድ የኑሮ ሸክም ውስጥ እየኖርኩ በድህነት እማቅቃለሁ፡፡ አጅሬ  – ማን ነው እቴ – ስሙም ጠፋኝ – አጅሬ ግን መግደል የሶደሬ ሽርሽር መስሎት፣ መግደልን ከጥንግ ጨዋታ ቆጥሮት የገዛ ወንድሙን – እርሱንና መላ ወገኑን ከዚህ አስከፊ አገዛዝ ነጻ በማውጣት ሌላ የተሻለ ቀን እንዲመጣ ቀና ደፋ የሚሉ ወገኖቹን ከጠላት በተላከ መሣሪያና ስንቅ ባጭር ሊቀጫቸው ዐቀደ፡፡ በዕቅዱም ለወራት ገፋበት፡፡ አሠማሪዎቹም በስልክ ቀባጠሩ፡፡ “የምትሠራው ሥራ በኢትዮጵያ ታሪክ ወደር የሌለውና ለአንተና ለቤተሰቦችህም ልዩ ጥቅም – አንተ ልትጠይቀን ከምትችለውም በላይ የሆነ እርዚቅ የሚያስገኝ…” ብለው ተመጻደቁ – በወንድሞቹ ላይ እንዲጨክን፡፡ ሰውዬውም በዚህ ሽንገላ ልቡ አበጠ፡፡ ወደዚህ ታሪካዊ ወንጀልም እንደኦስዋልድ ከነወንድሙ ዥው ብሎ ገባበት፡፡ ግን የደረሰ ደረሰበትና ከሸፈበት፡፡

ይህን ድርጊት ያከሸፉ በርግጥም ወንዶች ናቸው – እንዲሁም ሴቶች ብልም ችግር የለውም – ሴቶች እንዳይቀየሙኝ ነው ታዲያ እንጂ ለሌላ እንዳይመስልብኝ – ዘመኑ እኮ ነገረኛ እንደአሸን የሚፈለፈልበት ሆኗል እናንተዬ፤ ቀናነት ጠፋች፤ ሸረኝነት ነግሣ ባገር ምድሩ ተሞላቀቀችብን፡፡ እናም በርግጥም ይህን ዕኩይ ድርጊት ያከሸፉ ከሁሉም አቅጣጫ የሚገኙ ወገኖች የተባረኩ ናቸው፡፡ ግን ተጀመረ እንጂ አላለቀም፡፡ ጥሩ ትምህርት ይሰጣልና በራበሮችን፣ ስልካስልኮችን፣ ኢሜላኢሜሎችን መቆጣጠር አይከፋም፡፡ ሲአይኤና ሞሳድ እንቅልፍ አጥተው የሚያድሩት ለካንስ ወደው አይደለምና? ውይ… ውይ .. ውይ … ሰው ግን እንዴት ክፉ ነው?

ማይምነትና ድህነት እየተዛነቁ እንዴቱን ያህል ጢባጢቤ እየተጫወቱብን እንደሆነ ገባችሁ አይደል? አዎ፣ የአጉራሽህን እጅ ቆርጠህ ለመነሳት አንድም አላዋቂ ደንቆሮ መሆን አለብህ፣ አንድም ከኅሊና ቁጥጥር በወጣ የርሀብና ድህነት ማነቆ ተወጥረሃል ማለት ነው፡፡ እንዲያ ካልሆነ በዚህ ዘመን ለዚያውም አንድ አማራ ከመሬትም ይሁን ከሰማይ ተነስቶ ኢትዮጵያን ከመዥገሮችና ከሲዖል ትላትሎች ነጻ ለማውጣት ጥረት ሲያደርግ ቢቻል መደገፍ ያ ባይሆን ከጠላት ጋር ባለመተባበር ዐርፎ መቀመጥ ሲገባ የገዛ አንገትን ቆርጦ ለመጣል እስከዚህ ርቀት መጓዝ በውነቱ እንደሀገርም ሆነ እንደሰብኣዊ ፍጡርነትም እጅጉን ያስጨንቃል፡፡ ስንቱንስ ተጠንቅቀህ ትዘልቃለህ? “አደጋ አለው!” አለች ወይዘሮ አዘሉ! እኔም አሁን “አማራ ቀለጠ!” ልበላ በዘሩ ቀለጠ ምትክ፡፡ (በማይሞት ቃላቸው ፕሮ. አሥራትን እናስባቸው፡፡ ‹አማራ መሣሪያውን መቼ እንደሚጠቀምበት አሣምሮ ያውቃል› ከሚለው ጠንቀኛ ንግግራው በተጓዳኝ ‹አንዳንድ ሆዳም አማራ …› ብለውም አልነበር?)

በወያኔዎች አልፈርድም፡፡ ማድረግ የሚገባቸውን ነው እያደረጉ ያሉት፡፡ ሰርቀህ እያለብካት የምትገኘውን ጥገት ላም ባለቤቶቹ ነቅተውብህ ሊወስዱብህ መምጣታቸውን ስትሰማ በተቻለህ መጠን መንገዶቹን ሁሉ መዝጋት አለብህ፡፡ ቀድሞውን ስትሰርቃት ለመግሥተ ሰማይ መግቢያ የጽድቅ በር ቁልፍ እንድትሆንህ ሳይሆን አንጎልህን ቦርጭህ ውስጥ ወሽቀህ በስባሹን ሥጋህን ለማወፈርና ተንደላቀህ ለመኖር ፈልገህ ነው፡፡ ስለዚህ መጠንቀቅ ነው እንጂ በወያኔ ከይሲ ተግባር አቅልን ስቶ መናደድ አይገባም፡፡ እነሱን መሰሎች ሁሉ በየዘመናቱ የሚያደርጉት  የእስትንፋስ መግዢያ ዘዴ ነው፡፡

በተመሣሣይ ሁኔታ በሰውዬውም አልፈርድም፡፡ ከፍ ሲል እንደገለጽኩት ምንም እንኳን የነአንዳርጋቸው ጽጌ በዚያ ቦታ የመገኘት ምሥጢር የዚህ ሰውዬ ችግር አንዱና ትልቁ መሆኑ ለማንም የተሠወረ ባይሆንም ሰውዬው በማይምነቱና ባልተገራ የሀብት ጉጉቱ እንዲሁም አሁን ለይቼ ላውቀው ባልቻልኩለት የተመሰቃቀለ ሥነ ሕይወታዊና ሥነ ልቦናዊ ተፈጥሮው የተነሣ የገዛ ወንድምና እህቶቹን ሊገድል ተነስቷል፡፡ ነገሩ እሱ ብቻና በዚያ ብቻም የሚያቆም አይደለም፡፡ ሰውዬው ያነገበው ዓላማ ከሰዎቹ ሞት በፊት ያለው ወያኔ የሰጠው የሀብት ተስፋ ከግዳይ ጥሎሹ በኋላ አብቦ ማየት እንጂ ከሰዎቹ ሞት ቀጥሎ የሚከሰተው የነጻነታችን ጅማሮ የፈነጠቀልን ተስፋ መጠውለግ አልታሰበውም፤ እንዳየሁት ይህ ዓይነቱ ረቀቅ ያለ ነገር ሊታየውም የሚችል አይመስልም – ፍጹም ማይምና  ተፈጥሮ በዘገምተኝነት ልምጭ የገረፈችው ምሥኪን ዜጋ ነው፡፡ ወያኔዎች ደግሞ ብልጦች ናቸው፡፡ የትሮይን ፈረስ የሚገፉላቸውንና በውስጡም መሽገው ተልእኳቸውን የሚፈጽሙላቸውን ዜጎች እንዴትና በምን መሥፈርት እንደሚመርጡ ጠንቅቄ አውቃለሁ – እናንተም ታውቃላችሁ፡፡ የወንጀለኝነት ባሕርይና የወንጀል ሪከርድ ያለባቸውን፣ እንደክፍሌ ወዳጆ ከደረታቸው በታች በተለጣጭነቱ ወደር የማይገኝለት ላስቲክ ያንጠለጠሉ ሆዳሞችን፣ እንደዮዲት ጉዲት (ገነት ዘውዴ) በቂም በቀልና በሥልጣን አራራ ልዩ በሆነ ሥነ ልቦናዊ ዋግ የተመቱ እርጉማንን፣ ለገንዘብና ለሥልጣን ሲሉ ልክ እንደዙሉዎች ንጉሥ (ሻካ ዘ ዙሉ) የገዛ ቤተሰቦቻቸውን ሣይቀር ለሰይጣናዊ የደም ግብር የሚያቀርቡ ራስ ወዳዶችን፣ … መርጠው ዓላማቸውን እንዴት ማራመድ እንደሚችሉ ወያኔዎች ከዱሮው ተክነውበታል፤ የዕድሜያቸው ማራዘሚያ ዓይነተኛ መፍትሔ ሥራያቸው ይህች ነች – ከውጪ ጠላቶቻችን ሤራ ቀጥሎ ነው ታዲያ፡፡ የትግላችን ፈርጀ ብዙነት እንግዲህ ይህን ይመስላል፡፡ ቀኝ እጅህ ሲታገል – ግራ እጅህ ሊቆርጣት ያሤራል፡፡ አንዳንዴ ምሥጢርህን ከማን ጋር እንደምትጋራም ስታስበው ይጨንቅሃል፡፡ ዕዳ እኮ ነው፡፡

እንደመፍትሔ፡- በበኩሌ ክፉን በክፉ መቃወምን እጠላለሁ፡፡ በዚህ “የተምታታ” አቋሜ ግንቦት ሰባትን ለምን እንደምደግፍ ሰዎች ግር ሊሰኙ ይችላሉ፡፡ ይሁንና አምርሮ የመጣን ጠላትና ለኅልውናህ መጥፋት አጥብቆ የሚታገልን ፀላኤ ሠናይ ሲቻል በጠበል ካልሆነም በጥብጣብ ለመከላከልና ለማስወገድም መጣር አግባብ ነው ብዬ አምናለሁ፡፡ በዲያብሎስ ዘመነ መንግሥት ሥር ተቀምጦ ክርስቶሳዊ በመሆን ዝንተ ዓለም በሠይፍ መቀላት ሞኝነት ነው፡፡ አሁን ክርስቶስ ቢመጣ እንደጥንቱ በየዋህነት ይሰቀላል የሚል እምነት የለኝም፡፡ ያ ሌላ ነገር ነውና እንተወው፡፡ ግን እንደመፍትሔ ይሆናል የምለው አንደኛ ዜጎችን በትክክለኛው መንገድ ስለሀገርና ሕዝብ ምንነት እናስተምር፡፡ አሁን እኮ ሀገር ምን እንደሆነ፣ ጭቆና ምን ማለት እንደሆነ፣ ባንዴራ ምን እንደሆነ፣ የሀር ፍቅር ስሜት ምን ማለት እንደሆነ … በጣም ግራ በሚያጋባ ሁኔታ ብዙው ዜጋ ወዳለማወቅ ውዥንብር ውስጥ እየገባ ነው፡፡ በተለይ ወጣቱ በሚያየውና በሚደርስበት ነገር ተስፋ በመቁረጥ ራሱን ወደሚደብቅበት ልዩ ልዩ ሱስና ወሲብ ውስጥ በመዘፈቅ ሀገሩን እየረሳ ነው፡፡ ጥቂቶች ናቸው ስለሀገር የሚጨነቁ፡፡ የወያኔን ዕድሜ  – የአህያን ምን ያድረገው ነበር እሚባለው ፣ ጠፋኝ – የወያኔን ዕድሜ ያሣጥረውና በሀገራችን የወረደው መዓት እንኳንስ ሀገርን ራስንም ያስረሳል፡፡ እናም ማስተማር፣ ማንቃት፣ ሚዲያዎችን በመጠቀም ፍቅርንና መተዛዘንን – አብሮነትንና መግባባትን ማስረጽ ይገባል፡፡ በየድረገጹና በየጸሑፉ የሚደረገው ዱላቀረሽ እንካስላትያና የመጠላለፍ አባዜ ጋብ ብሎ እየጠፋ ያለውን ትውልድ ለመታደግ ጥረት መደረግ አለበት፡፡ የማይምነታችንና የድህነታችን ደረጃ ደግሞ ወሰን የሌለው መሆኑን ለዘመናዊ የመገናኛ አውታር ያለን ቀረቤታ ራሱ አመላካች ነው፡፡ ኢንተርኔቱ ይቅርና ጋዜጣና መጽሔት የሚያገኘውና ሊያነብም የሚችለው ዜጋ ቁጥር እጅግ ጥቂት ነው፡፡ የዜብራ ማቋረጫ ላይ በኩራት ቆሞ በመሳሳምና በማውራት ቤተሰባዊ ናፍቆቱን የሚወጣ ማኅበረሰብ እኮ ነው ያለን፤ የቀጠሮው ሰዓት አልፎበት ከቤቱ እየሮጠ ከወጣና ባቡር መንገድ ከደረሰ በኋላ ‹ፈርቶ መንገዱን በፍጥነት ተሻገረ› እንዳይባል አውራ ጎዳናውን እየተጀነነ የሚሻገረው ዜጋ ቁጥር እኮ ቀላል እንዳይመስላችሁ – እውነቴን ነው፤ የወቅቱን ባለሥልጣናት ያስደሰተና አንዳንድ ጥቅማቅሞችን የሚያስገኝለት መስሎት ጆሮውን ቢቆርጡት የማያውቀውን ቋንቋ “ቧይ…!” እያለ የሚጃጃል፣ የስልክ መጥሪያውን በማይወደው ሙዚቃ ሣይቀር የሚያስተካክል (በቅርብ የማውቃቸው ‹ኬዞች› ስላሉ እንጂ ለሌላ ነገር አይደለም) አድርባይ ዜጋ የበዛባት ሀገር እኮ እየተፈጠረች ናት፤ … ንግግራችን እቅጭ እቅጯን – እውነት እውነቷን ነው፡፡ ምኑ ሲቀርብን? ሞትን  እንደሆነ በቁማችን ተለማምደናታል – ባይሆን የሥጋና ነፍስ መለያያ ስቃይዋ ታስጨንቃለች እንጂ ዘጠኝ ቀርቶ ዘጠና ሞት ቢመጣ ብዙዎቻችን ከመላመዳችን የተነሣ መናፈቅም ጀምረናል፡፡ በዚህ ሁኔታ በ”እኔ ከሞትኩ ሰርዶ አይብቀል”ና ”ዛሬ ከምሞት ነገ ልሙት” የአህያና የሆዳም ሰው ተረት እየተመራ የገዛ ወዳጁን ለሞትና ለእንግልት የሚዳርግ ምሥኪን ዜጋ ቢኖር ብዙም አይፈረድበትም፡፡ ልንፈርድ የሚገባን በተሰነካከለው ማኅበረሰብኣዊ የኢኮኖሚና የፖለቲካ መዋቅራችን ነው፡፡

እናም በዐላዋቂዎች በሚደርስብን ጥቃትና የጥቃት ሙከራ ብዙም ሳንሸበርና ሳንደናገጥ ሥልቶችን በመቀያየር ትግላችንን ከግብ ማድረስ ነው፡፡ ለምሳሌ ያን ቂል ሰውዬ በምንም መንገድ ለመጉዳትና ለመበቀል አለማሰብ ተገቢ ነው፡፡ በምንም መንገድ ዝምቡን እሽ ማለት እንኳን አይገባም፡፡ አክብሮ፣ በቅጡ አስተናግዶ፣ ሥነ ልቦናዊ ችግሩን በሳይኪያትሪስት አሳክሞ ቢቻል ሳይኮአናሊስስ ተደርጎለት ሲያበቃ የህመሙ መነሾ ታውቆለት አእምሮው ወደትክክለኛ ሥፍራው መመለሱን ካረጋገጡ በኋላ እንደምርጫው አንድም የበደለውን ሕዝብ መካስ እንዲችል ሕዝባዊ ትግሉን እንዲቀላቀል መርዳት፣ አለዚያም ወደሚመርጠው አንዱ ሀገር በሰላም ሄዶ የስደት ሕይወቱን ‹እንዲዝናናበት› ማድረግ ነው፡፡ በቃ፡፡ ከርሱ ጋር “ማን ላከህ? ለምን ላከህ? ዓላማህ ምን ነበር? …” እያሉ መነዛነዝ አይገባም፡፡  ሕይወት ወደፊት ናት፡፡ ለመነታረክ ቀርቶ ለመፈቃቀርም በጣም ቅጽበታዊ ናት፡፡ ቢበቃኝስ ጃል! ምን እንዲያው … ሆሆሆ … ግን ግን አማራውን ለዚህ ግድያ ይጩት? ደፋሮች ናቸው! ዱሮ ‹ሴትን በሴት› ‹መጠጥ የገደለውን መጠጥ ያነሳዋል› ‹እሾህን በእሾህ› ይባል ነበር፡፡ እነወያኔ ደግሞ ለነጻነት የሚታገልን ዜጋ ነጻነት በሚያስፈልገውና በባርነት ቀምበር ሥር በሚማቅቅ ዜጋ ለማስገደል ተነሱ፡፡  ወይ የታሪክ ምፀት!!

ማን ይሆን ይህችን ይህችን ግሩም ጥቅስ የተናገረ? “If you want peace, prepare f

ሪያድ ኢብራሂም/ከኖርዌይ

ዛሬ ማምሻውን ወያኔ እንደለመደው ያው “ሰልፉ ሌላ አላማ ነበረው!!” ብሎ ይወነጅላል በሽመልስ ከማል አንደበት:: ፖሊስ አሁንም ህዝቡን በማስፈራራት ላይ ነው ::ወሎ ሰፈር በሚገኘው ሳኡድኣረቢያ ኤምባሲ የተቃውሞ ድምጾች ለማሰማት የወጡ ዜጎች በፖሊስ ተደብድበዋል:: በርካቶች ታስረዋል:: ሰልፉም በፖሊስ ቆመጥ እና አላስፈላጊ እርምጃ ተበትኗል::

ከሰሞኑ የሳዑዲ  አረቢያ መንግስት ያለመኖሪያ ፈቃድ የሚኖሩ የማንኛውም ሀገር ዜጎች ወደ ሃገራቸው በሃይል የመመለስ ስራ ተጠምዶዋል ። በመሆኑም ይህ ጉዳይ የአብዛኛውን ኢትዮጵያዊ ቤት በር የሚቆረቁር ዜና ሆኗል ። ወገኖቻችን እያዩት ያለውንም ፍዳ በአጫጭር ቪዲዮ ምስል ተቀርጸው በየማህበራዊ ድረገጾች የተለቀቁትን ተመልክተናል ። የምናየው ትእይንት አክሽን አሊያም ሆረር ፊልም አይደለም:: የወገኖቻችን የዕለት ተዕለት ትክክለኛ ስቃይ ነው ። ይህንንም ስቃይ ሁሉም ኢትዮጵያዊ እንደራሱ ስቃይ ሊሰማው፥ ሊቆረቆረው ና ሊያንገበግበንው ይገባል::ይህ ሁሉ ስቃይ፣ መከራ፣ ውርደት መቼም ቢሆን ደርሶም ፥ታይቶም አይታወቅም::  ከሁሉ በላይ የሚያስጨንቀው  ስቃይና መከራ ለደረሰው  ወገን እኔ አለሁ የሚል የመንግስት አካል ውይም ድርጅት አለመኖሩ ነው። አሁንም ቢሆን የወያኔ የጭቆና አገዛዝ መቋጫ እስካልተገኘለት ድረስ ይህ የወንድሞቻችን እና እህቶቻችን የስደት ስቃይ ያበቃል ብሎ መገመትም ሆና ማሰብ አይቻልም። ስደት በሀገራችንም ከተጀመረ ትንሽ ቆየት ያለ ቢሆንም ግን ያሁኑ በወያኔ አገዛዝ ግን ከሁሉም በላይ መሰደድ ጣራ ላይ ደርሶዋል::  ወያኔ መንግስት መስሎ ሃገራችን ለማጥፋት፣ህዝባችንም ለማሳሰድ ሆን ብሎ አስቦበት እየሰራ፣ታሪክ ያለንን ፥ታሪክ አልባ ያደረገ፥የተከበርንን ያረከሰ፥ያልተሰደድንን ያሳደደ፥ለውጭ ሃገር ያልተገዛንን፥ እኛን መስሎ ወሮን የሚገዛ፥ አረመኔ የሃገር ጠላት የሆነ መንግስት ነው::

ግን እስኪ ቆም ብለንእኛ እናስብ  ምክንያቱ ምን ይሆን ? ኢትዮጵያ ባላት አንጡራ ሃብት ከአጎራባች ሃገሮችዋ አንሳ ነው? አረ በፍጹም ! እኛ እኮ የቡና ፣ የወርቅ  እንዲሁም  የተለያዩ አዝርእቶች ያሉባት ሀገር ባለቤቶች ነን ። ህዘቦችዋ ከመጠን  በላይ ሆነው እራሳቸውን በሃገራቸው ማኖር አቅቶአችው?  አረ በፍጹም ! ኢትዮጵያ እኮ ከአፍሪካ  በቆዳ  ስፋቷ 10ኛ ደረጃ ላይ የምትገኝ ሀገር ናት ይህም ማለት ከኛ በቆዳ ስፋት እጅጉን ያነሱ ሌሎች የአፍሪካ ሀገራት የኛን ያህል አይሰደዱም ።

በአንደኛ  ደረጃ  የሚያሰድደን  ፦ የመልካም አስተዳደር እጦት ፣የሃገር ፍቅር ስሜትን በግድ መነጠቅ ፣ዜጋው በሀገሩ ላይ በፍርሃት እና በስጋት መኖሩ፣ በሃገሩ ላይ አንደሁለተኛ ዜጋ መታየቱ ፣ በሰው ሰራሽ የኢኮኖሚ ድቀት ምክንያት ህዝቡ እራሱን በአግባቡ ማሰተዳደር ባለመቻሉ ፣ ዜጎች ለዘመናት ከኖሩበት ቀዬኣቸው በሀይል በመፈናቀላቸው፣ የእምነት ነጻነትን ማጣት እነዚህ ከዚህም አልፎ ወያኔ ሃገራችንን እያፈረሰ ሰለሚገኝ እና ለሃገረም ሆነ ለህዝብ የሚያስብ መንግስት ባለ መኖሩ ከዋናዎቹ በጥቂቱ ናቸው

ዛሬ ማምሻውን ወያኔ እንደለመደው ያው “ሰልፉ ሌላ አላማ ነበረው!!” ብሎ ይወነጅላል በሽመልስ ከማል አንደበት:: ፖሊስ አሁንም ህዝቡን በማስፈራራት ላይ ነው ::ወሎ ሰፈር በሚገኘው ሳኡድኣረቢያ ኤምባሲ የተቃውሞ ድምጾች ለማሰማት የወጡ ዜጎች በፖሊስ ተደብድበዋል:: በርካቶች ታስረዋል:: ሰልፉም በፖሊስ ቆመጥ እና አላስፈላጊ እርምጃ ተበትኗል::

በሁለተኛ ደረጃ ደግሞ ፦ የወያኔ ስርዓቱ በህዝቡ ላይ የሚያደርሰውን ደባ በጥንቃቄ በመከታተል የሀገሬ ጉዳይ ያገባኛል ብለው ለሀገር እና ለህዝብ የሚታገሉ ኢትዮጵያውያ ጋዜጠኞች፣ የተቃዋሚ የፖለቲካ ፓርቲ አመራሮች ና አባላት፣  ታዋቂ ና ሃገራዊ ስሜት ያላቸው ገለሰቦች ብሎም የሃይማኖት መሪዎች ና አባላት በሙሉ እስር፣ እንግልት፣ ድብደባ እና ሃገራቸውን ትተው እንዲወጡ እያደረገ፣ ህዝባችንን ሃገር አልባ እየሆነ ይገኛል::
ወያኔ ና የወያኔ አጃቢ ኣካላት የተለያየ ድርጅታዊ ፖሊሲ ይኑራቸው እንጂ ሃገርን ለማፍረስ ና የራሳቸውን ጥቅም  ብቻ ከማስከበር ውጭ ሌላ ምንም የህዝብ ና የሃገር ፍቅር የሌላቸውም ግዑዛን የማያስቡ ከእንስሳት ምንም የማይለዩ የሃገር ና የህዝብ ሸክም ሰለሆኑ በእነዚህ ግዑዛን አካላት ላይ አስተያት መስጠት በራሱ ለማይናገር ና ለማያስብ እንስሳ እንደ ሰው ቆጥሮ እውቅና መስጥት በመሆኑ ግዑዙን አካል ፈንቅሎ መጣል እንዳለብ ምንም ጥርጥር የለለው መንገድ ነው::

ስለዚህ የውያኔን መንግስት መጣል አለብን ብሎ ከመታግል ሌላ አማራጭ የለም :: መሰደድ መፍትሄ አደለም:: ተሰደንም ባደባባይ ለአዓለም ህዝብ መዋረዳችን እየታየ  ይገኛል:: ከዚህ በላይ ሌላ የምንሰደድበት ቦታ፣ ሃገር ፣ጊዜ ና ሰዓት የለንም:: አሁን ለሁሉም ግልጽ መሆን ያለበት ነገር ቢኖር እንደ ሚከተለው ይሆናል::

• Ø ወያኔን ማስወገድ አለብኝ ብሎ እያንዳንዱ ግለሰብም ሆና ድርጅት ማሰብ መጀመር ብሎም ከሃገር ውስጥም ፣ ውጭም ያለ ማነኛውም ዜጋ ወደ ማስወገድ ተግባራዊ ስራ መግባት አለብን::
• ሁሉ ተቃዋሚ ፓርቲ እርስ በርስ ከመቃወም ወያኔን ማሰወገድ እና ሃገራችንን ከማጥ ወጥመድ ውስጥ ማዳን ፣ እንደ ሃገር እንድትቀጥል ማደረግ  መቻል::
• ወያኔን ለማስወገድ በጦር መሳርያ የሚፋለሙ  ድርጅቶችን ማበረታታት ከማነኛውም ዜጋ ብሎም በወያኔ ስር ላሉ የጉዑዙ አካል የድጋፍ ድርጅቶችም  ከወያኔ ጋር ሃገርን ለማጥፋት ከመስራት ሃገርን ወደ ማዳን መሸጋገር አለባቸው::
• Ø ማነኛውም የሜድያ አወታር ለህዝብ ና ለሃገር፥ ኢትዮጵያኖች መከራ ፣ስቃይ ና ሞት ሲደርስባቸው ካልሆነ ለ 22 አመታት ለ85 ሚልዮን ህዝብ ውሸት ከማውራትን ማቆም ፥ከህዝብ ጎን መቆም ሜድያ ለወያኔ ሳይሆን ለ85 ሚልዮን መሆን አለበት::
• ከመሰደድ ና ከመሞት እንድሰደድ እና እንድሞት፥ እንድስቃይ፥ ለአለም ውርድት ከመሆን ወያኔን ታግሎ መጣል፥ ያሃገርን ክብር ማስከበር አለብኝ የሚል ወጣት ና ዜጋ መፈጠር፥ መወለድ አለበት::

እስካሁን በወገኖቻችን ላይ የሚደርሰው የስደት እንግልት የእለት ተእለት ዜና ከሆነ ሰነባብቶኣል ከየዜና አውታሮች እንደምንሰማው ገሚሱ በበረሃ እንደቅጠል ሲረግፍ፣ገሚሱ ባህር ሲውጠው፣ ገሚሱ የሰውነት ክፍሉን በየበረሃው ሲነጠቅ፣ ገሚሱ በየአረብ ሀገሩ የአሰሪዎቻቸው ተጠቂ ሲሆኑ እያየነው ያለ እውነት ነው። መንግስትን በአንድ በቤተሰብ ብንመስለው  ፦አንድ ቤተሰብ ልጆቹን የሚበትነው የቤተሰቡ ሃላፊዎች ቤተሰቡን በአግባቡ ማስተዳደር ሲያቅታቸው ነው ።ስለሆነም ትልቁ በሀገራችንም ችግር የአስተዳዳሪ ማጣት ነው ። ስለዚህም የሚበጀንን አስተዳዳሪ ማበጀት እያንዳንዱ ዜጋ ሃላፊነት ነው ።ሃገሪቱዋ የሁላችንም እንደመሆኑዋ መጠን ሁሉም ዜጋ የራሱን ሃላፊነት መወጣት እንዳለበት ግልጽ ነው ። አንዱ ነጻ አውጭ  ሌላው ነጻ ወጭ  መሆኑ የትም የማያደርስ የትግል ስልት ነው ። ምክንያቱም የያዝነው ትግል የሁላችንም የጋራ ርብርብ ይፈልጋል ። ካልሆነ ግን ሁሌም የግፍ ቀንበር እንደተሸከምን ለቀጣዩ ትውልድ ስርዓቱን ማስረከባችን አይቀሬ ነው።

የሃገርን ና የህዝባችንን መከራ መጋራት፥ ሃገር እና ህዝብን ማዳን የሁሉም ዜጋ የግዲታ ውዴታ ነው!!!

በአበራ ሽፈራው /ጀርመን/

ዛሬ ማምሻውን ወያኔ እንደለመደው ያው “ሰልፉ ሌላ አላማ ነበረው!!” ብሎ ይወነጅላል በሽመልስ ከማል አንደበት:: ፖሊስ አሁንም ህዝቡን በማስፈራራት ላይ ነው ::ወሎ ሰፈር በሚገኘው ሳኡድኣረቢያ ኤምባሲ የተቃውሞ ድምጾች ለማሰማት የወጡ ዜጎች በፖሊስ ተደብድበዋል:: በርካቶች ታስረዋል:: ሰልፉም በፖሊስ ቆመጥ እና አላስፈላጊ እርምጃ ተበትኗል::

የሰው ልጅ ከተወለደበት አገር እንኳን ለመሰደድ ለአንድ ቀንም ለመሄድ አይፈልግም፡፡ በተለይም የተፈጥሮ ህግጋት ፣የኑሮ ቦታ ለውጥ ፣ለንግድ፣ለጉብኝት፣ እራሱን ለማዝናናት፣ለትምህርት፣ ቤተሠቡንና ጓደኛን ለመጠየቅ ወይም በአስገዳጅ ሁኒታ ካልሆነ በስተቀር ከሀገሩ ተለይቶ ለመኖር እንደማይፈልግ የአብዛኛው የሰው ልጅ ባህሪ መሆኑ ይታወቃል፡፡ አለመታደል ሆነና በሀገራችንና በህዝቧ ላይ በተለይም በዚህ ትውልድ ላይ ትልቅ የመከራ ተራራ ወድቆበታል፡ ፡ዛሬ በህወሓት/ኢህአዴግ መንግስት የፖለቲካና የማህበራዊ ኑሮ ምስቅልቅልነት የተነሳ በሀገራችን በህዝብ ላይ ከሚደርሰው መከራ አልፎ በስደት ምክንያት ያለው መከራ ፣በየበረሐው የሚደርሰው ሞት፣ የአካል መጉደልና እንግልት በየሀገራቱ እስር ቤቶች የሚደርሰው ሰቆቃ እንዲህ ቀላል አይደለም፡፡

ዛሬ ብዙዎቻችን ኢትዮጵያውያን በአረቡ አለም በተለይም በሳውዲ አረብያ እየደረሰብን ያለውን መከራ ስናይ የአገራችንና የህዝባችን ጉዳይ እጅግ ወደመረረና ወደለየለት ሁኔታ መድረሱን ፤ ከህዝባችን ለቅሶና ዋይታ እንዲሁም የመንግስታችንን ዝምታና ግዴለሽነት ስንመለከት ምን ያህል ኑሮአችንና ህይወታችን ጭምር ለአደጋ መጋለጡን እናያለን ።

ዓለም በደረሰችበት የዕድገት ደረጃ አንጻር ሲለካ ዛሬ በኢትዮጵያዊያን ላይ የተፈጠረው ውርደት፣ስደት፣ የእህቶቻችን መደፈር፣ እስራት፣ አንገታችን በስለት መቀላት ፣ ንብረትና ሃብት መነጥቀ ፣ እንደ እንስሣ መታየታችን ያሳዝናልም፣ ያስቆጫልም ፤ በውጭ ሃገራትም እንዲሁ በአገር ቤትም እንዲሁ እስከመቼ ይቀጥላል? እኛስ እስከመቼ ድረስ ውጊያችን በሰላማዊ ሰልፍ ብቻ ይሆናል? እስከመቼ የሃይል ሚዛንን መፈጠርን ሳንችል፣ አስገዳጅ ሁኔታን መፍጠር እያቃተን እንጠቃለን ? በሃገር ቤት ጥቃት! በውጭ አገር ጥቃት!

እንደኔ ግን ይህ ትውልድ የለውጥ ራዕይ ይዞ እነዚህን የህዝብና የሀገርን ጠላቶች ከህዝቡና ከሀገሪቱ ላይ ለማንሳት በፍጥነት ወደ ትግል መግባት ካልቻለና የራሱንና የአገሪቷን አቅጣጫ ለመቀየር ካልተነሳ ከዚህ በባሰ ሁኔታ ኢትዮጵያዊነት ውርደት እየሆነ እየቀጠለ መሆኑን አሁን ያለንበት ተጨባጭ ሁኔታ ያሳየናል ። አሁን ያለንበት እውነታ የአገራችንና የህዝቦቻችን ሁኔታና የኑሮ ሰቆቃ ከማሳየቱም በላይ ዛሬ ጨክነው ያስጨከኑብን ላይ ልንጨክን መነሳት ያለብን ጊዜ አሁን መሆኑን  ከሁኔታው መረዳት ይኖርብናል።

የእኛዎቹ ዘረኞች ህወሃቶች ለ22 ዓመታት በለየለጥ ስቃይ መርተውናል።  አገሪቷን በብቃት ለመምራት የሚችሉ ሳይሆኑ የራሳቸውን ስውርና ቡድናዊ ጥቅም በሚያስጠብቁ ጥቂት ዘረኞች ጭካኔ ተሰደናል፣ ተንገላተናል፣ ተዋረደናል። የሆነው ሆኖ ግን የተሰደደው ህዝብ በሚልከው ገንዘብና ገቢ የራሳቸውን ሃብትና ምንዛሬ እየአጋበሱ የሚኖሩት ግን እነዚሁ አሳዳጆቻችን መሆናቸውና እነሱ ምናቸውም እንዳልተነካ ስመለከት በጣም አዝናለሁ ። ዛሬ ወያኔዎችና ግብረ አበሮቻቸው በኢትዮጵያዊነትና ኢትዮጵያ ላይ የወሰዱትን ጥቃት ለመቀልበስ አሁን በፍጹም ጭካኔ ልንነሳ ይገባናል ።

ዛሬ ማንኛውም ኢትዮጵያዊ በሳውዲ አረቢያ በኢትዮጵያውያን ላይ እየደረሰ ያለውን የማይሰማ እንደሌለ ግልጽ ነው፤ በጣም ያስቆጫል ፣ያቃጥላል፣ ያናድዳል። ይኽንን ነገር ለመቀየር በፍጹም ቁጭት መነሳት ያለብን ጊዜ ደግሞ አሁን ነውና ወጣቱ፣ የተማረውም ሆነ በልዩ ልዩ ሁኔታ በአገር ውስጥም ሆነ በውጭ ያለን በሙሉ በአገራችን ተጨባጭ ሁኔታ ላይ ልንነጋገር መቻል ይኖርብናል ፤መፍትሄም ማስቀመጥ ያለብን ጊዜ አሁን ነው። ዛሬ በሰልፍ ብቻ የምናስቆመው ችግር አይደለም ለዘለቄታውም ልንሰራ ያለብን ጊዜ አሁን ነው።

ዛሬ በአረቡ አለም እየደረሰብን ያለው ግፍ መነሻዎቹ በአገራችን ያለው የፖለቲካና የማህበራዊ ችግሮችና በኢትዮጵያዊነት ስም የህወሓቶች ጥርቅሞች በመላው ዓለም  የኢትዮጵያ ኢንባሲዎችና ቆንስላዎች በተለይም በአረቡ ዓለም ባሉ ኢንባሲዎችና ቆንስላዎች ውስጥ በህወሓት ዘረኝነት በተበከሉና በንግድ በተሰማሩ የህወሃት ባለማሎች ስብስብ የተያዙ መሆኑ ደግሞ በእንደዚህ አስቸጋሪ ወቅቶች እንኳን ለወገኖቻችን መድረስ ሳይችሉ ቀርተው የህዝቡን ጥቃት በዝምታ ማየታቸውና ኢትዮጵያዊነት በመላው ዓረብና በመላው የዓለም ሚዲያዎች እጅግ በሚያስቆጭ መልኩ  በውርደትና ወገንና ደራሽ እንደሌለው መታየቱ ደግሞ ኢትዮጵያውያንን ብቻ ሳይሆን ብዙ የኢትዮጵያን ወገኖችና ደጋፊዎች አሳዝኗል፣ አስደንግጧል።

ዛሬ ኢትዮጵያን የሚመሩ ዘረኞች አስቀድሞም ቢሆን ኢትዮጵያዊነትን የካዱና አሁንም ለኢትዮጵያዊነት ዴንታ የሌላቸው በመሆኑ ይህ  ችግር ተፈጠረ አልተፈጠረ ምናቸውም አይደለምና፤ ዛሬ ከምናየው የአገራችንና የህዝባችን ውርደት በላይ ገና ብዙ መከራዎች ከፊታችን ተደቅነዋል፤ አሁን በምንችለው አቅም ከምናደረገው ትግል በላይና ለህዝቦቻችን ከምንታገለው በላይ ሁላችንም ቆም ብለን የምናስብበትና  በአረቦች ባስጨከኑብን ጨካኞች ህወሃቶች ላይ መጨከን እንዳለብን ይታየኛል።

የዛሬዎቹ ችግሮች መስፋፋት ምክንያቶቹ በሀገር ውስጥ የሚደርሰው ግርፋት ፣እንግልት፣ እስራት፣ ሞትና ሌሎች የሰብአዊ መብት ረገጣዎች እንዲሁም በመንግስት በተደራጁ ሀይሎች በሀገርና በህዝብ ላይ የሚደርሰው የሙስና ተግባር  ፣የዘር ጥቃት፣ ህዝብን ማፈናቀል፣ ሀብትና ንብረት መዝረፍ፣ የመሬት ቅሚያ፣ ሚዛናዊነት የሌለው የንግድ መድሎ  መሆናቸውን የማያውቀው ኢትዮጵያዊ የለም፡፡

አሜሪካና ሌሎች ምዕራባውያን ሀገሮች በአገራችን ውስጥ ያሉትን  ችግሮች እያወቁ እንዳላወቁ እየሆኑ ጆሮ ዳባ ልበስ ማለታቸውና ለነዚህ ለተደራጁ ሀገርንና ህዝብን ለሚያሸብሩ ዘረኞች በገንዘብና በቁሳቁስ በማጠናከርና በመርዳት የዚህን ትውልድ መከራ መጨመራቸው የሚያሳዝን ቢሆንም ትግላችን ከራሳችን የሀገርንና የህዝብን ስብዓዊና ቁሳዊ መብቶችን እየነጠቁ ከሚኖሩ የኢትዮጵያ መሪዎች ጋር መሆኑና የትግሉም ውጤት ተጠቃሚዎች ኢትዮጵያውያን በመሆናችን በነዚሁ የሀገራችን አንባገነኖች፣ ዘረኞችና የህዝብንና የሀገርን ጥቅም በሚሸጡ ህወሓት/ኢህአዴግ ባለስልጣናት አባላትና ደጋፊዎች ላይ ሠፊና ልዩ ልዩ የትግል ስልቶችን ተጠቅሞ ትግሉን ማቀጣጠል ከኢትዮጵያውያን ለኢትዮጵያውያን ይጠበቃል፡፡

በየትኛውም የትግል መስመር እየታገሉ ያሉ ሁሉ ትግሉን በማፋፋም ከግብ ለማድረስ አስፈላጊውን ሁሉ በማድረግ የዚህ ትውልድ መከራ እንዲያበቃ እመክራለሁ፡፡ ካልሆነ ግን በሃገር ውስጥ ያለውም ችግር አሁን ካለው በላይ እንደሚባባስ፣ በውጭ ያለውም በስደት እንዲኖር እንደሚገደድና  ንሮውም ከዚህ አሁን ከምናየው በላይ የከፋ እንደሚሆንና ትውልዱም የመከራ ትውልድ ሆነን እንደምንቀር ማውቅ ይገባናል ፡፡

በሃገር ውስጥም ሆነ በውጭ ያሉ የሀገራችን ህዝቦች ሁሉ አሁን በትግል ላይ ያሉ እውነተኛ ፓርቲዎችንና ትግሎችን መደገፍና የትግሉ አካል መሆን  ይጠበቅብናል ፡፡

የአሜሪካና የምዕራብ ሀገራትም ለተወሰኑ የዲፕሎማሲና ወታደራዊ ትብብር ብለው ህዝብ ከጠላው፣ የህዝብና የሀገር ጠላት ከሆነና ህዝብን ከሚያሸብር ጋር መወገናቸውን ትተው የኢትዮጵያውያንን ትግል እንዲያግዙና በታሪክም ከተወቃሽነት እንዲያመልጡ እጠይቃለሁ፡፡

ዛሬ አረቦች ይህንን ለመፈጸም ምክንያት የሆናቸው የመሪዎቻችንን ወይም የህወሃቶች ሙሰኝነት፣ ግደለሽነት፣ ባንዳነትን፣ ቅጥረኝነትን የሚያገለግሉ መሆናቸውን ባይረዱ ኖሮና ለአገርና ለህዝብ የሚቆረቆሩ አለመሆናቸውን ባያውቁ ኖሮ ዛሬ ባልተደፈርን ነበረ። አረቦች በኢትዮጵያ ምድር ተከብረው እንዳልኖሩ ዛሬ ሬሳችንን ሳይቀር ለመቆራረስ መድፈራቸው ያስቆጫል ያስለቅሳል።

የኢትዮጵያ የውጭ ጉዳይ ሚኒስቴር መስሪያ ቤትና ባለስልጣኑም ለኬንታው ኬንያታ እና ለሱዳኑ አልበሽር በአይሲሲ /ICC / ለሚጠብቅባቸው የፍርድ ሂደት ፍርድ እንዳይቀርቡ የተሟገተውን ያህል እንኳን  በአረቡ ዓለም በኢትዮጵያውያን ላይ የሚደርሰውን ሰቆቃና ህይወትን ለመታደግ ቅድሚያ ሊሰራ የሚገባውን ሁሉ ባለመስራቱና ለሙግት ባለመነሳቱ አዝናለሁ ።

የኢትዮጵያ የውጭ ጉዳይ መስሪያ ቤትም ምንም ኢትዮጵያዊነት ስሜትም ሆነ ፈቃድ በሌላቸው የህወሓት ባለሟሎች ለ22 ዓመታት መመራቱም ሌላ ተጨማሪ መከራን አምጥቶብናልና ይህንን ለመቀየርና ለማስተካከል ሁሉም ኢትዮጵያውያን መነሳትና ባስጨከኑብን ላይ መጨከን አሁን ይኖርብናል። ትልቅ መሰዋትነትን የሚጠይቅ ትግል ከፊታችን ተደቅኖብናል። አረቦች ህወሃትን ደግፈው እዚህ ሲያደርሱት ዛሬ ይህንን ለመፈጸም እንደሚያስችላቸው ጭምር ተረድተው ነው። ከዚህ በኃላ ግን ኢትዮጵያና ህዝቦቿ የአረቦች መጫወቻ እንዳንሆንና አላማቸውንም ለማስፈጸም ተግቶ የሚሰራውን ህወሃትን ከላያችን ላይ ለማንሳት አሁን እንጨክን። ቸር ይግጠመን።

እግዚአብሐር ኢትዮጵያን ይባርክ!

ተክሉ አባተ

ሰሞኑን ቅስም ሰባሪ በሆነ ክስተት ውስጥ ራሳችንን አግኝተናል:: ውድ ኢትዮጵያውያን በሳውዲ አረቢያ ዘግናኝ የሆነ የሰብአዊ መብት ጥሰት እየተካሄደባቸው ነው:: የችግሮቹን አይነትና መጠን የኢትዮጵያውያን የመገናኛ ብዙኃን በሚገባ እየዘገቡት ነው:: በአጠቃላይ ሲታይ ግን የሳውዲዎችን ርምጃ እንደሰው ለመረዳት የሚከብድ ነው:: በዚህ ዘመንና መንግስት ባለበት አገር እንዴት የሰው ልጅ በእንደዚህ አይነት ሁኔታ ካገር እንዲወጣ ይታሰባል? ህግን ለመጠበቅ ወይም ለማስከበር ሲባል በምንም ዋጋ የማይገኘውን ውድ የሰው ልጅ ህይወትን ማጥፋትና ማጎሳቆል እንዴት ሚዛን ይደፋል?—– የተባበሩ ክንዶች

Download (PDF, 145KB)

በውቤ አለማየሁ

ከጀርመን

በሳውዲ አረቢያ በወንድምና እህቶቻችን ላይ እየተፈፀመ ያለውን አሰቃቂ ግፍና መከራ ለመቃወም በትላንትናው እለት ህዳር 5 ቀን 2006 ዓ.ም በጀርመን ፈራንክበርት ሳውዲ አረቢያ ቆንስላ በተደረገው ሰላማዊ ሰልፍ ላይ ተገኝቼ ነበረ።በሰልፉ ለይ ለመሳተፍ በኢትዮጵያ የሰዓት አቆጣጠር ከለሊቱ አስራ አንድ ሰዓት ነበር ወደ ባቡር ጣቢያው ያመራነው።በለሊት የተነሳንበት ዋነኛ ምክንያት ሰልፉን በጠዋት ለመጀመር ዕቅድ በመያዙ ነው። እኔ ካለሁበት አካባቢ በርካታ ቁጥር ያላቸው ኢትዮጵያውያን ወንድምና እህቶቼም ተሳታፊዎች ነበሩ።እለቱ በሳውዲ አረቢያ በምስኪኑ ህዝባችን ላይ መፈፀም የጀመረው ግፍና መከራ “አስረኛውን ቀን” ያስቆጠረበት ነበር።በእነኚህ አስር ቀናት የሰው ልጅ ደም  በየሜዳው እንደ ጎርፍ ሲወርድ ፤አካሉ ደግሞ እንደ እንጨት ሲፈለጥና ሲቆረጥ አይተናል።

በማህበራዊ ሚዲያዎች በኩል ከስፍራው የሚወጡ የቪዲዮና የፎቶ ምስሎች እንደሚያመለክቱት የሳውዲ አረቢያ ደህንነቶችና ወጣቶች እንዲሁም አሰሪዎች እህትና ወንድሞቻችን ላይ እጅግ ዘግናኝና አሳዛኝ ድርጊት ፈፅመዋል።አንዳንዶቹ “የድርሱልን ጥሪ” ሲያሰሙ ከልብ የሚያስለቅሱ ናቸው።እንኳን አይደለም አስር ቀናት በመከራና በጭንቀት የሆነች አንዲት ደቂቃ ከዓመት ትስተካከላለች።

ሰላማዊ ሰልፋችን በፍራንክፈርት ሳውዲ አራቢያ ቆንስላ ልክ በኢትዮጵያ አቆጣጠር ከጠዋጡ አራት ሰዓት ነበር የተጀመረው።በሰላማዊ ሰልፉ ላይ ህፃናትን በመሸከሚያ ጋሪ የያዙ እናቶች፣ ወጣቶች ፣አዛውንቶችና የሀይማኖት አባቶች ሳይቀሩ በተለያዩ የጀርመን ግዛቶች የሚኖሩ ኢትዮጵያውያን ተገኝተው ነበር።በጀርመን ሀገር የሚገኙ ኤርትራውያን ወንድሞቻችን በሰልፉ ላይ የኢትዮጵያና የኤርትራን ባንድራ በመያዝ “እኛ ኤርትራውያን በኢትዮጵያውያን ላይ የሚደርገውን በደል እንቃወማለን ” የሚል መፈክር አሰምተዋል።

ዘር፣ሀይማኖት፣ ብሔርና የፖለቲካ አስተሳሰብን ሳንለይ ሁላችንም ኢትዮጵያውያን እንዲሁም ወንድሞቻችን ኤርትራውያን በሳዉዲ አራቢያ ቆንስላ የተገኘንበት ዋነኛ ዓላማ የሳውዲ አራቢያ መንግስትና ህዝብ በንፁሀን ወንድሞቻችንና እህቶቻችን ላይ እየፈፀሙት የሚገኘውን አሰቃቂና ዘግናኝ ኢ-ሰብአዊ ድርጊት በፍጥነት እንዲያቆሙ ለመጠየቅ ነው። ከዚህ ባለፈ መስማት የተሳነውንና ዝምታን የመረጠውን አንባገነኑን መንግስት “በዲፕሎማሲያዊ መንገድ ህዝባችንን ከመጨፍጨፍ እንዲያድንልን” ለመጠየቅ ነው። የሰላማዊ ሰልፍ ሁነቱን ለመዘገብ በስፍራዉ ለሚገኙ የሀገር ውስጥና ዓለም አቀፍና  መገናኛ ብዙሃን ኢ-ሰብአዊ ድርጊቱ ሲፈፀም  በዝምታ  መመልከት ለመረጡት  ዓለም አቀፍ የሰብአዊ መብት ተሟጋች ድርጅቶችና ባጠቃላይ ለዓለም አቀፉን ማህበረሰብ እንዲያሳዉቁልን ለማድረግ በማሰብ ነው ።

ለሰላማዊ ሰልፉ ከተሰባሰብንበት መንገድ ፊት ለፊት አንድ ሰማይ ጠቀስ ህንፃ ይታያል። የህንፃው እያንዳንዱ ፎቅ ለተለያዩ አማካሪና አገልግሎት ሰጪ ተቋማት የተከራየ መሆኑን ህንፃው መግቢያ ላይ የተዘረዘሩት ፅሁፎች ያስረዳሉ። የሳውዲ አረቢያ ቆንስላ በዚህ ሰማይ ጠቀስ በሆነው ህንፃ ሀያ አራተኛ ፎቅ ላይ ነው የሚገኘው።

ሰላማዊ ሰልፋችን ከዚህ ሰማይ ጠቀስ ህንፃ ትይዩ ቢበዛ በአስር ሜትር ርቀት ላይ ተጀመረ። ሰላማዊ ሰልፉችን “ሰብአዊነትንና የሀገር ክብርን”  መሰረት ያደረገ በመሆኑ የሰላማዊ ሰልፉ ስሜት እየጋለ መጣ። ሁላችንም የሰልፉ ተሳታፊዎች ያች የሶስት ሺህ ዓመታት ታሪክ ባለቤት የሆነችው ሀገራችን  ኢትዮጵያ በሳዉዲ አረቢያ “ንጉሶች” ስትደፈር ታየችን።የህዝባችን ሰቆቃና ጩሀት፣ መከራና እንግልት እያንዳንዳችን ላይ የተፈፀመ አድርገን አሰብነው። በእውነት ኢሰብአዊ ድርጊቱን ለመሸከም ይከብዳል።በአስር ሜትሮች ርቀነው የነበርነውን የሳውዲ አረቢያ ቆንስላ የሚገኝበትን ህንፃ መግቢያ ሙሉ ለሙሉ ተቆጣጠርነው። የህንፃው መግቢያና መውጫ  በሰልፉ ሙሉ ለሙሉ ተዘጋ።

የህንፃው መግቢያ ላይ ደህንነት የሚያስጠብቁ ፖሊሶች ቢኖሩም ፖሊሶቹ ወደ ህንፃው ውስጥ እንዳንገባ ከመከልከል ውጭ ሰላማዊ ሰልፋችንን በሰላማዊ መንገድ እንድናደርግ ሙያዊ ሃላፊነታቸውን ከመወጣት ውጭ  ሰላማዊ ሰልፉን በትዝብት ይመለከቱ ነበር።ሰላማዊ ሰልፉ ቢያንስ ለሶስት ሰዓታት ተደርጓል። በዚህ እለት በተመሳሳይ ሰላማዊ ሰልፎች በመላው አውሮፓ በእንግሊዝ ሎንዶን፣በሲውዲን ስቶኮልምና በሌሎች የአውሮፓ ዋና ዋና ከተሞች እንዲሁም በአሜሪካን ዋሽንግተን ዲሲ ይደረግ ነበር።በውጭ የሚገኙ ኢትዮጵያውያን በዓለማችን ዋና ዋና ከተሞች ሰላማዊ ሰልፉ ሲደርግ በኢትዮጵያ የሚገኙ ወገኖናችን ግን በመንግስት ክልከላ ምክንያት በሀገር ቤት የሳውዲ አረቢያ መንግስትን ድርጊት ማውገዝ አልቻሉም።

አስራ አንደኛዉ ቀን

ይህ እለት በሳውዲ አረቢያ ያለው ሰቆቃና ኢ-ሰብአዊ ድርጊት አስራ አንደኛ ቀኑን የያዘበት ነው።ይህ እለት ሰማያዊ ፓርቲ በኢትዮጵያ ሳውዲ አረቢያ ኤምባሲ ሰላማዊ ሰልፍ የጠራበት እለት ነው ።ሰላማዊ ሰልፉ ከሚደረግበት ሳውዲ አረቢያ ኤምባሲ አካባቢ የሚወጡ መረጃዎች እንደሚያመለክቱት ግን በአምባገነኑ መንግስት የሚታዘዘው የደህንነት ክፍሉና ፖሊሶች በሰልፊ ተሳታፊዎች ላይ ከባድ ድብደባና እስራት በመፈፀም ሰልፉ እንዲበተን አድርገዋል።አሶሺየትድ ፕሬስ የኮሙኒኬሽን ጉዳዮች ሚኒስትር ዴታን ሽመልስ ከማልን ጠቅሶ እንደዘገበው ሰልፉ የተበተነው “ሰልፈኞቹ ሰላማዊ ሰልፍ እንዲያደርጉ ስላልተፈቀደላቸው ነው” ።ሽመልስ እንዳለው “ሰልፈኞቹ ሳውዲ አረቢያ ላይ ጥላቻ የሚፈጥሩ መልዕክቶችን በመያዛቸውና እነኚህ መልዕክቶችም ኢትዮጵያ ከሳውዲ አረቢያ ጋር ያላትን የጠበቀ ግንኙነት የሚያሻክር በመሆኑ ነው” ብሏል። ሰማያዊ ፓርቲ “የኢትዮጵያ መንግስት ከሳውዲ አረቢያ መንግስት ጎን በመቆም ዋና ተባባሪ መሆኑን አስመስክሯል” ሲል ባውጣው መግለጨ የአምናገነኑን ኢህአዴግ መንግስት ድርፊት አውግዟል።

በሳውዲ አረቢያ የሚገኙ የኢትዮጵያውያን የሰቆቃና የመከራ ድምፃቸውን ማሰማት ከጀመሩ ቀናቶች ቢቆጠሩም የሀገሪቱ ጠላት የሆነው አምባገነኑ መንግስታችን ግን ህዝባችን ላይ እየተፈፀመ ያለውን አሰቃቂ ግፍና መከራ ቢያንስ በዲፕሎማሲያዊ መንገድ እንኳን ለመፍታት አልቻለም።

በሀገር ቤት የሚገኙ ኢትዮጵያውያን የሳውዲ አረቢያ ኢ-ሰብአዊ ድርጊትን በሰላማዊ ሰልፎች መቃወምና ሰላማዊ ሰልፎችንም በሀገራችን ማድረግ አልቻሉም። ወገናችን ለተፈፀመበት ግፍና ሰቆቃ ህዝባችን በሀገሩ መጮህ ተልክሏል። አምባገነኑ መንግስታችን ሰላማዊ ሰልፍ “በባዕድ ሀገራት ከተሞች እንጂ በኢትዮጵያ አታደርጉም፤አትችሉምም ” ብሎናል።መንግስት ተብዬው ኢህአዴግ በሀገራችን ባዳ አድርጎናል።መንግስታችን በሀገራችን ባዳ ሲያደርገን በሌሎች የዓለማችን ዋና ዋና ከተሞች የምንገኝ ኢትዮጵያውያን ግን  በትውልድ ሀገራችን ማድረግ ያልቻለውን ሰላማዊ ሰልፍ በባዕድ ሀገራት ማድረግ ችለናል። በዚህም ምክንያት እኛ ኢትዮጵያውያን “ሰላማዊ ሰልፎችን በባዕድ ሀገራት ብቻ እንድናደርግ ነው እንዴ የተፈርደብን? ” ብዬ እንድንጠይቅ ተገደድኩ። ቢፈረድብንስ …..ግን ፍርዱ እስከመቼ?

// ]]>

ትናንት እንደ ቀልድ  …

        በያዝነው የፈረንጆች 2013 ዓም በወርሃ መጋቢት አጋማሽ የሳውዲ አረቢያ መንግስት ” ህጋዊ ሰነድ ያልያዙትን አስወጣለሁ !” ብላ አወጀች ። ቀጠለና አፈሳ አሰሳው ተከተለ! አስፈሪው ያ ክፉ የጭንቅ ቀን በሳውዲው ንጉስ ሌላ የምህረት አዋጅ ተተክቶ ህገ ወጥ  የተባሉትን ህጋዊ በሚያደርግ ህግ ተተካና የምህረቱ አዋጅ በያዝነው ህዳር መባቻ እንደሚያልቅ በተጠቆመው አዲስ የምህረት አዋጅ ተተካ ! በሂደቱ የታደሉት የተበላሸ መኖሪያ ፍቃድን ከማደስ ጀምሮ አዲስ ፈቃድን አገኙ ። ያላለላቸው ከፖስፖር እድሳት መዘግየት ጀምሮ አዲስ ለማውጣት ባለው ውስብስብ የኢንባሲና የቆንስል አሰራሮች ህልማቸው ሳይሰምር እዚህ ደረሱ …ወደ ሃገር ለመግባት ፈልገው ከሃገራቸው ተወካዮች ህጋዊ ሰነድ ለማግኘት ሳይችሉ ቀሩና ተሰነካክለው ቀሩ  !  በላይ በታች ብለው የመውጫ ሰነዱን ያገኙት ጥቂቶች በሰላም ወደ ሃገራቸው በሰላም ሲሸኙ የቀሩት ብዙዎች ደግሞ ሳውዲዎች እንደለመዱት ይለሳለሳሉ ብለው ከፉውን ጥቂት ቀን እቤታቸው መሽገው ሊያሳልፉ ተዘናጉ …

    አደጋውን በቅርብ የሚያዩት የመንግስታችን ተወካዮች ዜጎቻቸውን ሰብስበው መምከር ሳይችሉ ቀሩ! እንዲህ እያለ ቀን ቀንን ወልዶት የምህረቱ አዋጁ ህዳር ላይ ባባተ ማግስት ግን ዜጎች አደጋ ላይ ወደቁ … ይህ በሁሉም ሃገር ዜጎች የመጣ ነበርና በጸጋ መቀበል የግድ ነበር ። ፍተሻ አሰሳው በመላ ሳውዲ ተጠናክሮ ሲቀጥል ቤት ” ለበቤት ፍተሻ አይደረግም !” የሚል መመሪያ ወጣ ። ይህ መመሪያ ብዙዎችን አስደሰተ! ሪያድ መንፉሃ ላይ ግን መመሪያው በእኛ ዜጎች ላይ ብቻ ተጣሰ  … ህጋዊ የመንፉሃ ነዋሪዎች ሳይቀር የጥቃቱ ዳፋ ቀማሽ ሆኑ ። መንፉሃ ተሸበረች ! የሃበሻ ልጅ ቤቱ እየተሰበረ ያለ ገላጋይ በወሮበላ አረብ ወጣቶች ተቀጠቀጠ  ፣ ንብረቱ ተዘረፈ ፣ ተደፈረ ! የጸጥታ ሃይሎች ቤት እየሰበሩ በመፈተሽ ወንዶችን ወደ እስር ቤት እየተለዩ ሲልኩ “ጅብ በቀደደው ውሻ …!”  እንዲሉ በፈታሾች እግር”ሸባብ ” የሚባሉት ወጣት አረቦች ንብረት ከመዝረፍ ጀምሮ አቅመ ደካማ ሴት እህቶችን አጠቁ!  ቁጣ ተቀሰቀሰ!

       ይህን ግፍ  የተመለከቱ ደራሽ ገልጋይ አጥተው ተስፋ የቆረጡት ወጣት ኢትዮጵያውን ወንድሞች በአካባቢው ሳውዲዎች ዝር እንዳይሉ በማድረግ መኪናዎችን መሰባበር ያዙ! ሁከቱ ግሞ የበቀል እርምጃው በነጭ ላባሾች ተካሄደ! ጥቃቱን የአካባቢውን ነዋሪ እርምጃ ያስከፋው ነዋሪ ሻንጣውንና ቤተሰቦቹን ይዞ አደባበይ በመውጣት “ሴቶቻችን አይደፈሩ ፣ ከነቤተሰቦቻችን ወደ ሃገራችን መልሱን! ” የሚል ድምጹን በአደባባይ ሲያሰማ ከጸጥታ አስከባሪዎች ጋር ወደ አላስፈላጊ ግጭት አመሩ ! ተነግሯቸው መስማት ያልቻሉት የመንግስት ተወካዮች ጣልቃ ገብተው መብት ማስከበሩ ቢቀር  መሸምገል ሳይችሉ ቀረና የተፈራው ደረሰ  !

ዛሬ …በተስፋ 
ዛሬ ሌላ ቀን ነው! መንፉሃ ላይ ቁጥሩ በውል ያልታወቀ የወገን ደም ተገብሮ የሳውዲ መንግስት ህገ ወጥ ባላቸው ዜጎች ላይ የጣለው የመቶ ሽህ ብር ቅጣትና የሁለት አመት እስራት ተነሳ  ! እስካሁን ባለው መረጃ 50 ሺህ የሚገመት ወገን ወደ ሃገሩ ለመግባት በማቆያ እስር ቤት እና በመጠለያ ከትሟል! የእኛ ነገር “ሰርገኛ መጠሰ በርበሬ ቀንጥሱ !” ሆነና  የመንግስት ተወካዮች በስደተኛው መብት መከበር የማይተጉ ሃላፊዎችን በቅርብ መልምሎ እርምጃ በመውሰድ የስደተኛውን ህይወት ያልደገፈው መንግስታችን ዜጎች በከፋ ችግር ማጥ ስንወድቅ አለሁላችሁ እያለን ነው ። ” የምትኮሩበት ሃገር አላችሁ!  ኑ በእቅፍ እንቀበላችኋለን! ” ማለትም ጀምሯል!  አዎ!  ደስ ይላል!

ዛሬ የሰሞኑ ሮሮ በረድ ብሎ ብሏል! በውጭ ሃገራት የሚገኙ ኢትዮጵያውያንም የሳውዲ መንግስት በወገኖቻቸው የደረሰውን አሰቃቂ በደል ተመልክቷልና ሰብአዊ መብት ረገጣውን ከማውገዝ ባለፈ እርዳታ እያሰባሰቡ መሆኑን መስማት ያሰደስታል!  ለዚህ መሰሉ አለም አቀፍ እንቅስቃሴ  ታላቅ አክብሮት አለኝ !  በሳውዲ የከተምን ከአራት መቶ ሺህ በላይ የምንገመት የዚያች ሃገር ዜጎች አለንና ተቃውሞው በቀልን እንዳያጭር ያሳስበናል ።

ሳውዲና የእኛ ስደት   …

     ሰማችን ማንቴስ ብለንና እድሜያችን ቆልለን ከደላንና ከቀናን በጠያራ ፣ አልሆን አልመች ሲል የባህር የበርሃውን ሰቆቃ ተፋጥጠን እዚህ ለደረስነው ኢትዮጵያውያን ሳውዲ አረቢያ ባለውለታችን ናት !  በአብዛኛው በሳውዲ አሰሪዎችና በአንዳንድ የመንግስት ተቋማት ሰራተኞች የሚደርስብንን የመብት ጥሰት ችለን ላለፍን ሰላማዊ ነዋሪዎች “በሰብአዊ መብት ጥሰት የምትወነጀለው አረባዊቷ ሀገር ከሀገራችን የተሻለች ናት! ” እስከ ማለት መድረሳችን እውነት ነው ። ስለ እውነት እንነጋገር ከተባለና የሰብአዊ መብቱን ነገር ችላ ብለን ራስን መደገፉ ካመራን ሳውዲ አረቢያ  ራሳችን ጠቅመን ቤተሰቦቻችን መጥቀም የቻልንባት ሁለተኛ ሃገራችንናት ብል ማጋነን አይቦንም ። ይሁንና ይህች የምናመሰግናት ሃገር አልፎ አልፎ  ከምታወጣው ህግ ጋር በተገናኘ  የእኛን መብት የሚያስከብርልን ጠንካራ ተወካይ  አጥተን ህግ እየተጣሰ ተጎድተናል። ይህ ብቻ አይደለም በግርድፉ እናውራው ካልን ህግና ስርአትን ተከትለው የማይኖሩ ወገኖች በሚሰሩት ህገነወጥ ስራ በሚሰጠን ስም ገጽታችን ከመጉደፉ አልፎ ተርፎን “ለሃጥአን የመጣው ለጻድቃን !” እንደሚባለው  የሃጥአኑ ጥቃት ለቀረው ሰላማዊ ነዋሪ ሲተርፈው የመንግስት ተወካዮቻችን ዋቢ አልቆምልን እያሉ ኑሯችን ከፍቷል ። ካለን የገቢ ምንጭ አንጻር አኗኗራችን በህብረት መሆኑም ጎድቶናል። ይህ ከጥቂቱ ጉዳት መካካል ጥቂቱ ቢሆንም ኑሯችን ካከፋው ምክንያትነት ቀዳሚ ለመሆኑ ጥርጥር የለኝም!  ከዚህ አንጻር በሰሞኑ አሰሳና ፍተሻ በላቡ ከሚያድረው ጎልማሳ እና ጉብሏ ጀምሮ አባወራው ሆነ የቤት እመቤቷ ህገ ወጥ ተብለን እንደወጣን ልንቀር የምንችልበት አደጋ ተደቅኖብናል። ዜጎች በከባድ ውጣ ወረድ ለአመታት ያፈራነው  ሀብት ቀርቶ የአብራክ ከፋይ ልጆች ቤተሰቦቻቸውን ሳይሰናበቱ ከሀገር ለሚባረሩበት አካሄድ በምክክር መላ ካልተበጀለት  አሰፈሪና አስደንጋጭ ነው !

የወገን ቁጭትና ቁጣ እና ቁጣው የደረሰው የሳውዲ መንግስት …

    በመንፉሃን የተፈጸመብንን ቅጥ ያጣ ጥቃት ተከትሎ ግፍ በደል መከራውን በዘመንኛው የመረጃ መረብ ሲናኝ ሃዘናችን የተጋራው ከሃገር ቤት ጀምሮ በመላ አለም ከጫፍ እስከ ጫፍ በቁጣ የተነሳው የኢትዮጵያን ቁጣ መልዕክት ለሳውዲዎች ደርሷቸዋል። ወደ ቀጠለው አለም አቀፍ  ከጅምሩ ሳውዲን ከአልቃኢዳ ጋር በመወንጀል የተጀመረው አስፈሪ የነበረ ቢሆንም  በቀጣይ ሰልፎች ጥያቄው ሰብአዊ መብትን አክብሩ በሚል መሻሻሉ ለሳውዲ ንጉሳዊ ቤተሰቦች እያስተላለፈ ያለው መልዕክት ቀላል አይደለም ባይ ነኝ ።  በዋሽንግተኑ የመጀመሪያ ተቃውሞ የተሰማው ሳውዲን ከአልቃኢዳ ጋር አጎዳኝቶ የመወንጅል እና ከበቂ ማነስ የተነሳ የብዙሃን ሙስሊማንን መመሪያ የቁርአን መልዕክት በነጭ ቀለም የተጻፈበትን ደማቅ አረንጓው የሳውዲ አረቢያ ባንዴራን ወደ ማንቋሸሽ  እንዳያመረ የነበረን ስጋት መወገዱ ያስደስታል ። ይህም ብዙ የሳውዲ ነዋሪዎችን አስደስቶናል!
ለተፈጸመው ግፍ ማካካሻ ባይሆንም በመጠለያዎች የምንሰማው የሰቆቃ ጩኸት ረገብ ብሏል። የሳውዲ መንግስት በመጠለያ ያሉትን ዜጎች መጠለያ ሲታይ የሰነበተውን የምግብ ፣ የውሃ እና የህክምና አቅርቦት እያስተካከለው መገኘቱን ከመጠለያው ከሚገኙ ግፉአን ማረጋገጥ ችያለሁ ። በቀን አንድ ሚሊዮን ብር የሚደርስ ወጭን የሳውዲ መንግስት ፣ ከማውጣት ጀምሮ ወደ ሃገር ቤት መግባት የሚፈልጉ ኢትዮጵያውንን ለማሰባሰብ 300 ያህል አውቶቡሶች በሪያድ በመካ ተመድበው የማጓጓዙን ሂደት ከጀመሩ ቀናት ተቆጥረዋል።  ወጭውን ይሸፍነዋል ተብሎ ከተነገረኝ ከኢትዮጵያ አየር መንገዳችን ወደ ሃገር ቤት የማጓጓዙ ዘመቻ ጎን ለጎን የሳውዲ መንግስት በሳውዲ አየር መንገድ በኩል ነጻ የማጓጓዝ ስራ  በመካሄድ ላይ መሆኑን መረጃዎች ደርሰውኛል ።

መልካሙ ጅምር ፣ ሰው ሃይልና የመረጃው እጥረት…

       ከላይ ለመጠቆም እንደሞከርኩት በሪያድና በመካ ስደተኛን የመቀበሉ ስራ እየተሰራ ቢሆንም በማቆያው ባለው የስደተኛ ብዛት አንጻር በጅዳ ወደ ሃገር መግባት የሚፈልጉትን  ወደ ማረፊያ የማጓጓዙም ሆነ ባሉበት የመመዝገቡ እንቅቃሴ በጅዳ ገና አልተጀመረም ። በጅዳ የሽሜሲማረፊያ እስር ቤትና በሪያድ መጠለያ ያለውን ምዝገባ እና የመጓጓዣ ሰነድ አቅርቦት ለማሳለጥ የኢትዮጵያ መንግስት ልዑክ እና ድጋፍ የሚሰጡ ሃላፊዎችን አሰማርቶ ስራው እየተሰራ ቢሆንም ከፍተኛ ቁጥር ላለው ዜጋ ግልጋሎት ለመስጠት የሰው ሃይል እጥረት መስተዋሉ አልቀረም። ለዚህ ጥሩ ምሳሌ የሚሆነን በቅርቡ ለቀናት ዝግ የነበረውን የጅዳ ቆንስል አመዘጋት መጥቀስ ይቻላል። ምንም እንኳን ቆንስል መስሪያ ቤቱ ስራውን ለቀናት የዘጋበትን ምክንያት በግልጽ ባወጣው ማስታወቂያ አልተገለጸም ። ምክንያቱ ባልተገለጸው የጅዳ ቆንስል መዘጋት ብዙዎችን አስቆጥቷል ” የታመመ ቢሞት እንዴት እንቅበር? ፖስፖር ለማሳደስ ፣ የታደስ ለመቀበል ፣ ሰነድ ማስተካከል ቢያስፈልግ ፣ የጋብቻ ወረቀት ማረጋገጫና እና ተመሳሳይ ግልጋሎት ስንፈልግ የት እንሂድ? ” ሲሉ በማጠየቅ በአስቸኳይ ቆንስሉ እንዲከፈት ነዋሪዎች መንግስትን ተማጽነዋል። የቆንስሉን መዘጋት ምክንያት ሃላፊዎችን ጠይቀን መላሽ ብናጣም የውጭ ጉዳይ ሚኒስትሩም ቴዎድሮስ አድሃኖም “የጅዳ ቆንስል አገልግሎት እንዳይሰጥ የተዘጋው የቆንስላው ሰራተኞች ስደተኞቹን ወደ ሀገራቸው ለመመለስ እንዲያግዙ ስለተፈለገ ነው ” ብለው በትዊተር መረጃ አቀብለውናል። ይህ የሚያሳየው የሰው ሃይል እና የመረጃ ልውውጥ እጥረት መሆኑን ለመረዳት መማር መመራመርን አይጠይቅም። ይህ እውነታ ፈጦ እያለ የጅዳ ቆንስል ሃላፊዎች ግልጋሎት ለመስጠት ፈቃደኛ የሆኑትን የኮሚኒቱ መስሪያ ቤትና ችግሩ ችግራችን ነው በሚል መክረውና ዘክረው አቤቱታ ያቀረቡ ወገኖችን ለመቀበል አልደፈሩም። ምክንያቱን የሚያውቁት ሃላፊው ቢሆኑም ሲሆን ነዋሪውን አስቸኳይ ሰብሰባ ጠርተው ፣ ያ ቢገድ የድጋፍ ጥያቄውን በበጎ ተመልክተው አፋጣኝ እርምጃ መውሰድ አለመቻላቸው ሂደቱን ከመሳለጥ እንዳይገታው ስጋት አለ። ሌላው በሪያድና በጅዳ ሃላፊዎች ዙሪያ የሚታየው የመረጃ ክፍተት የግልጋሎት አሰጣጡን አልፎ አልፎ የሚስተዋለውን የመብት ገሰሳ ከቁጥጥር ውጭ እንዳያወጣው ትኩረት ሊሰጠው ይገባል። ለዚህም በሪያድ መንፉሃና በተለያዩ አካባቢዎች ፣ በጅዳና በመካ “ወደ ሃገራችን ውሰዱን ?” በሚሉ ዜጎች እና በመንግስት ጸጥታ አስከባሪዎች መካከል የሚፈጠሩ  ፍጥጫና ግጭቶችን በመንፉሃ የታየውን አደጋ እንዳይደግመው ለመከላከል ይረዳል። በመንፉሃ ባየነው የተንቀሳቃሽ ምስል ባየነው ድብደባና ውክቢያ አድራሻቸው የጠፋ ወገኖች በፖሊስ ጣቢያዎች፣ በሆስፒታልና በመጠለያው ፈልገው ያጧቸውን ወገኖቻቸውን በሚመለከት መረጃ ለመስጠት ፈልገው ወደ መንግስት ሃላፊዎች ቢደውሉም ምላሽ  እንዳላገኙ በምሬት የገለጹልኝ በርካታ ናቸው ። በውክበቱ ጉዳት የደረሰባቸው ወገኖች የትየለሌ የመሆናቸውን ያህል የደረሱበት የማይታወቅ ዜጉች ጉዳይ ከሚሰራው የማጓጓዝ ስራ በተጓዳኝ በመረጃ ልውውጥ ተደግፎ መሰራት ያለበት ስራ ነው ። ይህንና ይህን መሰል ጉዳዮችን ስንመለከት በመንግስት ሃላፊዎች የመረጃ ተቀባይ አለመኖር ነገ  ቢያንስ ለህሊናችን ተወቃሽ እንዳያደርገን ዛሬ መሰራት ያለበት ስራ ነው ባይ ነኝ።  ከዚህ አንጻር መረጃ ትልቅ አስተዋጽጾ እንዳለው በቦታው የሚገኙ የመንግስት ተወካዮች ሊያጤኑት ይገባል። ይህን ክፍተት ለመዝጋትም  የአደጋ ጊዜ ተጠሪና መረጃ ተቀብሎ የሚያጣራ ኮሚቴ በአፋጣኝ ሊቋቋም ይገባል። የኮሚቴው አባላትም ነዋሪውን ሃያ አራት ሰአት ክፍት የሆነ ነዋሪውን የሚያስተናግዱበት ስልክ ሳይውል ሳያድር መሰራት ካለበት ስራ አንዱ መሆኑን ማጤን ብልህነት መሆኑን ጠቁሜ የማለዳ ወጌን ልቋጨው ወደድኩ ..

እስኪ ቸር ያሰማን!

ነቢዩ ሲራክ

ጥቅምት 2006

ወያኔና የነፖሊቲካ አጋሮቹ የሚያደርጉትን ለእነሱ የሚመች አከፋፈል ትተን አበሻን ለሁለት እንክፈለው፤ ሆድ ያለውና ሆድ የሌለው፤ ወይም የሚበላና የማይበላ፤ ዛሬ የምናገረው ሆድ ስላለው ወይም ስለሚበላው አበሻ ነው፤ አታውቁት እንደሆነ ተዋወቁት፤ በአጠቃላይ ስንመለከተው ግን የአበሻ ፍቅርም ሆነ ጠብ ለሆድ ነው፤ አበሻን የሚያጣላው፣ የሚያነታርከው፣ የሚያቧጭቀው የሆድ ነገር ነው፤ ለመብላት ነው፤ አንዳንዴም ሎሌውን ለማብላት ነው፤ ግብር ለማግባት ነው።

አዳም አበሻ ሳይሆን አይቀርም፤ ሁሉንም ነገር ብላ ከተከለከለው በቀር ብሎ ያስቀመጠው ይመስላል፤በላባችሁ ወዝ ብሉ ተብለው አዳምና ሔዋን መረገማቸውን አበሻ ገና አልሰማም፤ አበሻ የተፈጠረው ገነት ውስጥ ቁጭ ብለህ ያለውን ሁሉ ብላ በተባለበት ጊዜ ነው፤ እግዚአብሔር አበሻን ሁሉንም ብላ ሲለው ምናልባትም በጆሮው ጭራሽ አታስብ ብሎት ይሆናል፤ እስቲ በመጀመሪያ ስለምግብ እንነጋገር።

በሌላው ነገር ሁሉ ኋላ-ቀር ቢሆንም በምግብ ጉዳይ አበሻን የመበልጠው ያለ አይመስለኝም፤ የዓለም ሕዝቦች ሁሉ የምግብ ውድድር ቢያደርጉ በምግብ ዓይነት፣ በጣዕም፣ በአሠራሩ ጥበብ አበሻ በቀላሉ እንደሚያሸንፍ በፍጹም አልጠራጠርም፤ የቱ አገር ነው ወዝ ያለውና ለስላሳ እንጀራ ያለው? በነጭ ጤፍ በሠርገኛው፣ በጥቁር ጤፍ፣ በስንዴውና በገብሱ፣ በማሽላውና በዘንጋዳው፣ በበቆሎው በእጅ ለመጠቅለል፣ በጉሮሮ ለማውረድ እንደአበሻ አመቻችቶ የሚሠራ የቱ ሕዝብ ነው? እንጀራው ሲፈለግ ቃተኛ፣ ሲፈለግ አነባበሮ እየሆነ በቅቤና በአዋዜ ርሶ ሆድ የሚያርስ ምግብ ማን ይሠራል፣ ከአበሻ በቀር?

የዳቦው ዓይነትስ ቢሆን ብዛቱና ጣዕሙ! ድፎው፣ የዶሮ ዳቦው፣ አምባሻው፣ ሙልሙሉ፣ ቂጣውስ ቢሆን ስንት ዓይነት ነው?

አበሻ ከጥንትም ጀምሮ የእግዚአብሔር ሰው ነው፤ ስለዚህም ይጾማል፤ ለእግዚአብሔር ሲል፣ መንግሥተ ሰማያት ለመግባት ሲል ከወዳጁ ከምግብ፣ በተለይም ከሥጋና ከቅቤ ይለያል፤ መጾም ዓላማው ለነፍስ ቢሆንም ለሥጋም ትልቅ ጠቀሜታ አለው፤ በአካል ውስጥ የተጠራቀመውን ጮማና ሞራ ለማራገፍ ይረዳል፤ አበሻ ግን ምኑ ሞኝ ነው፤ በሆድ ቀልድ የለም! የጾም ምግብ የሚባል ነገር ፈጥሮ ሆዱን ያስደስተዋል፤ ሥጋና ቅቤ ቀረብኝ ብሎ እንዳይጠወልግ ተቆጥሮ ብዛቱ የማይታወቅ ዓይነት የጾም ወጥ አለው፤ ስንት ዓይነት የአትክልት ምግብ፣ በዚያ ላይ ሹሮው፣ ክኩ፣ ስልጆው፣ ተልባው፣ ሱፉ፣ የሽምብራ ዓሣው፣ አዚፋው፣ ስንቱ ይቆጠራል!

ጾሙ ያልፍና ፍስኩ ሲመጣ አበሻ ፊቱን ከአትክልት ዓለም ወደእንስሳት ዓለም ያዞራል፤ ከዶሮ ጀምሮ እስከበሬው ኡኡ እያለ ለእርድ ይሰለፋል፤ የዶሮው ወጥ፣ የበጉ ወጥና አልጫው፣ ቅቅሉ፣ ምንቸት አብሹ፣ ክትፎው፣ ጥብሱ፣ ዱለቱ፣ ጥሬ ሥጋው፣ ምኑ ቅጡ!

የአበሻ ምግብ በዚህ ብቻ አይቆምም፤ አንዳንድ አበሻን የማያውቁ ሰዎች አበሻ ፍቅር አያውቅም ይላሉ፤ አበሻ ሌላ ቀርቶ በምግብም ፍቅሩን ይገልጻል፤ የመዝናኛና የፍቅር ምግብም አለ፤ እነቅንጬ፣ እነጨጨብሳ፣ እነግፍልፍል እዚህ ውስጥ የሚመደቡ ናቸው።

አበሻ የመንገድ ምግብም አለው፤ አገልግሉ፣ ቋንጣው፣ በሶው፣ ጭኮው፣ ጭኮው፣ የቡና ቁርስ እያለ ቆሎውን፣ ንፍሮውን፣ በቅቤና በአዋዜ የራሰ ቂጣውን፣ አነባበሮውን፣ አሹቁን ይከሰክሳል፤ አበሻ ከተመቸው መቼ ነው ከመብላት የሚያርፈው? የቱ አገር ነው በዚህ ሁሉ ምግብ ተወዳድሮ አበሻን ማሸነፍ የሚችለው?

አበሻ ምግብ ስለሚወድ የሚያስበላው ነገርም ይወዳል፤ ቃሪያን መብላት ልዩ ጥበብ ያደረገው ለዚህ ነው፤ ቂሉ ፈረንጅ አፐረቲቭ እያለ (ከሣቴ ከርስ መሆኑ ነው፤) አንጀቱን የሚጠብሰውን አረቄ ይጠጣል፤ በቅመማቅመምና በድልህ የተቁላላውን ወጥ በእንጀራ እየጠቀለለ ቢጎርስ እያላበው ይበላ ነበር!

የአበሻ ምግብ የሚበላው ወገን በፈረንጅ አገር ሲኖር አገሬ የሚለውና የሚናፍቀው የአበሻ ምግብ ነው! ስለዚህም በሄደበት የአበሻ ምግብ አይለየውም! አበሻ ሆዱን ትቶ አይሰደድም! እንዴት ብሎ!