(ኢ.ኤም.ኤፍ) በመሰረቱ ጅምላ ጨራሽ ተውሳክ ወይም ባዮሎጂካል መርዝ በሰው ልጅ ላይ መጠቀም በተባበሩት መንግስታት የተከለከለ ነው። ሆኖም ይህንን የሰውን ልጅ በጅምላ የሚጨርስ ተውሳክ በህወሃት ጄነራሎች የሚመራው የኢትዮጵያ መከላከያ ሚንስትር በድብቅ ወደ አገር ውስጥ አስገብቶ ነበር። “ለምን እና በማን ላይ ግድያውን ለመፈጸም ነው?” የሚለው ጥያቄ እንዳለ ሆኖ፤ የተባበሩት መንግስታት የጸጥታ ክፍልም ቢሆን እንደዚህ አይነት ጥቆማ ቢደርሰው እርምጃ ለመውሰድ ይችላልና ኢትዮጵያውያን አክቲቪስቶችን ይህንን ጉዳይ ልብ ሊሉት ይገባል። እናም ዛሬ የደረሰን ዘገባ እንዳመለከተው ከሆነ፤የዛሬ ዓመት በድብቅ ተጭነው ወደ አገር ቤት ውስጥ የገቡትን አንትራክስ ስፓርስ (anthrax spores )፥ ብሩሲሎሲስ (brucellosis)፣ እና ቦቱሊስም (botulism) የሚባሉ ጅምላ ጨራሽ ባዮሎጂካል መርዞች ታሽገው ከተቀመጡበት ደብረዘይት መከላከያ ኮሌጅ ላቦራቶሪ ውስጥ ወደ መቀሌ ዛሬ ሌሊት በኮንቴነር ተጭነው እንደተወሰዱ ለማወቅ ተችሏል።

ጥቆማውን ያቀረበው እና አባ ኮስትር በሚል ስም መጠራት የመረጠው ግለሰብ ከሙያውም አንጻር ይህንን ጥቆማ መሰረት በማድረግ ለግንዛቤ እንዲሆን ከዚህ በታች ያለውን የግንዛቤ ጽሁፍ አዘጋጅቶ አቅርቧል።
ሥነህይወታዊ በሽታ አምጭ(Biological Ethiologic Agents ) ተዉሳክን እንደ ጦር መሳርያ (Biological Weapons )የሰዉ ልጅ መጠቀም የጀመረዉ ከክርስቶስ ልደት በፊት በ 400 አ.አ የጦር ቀስትን በሞቱ እንስሳ ፈሳሽ ደምና የደም ተዋጾች መዘፍዘፍና ባላንጣን በመዉጋት ፤የኩሬ መጠጥ ዉሀን በመበከል እንደተጀመረ ከጤና ነክ መረጃወች መረዳት ይቻላል።የምራባዊያን ታሪካዊ ድርሳናትም ይህንኑ ያረጋግጣሉ።

የቅርቦችን ክንዉን ሰናስታዉስ በአንደኛዉ የአለም ጦርነት ጀርመን አንትራክስ (Anthrax)የተባለዉን በባክቴርያ በሶስት መንገዶች የሚዛመት ራሱን አካባቢዉ ሁኔታጋር በቀላሉ ሊቋቋም የሚችል(Spore former) እና በአፈር ላይ እስከ ፵ አመታት በላይ መቆየት የሚችል በተለይም ሳር የሚግጡ የቤት እንሰሳን የሚያጥቃ እና ከነሱ ጋር በሚደረግ ንክኪ ማለትም ቆዳቸዉ ሲነካ :-
1. በብነት መልክ በአየር(Aerosols )
2. ሰዉነታችን ላይ ቀላል ጭረት ካለ በንክኪ (Cutaneous) እንዲሁም
3. ሰጋቸዉንበመመገብ (Gastrointestinal) ወደ ሰወች የሚተላለፍ ሲሆን በተመሳሳይም ይህንኑ አንትራክስ በሁለተኛዉ የአለም ጦርነት በጃፓን በሚስጥር በእስረኞች ላይ ተሞክሮ እስከ ሶስት ሺህ የሚሆኑ ሰወች ሰለባ ሆነወል።አሜሪካም ጀርመን በሁለተኛዉ የአለም ጦርነት ባዮሎጂካል መሳሪያን የምትጠቀም ከሆነ ምላሽ የሚሆናትን ለህክምናም ሆነ ለመከላከል አዳጋች የሆነዉን ለስጋ ዉጤቶች መመረዝ መንስኤ የሆነዉን ቦቱሊዝም የሚያመጣ (clostridium botulinum bacteria)የተሰኘ ባክቴሪያ ማዘጋጀትዋ ይታወሳል።በተጨማሪም ኤራቅ፤ ብሪታንያ፤ራሽያ ቬትናም የመሳሰሉ ሀገሮች የባዮሎጂካል ጦር መሳርያን የሚጠቀሙ ሲሆን በዉጤታማነቱም ሆነ በአቅርቦት ከኒውክሌር የተሻለና እጅግ ርካሽ መሆኑንም የተለያዩ የዘርፉ ምርምሮች ያመላክታሉ።
በዚህም መሰረት አንድ ግራም ባዮሎጂካል ቶክሲን (ቦቶሊዝም)አስር ሚሊዮን ያህል ሰዎችን በአንዴ ይገላል።ለምሳሌ ይሄዉ በላቦራቶሪ የተጣራ የቦቶሊዝም ቶክሲን የሰዉን ልጅ መተንፈሻ ና ነርቭ በማጥቃት ከሚታወቀዉ ሳሪን ኬሚካል ጦር መሳርያ(sarin chemical weapon ) ይልቅ ሶስት ሚሊዮን ጊዜ እጅግ ሲበዛ መርዛማ(potent) ነዉ።ቦቱሊዝም ሳሪን ኬሚካል ከሚሸፍነዉ የቆዳ ስፋት አንጻርም አንድ ግራም ቦቱሊዝም የሚባለዉን አደገኛ ገዳይ ቶክሲን አስራ ስድስት እጥፍ ማለትም ሶስት ሺህ ሰባት መቶ ያህል(3700) ስኩየር ካሬ ሜትር ቦታ ይሽፍናል።
ሌላ ጊዜ በሰፊዉ የምመለስበት ሆኖ ለጥፋት የተዘጋጀዉ አፍሪካዊ ናዚ ወያኔ እነዚህን በተባበሩት መንግስታት ጠቅላላ ጉባኤ የተከለከሉ የባዮሎጂካል የጦር መሳሪያወች(Biological Weapons) አከማችቶ መገኘቱ እንደምታ ሊጤን ፤ ሊታወቅ ና መረጃዉ ተጣርቶ አለም አቅፍ ትኩርት ሊሰጠዉና ወንጀለኛዉ ትግራይ መራሹ የወንበዴ ቡድን እጅከፈጅ (Redhanded) ተይዘዉ ለፍርደ እንዲቀርቡ ሁላችንም የድርሻችንን እንወጣ።

ምንጭ፦EMF

ሰው በእግዚአብሔር አምሳል የተፈጠረ ነው፤ ሕይወቱ ክቡር ነው፤ ክቡር ሕይወቱን ለመጠበቅ ብዙ ፍላጎቶቹን ማሟላት አለበት፤ አንዳንዶቹ ፍላጎቶች በየዕለቱ የሚከሰቱና የሚጎተጉቱ ናቸው፤ ስለዚህም ወዲያው ካልተስተናገዱ በጤንነት ላይ መጥፎ ውጤትን ያስከትላሉ፤ምግብና መጠጥ ግዴታዎች ናቸው፤ ልብስና መጠለያም ግዴታዎች ናቸው፤ ሰው ሁሉም ነገር ከተሟላበት ከገነት ከተባረረ በኋላ በግንባርህ ላብ ብላ ተብሎ ተረግሟል፤ በሰላም በሕግ ጥላ ስር የመተዳደር ፍላጎትም አለ፤ በአለው አቅምና ችሎታ አነዚህን ፍላጎቶች ለማሟላት ይጥራል፤ ይህ ቀላል አይደለም፤ ቀላል የማያደርጉት ብዙ ምክንያቶች አሉ።

አንደኛ፣ የሰውም፣ የእንስሳም፣ የእጸዋትም ሁሉ መኖሪያና መመገቢያ ምድር አንድ ነች፤ ስለዚህ ውድድሩ ከባድ ነው፤ በዚች ምድር ላይ እየኖሩ፣ ምድር የምታፈራውን እየተመገቡ፣ ውሀዋን እየጠጡ በሰላም መኖር አይቻልም፤ የሰው ልጅ ከቢምቢ ጋር ብቻ ሳይሆን ከሰው ቢምቢ ጋርም መታገል አለበት፣ ከዱር አንበሳ ጋር ብቻ ሳይሆን ከሰው አንበሳ ጋርም ነው።

ሁለተኛ፣ ፍላጎቶች የሥራ ሁሉ ምንጭ ስለሆኑ በጣም ይራባሉ፤ የመራባት አቅማቸው ከሰው ልጅ መራባትና የመፍጠር ችሎታ ጋር የተያያዘ ነው፤ በተጨማሪም ለተመቸው ሁሉ አምሮቶች ፍላጎቶች ይሆናሉ፤ ደሀዎችንና ሀብታሞችን የሚለየው አንዱ ዋና ነገር የፍላጎቶች ብዛት ነው፤ የደሀ ፍላጎቶች ከመሠረታዊ ፍላጎቶች አይርቁም፤ የሀብታሙ ፍላጎቶች ከትልቅ ቤት ወጥተው በትልቅ መኪና አድርገው በአውሮጵላን ሰማይ ይወጣሉ፤ ከዚያም አልፈው ይቧጭራሉ።

ሦስተኛ፣ በፍላጎቶች መራባት ላይ አምሮት ታክሎበት፣ እነዚህን ፍላጎቶችና አምሮቶች ማስተናገድና ማርካት ከባድ ፉክክርን ይፈጥራል፤ አብዛኛውን ጊዜ በፉክክር ላይ የሚታየው የተሠራው ቤት ትልቅነትና ውበት፣ የታረደው ሙክት ትልቅነትና ስብነት፣ የሚለብሰው ልብስ ስፌትና ውበት፣ የሚነዳው መኪና ዓይነት የሰዎቹን የኑሮ ደረጃ ያሳያል፤ በግለሰብ ደረጃ ይህ ከፍተኛ የልማት ደረጃን ያመለክታል፤ የግለሰቦችን እድገት የሚጠላ የለም፤ ጥያቄው የግለሰቦች አድገት በምን ዓይነት መንገድ ተገኘ ነው፤ ግለሰቦች በሕገ-ወጥ መንገድ ደሀውን እያሠሩና እያፈናቀሉ መሬቱን በዝርፊያና በቅሚያ ሌሎቹን እያደኸዩ ራሳቸውን የሚያበለጽጉ ነገን የማያስቡ ዕለትዋን ዘለዓለም አድርገው የሚቀበሉ ግዴለሾች፣ ወይም ጅሎች ናቸው።

በግፍ የበለጸጉ በግፍ ይደኸያሉ፤ ትናንት መንግሥቱ ኃይለ ማርያም በአንድ ቀን ስንቱን ሀብታም ባዶ እንዳደረገውና እንዳኮማተረው ይህ ትውልድ አላየም፤ ግን ሰምቷል፤ በደርግ ዘመን የመሬት አዋጁንና የትርፍ ቤቶች አዋጆች ያስከተሉትን ሐዘንና ድንጋጤ ያዩ ሰዎች እንዴት እንደገና ሊመጣ ይችላል ብለው ማሰብ ያቅታቸዋል? አንዱ የመክሸፍ ዝንባሌ እንዲህ በቅርቡ የሆነውን መርሳትና ምንም ትምህርት ሳያገኙበት ኑሮን እንደዱሮው መቀጠል ነው፤ ታሪክ የሚከሽፈው እንዲህ ትምህርት መሆን ሲያቅተው ነው፤ በየመንገዱ፣ በየቀበሌው በየስብሰባው ጥርሱን እየነከሰ የውስጥ ቁስሉን የሚያሽ ሰው ሞልቷል፤ የሚራገም ሰው ሞልቷል፤ ከተወለዱበት፣ከአደጉበትና ለስድሳ ዓመት ከኖሩበት፣ ሠርግና ተዝካር ከደገሱበት ሰፈር ተገድዶ መልቀቅ፣ በልጅነት አብረው እየተጫወቱ፣ በኋላም በትምህርት ቤት አብረው በጓደኝነት ከዘለቁ፣ በሥራ ዓለም ከገቡ በኋላ በቅርብ ወዳጅነት አብረው ከቆዩ፣ በአንድ አጥቢያ ቤተ ክርስቲያን በሃይማኖት በዓላት በደስታም በሐዘንም ከሃምሳ ዓመታት በላይ ያልተለያዩ ሰዎች ጉልበተኛ መጥቶ በግድ ሲበትናቸውና ሲለያዩ፣ መድኃኔ ዓለም ይበትናችሁ! ሳይሉ ይቀራሉ? በግፍ የበለጸጉ በዚህ እርግማን እየተበተኑ ይደኸያሉ፤ እግዚአብሔር በቀዳዳው ያያል፤ አትጠራጠሩ!

ሰውን ገድሎ በሬሣው ላይ ቤት ሠርቶ ሀብታም መሆን ልበ-ደንዳኖች ለአጭር ሕይወታቸው የሚጠቀሙበት ከንቱ ድሎት ነው፤ ሕገ-ወጥነት ነው፤ ግዴለሽነት ነው፤ በቅርቡ ኤርምያስ እንደነገረን የአዲስ አበባን የመሬት ዘረፋ የአዘዘው መለስ ዜናዊ ዛሬ ለአሻንጉሊት የተሠራች በምትመስል ቪላ ውስጥ በሥላሴ ቅጥር ግቢ ውስጥ ከሚገባው በላይ ድርሻውን ይዞአል፤ የሁሉም መጨረሻ ይኸው ነው፤ ኤርምያስ እንደሚነግረን የአዲስ አበባ የመሬት ዝርፊያ ከልማት ጋር የተያያዘ ሳይሆን ከዓመታት በፊት የነፍጠኞችን አከርካሪት ለመስበርና የወያኔን ትንሽ ልብ አፍኖ የያዘውን ጥላቻ ለማስተናገድ የታቀደ የሕመም መግለጫ ነው፤ ከኢትዮጵያ ሕዝብ አምስት ከመቶው ዓለም-አቀፍነት ሀበታምነት ደረጃ ላይ ሲደርስ ዘጠና አምስት ከመቶ የሚሆነው ደግሞ ወደለማኝነት ደረጃ ሲወርደ ምንም አይሆንም ብሎ ማሰብ — አይ ማሰብ የት አለ — መመኘት ሳያስቡት በድንገት የሚመጣውን የሕዝብንም፣የእግዚአብሔርንም ኃይል፤ አሜሪካ ተማሪ በነበርሁበት ዘመን (በድንጋይ ዳቦ ዘመን!) አንድ ተወዳጅ ዘፈን ነበር፡– ከቀኜ ብታመልጥ ከግራዬ አታመልጥም! የሚል።

ልማት ምንድን ነው? ከመጀመሪያውኑ መጠየቅ የነበረብን ጥያቄ ነው፤ እያንዳንዱ ሰው ኑሮውን ለማሻሻል፣ ከዛሬው ኑሮ ተምሮ ነገን የተሻለ ለማድረግ ብቻውን ወይም ከሌሎች ጋር በመተባበር የሚያደርገው ጥረት ነው፤ የኢትዮጵያ ሕዝብ መክሸፍ ጎልቶ የሚታይበት የቁሞ መቅረት ጉዳይ ነው፤ እውነቱ ግን ቁሞ መቅረት አይደለም በአንጻራዊ መለኪያ ቁልቁለት መውረደረ ነው፤ እዚህ ላይ ቆም ብለን የሩቁን መክሸፍ ከቅርቡ መክሸፍ ለይተን እንመልከተው።

ዱሮ ከአክሱም ሐውልቶችና ከላሊበላ ሕንጻዎች ብንጀምር የመክሸፍ ተዳፋቱ ከባድ ነው፤ ከአክሱምና ላሊበላ የሕንጻ ሥራዎች ወደጭቃ ጎጆ ያለው ቁልቁለት ነው፤ ወደቅርብ ዘመን መጥተን በእኔ ዕድሜ የሆነውን ብናይ ወደ1950 አካባቢ ኢትዮጵያ በማናቸውም ነገር የአፍሪካ መሪ ሆና ነበር፤ ዛሬ ያለችበትን ሁሉም ያውቀዋልና አልናገርም፤ ልማት የሚባለውን ነገር ገና አልጀመርንም፤ ልማት በዝርፊያ፣ ልማት በትእዛዝ አይመጣም፤ ልማት የምንለው የማኅበረሰቡን እድገት እንጂ የጥቂት ሰዎችን መንደላቀቅ አይደለም፤ ልማት የምንለው ከእያንዳንዱ ዜጋ ነጻነትና ፈቃድ ጋር የተያያዘውን የጋራ እድገት እንጂ በጥቂት ጉልበተኞች የአገሩን ዜጎች በአገራቸው ስደተኞች የሚያደርገውን አፍርሶ መሥራት አይደለም።

         የኢትዮጵያ ሕዝብ በወያኔ  የአፈና ቀንበር ስር ከወደቀ አንስቶ በፖለቲካው፣ በኢኮኖሚ እንዲሁም በማህበራዊ  ሕይወቱ እጅግ ወደከፋ አቅጣጫ እያመራ  ይገኛል በተለይም የመንደር ፖለቲካው በኢትዮጵያዊያን መካከል ለመፍጠር እየተሞከረ ያለው ልዩነት ስርዓቱ እንዳሰበውና እንደሚፈልገው  ገቢር አይሁን እንጂ አገዛዙ የለኮሰውን የጥፋት እሳት በአፋጣኝ ተረባርበን ካላጠፋነው ለወደፊት በኢትዮጵያዊነት  ስሜት እና መንፈስ ላይ አደጋ የሚፈጥር ነው።

የኢትዮጵያ ሕዝብ አርበኞች ግንባር አምባገነኑንና ጎጠኛዉን የወያኔ አገዛዝ ለማስወገድ ከፍተኛ መስዋአትነት ከፍሏል።  ድርጅታችን ለኢትዮጵያና ሕዝቧ ጥቅም ሲል ዳገት ቁልቁለቱን፣ ረሃብና ጥሙን፣ ውርጭ ቸነፈሩን የኔ ብሎ በመቀበል አጥንቱን በመከስከስ ደሙን በማፍሰስና መተኪያ የሌላት ውድ ህይወቱን በመክፈል ለአገሩና ለሕዝቡ ያለዉን ጥልቅ ፍቅር በተግባር አስመስክሯል ።

በውጭ የሚኖሩ ኢትዮጵያዊያን ለለውጥ ትግሉ በሰላማዊ ሰልፍ ፣ በሻማ ማብራት፣ የወያኔን ድብቅ አጀንዳ የተለያዩ መንግስታት እንዲያውቁት በማድረግ፣ በማማከር፣በገንዘብ ወ.ዘ.ተ ድጋፍ በማድረግ ቀላል የማይባል ሚና ተወጥተዋል ። ይህ የተቀደሰ የአርበኝነት ትግል በተደራጀ እና ወጥነት ባለው መልኩ እንዲከናወን የኢትዮጵያ ሕዝብ አርበኞች ግንባር በአቶ የዋርካው መንግስቱ የሚመራ የዓለም አቀፍ ኮሚቴ በጊዜያዊነት መቋቋሙን እያስታወቅን ኮሚቴው ግንኙነቱና አጠቃላይ የውጭ እንቅስቃሴዎቹ ከግንባሩ የውጭ ጉዳይ ሃላፊ አርበኛ  ኑርጀባ አሰፋ እውቅናና ምክክር  ይሆናል ከዚህ አሰራር ውጭ የሚደረግ ማንኛውንም አይነት የውጭ እንቅስቃሴ ግን ተቀባይነት የሌለው መሆኑን አጥብቀን እናሳስባለን። በተቋቋመው የዓለም አቀፍ ኮሚቴ ስር በመደራጀት መላው ዲያስፖራ የየበኩሉን ድርሻ በመወጣት ለስደት የዳረገውን የወያኔ አገዛዝ  ለመታገል ነገ ሳይሆን ዛሬ ሊነሳ ይገባል። አንድነት ሃይል ነው !

የኢትዮጵያ ሕዝብ አርበኞች ግንባር ሐምሌ 14-2006 ዓ/ም

ከሥርጉተ ሥላሴ 21.07.2014 (ሲዊዘርላንድ ዙሪክ።)

እጅግ የምትናፍኝ፤ የምሳሳልህ ክብሬና ማዕረጌ ሰፊው የኢትዮጵያ ህዝብ ሆይ!

እንዴት ነህ ብዬ ለመጠዬቅ አቅም የለኝም። መከራ ባዘራ ሰቀቀን፣ ስቃይ በከተመበት ኑሮ፣ ራህብ ትንፋሹ ባደረገ ህይወት፣ መገለልን አብዝቶ በከዘነ አዬር፣ መቀጥቀጥን ውቅራቱ ባደረገ ማዕልት፤ ፍርኃትን በሸመተ ድቅድቅ ሌሊት እንዳላህ እረዳለሁ።

ዛሬ በአንድ የጎሳ አንባገነን አስተዳደር በትግራይ ነፃ አውጪ ድርጅት በአድሎ መከትከቱ፣ የቀደመው ማንንት ሁሉ ተቀዶ ማፍሰሱ፣ የነፃነት ትንፋሽነት በጦር መወጋቱ፤ በባዕት በባይተዋርነት ሁሉን ችሎ መተከዙ እስከመቼ? ሸክሙ የሚራገፍበት ሁኔታ እንዴት ይሰናዳ? እንዴተስ ቆርጠህ ግፍና በደሉን ማረገፍ ተሳነህ?

በሰላማዊ ትግል የተሰለፉ ልጆችህ በተገኙበት ቦታ እዬታደኑ የአራዊት ፍትህወት መወጣጫ፤ የቂም መደቆሻ፤ የበቀል ማወራረጃ እዬሆኑ ዕንባን ሰንቆ ቀንን ማስለቱስ እስከመቼ ትቀጥልበት ይሆን?

መቼ ይሆን ይህ የመንፈስ መጋኛ የሆነ ዘር አጥፊ፤ ታሪክ ገዳይ፤ ትውልድን ደምሳሽ የዞግ ሥርዓት በቃህን በማለት ቁጣህን በህብረት የምትገልጠው? ከተቆጡትስ ጋር ተቀላቅለህ በስፋት ወጥተህ ፍዳህን – መከራህን ለዓለም አደባባይ የምታሳዬው ሰላማዊ የንቅናቄ የቁጣ እሳትህን መቼ ይሆን የምታነደው? ቀጠሮው እስከመቼ ነው?

ሴት ልጆችህ ለአራዊት እየታደኑ መጫወቻ ሆኑ። ወንድ ልጆችህም የግብረ ሰዶም ማርኪያ ሆኑ። ኢትዮጵያ ላይ የነነዌ ቀን እንዲህ ተፈቅዶለት እዬተጠበቀ ነው። የፈጣሪ ቁጣ ሲመጣ ሞገዱ አንተን ንዑዱን ከኃጢያተኛው ሳይለይ ይጨመርኃል። ስለዚህ ይህን የገማ ሥርዓት ከሥሩ ለመንቀል ከልብህ ሆነህ ሥርዓትህን ጠብቀህ የጠላኸው መሆኑን  በአንደበትህ እርግጡን ንገረው። ወያኔ ሲፈጠርም የአንተ አይደለም። አሲድ – ዲዲቲ ነው። መርዝ ነው ወያኔ።

እርግጥ ነው ጥቂቶች በልተው ያድራሉ። ውጭ ሀገር ልጆች ያላቸው። እነሱም እዬታፈኑልህ ነው። ተሰደውም ሰላም አልሰጣቸውም ሽፍታው ወያኔ። ስደት ላይ ያሉ ልጆችህ ሰላም አግኝተው እንደፈለጉት መንቀሳቀስ፣ ሠርተው ወጥተው መግባት እስካልቻሉ ድረስ ነገ ውጪ ሀገር ልጆች ያላቸው ቤተሰቦችም ቢሆን ጉሮሯቸው ይታነቃል። አፋኙ ወያኔ የውንብድና ተግባሩ ሆነ የማሳደድ ሥራው ከመቼውም በሰላ ሁኔታ በመሰሪ ደባ በውጭ ሀገርም እዬከወነው ይገኛል።

ሌላም ነገር አለ ሽፍታው ወያኔ ኑሮው ከተገነባበት አንዱ ልጆችህ በሚሰዱት የውጭ ምንዛሬ ስለሆነ ውጭ ያሉት ልጆችህ ተስማምተው ተቆራጩን ቢያቆሙስ? ሁሉም ይከረቸማል። በቀል የጠማውን ሽፍታ ለማምከን አንዱ የሰላው መንገድ ይህ ብቻ ነውና።

እንዲህ ወያኔ ልጆችህ በሄዱበት በተሰደዱበት ሀገር እንኳን ሰላማቸውን በመድፈር ልጆች አባት አልባ ፤ ትዳር አባወራ አልቦ እያሰቀረ በተገኘው አጋጣሚ ሁሉ ልጆችህን ከባዕድ ጠላትህ ጋር እያደነ – እያሳደደ – እዬደበደበ – እያፈነ – እዬገደለ ነው ከቶ ይህ  ለአንተ ለጨዋውና ለአርቆ አሳቢው ዬኢትዮጵያ ህዝብ ተመችቶህ ይሆን? ስለምን ይሆን ሊይህ አብዝቶ የተጸዬፍህን፤ ሊያስጠጋህ የማያፈቅደውን አራዊት አቅፈህ የያዝከው?

ልጆችህ ዘመን ከሰጣቸው ሥልጣኔ ተጣቀሚ እንዳይሆኑ እግር ብረት ይጠብቃቸዋል? ለመሆኑ አሸባሪው ወያኔ ስለመሆኑ ጠንቅቀህ ትረዳዋለህን?! በዘርህ – በእምነትህ – በደምህ – እዬተነጠልክ የምተቀጠቀጥበት ዘመን እንዲያከትም የተመቻቸህለት ይህን የወረስከው ትውፊት ከዬት ይሆን? ለፍተህ አንጡራ ሃብትህን አፍሰህ የሠራህው ቤትህ እራሱ የአንተ አይደለም። ጣሪያና ግድግዳ ብቻ፤ ይህ የቁም ሞት ውርደት ነው እስኪ ከልብህ ሁነህ ግፉን አስላው?

እጅግ ዬምወድህ ክብሬ – የጥንት የጥዋቱ ነፃትነትህን በምን መልክ ነው ያገኘኸው? የወረስከው? በአርበኝነት እኮ ነው። አርበኝነት አሸባሪነት ተብሎ ሲፈረጅ ዝምታህ የትናንቱን የአባቶችህ ገደለ – ታምራት እንደ አጠቆርከው እስኪ አድምጠው። ታሪክን – ሀገርን – ቅርስን ውርስን – ባህልን ትውፊትን ማቆዬት አሸባሪ ሲባል ከዚህ የከረፋ ምን መራራ ነገር ከቶ ይጠበቃል?

ክብሬና ሞገሴ ናፍቆቴና ጌጤ የኢትዮጵያ ህዝብ ሆይ! ሰንድቅዓላምህ እኮ እሰረኛ ነው። „ኢትዮጵያዊነትን“ ዬሚገልጹ ማናቸውም ነገሮች በአሻባሪነት የተመደቡ ናቸው። አንተም እራስህ የአርበኛው ውርስ ስለሆንክ በጫካው አውሬ በወያኔ በአሸባሪነት እንደተፈረጅክና ቀን ጠብቆም እዬለቀመ እንደሚቀጠቅጥህ በተደሞ መርምረው። የሚገዛህ የሚያስተዳድርህ ትናንት አከርካሪውን በዓለም አደባባይ ሰብረህ ቅጣቱን ሰጥተህ ያሰፈርከው የባንዳ መርህ ነው እያስፈጸመ ያለው።  በእጅ አዙር ዛሬ ቅኝ ሆነኃል። ይህ ለደምህ ይጥመው ይሆን?

የሴት እስረኛ ልጆች መከራ ደግሞ እጅግ እንቅልፍ የሚነሳ የሚያርመጠምጥ – ረመጥ ነው። ተገደው ነው በአካላቸው ለአጋዚ ሠራዊት መጫወቻ የሚሆኑት። ይህን የከረፋ ሥርዓት ከሥሩ ለመንቀል አታቅማማ አምላክህ ደግሞ ከግፉዕን ጋር ነውና ድምጽህን አሰማ – በአደባባይ!

ያ የጥንት ዬጥዋቱን ማንነትህን – አንተንህን የሰጠህን ቀና ብለህ እንደትሄድ ያደረገህ አንጡራ ጥሪትህ ተፈሪነትህ ሁሉ ወያኔ ጎርጉሮ – ዘርፎ  - አራቁቶ ግብዕታቸውን እዬፈጸመ ነው። እኮ የእኔ ጌጥ ሸክምህን ለማራገፍ መቼ ይሆን የምትቆርጠው? ከስሜን እሰከ ደቡብ፣ ከደቡብ እስከ ምስራቅ፤ ከምስራቅ እስከ ምዕራብ „አሻም መታረድ፣ አሻም መቀጥቀጥ አሻም መታሠር፣ አሻም መሰደድ አሻም ልጅ መቀማት“ ብለህ በቁርጥ ቀን ድምጽህን አጉልተህ ከአምላክህ ጋር ተባብረህ የምተነሳበት ቀን ከቶ መቼ ይሆን? እያረሩ ኑሮ ለአሻሮነት እንጂ ለነጠረው ኢትዮጵያነት ክብር አይመጥንምና ተነስ!

ኢትዮጵያዊነት ፈተናን አሸንፎ የተፈጠረ ሚስጥር!

ጀግኖቻችን ክብሮቻችን ናቸው!

እግዚአብሄር ይስጥልኝ!

ስፍን ወልደ ማርያም

ግንቦት 2006

ሰው በእግዚአብሔር አምሳል የተፈጠረ ነው፤ ሕይወቱ ክቡር ነው፤ ክቡር ሕይወቱን ለመጠበቅ ብዙ ፍላጎቶቹን ማሟላት አለበት፤ አንዳንዶቹ ፍላጎቶች በየዕለቱ የሚከሰቱና የሚጎተጉቱ ናቸው፤ ስለዚህም ወዲያው ካልተስተናገዱ በጤንነት ላይ መጥፎ ውጤትን ያስከትላሉ፤ምግብና መጠጥ ግዴታዎች ናቸው፤ ልብስና መጠለያም ግዴታዎች ናቸው፤ ሰው ሁሉም ነገር ከተሟላበት ከገነት ከተባረረ በኋላ በግንባርህ ላብ ብላ ተብሎ ተረግሟል፤ በሰላም በሕግ ጥላ ስር የመተዳደር ፍላጎትም አለ፤ በአለው አቅምና ችሎታ አነዚህን ፍላጎቶች ለማሟላት ይጥራል፤ ይህ ቀላል አይደለም፤ ቀላል የማያደርጉት ብዙ ምክንያቶች አሉ።

አንደኛ፣ የሰውም፣ የእንስሳም፣ የእጸዋትም ሁሉ መኖሪያና መመገቢያ ምድር አንድ ነች፤ ስለዚህ ውድድሩ ከባድ ነው፤ በዚች ምድር ላይ እየኖሩ፣ ምድር የምታፈራውን እየተመገቡ፣ ውሀዋን እየጠጡ በሰላም መኖር አይቻልም፤ የሰው ልጅ ከቢምቢ ጋር ብቻ ሳይሆን ከሰው ቢምቢ ጋርም መታገል አለበት፣ ከዱር አንበሳ ጋር ብቻ ሳይሆን ከሰው አንበሳ ጋርም ነው።

ሁለተኛ፣ ፍላጎቶች የሥራ ሁሉ ምንጭ ስለሆኑ በጣም ይራባሉ፤ የመራባት አቅማቸው ከሰው ልጅ መራባትና የመፍጠር ችሎታ ጋር የተያያዘ ነው፤ በተጨማሪም ለተመቸው ሁሉ አምሮቶች ፍላጎቶች ይሆናሉ፤ ደሀዎችንና ሀብታሞችን የሚለየው አንዱ ዋና ነገር የፍላጎቶች ብዛት ነው፤ የደሀ ፍላጎቶች ከመሠረታዊ ፍላጎቶች አይርቁም፤ የሀብታሙ ፍላጎቶች ከትልቅ ቤት ወጥተው በትልቅ መኪና አድርገው በአውሮጵላን ሰማይ ይወጣሉ፤ ከዚያም አልፈው ይቧጭራሉ።

ሦስተኛ፣ በፍላጎቶች መራባት ላይ አምሮት ታክሎበት፣ እነዚህን ፍላጎቶችና አምሮቶች ማስተናገድና ማርካት ከባድ ፉክክርን ይፈጥራል፤ አብዛኛውን ጊዜ በፉክክር ላይ የሚታየው የተሠራው ቤት ትልቅነትና ውበት፣ የታረደው ሙክት ትልቅነትና ስብነት፣  የሚለብሰው ልብስ ስፌትና ውበት፣ የሚነዳው መኪና ዓይነት የሰዎቹን የኑሮ ደረጃ ያሳያል፤ በግለሰብ ደረጃ ይህ ከፍተኛ የልማት ደረጃን ያመለክታል፤ የግለሰቦችን እድገት የሚጠላ የለም፤ ጥያቄው የግለሰቦች አድገት በምን ዓይነት መንገድ ተገኘ ነው፤ ግለሰቦች በሕገ-ወጥ መንገድ ደሀውን እያሠሩና እያፈናቀሉ መሬቱን በዝርፊያና በቅሚያ ሌሎቹን እያደኸዩ ራሳቸውን የሚያበለጽጉ ነገን የማያስቡ ዕለትዋን ዘለዓለም አድርገው የሚቀበሉ ግዴለሾች፣ ወይም ጅሎች ናቸው።

በግፍ የበለጸጉ በግፍ ይደኸያሉ፤ ትናንት መንግሥቱ ኃይለ ማርያም በአንድ ቀን ስንቱን ሀብታም ባዶ እንዳደረገውና እንዳኮማተረው ይህ ትውልድ አላየም፤ ግን ሰምቷል፤ በደርግ ዘመን የመሬት አዋጁንና የትርፍ ቤቶች አዋጆች ያስከተሉትን ሐዘንና ድንጋጤ ያዩ ሰዎች እንዴት እንደገና ሊመጣ ይችላል ብለው ማሰብ ያቅታቸዋል? አንዱ የመክሸፍ ዝንባሌ እንዲህ በቅርቡ የሆነውን መርሳትና ምንም ትምህርት ሳያገኙበት ኑሮን እንደዱሮው መቀጠል ነው፤ ታሪክ የሚከሽፈው እንዲህ ትምህርት መሆን ሲያቅተው ነው፤ በየመንገዱ፣ በየቀበሌው በየስብሰባው ጥርሱን እየነከሰ የውስጥ ቁስሉን የሚያሽ ሰው ሞልቷል፤ የሚራገም ሰው ሞልቷል፤ ከተወለዱበት፣ከአደጉበትና ለስድሳ ዓመት ከኖሩበት፣ ሠርግና ተዝካር ከደገሱበት ሰፈር ተገድዶ መልቀቅ፣ በልጅነት አብረው እየተጫወቱ፣ በኋላም በትምህርት ቤት አብረው በጓደኝነት ከዘለቁ፣ በሥራ ዓለም ከገቡ በኋላ በቅርብ ወዳጅነት አብረው ከቆዩ፣ በአንድ አጥቢያ ቤተ ክርስቲያን በሃይማኖት በዓላት በደስታም በሐዘንም ከሃምሳ ዓመታት በላይ ያልተለያዩ ሰዎች ጉልበተኛ መጥቶ በግድ ሲበትናቸውና ሲለያዩ፣ መድኃኔ ዓለም ይበትናችሁ! ሳይሉ ይቀራሉ? በግፍ የበለጸጉ በዚህ እርግማን እየተበተኑ ይደኸያሉ፤ እግዚአብሔር በቀዳዳው ያያል፤ አትጠራጠሩ!

ሰውን ገድሎ በሬሣው ላይ ቤት ሠርቶ ሀብታም መሆን ልበ-ደንዳኖች ለአጭር ሕይወታቸው የሚጠቀሙበት ከንቱ ድሎት ነው፤ ሕገ-ወጥነት ነው፤ ግዴለሽነት ነው፤ በቅርቡ ኤርምያስ እንደነገረን የአዲስ አበባን የመሬት ዘረፋ የአዘዘው መለስ ዜናዊ ዛሬ ለአሻንጉሊት የተሠራች በምትመስል ቪላ ውስጥ በሥላሴ ቅጥር ግቢ ውስጥ ከሚገባው በላይ ድርሻውን ይዞአል፤ የሁሉም መጨረሻ ይኸው ነው፤ ኤርምያስ እንደሚነግረን የአዲስ አበባ የመሬት ዝርፊያ ከልማት ጋር የተያያዘ ሳይሆን ከዓመታት በፊት የነፍጠኞችን አከርካሪት ለመስበርና የወያኔን ትንሽ ልብ አፍኖ የያዘውን ጥላቻ ለማስተናገድ የታቀደ የሕመም መግለጫ ነው፤ ከኢትዮጵያ ሕዝብ አምስት ከመቶው ዓለም-አቀፍነት ሀበታምነት ደረጃ ላይ ሲደርስ ዘጠና አምስት ከመቶ የሚሆነው ደግሞ ወደለማኝነት ደረጃ ሲወርደ ምንም አይሆንም ብሎ ማሰብ — አይ ማሰብ የት አለ — መመኘት ሳያስቡት በድንገት የሚመጣውን የሕዝብንም፣የእግዚአብሔርንም ኃይል፤ አሜሪካ ተማሪ በነበርሁበት ዘመን (በድንጋይ ዳቦ ዘመን!) አንድ ተወዳጅ ዘፈን ነበር፡– ከቀኜ ብታመልጥ ከግራዬ አታመልጥም! የሚል።

ልማት ምንድን ነው? ከመጀመሪያውኑ መጠየቅ የነበረብን ጥያቄ ነው፤ እያንዳንዱ ሰው ኑሮውን ለማሻሻል፣ ከዛሬው ኑሮ ተምሮ ነገን የተሻለ ለማድረግ ብቻውን ወይም ከሌሎች ጋር በመተባበር የሚያደርገው ጥረት ነው፤ የኢትዮጵያ ሕዝብ መክሸፍ ጎልቶ የሚታይበት የቁሞ መቅረት ጉዳይ ነው፤ እውነቱ ግን ቁሞ መቅረት አይደለም በአንጻራዊ መለኪያ ቁልቁለት መውረደረ ነው፤ እዚህ ላይ ቆም ብለን የሩቁን መክሸፍ ከቅርቡ መክሸፍ ለይተን እንመልከተው።

ዱሮ ከአክሱም ሐውልቶችና ከላሊበላ ሕንጻዎች ብንጀምር የመክሸፍ ተዳፋቱ ከባድ ነው፤ ከአክሱምና ላሊበላ የሕንጻ ሥራዎች ወደጭቃ ጎጆ ያለው ቁልቁለት ነው፤ ወደቅርብ ዘመን መጥተን በእኔ ዕድሜ የሆነውን ብናይ ወደ1950 አካባቢ ኢትዮጵያ በማናቸውም ነገር የአፍሪካ መሪ ሆና ነበር፤ ዛሬ ያለችበትን ሁሉም ያውቀዋልና አልናገርም፤ ልማት የሚባለውን ነገር ገና አልጀመርንም፤ ልማት በዝርፊያ፣ ልማት በትእዛዝ አይመጣም፤ ልማት የምንለው የማኅበረሰቡን እድገት እንጂ የጥቂት ሰዎችን መንደላቀቅ አይደለም፤ ልማት የምንለው ከእያንዳንዱ ዜጋ ነጻነትና ፈቃድ ጋር የተያያዘውን የጋራ እድገት እንጂ በጥቂት ጉልበተኞች የአገሩን ዜጎች በአገራቸው ስደተኞች የሚያደርገውን አፍርሶ መሥራት አይደለም።

ከአለማየሁ አንበሴ

በአሁኑ ጊዜ በሃገራችን የብሄር እውቅና ጥያቄ ከሚያነሱ ህዝቦች መካከል በአማራ ክልል ጎንደርና አካባቢዋ ነዋሪ የሆኑት “ቅማንቶች” ተጠቃሽ ናቸው፡፡ ይህን የቅማንቶች ታሪክና የብሄር ጥያቄ ለመጀመሪያ ጊዜ ወደ አደባባይ ይዘው ብቅ ያሉት ደግሞ ከኒውዮርክ “ዩኒቨርሳል ፒስኮርፕ ኮርፖሬሽን” የሰላም አምባሳደርነት ማዕረግ ያገኙት አቶ ነጋ ጌጡ ናቸው፡፡ “የአማራ አቀፍ ልማት ማህበርን ካቋቋሙት አንዱ ነኝ” የሚሉትና በጎንደር የፋርማሲ ባለቤት የሆኑት አቶ ነጋ፤ ከ1984 ዓ.ም ጀምሮ የቅማንትን ብሄረሰብ ለማስተዋወቅና የብሄር ጥያቄያቸው እንዲመለስ ብዙ መስዋዕትነት እንደከፈሉ ይናገራሉ፡፡ ምላሽ ለማግኘት ያልገቡበት የመንግስት መዋቅር እንደሌለም የሰላም አምባሳደሩ ይገልፃሉ፡፡

የፌዴሬሽን ምክር ቤት የብሄረሰቡን የእውቅና ጥያቄ ተቀብሎ ከመረመረ በኋላ በድጋሚ እንዲጠና ትዕዛዝ ማስተላለፉን አቶ ነጋ ይናገራሉ፡፡ “የብሄረሰቡ ጥያቄ መቼም ተዳፍኖ አይቀርም፤ ቅማንት ቅማንት ነው፤ ማንም አይሽረውም” ባይ ናቸው፡፡ የአዲስ አድማስ ከፍተኛ ሪፖርተር አለማየሁ አንበሴ ለስራ ጎንደር በቆየበት ወቅት ከአቶ ነጋ ጌጡ ጋር በብሄረሰቡ ማንነት፣ ባህልና ቋንቋ ዙሪያ አውግቷል፡፡

እስቲ ስለቅማንት ብሄረሰብ ማንነት በዝርዝር ይንገሩኝ?

የቅማንት ብሄረሰብ ቀደምት ህዝብ ከሚባሉት ውስጥ አንዱ ነው፡፡ መገለጫው በኛ በቅማንቶች አባት፣ እሚታ፣ አያት፣ ቅድመ
አያት-ቅማንት – ምንዥላት-እንጃለት ብለን 7ኛ ቤት ድረስ ይሄዳል። 6ኛው ዙር ምንዥላት ሚባለው አሁን ጠፍቷል፡፡ አሁን ያለው የመጨረሻው ቅማንት ነው፡፡ እነዚህ ከአባት ተጀምሮ ወደ ላይ የሚጠሩት የዘር ተዋረዶች ናቸው፡፡ ኢትዮጵያዊ ህብረተሰብ “እሚታ”ን አያውቀውም፡፡ ስም ከነአያት እየተባለ ነው የሚፃፈው፡፡ በኛ ግን ከአባት ቀጥሎ እሚታ፣ ከእሚታ ቀጥሎ አያት ይከተላል፡፡
አሁን እኔ ስጠራ ነጋ ጌጤ ለምለሙ ተስፋዬ ነው፡፡ እናንተ ግን ስትጠሩኝ ነጋ ጌጤ ተስፋዬ ብላችሁ ነው፡፡ ምክንያቱም እሚታዬን
ፃፍ አላላችሁኝም፡፡ በብሄረሰቡ አጠራር የአባት ስም መጀመሪያ ይሆንና የልጅ ስም ይከተላል፡፡ ለምሳሌ የእኔ “ጌጤ ነጋ” ነው በብሄረሰቡ አጠራር፡፡ እንግዲህ ቅማንት ማለት ስንተረጉመው፤ “ከመንታ” ማለት ነው፡፡ ከመንታ ማለት “አንተ ካም ነህ”
ማለት ነው፡፡ በመፅሃፍ ቅዱስ የምናውቃቸው ኖህ፣ ሶስት ልጆች አሏቸው -ሴም፣ ያፌት፣ ካም ይባላሉ፡፡ አፍሪካውያን የካም
ልጆች ናቸው። የካም ልጆች ደግሞ ኩሽ፣ ምዝራይብ፣ ፉጥ እና ከነአን ናቸው፡፡ ከዚህ መሃል የኛን ዘር የምናወጣው ከከነአን ልጆች
ነው፡፡ አራዲዮን – አደረኪን ወለደ። አደረኪ ሶስት ሚስቶችን አገቡ፡፡

አንደኛዋ ሚስታቸው አንዛኩና ትባላለች፣ ሁለተኛዋ ሚስታቸው ፌይኖባኩላ፣ ሶስተኛዋ ሚስታቸው ሰሜንድራ ትባላለች፡፡ ከአንዛኩና ቅማንትን፣ አገውን እና ቢሌንን (ኤርትራ ውስጥ ያሉ) ይወለዳሉ፡፡ ከሁለተኛ ሚስታቸው ካይላ፣ ሞረትን፣ አርጎባን እና ጋፋትን ይወልዳሉ፣ ከሶስተኛ ሚስታቸው ስራሁን፣ አከላጉዙ፣ ሐማስን፣ ሞንአሞርን፣ ቤጃን ይወልዳሉ።

ከእነዚህ ሶስት እናቶች የተወለዱ ልጆች ታላቁን አባት ሃገር የሚባለውን ይመሰርታሉ፡፡ “ታላቁ አባት ሃገር” የሚባለው በቅማንትኛ አቢሲኒያ ነው። አቢሲኒያ ማለት በቅማንትኛ “አባት ሃገር”ማለት ነው፡፡ እንግዲህ ይሄ ሁሉ ዘረዘርነው ዘር እየተዋለደተበተነ፤ ቅማንት ግን እንዳለ አለ፣ አገው፣ አርጎባ፣ ሞረት፣ ብሌን፣ ከይላ (ፈላሻ) አሉ፡፡
ጋፋት አሁን ጠፍቷል፤በቆዳ መፋቅ ነበር የሚተዳደሩት፡፡ ሞረት ደግሞ ሸማና የእጅ ጥበብ ሰሪ ናቸው፤ ሰሜን ሸዋ ውስጥ ይኖራሉ፡፡
አርጎባ ደግሞ በተለያዩ ክልሎች ተበጣጥሶ የተቀመጠ ነው፡፡ አገውም ደቡብና ሰሜን አገው ተብሎ ተበታትኖ አለ፡፡ መሃል ላይ ያለው እንግዲህ ቅማንት ነው፡፡ ቅማንት ከዘረዘርናቸው ብሄሮች በቁጥር በብዛት ይበልጣል፡፡ በጎንደር ውስጥ በ4 ወረዳዎች ከሚሊዮን በላይ የሆኑ ቅማንቶች አሉ፡፡

ግን በጣም የታፈነ ብሄር ነው፡፡ እንዲታወቅ አይፈለግም፡፡ ከባድ ጫና አለብን፡፡ ለምንድነው እንዲታወቅ የማይፈለገው? ለኛም ሚስጢር ሆኖብናል፡፡ ወደፊት ይህን ሚስጢር እናወጣው ይሆናል፡፡ አሁን እያጠናነው ነው፡፡ የክልሉ መንግስት ለኛ እውቅና ለመስጠት የሞት ያህል ነው የሆነበት፣ ለምን እንደሆነ አይገባንም፡፡ በታሪክ ሂደት እየቀነሰ መጣ እንጂ ይህ ብሄር ከቀደምት የአፍሪካ ብሎም የኢትዮጵያ ዘሮች የፖለቲካና ማህበራዊ ስፋት የነበረው ብሄር ነው፡፡ እኛ ቅማንትን ስንገልፅ ከመጀመሪያው የዘር መነሻ ጀምረን ነው፡፡

አማራዎች የዘር መነሻችሁን ግለፁ ብንላቸው የዘር መነሻ የላቸውም፡፡ አማራነት የተስፋፋው ከክርስትና ሃይማኖት መስፋፋት ጋር
ተያይዞ ነው፡፡ የተጠመቀ አማራ ተባለ፡፡ አገው፣ ቅማንቱ፣ ከይላው ወዘተ ሲጠመቅ አማራ ተባለ እንጂ እገሌ፣ እገሌን ወለደ እያልክ የአማራን የዘር መነሻ አታስቀምጠውም፡፡ ይሄ ችግር ስላለ ቅማንት ስሙ እንዳይነሳ ይፈለጋል፡፡

እኛ ስለ ጎንደር፣ ለፋሲል ግንብ የሚወራውን ሁሉ በሬዲዮ እየሰማን ከመሳቅ ውጪ በአሁን ሰዓት ምንም ማለት አንችልም፡ ስለፋሲልና ስለጎንደር መናገር የሚችለው ቅማንት ብቻ ነበር፡፡ ሌላ ማንም ሊናገር አይችልም ነበር፡፡ ግን ማንም ተነስቶ ሲዋሽ ስታየው
ደምህን ያፈላዋል፡፡ የጎንደር ነገስታት የቅማንት ብሄር አባላት ናቸው ነው የሚሉት?

ባይሆንም ስለታሪኩ መናገር የሚችለው ቅማንት ነው፡፡ እርግጥ እነዚህ ነገስታት ከሸዋ ተሰደው የመጡ ናቸው፡፡ በዚያ ሰዓት ደግሞ ሸዋም ቢሆን ቅማንት ነው የነበረው፡፡ ነገር ግን አስቀድሞ ወደ ክርስትና የተለወጠ በመሆኑ፣ ቅማንትነትን እየተወ አማራ ተባለ፡፡ እነዚህ ሰዎች ወደ ጎንደር ለመግባት ሲሞክሩ፣ ቅማንት አላስገባ ብሏቸው 70 ዓመት ፈጅቶባቸዋል፡፡ በኋላነው በስንት መከራ
የገቡት፡፡

ቅማንት እንግዲህ የሰሜን ኢትዮጵያን ከፈጠሩት አንዱ ነው፡፡ ከከነአን ቅማንት ሲወጣ፣ ከኩሽ ደግሞ የኦሮሞ ብሄርን እናወጣለን፡፡
ለእኛ ወንድሞቻችን ናቸው፡፡ ምዝራይብ የሚባለው ደግሞ መነሻው ካይሮ ነች፡፡ ጥንት ምስር ተብላ ትጠራለች፡፡ በዚያ አካባቢ
ያሉት ህዝቦች የምዝራይብ ዘሮች ናቸው፡፡ አሁን የቀሩት ጥቂት ናቸው፡፡ በአልጄሪያ የ”በርበር” ህዝቦች የሚባሉት ማለትነው፡፡ የ”ፋጥ” ደግሞ ፍልስጤማውያን ናቸው፡፡ አረቦች ከፐርሺያ፣ ከኢንዶኔዢያና ከሩቅ ምስራቅ የመጡ ህዝቦች ናቸው፡፡ የአረብ ምድር የኛ ነው፤ ሰዎቹ የመጀመሪያዎቹን ሰዎች አጥፍተው ኖሩበት እንጂ የእነሱ አይደለም፡፡ በቅማንትኛ “አረቢያ” ማለት የእህል ምድር ማለት ነው፡፡
ከውሃ ጥፋት በኋላ ሰምጦ ምድረ በዳ ይሁን እንጂ ከዚያ በፊት የበግ፣ የፈረስ፣ የእህል ምድር ነው፡፡ የቅማንት ሃይማኖት ምንድን
ነው? አሁን ከብሄረሰቡ 98 በመቶ ሚሆነው የተለያዩ የክርስትና እምነቶች ተከታይ ነው፡፡ ሙስሊምም አለ፡፡ የቀድሞውን ህገ ልቦናም የሚከተሉ አሉ፡፡ የእነ አብርሃም ሃይማኖት የሆነው ህገ ልቦና የቅማንቶች ቀዳሚ እምነት ነው፡፡ የህገ ልቦናው መሰረቶች የሆኑትን 5 መመሪያዎች ይከተላሉ፡፡

5ቱ መመሪያዎች ምንድን ናቸው? በአይሁድ እምነት ካሉት 10 ትዕዛዛት 5 ያህሉ ማለት ነው፡፡ ሙሉ ለሙሉ ባላስታውሳቸውም አትስረቅ፣ አትግደል፣ አታመንዝር ወዘተ የሚባሉት ናቸው፡፡ ቄሶች አሉ፣ በጫካ ውስጥ ሆነው አብርሃምን ቅዳሴ ይቀድሳሉ፡፡ ለቅማንት ብሄር መዳከም ምክንያቱ ምንድን ነው? በሌላው የሚደርስበት ጫና ነው፡፡ በተለይም የክርስትና እምነት መስፋፋት፡፡ ክርስትና በአክሱም በኩል መጣ፣ ያመነ የተጠመቀ ይድናል የሚለው ታወጀ፡፡ ቅማንቶች ደግሞ “አባሽቲ ሸምዲ ደደብቲ” አሉ “ባባትህ እደር በሸማህ ተቀበር” ማለት ነው። በአዲስ መጤ ሃይማኖት አትታለል ማለት ነው። በዚህ የተነሳ በአክሱምና በአካባቢው መኖር የሚችሉት የተጠመቁ ብቻ ናቸው፤ ያልተጠመቁ ተከዜን ተሻግረው ወዲያ ማዶ ይሂዱ ተባለ፡፡ በዚያው ከተከዜ ወደዚህ በሶስት አቅጣጫ ፍልሰት ሆነ፡፡

አንደኛው አቅጣጫ በዋግ በኩል ነው፡፡ ዋግ የደረሱ የቅማንት አባቶች “ዋያ አክሱም ከውጋላትን ነው” አሉ፤ ይህ ማለት አክሱምን
የሚመስል ሃገር አግኝተናል ማለት ነው፡፡ ወደ ሰሜን አቅጣጫ የመጡት ደግሞ በብዛት የህገ ልቦናው የሃይማኖት መሪዎች ናቸው፡፡ ቦታው ሲደርሱ “ድቢ ሸልሚ ጋጋ ከውጋላትን ነው” አሉ። በተራራ የጨለመ ሃገር ውስጥ ገብተናል የሚል ትርጓሜ አለው፡፡በወልቃይት በኩል የመጡት ደግሞ “ውላጋ ከውጋላትን ነው” አሉ፡፡ እኛ ሜዳ በሆነ ሃገር ውስጥ ገብተናል ማለት ነው፡፡ ስለዚህ የሰፈሩት ከሰሜን ተራራ አንስቶ እስከ ፓዌ ተራራ ነው፡፡ ወደ ተራራ የገፋቸውም ጦርነት ነው፡፡

ከኢትዮጵያ ውጪስ የቅማንት ዘር አለ? በኑቢያ ዘመነ መንግስት ቅማንት ሰፊ፡፡ አገራችን ኢትዮጵያ ስሟ አራት ነው፡፡ የመጀመሪያው ኑቢያ፣ ቀጥሎ ኩሽ፣ ቀጥሎ አበሽ፣ ከዚያ ኢትዮጵያ ሆነ። በኑብያ ዘመን የቅማንት ግዛት እስከ ፐርሺያ፣ ምዕራብ ህንድእና ሁሉንም አፍሪካ እና መካከለኛው ምስራቅን ያጠቃልል ነበር፡፡ መጀመሪያ የቅማንትን የማንነት ጥያቄ ይዤ የተነሳሁት እኔ ነኝ ብለዋል፡፡
ታሪኩን እንዴት ሊያውቁ ቻሉ? ጥናቶችስ አድርገዋል? የአባቴ አባት በጣም ነብይ ነበሩ፡፡ አንድ ምክር መከሩኝ፤ ይሄን ህዝብ የምታስጠራውአንተ ነህ፡፡

ጊዜው ሲደርስ ያለፍርሃት ለብሄረሰቡ መብት ታገል፣ ስሙን እንደገና አንሳው፤ ያኔ ኛ ህዝብ ቋንቋውን ያሳድጋል፤ ማንነቱ ይከበራል፤
እንደገና ቅማንትነት ይነግሳል አሉኝ፡፡ የሳቸውን ቃል ይዤ ተነሳሁ። በዚህም ብዙ መከራና ፈተና ገጥሞኛል፡፡ በፊት ጥቂት ሆነን እንታገል ነበር፤ ዛሬ ህዝቡ ሁሉሆ! ብሎ ተነስቶ እየታገለ ነው፡፡

መጀመሪያ ላይ ህዝቡ “ቅማንት ነኝ” ማለትን እንደ ሃፍረት ይቆጥረው ነበር። የቅማንት ብሄረሰብ የልማት ማህበርን በ1984 መሰረትኩ። በዚያ ማህበር ስም እየዞርኩ “እኔ ቅማንት ነኝ” እያላችሁ ራሳችሁን ግለፁ፡፡ ህገ መንግስቱ ለኛ መጥቷል፤ ተጠቃሚ
መሆን አለብን” እያልኩ ከሃገር ሃገር በእግሬ እየዞርኩ አስተማርኩ፡፡ እግረ መንገዴንም “የቅማንት ህዝብ ታሪክ” የምትል ትንሽ
መፅሐፍ ፃፍኩ፡፡

እሷ ከወጣች በኋላ በብሄረሰቡ ዙሪያ ውይይቱ ተስፋፋ፡፡ መፅሃፏ ትኩሳት አጫረች። በዚህ የተነሳ ብዙ መከራ ደርሶብኛል፡፡

አሁን ታዲያ ምን ውጤት አገኛችሁ? ከክልሉ መንግስት እና ከፊውዳሉ ጋር የነበረው ትግል ቀላል አልነበረም፡፡ ቅማንት አይደለንም ስንል ኖረን እንዴት ቅማንት ነን እንላለን የሚል ሃፍረት ያደረባቸው፣ ያንን የስነ ልቦና ዝቅጠት ለማላቀቅ ብዙ ጊዜ ፈጅቷል፡፡ አሁን አማራውም ከኛ ጋ ነው፡፡
ለኛ የሚወግኑ አማራዎች፤ አገው የብሄርነት እውቅና ካገኘ ቅማንት ለምን አያገኝም ብለው ራሳቸው ጥያቄውን እየደገፉ ነው፡፡
ቅማንቱም “በቅማንትነቴ እኮራለሁ” እያለ ዛሬ በግልፅ እየተናገረ ነው፡፡ አመለካከቱ ተለውጧል፡፡ የቋንቋው ት/ቤቶችን በየቀበሌው ቤት ተከራይተን በመክፈት ማስተማሩን ተያይዘነዋል፡፡ የመንግስት ት/ቤትማ ማን አድርሶን፡፡ መንግስት እኮ እንደ ተቃዋሚ ነው የሚቆጥረን፡፡

እኔ ዚህ በጣም አፍሬያለሁ፡፡ ዚህ መልኩ አንዳንዶች ትግላችንን እያሰናከሉ፣ እስከዛሬ ቢያቆዩትም እግዚሃር ይመስገን አሁን እያለቀ ነው፤ እየተሳካም ነው፡፡ ኦሮሞውና ቅማንቱ አልተቀላቀለም? በአንድ ወቅት ኦሮሞዎች የሰሜን ኢትዮጵያን እስከማስተዳደር ደርሰው ነበር ብዬ ነው ጥያቄውን ያነሳሁት… ኦሮሞው፣ አገው እና ቅማንት የተቀራረቡ ህዝቦች ናቸው፡፡

ሜሮይ ላይ የሃማቲክ ህዝቦች የምንላቸው አገው፣ ቅማንት የመሳሰሉት ናቸው። የኩሸቲክ ህዝቦች የሜሮይ ስልጣኔ ሲወድቅ ካርቱምን የተቆጣጠሩ ናቸው፡፡ ከኦሮሞ፣ ከአገው፣ ከቅማንትና ከሌሎችም ህዝቦች የተውጣጣ ነው። በክርስትና የተነሳ ህዝቡ በሙሉ አንድ
ብሄር ሆኖ አማራ ተባለ። ኦሮሞውም በዚህ ሂደት አማራ ሆኗል፡፡
ቅማንት እንደውም የአማርኛ ቋንቋ ከኔ ላይ ነው ያደገው፣ የራሴ ቋንቋ ነው ብሎ ያምናል፡፡ አማርኛ ቋንቋ በጣም የጠራውና በእግሩ የቆመው ጎንደር ላይ ነው፡፡ የይኩኖ አምላክንም፣ የነአኩቶ ለአብንም አማርኛ አይተነዋል፤ የተሰባበረ አማርኛ ነበር፡፡ነገር ግን አማርኛ
በእግሩ የቆመው ጎንደር ላይ በቅማንት ህዝብ ጀርባ ላይ ነው፡፡
ስለዚህ ቅማንት ለኢትዮጵያ ቅርስ ነው፡፡ ቅማንትን ማጥፋት ማለት ትልቅ ቅርስ ማጥፋት ማለት ነው። ነገ ቅማንት ራሱን ሲያስተዳድር ጉዱ ይታያል፡፡ የታፈኑ እውነቶች ይወጣሉ፡፡ ቅማንቶችን በመልክ እና በቁመና አይተን ከሌላው ልንለያቸው እንችላለን? በባህል ረገድስ? የቀድሞው ቅማንት የዛሬ አማራ የዛሬ፣ ትግሬ ብለን ነው የምንወስደው፡፡ ባህሉም ሁሉ የቅማንት ነው፡፡ የጎንደር ዘፈንና እስክስታ የቅማንት ነው።
የነይርጋ ዱባለ ዘፈንና ዜማ የቅማንት ነው፣ ግን ሲዘፍኑ የቅማንትን ምድር ጎጡን አይጠሩትም፡፡ እሚጠሩት ቅማንት የሌለበትን ቦታ ነው፡፡ ትግሬ፣ አማራ፣ ቅማንት ነው፡፡ ባላገር ሄደህ ብታየው ምንም ልትለየው አትችልም፡፡ ምክንያቱም የዛሬ ማንነቱን የያዘው በእምነት ነው፡፡ ክርስትናን በመቀበሉ እንጂ በደም አልተለወጠም፡፡ ጎንደር የሚለው ቃል ትርጉሙ ምንድንነው? የጌታ መነሻ ማለት
ነው፡፡ የጌታ መነሻ ማለት? እንግዲህ አንዱን የውሸት ታሪክ ትንሽ ልምዘዝልህ ማለት ነው፡፡

ከውሃ ጥፋት በኋላ አባታችን ኖህ፤ መርከብ ሰርቶ በመርከብ ነው ቤተሰቡ የተጠለሉት፤ መርከቧ ተንሳፋ አራራት ተራራ ላይ ተሰቀለች፡፡ ውሃው ሲጎድል ወጥተው ሲያዩ፣ መውረጃ የሌለው ተራራ ላይ ነው የተሰቀሉት፡፡ በዚህን ጊዜ ያለቅሳሉ፣ እግዚአብሔር
በቅርበት ከሳቸው ጋር ስለነበር “አታልቅስ መውረጃ ተሰርቶልሃል፤ ሂድ ወደ አባትህ ሃገር ወደ ጊዮን” ይላቸዋል፡፡ ጊዮን ማለት ጣና እና አባይ ነው፡፡ መጡ፡፡
የተቀመጡበት ቦታዎች ሁሉ አሉ፡፡ ለወደፊት እናወጣቸዋለን፣ ህዝብ እንዲያውቀው ይደረጋል፡፡ ጥንቱ የቅማንት ታሪክ ንዲህ ነበር፤ ዛሬ ደግሞ እንዲህ ሆነ ተብሎ መቅረብ ነበረበት፡፡ ወደ ኖህ ታሪክ ልመልስህና እሳቸው እዚሁ ኖሩ፡፡ ልጆቻቸው ግማሾቹ ወደ ኤሽያ ሄዱ፣ ካም በአፍሪካ ምድር ተበተነ፡፡ እሳቸው ጎንደር መጥተው ኖረው፣ ሞቱ፣እዚሁ ተቀበሩ፡፡ መቃብራቸው ላይ ትልቅ ቤተ መንግስት ተተከለ፣ ያ ቤተመንግስት ዛሬ የፋሲል ግንብ እያለ ቱሪስቱ የሚጎበኘው ነው፡፡ ከስሩ የሳቸው አፅም ነው ያለበት፡፡ አፄ ፋሲል ቤተ-መንግስቱን ከመትከላቸው በፊት በቅማንቶች ህገ ልቦና እምነት ይቀደስበት ነበር፡፡ ሲቀድሱ በዜማው መሃል “ጎሃይደር” ይላሉ፤ ትርጉሙ “ጌታው ቢነሱ” የሚል ነው፡፡ ጎንደር የሚለው ስም ከዚህ የመጣ እንጂ እንደሚባለው “ከተራራው ጎን እደር
.. በዚያ እደር” የሚለው አይደለም፡፡ ከትግራይም የመጡ ሰዎች “ወይኒሰይኒ” የሚባሉ ህዝቦች ናቸው፡፡

ነገሩ “አፍ ያለሽ ያግባሽ ወይስ ከብት ያለሽ” ነው፡፡ በወቅቱ ቅማንት አፍ የለውም፤ መስማት ብቻ ነበር ያለው እድል፡፡ እና ታሪክ
ሁሉ ተዘበራርቆ ያስቅሃል… እኔ አንዳንዴ አምርሬ አለቅሳለሁ፡፡ በሚሊኒየሙ ጊዜ አንድ የቴሌቪዥን ጋዜጠኛ ስለ ጎንደር ነግሬው፣
ሙሉ በሙሉ በኔ ስም ሌላ ታሪክ ነው ያወጣው። ይህን ትክክለኛውን ለእናንተ የነገርኩትን ታሪክ አይደለም ያቀረበው፡፡

የጥንቱ ቅማንት በምን ነበር የሚተዳደረው?

በእርሻ ነው፡፡ የእህል ምግብ፣ የእንስሳት ምግብ፤ ይሄን ብሉ፤ ያንን ትብሉ… ተብሎ የተመረጠው ቅማንቶች አይደለም እንዴ?
ዋናው የቅማንት ታሪክ እኮ የነበረው አዲግራት ላይ ነው፡፡ ትግሬ ማለት በቅማንትኛ “ሰው ሳይመጣ” ማለት ነው። ከዚያ ደግሞ እንደርታ ተባለ፤ “ሰው መጣ” ማለት ነው፡፡

“አጋመ” ቅማንትኛ ነው፤ “የኛ ያልሆነ” ማለት ነው፡፡ ግዕዝ ቋንቋን ተቀበል ሲባል “የኛ ያልሆነን አንቀበልም” ብሎ በመቃወሙ
የተሰጠ ስያሜ ነው። “ይርትላ” ኤርትራ ነው፤ “ሰው አልመጣም” ማለት ነው፡፡ እነ ሙሴ ባህረ ኤርትራን ሲያቋርጡ፣ እነሱን የተከተሉት በባህር ውስጥ ሰጥመው ቀሩ፤ ዞረው ሲያዩ ሰው አልመጣምና በዚያው “ሰው አልመጣም” ብለው ሰየሙት፡፡ እንግዲህ ኤርትራም ሆነ ትግሬ ቅማንት ነው ማለት ነው፡፡ ትግሬ የሚለው ቃል ምን እንደመጣ ብዙ ፀሃፍትና የታሪክ ተመራማሪዎች
ለማወቅ ጥረዋል፤ አልተሳካላቸውም፡፡ እውነቴን ነው የምልህ በንፁህ ልቦና ለሚያጠናው በቅማንት ውስጥ ተዝቆ የማያልቅ ታሪክ
ነው ያለው፡፡

ይሄ ትውልድ ቅማንትን አላወቀውም፡፡ በ1987 ይሁን… በእርግጠኝነት አላስታውሰውም፡፡ አልማዝ መኮ የምትባል አፈጉባኤ
ለሶስት ሰአት ቢሮዋ ስታነጋግረኝ፣ ቅዳሴዎቹን ሁሉ አስደምጫት ነበር። እሷም “ቅማንት ሲባል ተማሪ እያለሁ እሰማለሁ፤ እንዲህ
ያለ ነገር ግን አይመስለኝም ነበር” አለችና “ግን የአማራው መንግስት እውቅናውን የሚሰጣችሁ አይመስለኝም፤ያለፉሃል አለችኝ፡፡ እንዴት አድርገህ እንደምታልፈው አላውቅም፤ እኔ ዛሬውኑ ቢሰጥህ ደስ ይለኛል፤ የክልልህ መንግስት ግን አስቸጋሪ ነው” አለችኝ፡፡ እሷም መሯት ስለነበር በዚያው ሄደች፡፡

ግራሃም ሃንኰክ ደግሞ በ”Sign and the Seal” መፅሃፉ የቅማንት ጉዳይ ሚስጥር ነው ብሎታል። እውነት እልሃለሁ ቅማንት ብዙ መከራን የተቀበለ የኢትዮጵያ ሚስጢር ነው፡፡ ደቡብ ኢትዮጵያም ስትሄድ እኮ ከዚሁ የሄዱ ናቸው፡፡ ለነሱ ማስታወሻ ጎንደር
ላይ የሚደረግ ነገር አለ፡፡ ቡናን ሶስት ጊዜ እንጠጣዋለን፤ አባ አቦል፣ አባ በረካ፣ አባቶና ብለን እንጠጣዋለን፡፡ እነዚህ ሰዎች ናቸው ወደ ደቡብ ሄደው አባት ሆነው ብሄሮቹን መሰረቱት፡፡

አባ አቦል ወደ ምዕራባዊ ደቡብ ሱዳንን ይዞ ወደታች ያለው ነው፤ አባቶና ደግሞ መካከለኛው ደቡብ ያሉትን መሰረቱ፡፡ አባ በረካ ከባሌ ጀምሮ እስከ ህንድ ውቅያኖስ ይደርሳል፡፡ ወሎ ላይ ስትሄድ ሶስት አባቶች አሉ፡፡ ወረባቡ፣ ወረይመኑ፣ ወረ ሸኩ ተብለው ይጠራሉ፡፡ የባቡ ልጆች፣ የይመኑ ልጆች፣ የሸኩ ልጆች ማለት ነው በቅማንትኛ፡፡ ወደ ጎጃም ስትሄድ ከዚህ ከኛ የሄዱት አንከሻ፣ ባንጫ፣ ኳኩራ፣ አዘና፣ ሜቲክሊ ናቸው፡፡

እዚህ የቀሩት ክድስቲ እና ክብሩ ናቸው፡፡ ክቡር፣ ክብርት እያልን የምንጠራራበት፣ ቤተክርስቲያን ቅዱስ፣ ቅዱስ፣ ቅዱስ፣ የምንለው
የኛ አባቶች ስያሜ ነው፡፡ ለሰሜን ኢትዮጵያ ሙሉ ታሪክ የሚሰጠው የኛ ታሪክ ብቻ ነው፡፡ ይሄን በትክክል የሚቃረን አልተገኘም፡፡

ለፌዴሬሽን ምክር ቤት ያቀረባችሁት ጥያቄ ምላሽ ካገኘ፣ የራሳችሁን አስተዳደር ትመሰርታላችሁ ማለት ነው? አዎ! እንደሁኔታው የራሳችን አስተዳደር እንዲኖረን እንታገላለን፡፡ እኛም ኖርንበት አማራውም ኖረበት የሚጠቀመው ክልሉ ነው፡፡

በ2007 ዓ.ም ቅማንት ራሱን ያስተዳድራል ብለን እናምናለን። በህገ-መንግስቱ መሰረትም በፌደራል መንግስት የራሱ ወኪል ይኖሩታል ተብሎ ይታሰባል፡፡ ፌዴሬሽን ምክር ቤት ምላሽ እንዴት ነው?

ያገኘነው መልስ በድጋሚ ይጠና የሚል ነው። በጥናት ከሄድክ በኢትዮጵያ እንደቅማንት የተጠና የለም፡፡ ክልሉ ራሱ ሶስት ጊዜ አጥንቷል፣ እኛም ሁለት ጊዜ አጥንተን ሰጥተናል፤ አልቀበል እያሉ እንጂ፡፡ የመጨረሻ ጊዜ ፌዴሬሽን ምክር ቤት አጥንቶ ሄዷል፤ ለውሳኔ ሲያቀርብ ምን እንደገጠመው አናውቅም፤ በድጋሚ መጠናት ያስፈልጋል ነው ያለው፡፡ በኛ በኩል እንኳን በድጋሚ እየደጋገመም ያጥና፤ ቅማንት ቅማንት ነው፡፡ ጣቱም በሚገባ ቅማንትነቱን ውቋል፤ ጥያቄውንም እያነሳ ነው። እንደውም ባለፈው ብዙዎችን አስረውብን ነበር። ጥያቄውን ነገ ከነገ ወዲያ እያሉ ማሸት ተገቢ አይደለም፤ ቢለቁን ይሻላቸዋል፡፡

ከኢየሩሳሌም አረአያ

እስክንድር አሰፋ ይባላል፤ አሜሪካ ለ22 አመት ከኖረ በኋላ አገር ቤት የገባው በዘመነ ኢህአዴግ ነበር። የት/ሚኒስትሯ ወ/ሮ ገነት ዘውዴ ታናሽ ወንድም ነው። እስክንድር የቅርብ ወዳጄና ብዙ ነገር ያስተማረኝ ሰው ነው። ..ሚያዚያ 1993ዓ.ም፤ የአዲስ አበባ ዩኒቨርሲቲ ተማሪዎች አድማ ይመታሉ። ወቅቱ ሕወሐት ለሁለት የተሰነጠቀበት ጊዜ ነበር። የትምህርት ሚ/ሯ ገነት ዘውዴ ለተማሪዎቹ ህጋዊና ሰላማዊ ጥያቄ በቲቪ የሰጡት ምላሽ የበለጠ ተማሪውን ቁጣ ውስጥ ከተተው።

እንዳውም ፈረንሳይ ለጋሲዮን ወደሚገኘው የገነት ወላጅ እናት መኖሪያ ቤት ተማሪዎቹ ይተማሉ። በሁኔታው የተደናገጠው እስክንድር ከግቢው ሾልኮ በመውጣት ወ/ሮ ገነት ወደሚኖሩበት የገርጂ ቤታቸው ያመራል። በጊዜው ገነት ከጤና ጥበቃ ሚኒስትሩ አቶ ከበደ ታደሰ ጋር ተጋብተው ይኖሩ ነበር።..አመሻሽ ላይ አቶ ተፈራ ዋልዋና የወቅቱ የፖሊስ ኮሚሽነር ወርቅነህ ገበየሁ በወ/ሮ ገነት መኖሪያ ውስጥ ተገኝተዋል። 3ቱ በክብ ሶፋ ዙሪያ ተቀምጠው ይዶልታሉ።

እስክንድር ከአቶ ከበደ (አማቹ) ጋር ፈንጠር ብለው ውስኪ እየጠጡ ነበር። የት/ሚ/ር ገነት ለፖሊስ ኮሚሽነር ወርቅነህ እንዲህ አሉ፥ « በነገው እለት ስለት (ጩቤ) የያዙ ሲቪል ፖሊሶች ተማሪዎቹን ይቀላቀሉ። በምታሰማራቸው ፖሊሶች ላይ አደጋ እንዲያደርሱ ይነገራቸው። ከዛ የሃይል እርምጃው ይቀጥል..» ሲሉ አቶ ተፈራም ሴራውን በመደገፍ ተመሳሳይ የቤት ስራ ለወርቅነህ ነገሩ። እስክንድርና አቶ ከበደ በትዝብት ያዳምጡ ነበር። ..ሌሊቱን እንቅልፍ ያልወሰደው እስክንድር ሲነጋ ለእህቱ ገነት « ምን አይነት እርኩስ ነሽ!?..ንፁህ ተማሪዎች እንዲመቱ ሴራ ትሸርቢያለሽ!?..ለካ ሰው የጠላሽ ያለነገር አይደለም!?..አሁን ኢህአዴግ ገባኝ!..» ሲል ተናግሮ ወጣ። ለ7 አመት እስክንድርና ገነት ሰላምታ ሳይለዋወጡ ዘለቁ።

የገነት የሴራ እስትራቴጂ በማግስቱ ተግባራዊ ሆነ። ተማሪዎች ተደበደቡ፣ ቆሰሉ፣ ሞቱ፣ በጅምላ እስር ቤት ተጋዙ፣ ከአገር ተሰደዱ። ..ገዢውን ፓርቲ ይደግፍ የነበረው እስክንድር ከዛ በኋላ ተጠየፋቸው። ወዳጄ እስክንድር ስለዚህ አሳዛኝ ሴራ ባወራኝ ቁጥር እጅግ በሃዘን ስሜት ተውጦ ነበር።…ይህን እንዳስታውስ ያደረገኝ በትላንትናው እለት በአንዋር መስጊድ የተፈፀመው ተመሳሳይ ሴራና ድራማ ነው። ..በሌላ ጊዜ ስለፈንጂ ድራማዎችና አጥማጆቹ ማንነት እንዲሁም ቅንብር ሴራ ልመለስበት እሞክራለሁ። ..

ጽዮን ግርማ

ጽዮን ግርማ
tsiongir@gmail.com

ከአምስት ወራት በፊት ከኢትዮጵያ ሬዲዮና ቴሌቭዥን ድርጅት የስልክ ጥሪ ደረሰኝ፡፡ በሞያው ውስጥ ሰንበት ብያለኹና ከአብዛኞቹ የጣቢያው ዘጋቢዎች ጋራ እንተዋወቃለን፡፡ ጥሪው የደረሰኝም በላይ ኃድጎ ከተባለ ከማውቀው ጋዜጠኛ ነበር፡፡ ለሥራ ጉዳይ በስልክ ሳይኾን በአካል መገናኘት እንደሚፈልግ ነገረኝ፡፡ ባለመመቻቸት ሳንገናኝ ቀናት ቢቆጠሩም በመጨረሻ ተገናኘን፡፡

በአካል መገናኘትን ያስመረጠው ጥብቅ ጉዳይ ከጋዜጠኝነት ሞያ ጋራ ለሚሠራ አንድ ዘጋቢ ፊልም ቃለምልልስ እንድሰጥ ነበር፡፡ በወቅቱ እንደነገረኝም፤ዘጋቢ ፊልሙ የሚሠራበት የማጠንጠኛ ሐሳብ የበርካታ ሚዛናዊ ጋዜጦች ሕትመት መቋረጥና ሥርጭት መቀነስ ዋነኛ ምክንያት፣አከፋፋዮችና አዟሪዎች በሕትመት ውጤቶቹ ላይ በተዘዋዋሪ የሚኖራቸው የይዘት ተሳትፎና በአሣታሚው ላይ ያደርሳሉ የተባለውን ጫና በሚመለከት አስተያየት እንድሰጥ ነበር፡፡

ከስድስት ዓመታት በፊት ተቋቁሞ ለአንድ ዓመት ከስድስት ወር ገበያ ላይ የቆየው ‹‹እንቢልታ ጋዜጣ›› ባለቤትና ዋና አዘጋጅ ስለነበርኩ፣ጋዜጣውም ከሕትመት ውጪ የኾነው አከፋፋዮቹና አዟሪዎቹ በጋዜጣው ላይ በፈጠሩት ጫና ምክንያት መኾኑን መረጃ ስለደረሰው ለቃለ ምልልሱ እንደመረጠኝ ነገረኝ፡፡ ከዛው ጋር በተያያዘም የጋዜጠኝነትን ነባራዊ ኹኔታ አያይዤ አስተያየቴን እንዳካፍል ጠየቀኝ፡፡

ጋዜጣው ከገበያ ውጪ ለመኾኑ በርካታ ምክንያቶች እንዳሉት ገልጬለት፤‹‹እንቢልታ ጋዜጣ›› በአከፋፋዮችና በአዟሪዎች ጫና ምክንያት ከገበያ ወጣ መባሉን ግን ከእርሱ እንደሰማሁ ነገርኩት፡፡አጠቃላይ ሐሳቡን በሚመለከት ግን፤‹‹አከፋፋዮችና አዟሪዎች ጫና ይፈጥራሉ›› የሚለው ሐሳብ ጣቢያው በሚያሠራው ዶክመንተሪ በተደጋጋሚ መነሳቱን፣አሁን ካለው ነባራዊው ሁኔታ ጋር አብሮ የማይሄድ መኾኑን፣ኢትዮጵያ ቴሌቭዥን እራሱ ይህን ጉዳይ ደጋግሞ መሥራቱ እንዴት እንደማይሰለቸው ተገርሜ ጠይቄው ነበር፡፡ በመጨረሻም በዚህ ጉዳይ ላይ የተሟላ አስተያየት መስጠት የሚያስችል ልምድ ቢኖረኝም ለኢትዮጵያ ቴሌቭዥን ግን ለመስጠት ፈቃደኛ እንዳልሆንኩ በእርጋታ አስረድቼው ነበር፡፡የ‹‹እንቢልታ›› ጋዜጣ ዋና አዘጋጅ በነበርኩበት ቀደም ባለው ጊዜ ተመሳሳይ ነገር ተጠይቄ ፈቃደኛ እንዳልነበርኩ ነገርኩት፡፡

አስተያየት የማልሰጥበት ምክንያትም ኾን ተብለው ከሚዘጋጁ አስተያየት ሰጪዎች በስተቀር ያለው ተጠያቂ ለሚቀርብለት ጥያቄ የሚሰጠው ምላሽ በቴሌቭዥን ሲቀርብ እጅግ ተቆራርጦና አስተያየት ሰጪው መልስ ከሰጠበት ጥያቄ ጋራ በቀጥታ ግንኙነት እንዲኖረው ተደርጎ ሳይኾን እነርሱ እንዲተላለፍ ከሚፈልጉት ሐሳብ ጋራ አጣብቀው ይሰፉታል የሚል እምነት እንዳለኝ ነገርኩት፡፡ ይህንንም ለቃለ ምልልሱ ፈቃደኛ ብኾን ኖሮ ሊያነሳልኝ የፈለገውን ጥያቄ በምሳሌነት ጠቅሼ አስረዳሁት፡፡
ለምሳሌ ’የጋዜጠኝነት ሞያ በኢትዮጵያ ያለው ነባራዊ ሁኔታ ምን ይመስላል?’ በሚል ለጠየቀኝ ጥያቄ ልሰጠው እችል የነበረው ምላሽ፤‹‹አሁን በኢትዮጵያ ባለው ነባራዊ ሁኔታ የጋዜጠኝነት ሞያ በራሱ ነጻ አልወጣም፡፡መንግሥት ወደ ራሱ ፍላጎት በመጎተት እስረኛ አድርጎታል፤ተቃዋሚዎችም ሞያውን እንደነርሱ ፍላጎት ይስቡታል፣ባለሃብቶችም እንደሚመቻቸው ሊያሽከረክሩት ይፈልጋሉ፡፡ አንባቢውም ማንበብ የሚፈልገው ብቻ እንዲጻፍለት ይፈልጋል፡፡ በዋነኛነት ለሞያው ነጻ አለመውጣት ተጠያቂው ግን መንግሥት ነው፡፡ ምክንያቱም የእርሱ ጡጫ ስለሚጠነክር ምንም ነገር ተቋቁሞ መቀጠልን እጅግ ከባድ ያደርገዋል›› የሚል እንደነበር ነገርኩት፡፡

እርሱ ደግሞ ይሄን ሲያስተላልፈ ያውም በጨዋ መንገድ ፤‹‹አሁን በኢትዮጵያ ባለው ነባራዊ ሁኔታ የጋዜጠኝነት ሞያ በራሱ ነጻ አልወጣም፡፡‹‹ተቃዋሚዎች ሞያውን እንደነርሱ ፍላጎት ይስቡታል፣ባለሃብቶችም እንደሚመቻቸው ሊያሽከረክሩት ይፈልጋሉ፡፡ አንባቢውም ማንበብ የሚፈልገው ብቻ እንዲጻፍለት ይፈልጋል፡፡›› የሚለውን ብቻ ወስዶ እንደሚኾን በእርግጠኝነት ነገርኩት፡፡ እርሱም ከዛ በላይ ብዙ ሊለልኝ ስላልፈለገ ለስንብት ተነሳ፡፡እናም ከወራት በኋላ እኔን በጠየቀኝ ጋዜጠኛ ስምም ባይኾን በሌላ አዘጋጆች ስም በዚህ ሓሳብ ዙሪያ የሚያጠነጥን ‹‹መንታ መንገድ›› የተሰኘ ዘጋቢ ፊልም ባለፈው ሣምንት በኢትዮጵያ ቴሌቭዥን ቀርቦ ታየ፡፡ ስለ ፊልሙ ቅድመ ዝግጅት በማወቄ ሳይኾን በኢትዮጵያ ቴሌቭዥን ስለ ሕትመት ሚዲያው ስርጭት የቀረበው መረጃ እውነተኛውን ስዕል የሚያሳይ አይደለም ብዬ ስለማምን አስተያየቴን እንዲህ ጻፍኩ፡፡

ዘጋቢ ፊልሙ
ዘጋቢ ፊልሙ የግሉ ፕሬስ ለዴሞክራሲያዊ ሥርዐት ግንባታ ያለው አስተዋጾ፣የግሉ ፕሬስ ሚና እና ነባራዊ ኹኔታ፣የፕሬስ ታሪክ፣የፕሬሱ ፈተናዎች፣የጸረ ሽብር ሕጉና ፕሬስ በሚሉ ዋና ርዕሶች ሥር ሌሎች ንዑስ ርእሶችን ለመዳሰስ ይሞክራል፡፡ይህንንም ሐሳብ ለማጠናከር በአጠቃላይ ዘጠኝ የመንግሥት ባለሥልጣናትና ጋዜጠኞች እንዲሁም ሁለት ሰዎችን አስተያየት አካቷል፡፡ ርእሶቹ ለየብቻቸው በብዙ የሚያወያዩና አንዳንዶቹም ከጋዜጠኝነት መሠረታዊ መርሕ ጋራ የተሳሰሩ በመኾናቸው በተነሱት ሁሉም ሐሳቦች ላይ አስተያየት የመጻፍ ዕቅድ የለኝም፡፡ ነገር ግን የዘጋቢ ፊልሙ ማጠንጠኛና መንግሥት ሊወስደው ያሰበውን ቀጣይ እርምጃ አመላካች ነው ያልኩትን የአከፋፋዮችና የአዟሪዎችን ጉዳይ ለማንሳት እሞክራለሁ፡፡

የመንደርደሪያ ሐሳቡ አሮጌነት
ዘጋቢ ፊልሙ ወደ ተነሳበት ሐሳብ የሚያንደረድረውን አስተያየት ያስጀመረው፤የቀድሞ የፓርላማ አባል፣ በ2002 ምርጫ በቦንጋና አካባቢው ከዶ/ር አሸብር ወ/ጊዮርጊስ ጋራ በገጠሙት የምርጫ ጦርነት ተሸንፈው በኋላም በጠቅላይ ሚኒስቴር ጽ/ቤት የተመደቡትና አሁን የሕግ ባለሞያና መምሕር መኾናቸው በተገለፀው አቶ ብርሃኑ አዴሎ ፕሬስ በአደጉት አገሮች ያለውን ሚና በማስተንተን ነው፡፡

ያለ ነጻ ፕሬስ ከሚኖር መንግሥት ይልቅ ያለ መንግሥት የሚኖር ፕሬስ እንደሚመርጥ የሚናገረው ሦስተኛው የአሜሪካ ፕሬዚዳንት ቶማስ ጀፈርሰን፤ ሕግ አውጪው፣ ሕግ ተርጓሚውና ሕግ አስፈጻሚው የመንግሥት አካላት እርስ በርሳቸው የተነጣጠሉና እርስ በርሳቸው የሚቆጣጠሩ እንዲሆኑ ሲታገል ቆይቶ፤ ሐሳብን የመግለጽ ነፃነት ለዜጎች መተኪያ የሌለው መብት ነው የሚለው እምነቱን ለማረጋገጥም ፕሬስ አራተኛው የመንግሥት አካል (The Fourth State) ኾኖ እንዲያገለግል በማድረግ ጥንካሬውን አሳይቷል፡፡ አቶ ብርሃኑም ይህንኑ የጀፈርሰን ሓሳብ አንስተው፤ ፕሬስ ባደጉት አገራት አራተኛው የመንግሥት አስፈጻሚ ክንፍ እንደኾነ በመንገር ነበር አስተያየታቸውን የጀመሩት፡፡ አቶ ብርሃኑ ግን ስንሰማው የኖርነውን የፕሬስን አራተኛ መንግሥትነት ደግመው ከመንገር ውጪ ኢትዮጵያ ውስጥ ፕሬሱ በአራተኛ መንግሥትነት እንዲያገለግል እንደ ቶማስ የታገለ መሪ መኖር አለመኖሩን ሳይነግሩን አልፈዋል፡፡

የዘጋቢ ፊልሙ ሐሳብ በኤቴቪ ተደጋግሞ ከመነሳቱና ከአስተያየት ሰጪዎቹ ውስጥ የተወሰኑት ለዓመታት በአንድ ዐይነት ጉዳይ ላይ ደጋግመው ተመሳሳይ ነገር ከመናገራቸው የተነሳ አቶ ወንደሰን መኮንን የተባሉት በመንግሥት ድጋፍ መቆሙ የሚነገርለት የኢትዮጵያ ነጻ ጋዜጠኞች ፕሬዝዳንት አስተያየት ሲሰጡ፤ለቀረበላቸው ጥያቄ ምላሽ የሚሰጡ ሳይኾን የቴሌቭዥን ፕሮግራም የሚያቀርቡ አንባቢ ይመስሉ ነበር፡፡ ሐሳባቸውንም በአንድ ትንፋሽ በመደዳ ደርድረው ነበር ያጠናቀቁት፡፡
ባነሱት ሐሳብም፤የግሉ ፕሬስ ያላደገው ፕሬሱ ለኢትዮጵያ እንግዳና አዲስ ባሕል መኾኑን በመጥቀስ የዛሬ ሃያ ዓመት የሰጡትን አስተያየት ዛሬም ደግመው ለዕድገቱ መቀጨጭ እንደምክንያት ያስቀምጣሉ፡፡ ሌሎቹ ደግሞ የግሉ ፕሬስ በጥፋት ጎዳና ላይ እየተጓዘ መኾኑን በእርግጠኝነት ተናገሩ፡፡ ለዚህም አስተዋጾ ያበረከቱት፤የሕትመት ሚዲያው አጀማመር ላይ በግንባር ቀደምትነት የተሰለፉት ጋዜጠኞች ከደርግ ሥርዐት የተረፉ መኾናቸውን ይነግሩናል፡፡ ለዚህ ንግግራቸው ማልበሻም ይኾን ዘንድ ኢቴቪ የዱሮ ጋዜጦችን ምስል አሳይቶናል፡፡ እውነት ግን ጣቢያውና መንግሥት (ኢሕአዴግ) ስለነዚህ ጋዜጦችና የደርግ ርዝራዥ ስለሚላቸው ሰዎች መቼ ነው ማውራት የሚያቆመው? ምስሉንስ መቼ ነው በሌላ የሚቀይረው? እርሱ የደርግ ርዝራዥ የሚላቸው ሰዎች (ከጥቂቶቹ በስተቀር አብዛኞቹ በደርግ ሥርዐት ወቅት ተማሪዎች ነበሩ) ይታተሙ የነበሩ ጋዜጦች እኮ በተለያ ምክንያት ከገበያ የወጡ፣ በራሱ በመንግሥት ድምጥማጣቸው እንዲጠፋ ተደርገው ከዓመታት በፊት የተዘጉ፣ ባለቤቶቻቸውና ጋዜጠኞቻቸው በእስር የተሰቃዩ፣ የተሰደዱ፣ ሞያ የቀየሩ ፣ በሕይወት የሌሉ እንዲሁም በሌላ ምዕራፍ ታስረው እስር ቤት የሚገኙ ናቸው፡፡

እንዚህን ጋዜጦች ገዢው ፓርቲና ባለሥልጣናቱ የሚያስታውሳቸውን ያህል ስንትና ስንት መስዋትዕነት የከፈሉላቸው ባለቤቶቹ እንኳን የሚያስታውሷቸው አይመስለኝም፡፡ የፕሬስ ታሪክ ሰፊና ከዓመት ዓመት የተለያየ አካሄድ የነበረው ነው፡፡ ከ1994 ዓ.ም እስከ 1997 ዓ.ም የነበረውን የፕሬስ አካሄድ ብቻ ብንመለከተው በእነዚህ ጊዜያት ትንሽ ለውጥ የታየበት፣ የነፃ ፕሬስ ተቋማትና የሕትመት ውጤቶች በቁጥር ብቻ ሳይሆን በይዘትም ለውጥ ያሳዩበት አዳዲስ ባለሞያዎች ኢንዱስትሪውን የተቀላቀሉበት፣ የጋዜጠኝነት ሞያን ለማዳበር የሚጣጣሩ ጋዜጠኞች የተፈጠሩበት፣ በዕውቀትም በክህሎትም ብቃት ያላቸው ሞያተኞች ሞያውን የተቀላቀሉበት ጊዜ ነበር፡፡ ከ97 በኃላ ደግሞ ሌላ አዲስ ባሕል ይዞ መጥቶ ተመልሶ ጠፍቷል፡፡ አሁን ደግሞ በስደትና በእስር፤ በተፅእኖ፣ በወከባና በሽብርተኝነት ዐዋጅ የተጨነቀ ፕሬስ ተፈጥሯል፡፡

ከዚህ ዘጋቢ ፊልም ያስገረመኝ ሌላው ነገር፤የፖለቲካ ፓርቲ አባላት የነበሩና የኾኑ ግለሰቦች በሕትመት ሚዲያ ላይ የሚጻፉትን ጹሑፎች ከእነ ገጻቸው በምስል እያሳየ የአቶ ብርሃኑ አዴሎን አስተያየት ያቀረበበት ክፍል ነው፡፡ እርሳቸው እንዳሉት ሚዲያው ሥነ ምግባሩን የተከተለ ሥራ ብቻ መሥራት እንጂ በፕሬስ ስም ወንጀል የኾ ድርጊት ላይ ተባባሪ በመኾን ኅብረተሰቡን ለማደናገር መሞከር አግባብ እንዳልሆነ ይገራሉ፡፡ ወንጀል ያሉት ደግሞ በፓርቲ ፖለቲካ ውስጥ ያሉ ሰዎችን እንደ አምደኛ አድርጎ በማቅረብ የእነርሱን የፖለቲካ ፍላጎትና አስተሳሰብ እንዲያንጸባርቁና በመንግሥት በኩል የመጣውን ለውጥ እንደሌለ አድርገው እንዲናገሩ በመፍቀዱ ነው፡፡

የፖለቲካ ፍላጎትና አስተሳሰብን ማንጸባረቅ፣ ‹‹ለውጥ አልመጣም›› ብሎ መከራከርን ማነው ወንጀልና ሽብርተኝነት ያደረገው? ከአንድ ሚዲያ ግዴታዎች አንዱ የተለያየ እምነትና አስተሳሰብ ያላቸውን ሰዎች ሐሳባቸውን የሚገልጹበትን መንገድ በእኩል ማመቻቸት፣ የተለያየ ሐሳብ ያላቸው ሰዎች እንዲከራከሩበት በር መክፈት ነው፡፡ ይህ ለአቶ ብርሃኑ እንዴት ወንጀል ኾኖ እንደታያቸው አልገባኝም፡፡ በዚህ አስተሳሰባቸው ሃያ አራት ሰዓት ሙሉ የኢሕአዴግን ፖለቲካዊ አስተሳሰብ እንዲህ ካሉ ዶክመንተሪዎች ጋራ እያዋዛ ተመልካቹ ላይ የሚጭነውን የኢትዮጵያ ቴሌቭዥን ምነው በሽብር ሳይፈርጁ ዘለሉት? ይኸው የእራሳቸውን ሐሳብ እራሱ እየጫነብን አይደል እንዴ?

የሕትመት ሚዲያው ሥርጭት
ሌላው ከዚህ ዶክመንተሪ ውስጥ ያስገረመኝ የኢትዮጵያ ብሮድካስት ባለሥልጣን ም/ዋና ዳሬክተር አቶ ልኡል ገብሩ የሕትመት ሚዲያ ሥርጭትን በሚመለከት ጥናት ማድረጋቸውን በመግለጽ የሰጡት አስተያየት ነው፡፡ እንዲህ ይላል፤‹‹እነዚህ የሕትመት ሚዲያዎች ከፍተኛ ቅጂ አላቸው ከተባለ አርባና አርባ አምስት ሺሕ ነው፡፡ ከአርባ አምስት ሺሕ ቅጂ ውስጥ በጣም ብዙ ሸጡ ከተባለ ሁለት ሺሕ ኮፒ ብቻ ነው የሚሸጡት፡፡ ሌላውን አርባ ሦስት ሺሕ ቅጂ መጋዘን ውስጥ ያስቀምጡታል፡፡ አንድ የሕትመት ውጤት አትራፊ የሚኾነው አንድም ማስታወቂያ ማግኘት አለበት ወይም ደግሞ የሥርጭት መጠናቸው ከአንድ መቶ ሺሕ መብለጥ አለበት›› አሉ፡፡ የአስተያየታቸው ማጠቃለያም እነዚህ የሕትመት ውጤቶች እንዲህ የሚያደርጉት ሌላ በእነርሱ በኩል የራሱን አጀንዳ ለማስፈጸም ፍላጎት ካለው አካል የገንዘብ ድጋፍ እያገኙ ነው የሚል ነው፡፡

እነዚህ የሕትመት ውጤቶች አርባ አምስት ሺሕ አሳትመው አርባ ሦስት ሺሕ መጋዘን ውስጥ እያስቀመጡ ከኾነ አቶ ልኡል በእውነትም ልክ ናቸው፡፡ እነዚህን የሕትመት ሚዲያዎች የሚያግዝ ረጅምና ፈርጣማ የኢኮኖሚ ክንድ ያለው ሌላ አካል ለመኖሩ እርግጠኛ ኾኖ መናገር ይቻላል፡፡ እውነቱ ግን ይህ አይደለም፡፡ መቼም አቶ ልኡል ይህን ጥናት ራሳቸው ሠርተውታል ተብሎ አይታመንም፡፡ በመጀመሪያ የተጠቀሰው ቁጥር በሣምንት ነው በወር? ባለሥልጣን መሥሪያ ቤቱ በግንቦት ወር 2006 ዓ.ም ያወጣው መረጃ በስርጭት ላይ የዋሉ ጋዜጦችን ከእነ ሕትመት ብዛታቸው ይዘረዝራል፡፡በዚህ መረጃ መሠረት በሣምንት ውስጥ ከፍተኛውን የሥርጭት መጠን የያዘው መጽሔት አንድ ብቻ ነው፤ እርሱም ዐሥራ ስምንት ሺሕ ቅጂ ነው፡፡ ይህ በአራት ሳምንት ተባዝቶ በወር ቢሰላ ሰባ ሁለት ሺሕ ይመጣል፡፡ የሣምንት ሕትመታቸው በወር ተሰልቶ ሃምሳ ሺሕ ቅጂ የሚያሳትሙት ከሦስት አይበልጡም፡፡ እንግዲህ እኔ ያገኘኹት መረጃ የእርሳቸው መሥሪያ ቤት ካወጣው ሰነድ ላይ ነው፡፡ እርሳቸው ግን ከየት ነው ያገኙት?

የእርሳቸውን መረጃ እንደወረደ እንቀበለውና፤ ሁለት ሺሕ ብቻ ተሸጦ ሌላው አርባ ሦስት ሺሕ ጋዜጣ መጋዘን ያስቀምጣሉ ብለዋል፡፡ ለመሆኑ አቶ ልኡል አርባ ሦስት ሺሕ መጽሔትና ጋዜጣ ከማተሚያ ቤት ሲወጣ ብዛቱን ዐይተውት ያውቃሉ? በስንት ብር እንደሚታተምስ ያውቃሉ? አንድ የሕትመት ውጤት በጣም አትራፊ ቢኾን እንኳን ይህን ያህል ቁጥር ያለው የሕትመት ውጤት ለአንድ ጊዜ ሳይሸጥ ቢመልሰው መልሶ በእግሩ መቆም እንዴት እንደሚከብደው አያውቁም?፡፡ አሁንም እርሶ ያሉትን እንቀበልና የሕትመቱን ኪሳራ ለመሸፈን ደግሞ ከፍተኛ የኾነ የገንዘብ ዝውውር መኖር አለበት፡፡ ጋዜጠኞች የሚጠጡበትን የሻይ ሲኒ በቀለም ለይቶ ለሚያውቀው የእርስዎ መንግሥት እንዲህ ያለ የገንዘብ ዝውውር እያለ እንዴት እስካሁን ሳይደርስበት ቀርቶ ይኾን?

ለመኾኑ አቶ ልኡል በአዲስ አበባና በመላው ኢትዮጵያ ስንት አከፋፋይና ስንት አዟሪ እንዳለ ያውቃሉ? አንድ አዟሪ በከፍተኛ መጠን የሚሸጠውን ተፈላጊ የሕትመት ውጤት በቀን ስንት እንደሚሸጥ ያውቃሉ? እኔ በግሌ ባያውቁ ነው እንጂ ቢያውቁ እንዲህ አይሳሳቱም ብዬ ገመትኩሎት፡፡

መቼም ሪፖርትር ጋዜጣን ያውቁታል?ሪፖርትር ጋዜጣ ላይ ለሦስት ዓመታት በከፍተኛ ሪፖርተርነት ሠርቻለሁ እናም ጋዜጣው ዐሥረኛ ዓመቱን በኢግዚብሽን ማዕከል ሲያከብር ከመርሐ ግብሩ አንዱ አዲስ አበባ ከተማ ውስጥ ያሉትን አከፋፋዮችና አዟሪዎችን የፕሮግራሙ ተሳታፊ እንዲኾኑ መጋበዝ ነበር፡፡ እነዚህን አዟሪና አከፋፋዮች ለማግኘት ምን ስልት ተነደፈ መሰሎት? ጋዜጣውን ለማከፋፈል የሚወስዱ ንኡስ አከፋፋዮች ጋራ እየተሄደ አዟሪዎቹ ለመረከብ ሲመጡ ስማቸው እየተመዘገበ ካርድ ተሰጣቸው፡፡ በወቅቱ ከሦስት የማይበልጡ ዋና አከፋፋዮች፣ አርባ የሚኾኑ ንኡስ አከፋፋዮችና አራት መቶ የሚኾኑ አዟሪዎች ተገኙ፡፡

ከስድስት በላይ የሕትመት ውጤቶች ላይ ስለሠራኹ ሌላ በርካታ ምሳሌ ልጨምርሎት እችላለሁ፡፡ ለዛሬ ግን በዚህኛው ምሳሌ ላይ ተንተርሼ ላስረዳዎት፡፡ እነዚህ አከፋፋይና አዟሪዎች ሌላው ቀን ብዙም ገበያ ስለሌለው ከቅዳሜና እሁድ በስተቀር ሁሉም በአንድ ጊዜ አይወጡም፡፡ ቅዳሜና በትንሹ ሁለት መቶ ሃምሳ የሚኾኑት አዟሪዎች ወጥተዋል ተብሎ ይገመታል፡፡ እንደ ቦሌ፣ መገናኛ፣ አራት ኪሎ፣ ፒያሳ….. እያሉ ዋና ዋና ቦታዎች ያሉትን አዟሪዎች ያስታውሷቸው መኪናዎትን ያቁሙና ስርጭቱ ከፍተኛ ነው ያሉትን አንዱን የሕትመት ውጤት ስም ጠርተው ‹‹በቀን ስንት ተረክበህ ስንት ትሸጣለህ?›› ይበሉና ይጠይቁት፡፡ ከዛም እኔ ከምነግሮት ቁጥር ጋራ ያነጻጽሩታል፡፡ ለማንኛውም አንድ ጋዜጣ አዟሪ በአሁኑ ሰዓት ሽያጩ ከፍተኛ ነው የተባለለትን መጽሔት በቀን በትንሹ ስልሳ ይሸጣል፡፡ ሽያጩ ከፍተኛ ሲኾን ደግሞ አንድ አዟሪ እስከ አንድ መቶ ሃምሳ ሊሸጥ ይችላል፡፡ ይህን ቁጥር በሁለት መቶ ሃምሳ ብናበዛው ዐስራ አምስት ሺሕን እናገኛለን፡፡ ከዚያም በአዲስ አበባ አቅራቢያ ያሉትን ጨምሮ ወደየክልል ከተሞች ሲበተን ደግሞ የታተመውን ቁጥር ልክ ይገኛል ማለት ነው፡፡

‹‹አንድ የሕትመት ውጤት አትራፊ የሚኾነው አንድም ማስታወቂያ ማግኘት አለበት ወይም ደግሞ የሥርጭት መጠናቸው ከአንድ መቶ ሺሕ መብለጥ አለበት›› ሲሉ ሰማሁ ልበል፡፡ ሐሳቡን ልክ ኖት ቁጥሩን ግን ተሳስተዋል አቶ ልኡል፡፡ አንድ ጋዜጣም ኾነ መጽሔት ከዐሥር ሺሕ በላይ ያለ ማስታወቂያም ቢታተም ትርፍ ያመጣል፡፡ ከዛ በታች ከኾነ ደግሞ የሥራ ማስኬጃ ወጪውን አመጣጥኖ ራሱን ይችላል፡፡ ይሄም ራሱን የቻለ ስሌት አለው፡፡ እንደ ሥራ ማስኬጃው ወጪ፣ እንደ ገጽ መጡ፣ እንደ ቀለሙና እንደ ማተሚያ ቤቱ ዋጋ ወጪና ገቢው ይለያያል፡፡ እርሶ ስላላወቁ ነው እንጂ አብዛኛው ጋዜጠኛ ለስሜቱ፣ ለፍላጎቱና ለእምነቱ የሚሠራ ነው፡፡ ኑሮውን ቀረብ ብለው ቢያዩት መሳሳቶ የበለጠ ይገባዎት ነበር፡፡ ደግሞ እኮ በእርሶ አባባል ይህ የሚደረገው ሁሌም ነው፡፡ ታዲያ የት ነው የሚቀመጠው? ምን ዐይነት መጋዘን ይኾን የሚችለው? እስቲ ኤቴቪ በነካካ እጁ አንድ አርባ ሦስት ሺሕ ሕትመት የያዘ መጋዘን ያሳየን፡፡

አዟሪና አከፋፋዮች ለምን አንድ ለአምስት አይደራጁም?
የዘጋቢ ፊልሙ የመጨረሻው ማጠንጠኛ ችግሮቹን አዟሪና አከፋፋዮች ላይ የሚደመድም ነው፡፡ የሕትመት ሥርጭቱን የማከፋፈል ሥርዐት በሚመለከት ወጥ የኾነ አሠራር ስለሌለ አከፋፋዮቹ እንደፈለጋቸው የሚያሽከረክሩት ነው የሚል መልዕክትም ተላልፏል፡፡ እነዚህ አከፋፋዮች አፍራሽ ተልኮ ካላቸው ከተወሰኑት ሕትመቶች ጋራ ትስስር ስላላቸው የተወሰነው አሣታሚ እንዳይሸጥለትና ገበያ ውስጥ እንዳይቆይ የማድረግ ኃይል አላቸውም ተብሏል፡፡

‹‹በፕሬስ ውጤቶቹ ላይ ትልቅ ተጽዕኖና አፈና እየፈጠሩ ያሉት አከፋፋዮቹ ናቸው፡፡›› በማለት በዘጋቢ ፊልሙ ላይ አስተያየት የሰጡት የኮሙዩኒኬሽን ጉዳዮች ጽ/ቤት ሚኒስትር ዴታ አቶ እውነቱ ብላታ፤ እነዚህ አከፋፋዮች የፕሬሱን ይዘት ሳይቀር እየወሰኑ ሚዛናዊ የኾነው ከገበያ እንዲወጣ እንደሚያደርጉ፣ ይሄም መንግሥት ባለበት አገር በጠራራ ጸሐይ እየተፈጸመ ያለ ፀረ ፕሬስ ዕድገት መኾኑን በመግለጽ በመንግሥት በኩል ይህን ችግር መፍታት እንደሚኖርባቸው ሲናገሩ አድምጠናቸዋል፡፡

አቶ እውነቱን እኔ ብኾን የጠየኳቸው ኖሮ፤ ‹‹ለመኾኑ የትኞቹ ጋዜጠኞች በዚህ ምክንያት ከገበያ ወጡ? የትኞቹ አከፋፋዮችና አዟሪዎች ናቸው ይህ ኃይል ያላቸው?›› ብዬ እጠይቃቸው ነበር፡፡ እርግጥ ነው ከ1994 ዓ.ም እስከ 1997 ዓ.ም ባለው ጊዜ ውስጥ እነ አቶ ሽመልስ ከማል በፊት ለፊትና በእጅ አዙር ኒሻን፣ ኢፍቲን፣ ኔሽንና የመሳሰሉትን ጋዜጦች በሚያሳትሙበት ጊዜ እንዲህ ያለ ምክንያት ይሰጡ ነበር፡፡ በግላቸውም ከጓደኞቻቸው ጋር ኾነው ‹‹እንዲህ ያለውን ሰንሰለት እንሰብራለን›› በማለት ይዝቱም ነበር፡፡ በ97 ምርጫም ይህ ነገር ተደጋግሞ ይነገር ነበር፡፡ ያን ግዜ የሕትመት ሚዲያው ብዛት ስለነበረው ስርጭቱም ከፍተኛ ስለነበር ወሬው እውነት ይሁን አሉባልታ ሳይታወቅ አልፏል፡፡አሁን ግን ባለሥልጣናቱ እንዳከበዱት ሳይኾን ካሉም ‹‹እነ እከሌ›› ናቸው ብሎ መጠቆም ይቻላል፡፡እስቲ እነ እከሌ በሉ፡፡

እነዚህ አከፋፋይና አዟሪዎች እኮ ከአንድ ጋዜጣ ላይ የሚያገኙት ከሽርፍራፊ ሳንቲም አይበልጥም፡፡ የእነርሱ ገቢ የሚጨምረው ሕትመቱ በተሸጠ ቁጥር ነው፡፡ እንኳን ሊያፍኑ ቀርቶ ገቢ ስለማይሞላላቸው አከራይተው ገንዘብ ሲያገኙ ያላየ አንባቢ ይኖር ይኾን? አብዛኞቹ አከፋፋይና አዟሪዎች የሕትመት ውጤት በማይወጣበትና የሥርጭት መጠኑ አነስ ያለ ሲኾንባቸው እንደ ጫማ መጥረግ፣ ሎቶሪ መሸጥና የመሳሰለውን የቀን ሥራ ሠርተው ወደ ቤታቸው የሚገቡ ናቸው፡፡

በመጨረሻ
ኤቴቪና ባለሥልጣናቱ በዚህ ዘጋቢ ፊልም ማጠቃለያ ላይ ለፕሬሱ ዕድገት ተቆርቋሪ ለመምሰል ሞክረዋል፤ ፕሬሱ ያለበትን የማተሚያ ቤት ችግር፣ የባለሞያ ችግር፣ የቢሮና የመሠረታዊ መገልገያ ዕቃዎች ችግር፣ የማስታወቂያ ችግር እንዲሁም የአዟሪና አከፋፋይ ችግር ለመፍታት የተነሳ አስመስሎ አቅርቧል፡፡ በፕሬሱ ላይ እነዚህ ሌሎች ችግሮች እንዳሉበት ማንም አይክድም፡፡ ዋናው ችግር ግን ይሄ አይደለም፡፡ መንግሥት ዋናውና መሠረታዊ የኾነውን የፕሬስ ነጻነት አንቆ ይዞ በጭፍጫፎው ላይ አዛኝ ለመምሰል የሚያደርገው ሙከራ ‹‹ሊበሏት ያሰቧትን አሞራ…›› ያስመስልበታል፡፡ እንደ ባለሥልጣናቱ ገለጻ መንግሥት እነዚህን አዟሪዎችና አከፋፋዮችን በጎንዮሽ በቁጥጥር ሥር የማድረግ ፍላጎት እንዳለው አሳይቶበታል፡፡ እኔ ደግሞ ሐሳብ አለኝ፤ መንግሥት በነጻ ፕሬስ ጉዳይ እንዲህ እንቅልፍ አጥቶ ከሚያድር አከፋፋዮቹና አዟሪዎቹ ለምን በአንድ ለአምስት አደራጅቶ እርፍ አይልም?

 tsiongir@gmail.com

(ቅዳሜ ሐምሌ 12 ቀን 2006 ዓ.ም በወጣው ፋክት መጽሔት ላይ የታተመ)

ግርማ ካሳ

በአንቀጽ 19፣ ንኡስ አንቀጽ 3፣ የአገሪቷ ሕገ መንግስት፣ ዜጎች ሲታሰሩ በ48 ሰዓት ዉስጥ ፍርድ ቤት መቅረብ እንዳለባቸው በግልጽ ይደነግጋል። ክሱ በግልጽ ችሎት መሰማቱን ተከሳሾች የማይፈልጉ ከሆነ፣ ወይንም በአገር ደህንነት ላይ ችግር ያመጣል ተብሎ ካልታሰበ በቀር፣ በአንቀጽ 20 ፣ ንኡስ አንቀጽ 1 እንደተቀመጠው፣ ዜጎች በግልጽ ችሎት የመሰማት መብት አላቸው።

አንቀጽ 21 ንኡስ አንቀጽ 2፣ በጥበቃ ሥር ያሉና በፍርድ የታሰሩ ዜጎች ከትዳር ጓደኞቻቸው፣ ከቅርብ ዘመዶቻቸው፣ ከጓደኞቻቸው፣ ከሃይማኖት አማካሪዎቻቸው፣ ከሐኪሞቻቸው እና ከሕግ አማካሪዎቻቸው ጋር የመገናኘትና በነርሱም የመጎብኘት መብት እንዳላቸው በግልጽ አስፍሯል።

እነ ሃብታሙ አያሌው ፣ ሐምሌ አንድ ቀን ነው የታሰሩት። ማእካላዊ እንደታሰሩ እንደታወቀ፣ ጠበቃዎቻቸው ሊጎበኗቸው ይሄዳሉ። «የፀረ ሽብር ኃላፊውን አናግሩ» የሚል ምላሽ ይሰጣቸዋል። እስረኞችን ማናገር ስላልቻሉ፣ ጠበቆቹን ፍርድ ቤት ይከሳሉ። የፌደራሉ የመጀመሪያ ፍርድ ቤት የአራዳ ምድብ ፍ/ብሔር ችሎት የጸረ-ሽብር ግብረ ኃይል ባለስልጣናት እስረኞቹን ይዘው እንዲቀርቡ፣ ሐምሌ 6 ቀን ትእዛዝ ይሰጣል። ኮማንደር ተክላይ መብራቱ በታዘዘው መሰረት ይቀርባሉ። ታሳሪዎቹን ግን ይዘው አልመጡም። ተከሳሾቹ በሰኔ 30 ቀን 2006 ዓ.ም በፌዴራል ከፍተኛ ፍርድ ቤት በወጣ የመያዣ ትዕዛዝ፣ ሐምሌ 1 ቀን 2006 ዓ.ም እንደተያዙና ሐምሌ 2 ቀን 2006 ዓ.ም ፍ/ቤት ቀርበው ቀጠሮ እንደጠየቁባቸውና በህጉ መሰረት መብታቸው ተጠብቆ እንዳለ ይናገራሉ። ማስረጃ አምጡ ተብለው በተጠየቁት መሰረት፣ በነጋታው የጽሁፍ ማስረጃ ያቀርባሉ። ፍርድ ቤቱም የእስረኞች ጠበቆችን ክስ ፋይል ይዘጋል። ኮማንደር ተክላይ፣ እስረኞቹ በ48 ሰዓት ዉስጥ ፍርድ ቤት መቅረባቸውን  ያሳይል ያሉትን የወረቀት ማስረጃ ቢያቀርቡም፣ እስረኞችን ያያቸው ማንም ሰው የለም። ይኸው ሐምሌ 15 ደርሰናል። ጠበቆች፣ ቤተሰብ፣ መንፈሳዊ አባቶች …አንዳቸውም እስረኞችን እስከ አሁን ማየት አልቻሉም። እስረኞቹ ምንም አይነት ሁኔታ ላይ እንዳሉ አይታወቀም።

በእስረኞች ላይ ከፍተኛ የአካል ጉዳት ከመድረሱ የተነሳ፣ ሰው እንዳያያቸው ሆን ተብሎ በሚስጥርና በጨለማ ፍርድ ቤት ቀርበው፣ እንደ ተለመደው የ28 ቀን ቀጠሮ ተሰጥቶ ሊሆን ይችላል። አሊያም ኮማንደር ተክላይ አንዱን ካድሬ ዳኛ ፣ እስረኞቹ ፍርድ ቤት ሳይቀርቡ፣ ፎርጅድ ወረቀት እንዲጽፍ አስደርገዉትም ይሆናል የሚል ግምትም አለኝ።

በዚህም ሆነ በዚያ፣ አንድ ነገር በጣም ግልጽ የሆነ ነገር አለ። እርሱም ኢሕአዴግ ሕገ መንግስቱን በአፍጢሙ እንደደፋው ነው። ፍርድ ቤት መቀለጃ ሆኗል። «የሕገ መንግስታዊ ስርዓቱን ለመናድ በመሞከር» እያሉ ሌሎችን ይከሳሉ። ግን ሕግ መንግስቱን እየናዱ ያሉት እነርሱ እራሳቸው ሆነዋል። ሌላዉን ሽብርተኛ እያሉ ይከሳሉ። ሕዝቡን እያሸበሩ ያሉት ግን እነርሱ ናቸው።

ይህ በአገዛዙ የምናየው፣ አይን ያወጣለት የሕግ ጥሰትና መንግስታዊ ዉንብድና ፣ በዜጎች ላይ እየደረሰ ያለው ኢሰብአዊ ግፍና ንቀት የኢሕአዴግ ስርዓት ፍጻሜ መጀመሪያ ነው።

አንድ መርሳት የሌለብን ነገር አለ። ይሄን ሁሉ የሚያደርጉት ፈርተን፣ ባርነትን አሜን ብለን ተቀብለን፣ ተስፋ ቆርጠን እንድንቀመጥ ነው። «እነ ሃብታሙን ያየህ ፣ ተማር። አርፈህ ቁጭ በል» የሚል መልእክትን ለማስተላለፍ ነው። ነገር ግን አይሰራም። የአሁኑ ትዉልድ በሌሎች አገሮች ስላለው ነጻነት ያነባል፤ ያዳምጣል፤ ያውቃል። በምንም መልኩ ነጻነቱንና መብቱን ተገፎ መኖር የሚፈልግ ትዉልድ አይደለም። ለዚህም ነው፣ ትላንት እነ እስክንደር ነጋ ቢታሰሩም ከሁሉም አቅጣጫ እሳት የላሱ ደፋር ጋዜጠኞችና ብሎገሮች ብቅ፣ ብቅ ያሉት። እንደገና ደግሞ አሁንም ጋዜጠኞችና ብሎገሮችን አሰሩ። ነገ ደግሞ ሌሎች ሁለት እጥፍ ወጥተው የነ እስክንደርን ፣ የዞን ዘጠኞችን ድምጽ ማስተጋባት ይቀጥላሉ።

ትላንት እነ አንዱዋለም አራጌ ቢታሰሩም፣ እሳት የለበሱ፣ እንደ አብርሃ ደስታ፣ ሃብታሙ አያሌው ያሉ ሰላማዊ ወጣት ፖለቲከኞች ብቅ ብለዋል። የማይፈሩ፣ ብስለት ያላቸው፣ የሰላማዊ ትግል አርበኞች !!! እንደገና አገዛዙ እነ ሃብታሙን አሰረ። ሰው ግን አይደናገጥም። ብዙዎች ሰላማዊ ትግሉን ይቀላቀላሉ። እነ ሃብታሙ ዳግማዊ አንዱዋለም ነበሩ። አሁን ደግሞ ዳግማዊ አብርሃዎች፣ ዳግማዊ የሺዋሶች፣ ዳግማዊ ሃብታሙዎች ፣ ዳግማዊ ዳንኤሎች፣ ዳግማዊ ወይንሸቶች ይወጣሉ። በምንም መልኩ አገዛዙ ለዲሞክራሲና ለነጻነት የሚሰማዉን ጩኸት ዝም ማሰኘት አይችልም። በምንም መልኩ ጥቂቶች የሚሊዮኖች ድምጽ ማፈን አይችሉም።

ጨዉ ለራስህ ስትል ጣፍጥ እንደሚባለው፣ ኢሕአዴጎች ለራሳቸው ሲሉ የሚበጀዉን በቶሎ ያደርጉ ዘንድ አስጠነቅቃለሁ። አለበለዚያ ግን አወዳደቃቸው እጅግ በጣም የከፋ ነው የሚሆነው። ከሚሊዮኖች ጋር ተጣልተው የትም አይደርሱምና።

ፈላስፋ እንዲ አለ ብዬ ፅሁፌን ልጃምር ”የማሰብ ደግነቱ ነገርን ከልብ መረዳት ነው ፤መጥፎነቱም ነገርን ከልብ አለመረዳትና አለማወቅ ነው’::የማስተዋል ቁም ነገሩ ትግስትና ዝግታ ነው።መጥፎነቱም መቸኮልና መቅበዝበዝ ነው። ይህን ከአንጋረ ፈላስፋ (ከፈላስፋዎች አባባል ከጠቀስኩ ዛሬ ብዕሬን እንዳነሳ ወደገፋፋኝ አንዳች ነገር ነጥብ በነጥብ ለመጋዋዝ ልሞክር ።

ሰሞኑን አንዳች የሚያስገርም ከመባል ያለፈ ነገር በእኛ ዘንድ ተሰማ ።መቼስ መንግስታችን ልበል ከተባለ አቶ አንዳርጋቸው ፅጌን(የግንቦት7 ዋና ፀሃፊ) ከየመን መንግስት ላይ በዶላር መግዛቱን እውን ሆነ። ህሊናውን እንደ መጫሚያው በሚረግጥ እና የሐገር ክብር በማይሰማው ብሎም ነገን ባላገናዘበ ሁኔታ አሳልፎ ሰጣቸው ።ግድ የለም ነገ እሩቅ አደለም ።እናት ሐገር ኢትዮጲያ የትላንት ትውልድ ካላት ብድሩ ብዙ ግዜ አይወስድም።ይሁንና አሁን የገዛ ሐገሩን በሽፍትነት ስለሚያስተዳድረው የኢትዮጲያ ቅኝ ገዢ ጥያቄ ይኑረኝና ወደ ዛው ልጓዝ። በተለምዶም ሆነ ስለጥሩ መጠቃቃም የሰው ልጅ ውሃ ሊቀዳ ወደ ውሃው ይሄዳል ። ቢህ ምክንያት የሰው ልጅ በውሃው ተጠቃሚ ሆኖ(ለፈለገው ተግባር እየተጠቀመበት) ይሄው አስከዛሬ አለ። በተቃራኒው ግን ውሃው እዛው የሰው ልጅ ያለበት ድረስ ከሄደ በሰውና በንብረት ላይ የሚያደርሰው አደጋ መጠኑ ሰፊ ነው ።ለዚህ አለም በሙሉ ያለነጋሪ የሚያውቀው ህገ ልቦና የተረጎመለት አንድምታ ነው ። ስለ እርእሴ ለትርጓሜ ያህል ያህል ካልኩ እስቲ ለምን ይህን እንዳልኩ ከላይ ከተንደርደርኩበት ሃሳብ ጋር ሁኜ ወደ ታችኛው ልዝለቅ።

ሰሞኑን አንዲት ወያኔዎቹና ሽፍቶቹ የምትል አጠር ያለች መድብል በማነብበት ግዜ፤ወየነ’ማለት ሐራ(ነፃ) ለማውጣት ታገለ አደመ እንደማለት ሲሆን ወያነ ማለት ደግሞ አብዮት፤ወያናይ ማለት ደግሞ አብየተኛ ማለት እንደሆነ ባስረጂ የሚናገር ፅሁፍ አጋጠመኝ። (ትርጓሜው በትግርኛ ቋንቓ) ማለት እነደሆነ(ዶ/ር ካሳ ገ/ሂይወት እና ዳንኤል ተኸሉ ረዳ ያጤኑታል) ሲል ይገልፀዋል።በዚህም ይመስላል ማለትና ድርጊት አልተገናኘም ሲል በሽፍቶቹ እየተጠቀመ አንድ 7 የሚሆኑ የሽፍትነት ስራ የጀመሩትን እያነጋገረ ይነጉዳል አልጨረስኩትም ። ስለመፃሃፉም ልገልፅ አደለምና ጅማሬዬ፤ወደ እራሴ ከመመለሴ በፊት ወያኔ የሚለው ስም እንኳን አይገልፃችሁም ከትርጓሜ አኳያ ብሎ ሽፍቶችን ስለወሰደ አሱን ተጋርቼው ወደ ጉዞዬ ልቀጥል።

ኢትዮጲያ ደርግን የ መሰለ በቁም ሰው የሚበላ መንግስት እጅግ ውድና በአለም ዘንድ ታላቅ ነገር በመስራት ሐገራቸውንና አለምን ሊያገለግሉ የሚችሉ ልጆቿን ባደባባይ እያረደ ጥሎ እርሱ ግን በመሰሪያ ተከልሎ 17 አመት ከከረመ በሗላ ዳግም ላይመለስ ሊያሸንፋቸው በሚችለው ግን ባለሸነፋቸው ሽፍቶቶች ተከቦ ኢትዮጲያን ዳግም ለሚበላት አዲስ አውሬ አስረክቦ ከሔደ ይሄው 23 አመት ዘለቀ።በዚህ በ23 አመት የፍዳ ዘመናት ውስጥ ከነበረችበት ሳትራመድ ይሁን አልያም ከፍና ዝቅ እያለች ዛሬ በ አለም 2ኛ ደሃ ሐገር ሆና እነ ኤርትራና ሱማሌ ብሎም ጅቡቲ ብቻ በጦርነት የሚታመሱትም ይሁን በሰላም ያሉት ሳይቀድሟት ተስልፋ ይሄው አለች ።

በዚህ ሁነት እና መተላለፍ ውስጥ 23 አመት መቆየት ፤ብሎም መከፋፈልና አንድ መሆን መግደልና መሞት ውስጥ የማስተዋል እጁን ሳይነኩ መቆየታቸው ትላንት ከወደቁት ከመማር ይልቅ ወዳቂዎች ከተንጠለጠሉ በሗላ ያደርጉ የነበሩትን እኩይ ተግባር በመፈፀም የትንፋሽ የበላይነትን ለማግኘት በመሯሯጥ አለቃ እኛ ነን ሲሉ ላስተዋለ” ”የማሰብ ደግነቱ ነገርን ከልብ መረዳት ነበር ” ሲል የሚመጥናቸውን ባይሆን እንኳ ለተናጋሪው የሚስማማውን በማለት ጉዳዩን ያስረዳል።

አሮጌ አመለካከትና የበላይነት ስሜት ለማንም ቢሆን የማስተዋል ነፃነትን ስለሚገፍ በመግደል፤በመግረፍ ፤በማሰር እና በመሳሰሉት እራሱን ለመግለፅ በሞመከር ማንነት ከምንግዜውም በላይ ያወርዳል ብሎም ለነገ የሚፈራው እና የሚሰጋው ነገር እንዳለ የዛሬ ቅዠቱ ያሳያል።
እስቲ እንጋገር አቶ አንዳርጋቸው(ግ7.ዋ.ፀ) በእናንተ እጅ ሲታሰሩ ሲያዙ ሲገደሉም ሆነ ሲገረፉ የመጀመሪያው አደሉም ።በዚህ ማንም አይደነቅም። ይእልቅስ የሚደንቀው አንድን ውሃ የያዘ እንስራ ካፉ ላይ ስለተሸረፈ ውሃ ይፈሳል ወይም ይጎላል ብላችሁ ስለምታስቡት ስለ እናተ መደነቅ ግድ ይላል። እንበል፤ አንዳች ነገር ግን አዲስ ያልሆነ ይኖራል በማለት መለስ ብላችሁ አስቡ።ከእናንተ ጋር ለትግል የወጡ ስንቶች ነበሩ ፤ ስንቶቹስ ተገደሉባችሁ ?ድርጅታችሁን ከመሰረቱት ጀምሮ ለዚ እስካበቁት? (ማውሳት የፈለኩት የትግሉ ሂደት በምን ሁኔታ ላይ እንደደረሰ ስለማላውቀው ግንቦት 7 አደለም)፤ በአግባቡ ማስተዳደር ሲያቅታችሁ ለድክመታችሁ ሽፋን የሚሆን ረጅም መንገድ ስለምትጓዙት ስለ እናንተ ነው።

ታዲያ የቀደሙት ሁሉ የትግል ጓዶቻችሁ ከእናንተ መለየት ሳያቋርጣችሁ ትግላችሁን ፈፅማችሁ እዚ ከደረሳችሁ ስለምን አንድ አንዳርጋቸውን ማሰርና መግደል ትግሉን እንደሚያቐርጠው አመናችሁ? እነሆኝ ማስተዋል ማጣታችሁ መቸኮልና መቅበዝበዛችሁ አለም በግርድፉ ሲያመችሁ ነበር አሁን ግን እያለጠ ማንነታችሁን እንዲያውቅ እድል ሰጣችሁት ።ይሄ ከሰው አደለም ከእግዚያብሔር ነው።አዳርጋቸው ያለው እኮ ትላንት ከትላንት ወዲያ እናንተ ተናግራችሁ ጫካ የገባችሁበትን ቃል ነው።ታዲያ ምኑ ላይ ጥፋቱ? ፍትህ እኩልነት የዲሞክራሲ የበላይነት ስለማይታየኝ ከእናንተ ጋር አልሰራም አለ፤ ወደ የሚመቸውና የተመኘውን ፍትህና እኩልነት አመጣበታለሁ ወዳለው መስመር ተጓዘ።በእናንተ ሲሆን ደግ ነገር ነበር ። ዛሬ ደግሞ አፈሙዙ ወደ እናንተ ሲዞር አንድን ታጋይ በመያዝ የተሻለ ነገር እንደሰራቸሁ ስትናገሩ አልዘገነናችሁም።ለአብነት ያህል አቶ ስብሐት ነጋ ከላይ ከጠቀስኩት መፅሃፍ አዘጋጅ ጋር ባንድ ወቅት ያወጉትን ላስነብባችሁ።

ጠያቂ፤-…….. መሰረታዊ ልዩነት እንዳለችሁ እያወቃችሁ ነው ለንግግር የጋበዛችኃቸው?

ስብሃት ነጋ፤-…………..”እንደኛ ሁኑ አንልም።እንደኛ አልሆንክም ብለን የመታንም አንድም ድርጅት የለም…….” እያሉ በትግሉ ግዜ ከሌሎች ተወጊ ድርጅቶች ጋር ያሰለፉትን የትግል ታሪክ ሲመላለሱ ይነበባል።እሺ ይህ ከነበረ ሐሳባችሁ ዛሬስ አንዳርጋቸውን ለመያዝ ከሌላ ሐገር በእርጥባን የተገኘውን ብር ተጠቅማችሁ ስትወጡና ስትወርዱ መታየታችሁ ከማለታችሁ ጋር አይጋጭም ወይ?በቃ እንደ እናንተ አንሆንም ነው ያለው።እንደ እናንተ አልሆንም ያለሆነውን ካልመታችሁ፡ ባኢስር ላይ ያሉት ትልልቆቹና ትንንሾች ወንዶችና ሴቶች ፤ምን በሰሩ በያስርቤት ታጎሩ? አቦይ ስብሃት?ይህ ብዙ ብርቅ አደለም በእናንተ ዘንድ ። “የማስተዋል ቁም ነገሩ ትግስትና ዝግታ ነው።መጥፎነቱም መቸኮልና መቅበዝበዝ ነው”ይህ አባባል በትንሹ ይገልፃችኃልና።ግና በውኑ አንዳርጋቸውን ስትይዙ በውጭ ስለሚኖሩት ልጆቻችሁና አንባሰደሮቻችሁ ብቻ ስለሁሉም ፤ብሎም ለዲፕሎማሲ ስራ ስለመመላለሳችሁ አስባችኋል? እሱ የሚወክለው ድርጅት የቱንም ያህል መስዋትነት ከፍሎ ተመጣጣኝ ከሚባል በላይ ሊያደርስባችሁ እንደማይችል ስለምን አላወቃችሁም?እሰቲ ቆም ብላችሁ አስቡ።ሲጀመር ወደ ውሃው ትመጡ ወይስ ውሃው ወደ እናንተ ይምጣ ? ብያችሁ ነበር ።ይህ ጥያቄ በዱርና በከተማ በሰላምና በጦርነት የሚታገሉትን ይወክላል። ሕዝቡ ወደ እናንተ ጥያቄና ሓሳብ ከሚመጣ እናንተ ወደ ህዝቡ ሐሳብ ብትሔዱ ለመኖር ባትችሉ እንኳን ለማኗኗር አድሉ ይገጥማችሁ ነበር።በሐገር ውስጥ በሰላም የሚንቀሳቀሰውን ፓርቲ ሁሉ ወነጀላችሁ።ወጣት የተባለ አግዛችሁ አሰራችሁ፤ ገረፋችሁ፤ ገደላችሁ።ግን ትግሉን ማስቆም ግን አልቻላችሁም።ለዚህ ነው ውሃው ወደ እናንተ ከሚመጣ እናተ ወደ ውሃው ሒዱ የምንላችሁ።ይህ ማለት በሰላም ታጥባችሁ በሰላም ጠትታችሁ በሰላም ለመኖር የሚያበቃችሁን ንፁህ አየር እንድትነፍሱ ያደርጋችኋል።ነገር ግን በተቃራኒው ውሃው ወደ እናንተ ከመጣ ፤ከዚህ በፊት እና በቅርብ በውሃ መጥለቅለቅ ምክንያት ብዙ ሕዝባቸውን ብሎም ንብረታቸውን ያጡት ለማግኘት አንዳርጋቸውን የፈለጋችሁበትን ያህል ግዜና እሱን ልትገዙበት ያወጣችሀትን ያህል ገንዘብ ሳታወጡ ታገኛለችሁ።ባጋጣሚ ጋዳፊን (ሊቢያ)ሳዳም ሁሴን(ኢራቅ) ወዘተን እያሰባችሁ ቆዩ።ውሃው ወደ እነሱ እንዳይመጣ በኬሚካል መርዝ ሳይቀር የተጠቀሙ ነበር ግን …….ጫጩት ፊት ፈንግል አይወራም።በርግጥ አስተዳደር ያለማወቅ በራስ መተማን እዳይኖር ከሚያመጣው ጭንቀት በበመነጨ ይህ እንደሚሆን ለማንም ግልፅ ነው ።ግን እኮ አቃተን በቃን ብሎ በሰላም ማስረከቡ በክብር በላይ ክብር እንጂ ውርደት አይሆንም። ጋዳፊም ይሁን ሳዳም ወይም ሁስኒ ሙባረክ ሌሎችም ዛሬ እናንተ የምትመርበትን አብዮት ገንዘብ ስለማድረጋቸው የመጣ የመጨረሻ ጣጣ ነው ።ከሌላው አለም ገንዘብ ብቻ መሰብሰብ ሳይሆን በመምራትና በመመራት ሂደት ውስጥ ላለው ቁም ነገር የሚረዳውን እውቀት መሰብሰብም ብልህነት ነው ።ሰውንም ከመግደል እራስም ከመሞት ያድናልና።

ስለ ሐገር በጥቂቱ ፤-በዚህ ግንዘቤ ውስጥ ለህዝባችሁ ብቻ ሳይሆን ሁሉንም ግራ በሚያጋበ ሁኔታ እየሰራችሁ እንደሆነ ለእናንተ ግልጸፅ ባይሆንም አለምና የኢትዮጲያ ህዝብ ይገነዘባችኋል።እናንተን እንደማይመለከት ለመግለፅ የወደድኩት ፤ያወጣችሁትን የፀረ ሽብር ሕግ አለም እየተቸበትና እየተቀለደበት እንደሆነ ብሎም በሰባአዊ መብት ተከራካሪዎች ዘንድ የአውሬነት መደብ ተሰጥቶአችሁ ስትገለፁ መቼስ አንዳርጋቸውን በያዘችሁበት(በተለይ)ሰሞን ሚዲያዎችን ተከታትላችሁ ከሆነ የደረሳችሁበትን ደረጃ ያስረግጣል።ታዲያ በዚህ ሁነት ማንን እየመራችሁ ነው?የኢትዮጲያ ህዝብስ ስንት ሚሊዮን ነው?በስልጣን ለመቆየት ትውልድን ማጥፋትን ጨምሮ ሐገርን ቆርሶ አስከመቸብቸብ ድረስ ሁሉንም አደረጋችሁ።ከላይ በተገለፀው መሰረት ሽፍትነትም ላይገልፃችሁ እየተሰናበተ ነው ።አሺ ማን ይሁን ስማችሁ?የኢትዮጲያ መንግስት? ቅኝ ገዢ?ወንበዴ ቡድን? እንደው ማን ?አስቲ ለአፍታ ያህል ተወያዩ።እናንተ ብታረጁም ቢበቃችሁም ገና ያልበቃቸው ልጆቻችሁ አሉ?የትም ይሁኑ የትም የሚኖሩት ማርስ ላይ አደለም ምድር ላይ ነው።ስለዚህ ግፍ ለእነሱ አታቆዩ።በተረፈው ከመለስ ዜናዊ በፊትና በኋላ ብዙ ከእናንተ በህይወትና በሞት የተለዩአችሁ አሉ። ያ ሆኖ እናንተ ማድረግ የምትፈልጉትን እንዳላ አገዳችሁ ሁሉ፤ አንዳርጋቸውንና ሌሎች የፖለቲካ መሪዎችን በማሰርና በመግደል ነገ የተሻለ እንደሚሆን የምታስቡ ከሆነ ከትላንትና ጀምሮ የተኛችሁ ደካሞች ናችሁ።
ቸር እንሰንብት

የትግሬ-ወያኔ ኢትዮጵያን እና ኢትዮጵያዊነትን ለማጥፋት አቅዶ ሲነሳ፣ የግቡ መረማመጃ ያደረገው የኢትዮጵያዊነት መገለጫ የሆኑ ተቋሞችን፣ ኃይማኖቶችን፣ ዕሴቶችን እና በተለይም «ዐማራ» የተሰኘውን ነገድ ተወላጆች ነጥሎ ማጥፋት የሚል ሥልት በመከተል እንደሆነ ይታወቃል። በዚህም መሠረት የጥፋቱ ቅድሚያ ዒላማ ያደረገው ለትግራይ ሕዝብ በችግሩ ጊዜ ደራሽ እና የተራበ አንጀታቸውን ዳሳሽ በሆነው የወልቃይት፣ የጠገዴ፣ የጠለምትና የሠቲት ወረዳዎች ሕዝብ ላይ ነው። ወያኔ በእነዚህ የትግሬ አዋሣኝ ወረዳዎች ሕዝብ ላይ የጥፋት ክንዱን የዘረጋው በሦስት መሠረታዊ ምክንያቶች ነው።

የመጀመሪያውና ታላቁ ምክንያት የእነዚህ ወረዳዎች ሕዝብ ዐማራ በመሆኑ እና የትግራይ አዋሳኝ ስለሆነ የትግራይን ታሪክ ክፉውንም ሆነ ደጉን ጠንቅቆ የሚያውቅ በመሆኑ ነው። በዚህም ምክንያት የዚያ አካባቢ ሕዝብ የትግሬ-ወያኔ ለተነሳለት ፀረ-ኢትዮጵያ እና ፀረ-ዐማራ እንቅስቃሴ የማይተኛ እንደሆነ ስለሚረዳ ይህን ሕዝብ ብቻውን አቁሞ ማጥፋት ለወደፊቱ ግሥጋሴው ምቹ ሁኔታ እንደሚፈጥርላቸው በማመን የችግር ጊዜ ደራሻቸውን ሕዝብ ያለርኅራኄ ጨፍጭፈውታል። ሁለተኛው ምክንያት «ታላቋን ትግራይ» ለመመሥረት ባላቸው ዕቅድ ለውጭ ግንኙነታቸው መውጫ መግቢያ እንዲሆናቸው ከሱዳን ጋር የሚዋሰኑትን እነዚህን ወረዳዎች ወደ ትግራይ ማጠቃለል ስለነበረባቸው ነው። ሆኖም የአካባቢው ሕዝብ «ነገዳችን ዐማራ፣ ጠቅላይ ግዛታችን ጎንደር ነው።» እያለ እንዳያስቸግራቸው በቅድሚያ ነባር ነዋሪውን ጎንደሬ አጥፍቶ በሠፋሪ ትግሬ ማስያዝ ለዓላማቸው ሥምረት ያገለግላል ብለው በማመናቸው ነው። –-– [ሙሉውንለማንበብእዚህይጫኑ]—–

ከግርማ ሰይፉ ማሩ

መንግሰት የሚባለው ነገር ምን እንደሆነ ግራ ገብቶኋቸው ግራ የሚያጋቡን የመንግሰት ኃላፊዎች ያሉበት ሀገር ውስጥ ነው የምንገኘው፡፡ በሃላፊነታቸው ደረጃ የሚመጥን ማስተካከያ ለመውሰድ አቅምም ፍላጎትም የላቸውም፡፡ የተሸከሙት ሃላፊነት መንግሰት ብለው ለሚያስቡት አንድ ግዑዝ ነገር ለአገልጋይነት እንጂ፤ እነርሱ የመንግሰት አካል እንደሆኑ አይረዱትም፡፡ ይህን እንድንል የሚያደርገን መንግሰታችን ብለን በኩራት ግብር የምንከፍለው፤ መንግሰታችን ዜጎች በሰላም ወጥተው በሰላም አንዲገቡ የሚያደርግልን ተቋም ነው፤ ሀገራችን በልማት በልፅጋ ዜጎች የልማቱ ተጠቃሚ እንዲሆኑ ምቹ ሁኔታ የሚፈጥር ስርዓት ነው፣ ይህ ሁሉ ሆኖም ችግር ቢገጥመን በገለልተኝነት በፍትህ ስርዓት ዳኝነት የምናገኝበት ነው፤ ብለን ማመን ቢቸግረን ነው፡፡ እነዚህ የመንግሰት ሃላፊ ተብዬዎች እነርሱ የተጣለባቸውን ኃላፊነት መወጣት ሲያቅታቸው እኛ በእንድ ወይም በሌላ መንገድ ችግራቸውን በጠቆምናቸው ወደ ትክክለኛ ደረጃ ማደግ ትተው እኛ ወደ እነርሱ እንድንወርድ፣ እንድንዋረድ፣ ለሆዳችን እንድናድር ወደ ገደል ይጎትቱናል፡፡

(ግርማ ሰይፉ)

ዛሬ የመረጥኩትን ርዕስ እንድመርጥ ያደረገኝ መንግሰት ሰሞኑን እያሳየ ያለው ባሕሪ ነው፡፡ መቼም መንግሰት የሚገለፀው በመንግሰት ሃላፊዎች ነው የሚል እምነት አለኝ፡፡ መንግሰትን የሚመሩት ግለሰቦችም ሆኑ አካላት በመንግሰት ሃላፊነት ላይ የሚመድቧቸውን ሰዎች በህዝብ ፊት እንዲቀሉ ማድረግ ያለባቸው አይመስለኝም፡፡ እነዚህ ግለሰቦች እንዲቀሉ ሲያደርጉ የሚቀሉት አበረው መሆኑን እንዲሁም መንግስት የሚባለውን ሰርዓት የሚመራው አካል ጭምር ነው፡፡ እራሱ የሾመውን አካል ጭምር ማለት ነው፡፡

ይህን ሀሳብ ያነሳሁት አቶ ጌታቸው ረዳ የተባሉ የጠቅላይ ሚኒሰትሩ ቃል አቀባይ “መንግሰት አቶ አንዳርጋቸውን አልተረከበም” ብለው በአሜሪካ ድምፅ ሬዲዮ ለህዝብ ይፋ አደረጉ፡፡ የፀረ ሽብር ግብረ ኃይል በመግለጫው “የየመን መንግሰት እንዲይዛቸው አደረግን የዚያኑ ዕለት ተረከብናቸው” አለ፡፡ የፀረ ሽብር ግብረ ኃይሉ ጅግንነቱን ለመግለፅ የመንግሰት ቃል አቀባዩን ማዋረድ ለምን አስፈለገ? ከዚህ ቀደም እንደልምድ ሆኖ የመንግሰት ኮሚኒኬሽን ፅ/ቤት ከፍተኛ ሹም የሆኑት አቶ ሽመልስ ከማል ሆን ተብሎ በሚመስል ሁኔታ እንዲህ ዓይነት ተቃርኖ ያለበት አሰተያየት እንደሚሰጡ ይታወቃል፡፡ በዚህ የተነሳም እኝህን ከፍተኛ የመንግሰት ሹም የሚያምን ለማግኘት እጅግ አስቸጋሪ ነው፡፡ ይህ ግለሰቦችን የማዋረድ ድርጊት መንግሰትን የሚጠቅመው እንዳልሆነ ግን ግልፅ መሆን አለበት፡፡ የመንግሰትን አቋም እንዲነግሩን የተመደቡ ሰዎች “አይታመኑም” ማለት አጭር እና ግልፅ በሆነ ቋንቋ “መንግስት አይታመንም” ማለት ነው፡፡ የተዓማኒነት ጉድለት ያለበት መንግሰት ሲመራን ደስ አይለንም፤ ለዚህም ነው መንግስት አንዲታመን የምንወተውተው፡፡ ይህ የምንሰጠው አሰተያየት በምንም መልኩ የሀገርን ገፅታ ማበላሸት ሳይሆን፤ ሀገራቸንን ወክለው የሚዋሹትን የመንግሰት ሹማምንት በመምከር ለሀገር ገፅታ ግንባታ መትጋት ነው፡፡ ብንዋሽም ለሀገር ገፅ ግንባታ ሲባል ዝም በሉን ከሆነ መርዕ አልባነት ስለሚሆን መስማት ቢቻልም መስማማት አይቻልም፡፡ ያለምግባባታችን ምንጩ በመርዕ ጉዳይ ያለመስማማት ነው፡፡

የመንግስ ተዓማኒነት የሚጎዱ ብዙ ድርጊቶች ማንሳት ቢቻልም፤ አሁን ደግሞ የፓርቲያችን አባል የሆነውን ሀብታሙ አያሌውን በምንም ምክንያት ቢይዙት መንግሰትን ለመማን በፍፁም ዝግጁ አይደለንም፡፡ መንግሰት ሁሌም እንደሚለው ክምር ማስረጃ አይደለም አንድ ገፅ ማስረጃ ያቀርባል ብለን አንጠብቅም፡፡ ይህን ለማለት የሚያሰደፍር በቂ ተሞክሮ አለን፡፡ ከብዞዎቹ አንዱ አንዱዓለም አራጌን ለእስር ያበቁበት መረጃ ነው፡፡ በህይወቴ ከደነገጥኩበት ቀን አንዱ አንዱዓለም አራጌ የታሳረ ዕለት ነው፡፡ ምከንያቱም የቀረበበት ክስ “ከግንቦት ሰባት” ከሚባለው “ሁሉን አቀፍ” የሚበል የትግል ስልት ከሚከተል በውጭ ሀገር ከሚገኝ ፓርቲ ጋር ግንኙነት አለው የሚል ስለ ነበር ነው፡፡ በወቅቱ አንዱዓለም አራጌ ላይ የሚያቀርቡትን መረጃዎች በጉጉት ነበር ስጠብቅ የነበረው፡፡ ነገር ግን አንድም ማስረጃ ሳይቀርብበት፣ አዳፍኔ ምስክሮችም እንደሰለጠኑት አሟልተው ሳይመሰክሩ የሰላማዊ ትግል ጓዳችን “በአሸባሪነት” ጥፋተኛ ነው ተብሎ እድሜ ልክ ተፈረደበት፡፡ ከዚያን ቀን ወዲህ ማንም ላይ ማስረጃ አለኝ ቢሉ ለማመን እቸገራለሁ፡፡ መንግሰት በሚፈፅማቻው ተግባራት ምክንያት ተዓማኒነቱን እየጎዳው ይገኛል፡፡ ቀበሮ መጣ እንደሚለው ውሽታም እረኛ ማለት ነው፡፡

በእኔ እምነት ከሳሾቹም ሆነ ፈራጆቹ የሰጡት ውሳኔ “ክምር ማስረጃ” አለን ያሉትን የቀድሞውን ጠቅላይ ሚኒስትር መለስ ዜናዊ ቃል ለማክበርና ለማስደሰት እንደነበር መጠራጠር አያሰፈልግም፡፡ እርሳቸውም ደስታቸውን ሳያጣጥሙት በተፈጥሮ ህግ ተለይተውናል፡፡ የቀረበውን ክምር ማስረጃ ታሪክ መዝግቦ ይዞታል ከሳሹችም ሆኑ ፈራጅች በታሪክ ፍርድ ፊት እንደሚቆሙበት ቅንጣት ያህል ጥርጥር የለኝም፡፡ ይህንን ጉዳይ አስመልክቶ አሁን በምንፅፈው፣ በምንናገረውም ሆነ ከዚህ በፊት በያዝነው አቋም ሁላችንም የታሪኩ አካል ነን፡፡ ሊፈርድብን ወይም ሊፈርድልን፡፡

የዛሬ ዓመት አካባቢ በደሴ ከተማ ሰላማዊ ሰልፍ ለማስተባበር ከተመደበ ቡድን ጋር ተንቀሳቅሼ ነበር፡፡ ወቅቱ ደግሞ አንድ የሙስሊም የሀይማኖት አባት የተገደሉበት ነበር፡፡ በወቅቱ በደሴ ከተማ የተገነዘብኩት ነገር ቢኖር አብዛኛው የከተማ ነዋሪ “የሀይማኖት አባቱን የገደላች መንግሰት ነው” የሚል መደምደሚያ ላይ ደርሶ ነበር፡፡ በሰልፍ ላይ የተገኙ ሰዎችም “እየገደሉ ገደሉ አሉን” የሚል መፈክር በከፍተኛ ሰሜት እያሰሙ ቅሬታቸውን ሲገልፁ ነበር፡፡ በግሌ መንግሰት በዚህ ደረጃ ወርዶ በግለሰቦች ግድያ መጠርጠሩ ምቾት አልሰጠኝም፡፡ በተለያየ አጋጣሚ ያገኘኋቸውን የመንግሰት ሹሞች በዚህ ደረጃ መንግሰት መጠርጠሩ እንደሚያሳዝን አሁንም ቢሆን መስራት ያለባቸው የተቃዋሚዎች ስራ ነው እያሉ በአላስፈላጊ ፕሮፓጋንዳ ከሚጠመዱ፤ መንግሰትን በዚህ ደረጃ ለመጠርጠር ገፊ የሆነው ችግር ምንጭ ምን እንደሆነ እንዲመረምሩ አሳቤን አካፍያቸው ነበር፡፡ ነገሩ የተገላቢጦሽ ሆኖ እኔንም ከአሽባሪና አክራሪነት ጋር ደምረው ልወደድ ባይ ጋዜጠኞች ዶክመንተሪ ፊልም ሰሩብኝ፡፡ ሀይ የሚል አልነበረውም ይልቁንም በተለያየ አጋጣሚ የማገኛቸው ኢህዴጎች የኢቲቪን ድራማ እያዩ እኔን መኮንን ነው የያዙት፡፡ እኔን በዚህ ደረጃ ከመጠርጠር እራሳቸውን መጠርጠር የሚቀላቸው ይመስለኛል፡፡ የእኔ ጥያቄ መንግስት ለምን በዚህ ደረጃ ይጠረጠራል? የመንግሰት ተዓማኒነት መጎደልን ለማሳየት ከዚህ የተሻለ ማስረጃ ማቅረብ ይከብዳል፡፡ እንዴት መንግሰት በግለሰብ ግድያ ይጠረጠራል? ሹሞቹ ግን ይህ አላሳፈራቸውም ቅድሚያ የሰጡት ለፕሮፓጋንዳው ነው፡፡

የተለያዩ ሀገሮቸን ለመጎብኝት እድል አጋጥሞኛል መንግስት ሊገድልህ፤ ሊያስገድልህ፤ በማጅራት መቺ ሊያስመታህ ይችላል ተብሎ የሚታመንባቸው ሀገሮች እጅግ ጥቂቶች ናቸው፡፡ የወደቁ ወይም በመውደቅ ላይ ያሉ መንግሰታት ናቸው፡፡ የሀገሬ መንግሰት እንዲህ እንዲሆን አልፈልግም፡፡ እንዲህ ዓይነት ግምት የሚሰጡ ሪፖርቶች ሲወጡ መንግትን ስለማልደግፍ ጮቤ አልረግጥም፡፡ ይልቁንም አዝናለሁ፡፡ በቅርቡ አንዲት ሴት መኖሪያ ቤቴ ድረስ መጥታ በከፍተኛ የመንግሰት ሹም ፆታዊ በደል እንደደረሰባት ነገረችኝ፡፡ ለነገሩ ጉዳዩ የግል ግንኙነት ከመሆኑ አንፃር ብዙም ፍርድ ቤት የሚያስኬድ ባሕሪ እንዳለው ባይገባኝም፤ የተነፈገ መብት አለኝ ካለች ፍርድ ቤት እንድትሄድ ነገርኳት፡፡ “ፍርድ ቤት ብሄድም ትርጉም የለውም፤ ይህን ማድረጌን ከሰሙ ያስገድሉኛል፤ አንተ በደንብ አታውቃቸውም አለቸኝ፡፡” ደነገጥኩ!! እውነት ነው ከሷ በላይ አላውቃቸውም፤ በግልፅ አንሶላ ተጋፋ ውስኪ ተራጭታ የሚያደርጉትን ታውቃለች፡፡ በመጨረሻም ከእኔ የምትፈልገው ነገር እኔ ላድርግላት እንደማልችል፤ እኔም ከመስመር አልፎዋል ያሉ ቀን ሊገድሉኝ፣ ሊያስገድሉኝ ካዘኑልኝ ደግሞ እስር ቤት ሊወረውሩኝ እንደሚችሉ አምኜ በድፍረት እንደምንቀሳቀስ ነገርኳት፡፡ ይህን ታሪክ ያነሳሁት መንግስት ከለላ የሚሰጠን ጠባቂያችን ሳይሆን ሊገድለን፣ አደጋ ሊያደርስብን የሚችል ነው ብለን ተዓማኒነት እንድንነፍገው ለምን ሆነ? ብዬ ለመጠየቅ ነው፡፡ የመንግሰት ተቃዋሚ ሆኖ አይደለም፤ መንግሰትን ከሚወክሉት ሹሞች ጋር ሲዳሩ መክረም እንደ ውለታ ተቆጥሮ ዋስትና አይሆንም፡፡ የፈለጉ ቀን ከህግ ሰርዓት ውጭ ማሰገደል የሚችሉ ናቸው፡፡ መንግሰትን የሚወክሉት ሹሞች፡፡ ግን ለምን አንዲህ ሆነ?

መንግሰት ለሚያደርጋቸው ነገሮች፣ ለሚወሰደው እርምጃ ተገማችነት አለመኖር ለተጠርጣሪነት እና ተዓማኒነት ጉድለት እንደሚያጋልጠው እርግጥ ነው፡፡ ይህን መከላከል ሲገባ ደግሞ ይህን የሚያጠናክሩ ድርጊቶችን በተደጋጋሚ ማየት መንግሰት ተዓማኒ አይደለም ብቻ አይደለም አንድ አንድ ሰዎች በድፍረት እንደሚሉት “መንግሰታዊ ውንብድና” ነው፡፡ ያሰገድሉናል የሚባል አቋም ሲያዝ ፍርድ ቤት አቅርበው አንዳለሆነ ግልፅ ነው፡፡ በአህአዴግ መንግሰት ከሁለት ሰዎች በላይ በህግ ውሳኔ በሞት የተቀጣ እንደሌለ እናውቃለን፡፡

ይህንን “የመንግሰትን ተዓማኒነት ጉድለት” የሚመለከት ፅሁፍ እያዘጋጀሁ ሳለ የግሌ አስተያየት እንዳይሆን የፌስ ቡክ ጓደኞቼ አስተያየት እንዲያዋጡ መጠየቅ ፈለጉህ፡፡ እንዲህም ብዬ በፌስ ቡክ ላይ ለጠፍኩ “እባካችሁ የመንግሰትን ተዓማኒነት ጉድለት የሚያሳይ አሳብ አዋጡ!! ከሌላችሁ በእውሽት ላይ የተመሰረተ ክስ ወይም ጠቅላላ አስተያየት ተቀባይነት የለውም፡፡ አመሰግናለሁ ……” የሚል ነበር፡፡ ተቀባይነት የሌላቸው አጠቃላይ አሰተያየቶችን ጨምሮ እጅግ ብዙ አስተያየት በአጭር ጊዜ ቀረበልኝ፡፡ በመሰረታዊነት ህገ መንግስቱን እና ህገ መንግሰታዊ ሰርዓቱን እንዲያከብሩ የሚጠይቅ ሲሆን፤ በግልፅ ምሳሌ ተደርገው ከተጠቀሱት ዋና ዋናዎቹ ከኢትዮ ኤርትራ ጦርነት ማግስት ባድመን አሰመልክቶ የተሰጠው መግለጫ፣ ዜጎች መንግሰት ላይ እምነት ቢኖራቸው በሚሊዮን ለምን ይሰደዳሉ?፣ ኢቲቪን ተመልከት፣ ፍርድ ቤቶች ምን እየሰሩ ነው፣ የደህንነት ተቋም ለማን ነው የሚሰራው? ምርጫ ቦርድ ገለልተኛ ነው ብለህ ታምናለህ? የሚሉና ከነአካቴው መንግሰት አለ ወይ? የሚሉት ይገኙበታል፡፡ አሰተያየቶቹ ሁሉንም የመንግስት አካላት የዳሰሱ ናቸው፡፡ መንግሰት ዜጎች በዚህ ደረጃ ተዓማኒነት እንዲነሱት ለምን ይተጋል ብለን መጠየቅ የለብንም ትላላችሁ?

ምኞቴ መንግሰታቸን ብለን የምናከብረው መንግሰት አንዲኖረ ነው፡፡ ግልፅ ነው በአሁኑ ስዓት የለንም እያልኩ ነው፡፡ ይህ ደግሞ የሚገለፀው መንግሰትን ወክለው በሚታዩት ሹማምንቶች ባህሪና ተግባር ነው፡፡ የሀገርን ገፅታ ለመግንባት ከሊቅ እስከ ደቂቅ ኃላፊነት እንዳለብን እና ግዴታችን እንደሆነ ባምንም ይህን ከፍተኛ ኃላፊነት ግን ያለምንም ማወላወል በተግባር ሊያውል የሚገባው እና ሞዴል ሊሆነን የሚገባው መንግሰት ነው፡፡ መንግሰት ደግሞ በኃላፊዎቹ ይወከላል፡፡ የእኛ ተግባር ትክክለኛ ስራ ሲሰሩ ሞዴሎቻችን አድርገን መውስድና ትክክለኛ ተግባራቸውን ማስፋት፤ ካልሆነ ደግሞ ያልሆኑትን ናቸው ብለን መቀለድ ሳይሆን አትመጥኑንም ብለን መንገር ነው፡፡ ጆሮ ያለው ይስማ!!!!!

ቸር ይግጠመን

ከፕሮፌሰር አለማየሁ ገብረማርያም

ትርጉም በነጻነት ለሀገሬ

(የጸሐፊው ማስታወሻ)፣ በኢትዮጵያ ውስጥ ያለው ገዥ አካል በቅርቡ ገንቢ ያልሆነእና በእራስ አሸናፊነት ጎልቶ ለመውጣት በሚልዕኩይ ምግባር በተቃዋሚዎቹ እናትችት በሚያቀርቡበት ወገኖች ላይ እየወሰደ ያለውን የቅጣት እርምጃ አሳፋሪ ነው::ገዥው አካልበተደጋጋሚ በሚሰራቸው አስቂኝ የስህተት ቀልዶች (በሚከተላቸውብልሽቶች እና ድሁር አቅመቢስነት) እና በሚፈጽማቸው የመድረክትወናዎች(ለአጭር ጊዜ እኩይ ፍላጎቱ እርካታ ሲል በሚያራምዳቸው ውዥንብሮቹ) በሁለቱምድርጊቶቹ የሚያስደንቅ እና ግራ የሚያጋባሆኗል ፡፡ ገዥው አካል ለምንድን ነው 20እና ከዚያ በላይ የሚሆኑ ጦማሪያንን እና በጣት የሚቆጠሩ ሃያሲ ጋዜጠኞችን ሸፍጥበተመላበትሁኔታ በሀሰት በተፈበረከ እራሱ “አሸባሪነት” እያለ በሚጠራው ክስ ከሶበእስር ቤት አጉሮ ንጹሀን ዜጎችን እያማቀቀ ያለው? ለምንስነው ክቡር የሆነውንየጋዜጠኝነትን ሙያ እየወነጀሉት ያለው? ለምንድን ነው ገዥው አካል የአገሪቱንኢኮኖሚ በመዳፉ ስር ጨምድዶይዞ በተጠንቀቅ በአንድ ቦታ ቆሞ የሚጠባበቅወታደራዊ ኃይል እያለው እና ብዛት ያላቸው ጠብመንጃዎች፣ ታንኮች እናየጦርአውሮፕላኖች በእራሱ ቁጥጥር ስር እያሉት በጥቂት ጦማርያን እና ጋዜጠኞች ልቡበፍርኃት እየራደ በጭንቀት ማዕበል ውስጥእየዋኘ የሚገኘው? ጉልበትን እንጅ ህግንእና ስርዓትን የሚጠየፈው ገዥ አካል በነጋ በጠባ ያዙኝ ልቀቁኝ እያለ በመፎከር የራሱ ጥላ አያስበረገገው ተሸበሮ የሚሸበረው?

በገዥው አካል በኢትዮጵያ የፕሬስ እና ሀሳብን በነጻ የመግለጽ መብት እየተሸረሸረበማለቁ እና በመቶዎች የሚቆጠሩ የነጻው ፕሬስጋዜጠኞችን ወደ እስር ቤት እያጎረያለበት ሁኔታ በመፈጠሩ ምክንያት ኢትዮጵያ “13 የብርሀን ወራት ያላት አገር “መባሏ ቀርቶይልቁንም በጨለማው አህጉር “13 ወራት የጨለማ አገር” ተብላለች ፡፡ በጣም ያስገርመኛል! ያ ገዥ አካል በእራሱ የፖለቲካ ምህዋርየሚዞር እና እንደገደል ማሚቶ እያስተጋባ የሚኖር የእራሱ ነጻነት የሌለው ግኡዝ አካል ነውን? ከዚህአንጻር በኢትዮጵያ ስርዓቱንየሚያሽከረክረው ገዥው አካል በፍርሀት ቆፈን ውስጥተወሽቆ የሞት ሽረት ትግል እያደረገ ያለ ሆኖም ግን በዞን 9 ጦማርያን እናሰላማዊህዝብ እንቅስቃሴ እያወደመ የሚኖር የሽብር መንግስት ሆኗል፡፡ )

በሞት ሽረት ትግል ውስጥ የሚገኙት የዞን 9 ትንታግ ወጣት ጦማርያን

የኔ ጥያቄ እውን በአሁኑ ጊዜ በኢትዮጵያ ያለው ስርዓት “የኢትዮጵያ ፌዴራላዊ ዴሞክራሲያዊ መንግስት ሬፐብሊክ መንግስት” ነው ወይስ በሽብር ተግባር ላይ ተዘፍቆ የሚገኝ “የፖሊስ መንግስት”? ኢትዮጵያ በሌላ ጠፈር (ህዋ) የምትገኝ አገር ናትን? እነዚህን ጥያቄዎች በጥሞና የማነሳቸው ጥያቄዎች ናቸው፡፡

ኢትዮጵያ በአሁኑ ጊዜ “የፖሊስ ሬፐብሊክ መንግስት” ተብላ ልትጠራ ትችላለች፡፡ በ20ዎቹ አካባቢ የዕድሜ ጣሪያ ላይ የሚገኙ ወጣት ወንዶች እና ሴቶች በፌስቡክ እና በሌሎች የማህበረሰብ ድረገጾች ያለምንም ፍርሀት በመጻፋቸው እና ሀሳባቸውን በነጻ በመግለጻቸው ምክንያት ብቻ በገዥው አካል ሽብርተኛ በሚል የሸፍጥ ፍረጃ እና ክስ በቁጥጥር ስር ውለው በእስር ቤት በመማቀቀቅ ላይ ይገኛሉ፡፡ ባለፈው ሳምንት በኢትዮጵያ ያለው ገዥ አካል 6 ጦማሪያንን እና 3 ጋዜጠኞችን (የዞን 9 ጦማርያን እየተባሉ የሚጠሩትን) በተለምዶ ቃሊቲ እየተባለ በሚጠራው በአስፈሪው የመለስ ዜናዊ የማሰቃያ እስር ቤት ከሚማቅቁት የፖለቲካ እስረኞች የእስር ቤት ቁጥር 8 ቀጥሎ በተሰየመው የማጎሪያ እስር ቤት ለ80 ቀናት ያህል ሲያማቅቅ ከቆየ በኋላ ህገወጥ በሆነ መልኩ ሽብርተኛ የሚል ታፔላ በመለጠፍ መሰረተቢስ የሆነ የሸፍጥ ውንጀላ ክስ መስርቶባቸዋል፡፡

ሀሳባቸውን ያለምንም ፍርሀት በፌስቡክ እና በማህበረሰብ ድረገጽ ነጻ በሆነ መልኩ ከገለጹት ውሰጥ የሚከተሉት ትንታግ ወጣት ጦማሪያን ይገኙበታል፤ አቤል ዋቤላ(በኢትዮጵያ አየር መንገድ በመሀንዲስነት ተቀጥሮ የሚሰራ)፣ አጥናፍ ብርሀኔ(በኢንፎርሜሽን ቴክኖሎጂ ሙያ በክፍለ ከተማ ተቀጥሮ የሚሰራ)፣ ማህሌትፋንታሁን (በጤና ጥበቃ ሚኒስቴር በስታቲስቲክስ ባለሙያነት ተቀጥራ የምትሰራ)፣ናትናኤል ፈለቀ (በኮንስትራክሽን እና ቢዝነስ ባንክ በማኔጀርነት ተቀጥሮ የሚሰራ የኢኮኖሚክስ ባለሙያ)፣ ሲሆን ከዩናይትድ ስቴትስ አሜሪካ የውጭ ጉዳይ ሚኒስትር ከሆኑት ጆን ኬሪ ጋር ከዚህ በታች የተነሳውን ፍቶግራፍ ማየት ይቻላል፣ዘላለምክብረት (በአምቦ ዩኒቨርስቲ የህግ ትምህርት መምህር)፣ እና በፈቃዱ ኃይሉ(በቅድስት ማሪያም ዩኒቨርስቲ የኢንፎርሜሽን ቴክኖሎጂ ባለሙያ እና በቅርብ ጊዜ ደግሞ የዕንቁ መፅሔት አርታኢ በመሆን ሲያገለግል የነበረ)፡፡ ሌሎቹ በገዥው አካል ህገወጥ ውሳኔ እስረኛ ጦማሪያን የሚከተሉትን ያካትታል፤ ጋዜጠኛ አስማማው ኃ/ጊዮርጊስ (ከአዲስ ጉዳይ ጋዜጣ)፣ እና ፍሪላንሰሮች ተስፋሁንወልደየስ (ከአዲስ ስታንዳርድ መጽሔት) እና ኤዶም ካሳዬ (የቀድሞ የአዲስ ዘመን ጋዜጣ ሰራተኛ የነበረች) ናቸው፡፡ ኢትዮጵያውያን/ት ጋዜጠኞች እና ጦማርያንን (ከዚህ በላይ የተጠቀሱትን ጥቂቶችን ጨምሮ) በተጨባጭ እውነታ ላይ በመመስረት የሰጡትን ቃለ መጠይቅ በሚመለከት መሰረቱን በእንግሊዝ አገር ያደረገ የሰብአዊ መብት ተሟጋች ድርጅት ቡድን አንቀጽ 19 በሚል ርዕስ በድረገጽ ላይ ያደረገውን ቃለመጠይቅ ከእዚህ ጋ በመጫን ማዳመጥ ይቻላል)፡፡

የሽብርተኝነት ክሱ ዋና ጭብጥ ጦማሪያኑ “በውጭ ከሚንቀሳቀሱ የሰብአዊ መብት ተሟጋቾች ነን ከሚሉ ድርጅቶች ጋር ህብረት በመፍጠር በአገር ውስጥ ሁከት እና እረብሻ ለመፍጠር“ እና “ከውጭ የእርዳታ ገንዘብ በመቀበል ህዝባዊ አመጽ ለመቀስቀስ የማህበረሰብ ድረገጾችን ይጠቀማሉ“ የሚል ነው፡፡

በአማርኛ ተዘጋጅቶ ይፋ የሆነውን የክስ ሰነድ ለማየት ከእዚህ ጋ ይጫኑ፡፡ (በባለአርማ የተጻፈው የመጻጻፊያ ቋሚ ወረቀት ላይ “ኢትዮጵያ” የሚለው የንግሊዘኛ ቃል ቃል በስህተት “ኢትዮያ” ተብሎ መጻፉን ልብ ይሏል)፡፡ አገሪቱ በይፋ በምትጠቀምበት በባለአርማ ወረቀት በታተመው የመጻጻፊያ ደብዳቤ ላይ የአገሪቱን ስም በትክክል መጻፍ ያቃተው ገዥ አካል በጦማሪያኑ ላይ የመሰረተው ክስ ትክክል ይሆናል ብሎ መውሰድ እንደምን ይቻላል? ምን ዓይነት አሳፋሪ ሁኔታ ነው!!!

በሽብርተኝነት ስም የተመሰረተው የውንጀላ ክስ በርካታ ዝርዝር ጉዳዮችን የሚያካትት ሲሆን ከእነዚህም ውስጥ ሽብርተኝነትን ለመፈጸም ከሌሎች ጋር አብሮ መዶለት፣ የማህበረሰብ መገናኛ ድረገጾችን በመጠቀም የአመጽ ቅስቀሳ ማካሄድ፣ ለኢትዮጵያ ሳቴላይት ቴሌቪዥን/ኢሳት እና ሬዲዮ ዘገባዎችን ማቅረብ፣ ለግንቦት ሰባት የሚሆኑ አባላትን በመመልመል የትብብር አገልግሎት መስጠት፣ በሰው እና በንብረት ላይ አደጋ ሊያስከትሉ የሚችሉ ፍንዳታዎችን ለማካሄድ የአሸባሪነት ስልጠናዎችን መውሰድ፣ ለአሸባሪ ኃይሎች ስልት መንደፍ እና የአሮሞ ነጻነት ግንባርን ፕሮፓጋንዳ መንዛት የሚሉት ናቸው፡፡ ለውንጀላው አስረጅ ይሆናሉ የተባሉ ዝርዝር ሰነዶች በዋናነት በተከላካዮች እጅ የሚገኙትን ብዙ ዲጂታል የኤሌክትሮኒክ መገናኛ ዘዴዎችን መሰረት ያደረገ ነው፡፡ የዩናይትድ ስቴትስ መንግስት መምሪያ በዞን 9 ጦማሪያን ላይ የቀረበውን የክስ ውንጀላ ያለውን ስጋት በመግለጽ ለገዥው አንዲህ ስል አስገንዝቧል፣ “ኢትዮጵያ ነጻ ሀሳብን ከመግለጽ የሚገድበውን የጸረ ሽብርተኝነት ህግ ከመተግበር እንድትቆጠብ“ በማለት መግለጫው የሚከተለውን አውጇል፣ “ሀሳብን በነጻ መግለጽ እና የነጻው ፕሬስ ነጻነት የዴሞክራሲያዊ ማህበረሰብ መሰረታዊ ምርጫዎች ናቸው፡፡ ነጻ ጋዜጠኞችን እና ጦማሪያንን በቁጥጥር ስር በማዋል በጸረ ሽብርተኝነት ህግ ወንጀል ክስ መስርቶ ዜጎችን በፍርድ ቤት ቀጠሮ ማንገላታት በመላ የኢትዮጵያ ህዝቦች ሰብአዊ መብት ጥበቃ እና በመገናኛ ብዙሀን ላይ አሉታዊ ተጽዕኖ ያሳድራል፡፡“ ከዚህም በተጨማሪ ሂዩማን ራይትስ ዎች፣ የጋዜጠኞች ጥበቃ ኮሚቴ እና ሌሎች የሰብአዊ መብት ተሟጋች ድርጅቶች የዞን 9 ጦማሪያን ያለምንም ቅድመ ሁኔታ በአስቸኳይ እንዲፈቱ መግለጫ በማውጣት ጥያቄ አቅርበዋል፡፡

በሀሰተኛዋ ሬፐብሊካዊት ኢትዮጵያ…

በሀሰተኛዋ ሬፐብሊካዊት ኢትዮጵያ ጋዜጠኞች በእስር ቤት ታጉረው ይጠበቃሉ፣ እናም የሙያ ስነምግባራቸውን በመተግበራቸው ብቻ በእስር ቤት እንዲማቅቁ ይደረጋሉ፡፡ እ.ኤ.አ የ2014 ትልቅ ክብር ያለውን እና ዓመታዊ ለፕሬስ ነጻነት አሸናፊዎች የሚሰጠውን ወርቃማውን የብዕር ሽልማት ከዓለም ጋዜጦች እና ዜና አታሚዎች ማህበር (ሌሎች በርካታ ዓለም አቀፍ የፕሬስ ሽልማቶች አሸናፊ የሆነው) በቅርቡ የተሸለመው እስክንድር ነጋ በነጻ በመጻፉ ብቻ የ18 ዓመታት እስራት ተበይኖበታል፡፡ የ34 ዓመቷ ሴት ጀግና ወጣት እና የኢትዮጵያ ፕሬስ ነጻነት ቀንዲል የሆነችው እንዲሁም በዓለም አቀፍ ደረጃ ዕውቅናን የተጎናጸፈችው “እውነት ተናጋሪዋ እስረኛ“ እየተባለች የምትጠራው እና የበርካታ ዓለም አቀፍ የፕሬስ ሽልማቶችን አሸናፊ የሆነችው ርዕዮት ዓለሙ የገዥውን የፖለቲካ ፓርቲ በአገር አቀፍ የግድብ ፕሮጀክት የገንዘብ ማሰባሰቢያ ዘዴ ላይ የሰላ የጽሁፍ ትችት በማቅረቧ እና በሞት በተለዩት በመለስ ዜናዊ እና አሁን በህይወት በሌለው በሊቢያው አምባገነን መሪ በሞአማር ጋዳፊ መካከል ምንም ዓይነት ልዩነት የሌላቸው አምባገነኖች ናቸው በማለቷ ብቻ የ14 ዓመታት እስራት ተበይኖባታል፡፡ ሌላው የዓለም ዓቀፍ የፕሬስ ሽልማት አሸናፊ የሆነው ትንታግ ጋዜጠኛ ውብሸት ታዬ ሲያዘጋጀው በነበረው ጋዜጣ ላይ የገዥው አካል በሙስና የበከተ መሆኑን እና የያዘውን ስልጣንም ከህግ አግባብ ውጭ እየተጠቀመ መሆኑን በመግለጹ ብቻ የ14 ዓመታት እስራት ተፈርዶበታል፡፡ በዚህ ዓይነት ጉዳይ ላይ የሚጽፉ እና የዜግነት ግዴታቸውን ለመወጣት ሲሉ ለዴሞክራሲያዊ ስርዓት ግንባታ የሚፋለሙ ሌሎች በርካታ የነጻው ፕሬስ ጋዜጠኞች አሉ፡፡

በሀሰተኛዋ ሬፐብሊካዊት ኢትዮጵያ ጋዜጠኞችን፣ ጦማሪያንን፣ የተቃዋሚ የፖለቲካ ፓርቲ አመራሮችን እና ሰላማዊ አማጺያንን በመወንጀል፣ ስማቸውን ጥላሸት በመቀባት እና ኢሰብአዊ ድርጊትን በመፈጸም አሸባሪዎች፣ አመጸኞች እና ሌላ ሌላም በመሰየም ይፈርጇቸዋል፡፡ አሁን በህይወት የሌለው የገዥው አካል ቁንጮ መሪ እና ዘዋሪ፣ አድራጊ እና ፈጣሪ የነበረው አምባገነኑ መለስ ዜናዊ እ.ኤ.አ የ2005 አገር አቀፍ ምርጫን ተከትሎ በተፈጠረው ቀውስ የበርካታ ጋዜጦች አታሚዎችን በእስር ቤት ካጎረ በኋላ በነጻው ፕሬስ ላይ ጦርነት በማወጅ እንዲህ የሚል መግለጫ ሰጥቶ ነበር፣ “ለእኛ እነዚህ ጋዜጠኞች አይደሉም፣ የፕሬስ ህጉን ጥሰዋል ተብለው ክስ አይመሰረትባቸውም፡፡ እንደ ለቅንጅት ለአንድነት እና ለዴሞክራሲ አመራሮች በአገር ክህደት ወንጀል ይከሰሳሉ“ በማለት ሲሳለቅ የነበረ መሆኑ የቅርብ ጊዜ ትዝታ ነው፡፡ እ.ኤ.አ በ2011 ፈላጭ ቆራጩ መለስ ዜናዊ ጆን ፔርሰን እና ማርቲን ሽብዬ የተባሉትን ስዊድናዊ ጋዜጠኞች በቁጥጥር ስር በማዋል ወደ ዘብጥያ ከወረወረ በኋላ እንዲህ በማለት ፈርጇቸው ነበር፣ “የሽብርተኛ ድርጅት ተላላኪዎች“ እንዲህ ሲል ተሳልቋል፣“እነዚህ ወንጀለኞች አሁን እየሰሩት ያለው ጋዜጠኝነት የሚያሰኝ ከሆነ እኔ እራሴ ሽብርተኝነት ምን እንደሆነ አላውቅም ማለት ነው“ በማለት የተለመደውን የቅጥፍና ፍልስፍና አሰምቶ ነበር፡፡

በሀሰተኛዋ ሬፐብሊካዊት ኢትዮጵያ ጋዜጠኝነት ማለት አሸባሪነት ማለት ነው፡፡ ጋዜጠኞች ለመንግስት ጠላቶች ናቸው፡፡ መጦመር ወይም መጻፍ የሀገር ክህደት ወንጀል ነው፡፡ ጦማሪያን የመንግስት ደመኛ ጠላቶች ናቸው፡፡

በሀሰተኛዋ ሬፐብሊካዊት ኢትዮጵያ የእንግሊዝ ዜግነት ያለው የተቃዋሚ የፖለቲካ ፓርቲ አመራር በየመን በአውሮፕላን በትራንዚት ላይ እያለ አስነዋሪ እና አሳፋሪ የሆነ የጠለፋ ወንጀል ተፈጽሞበታል፣ እናም ከህግ አግባብ ውጭ በሆነ መልኩ ዓለም አቀፍ ህግን በመደፍጠጥ ወደ ዘብጥያ እንዲወረወር ተደርጓል፡፡

በሀሰተኛዋ ሬፐብሊካዊት ኢትዮጵያ ሰዎች ኢሰብአዊነት ድርጊት ይፈጸምባቸዋል፣ ስልጣኔ ወደ ኋላቀርነት ይቀየራል፣ ፍትህ በሙስና ይጣመማል፣ የጎሳ ማጥራት ዘመቻ ይካሄዳል፣ ህዝቦች በድህነት እንዲማቅቁ እና የረሀብ ሰለባ እንዲሆኑ ይደረጋል፣ ወጣቶች በችግር እንዲጠረነፉ ይደረጋል፣ የግዳጅ ስራ እንዲሰሩ ይደረጋል፣ ሰካራም እንዲሆኑ እንዲሁም የጫት እና የሌሎች ሱሶች ተገዥዎች እንዲሆኑ ስልታዊ ስራ ይሰራል፣ ተፈጥሯዊ ከባቢያችን እንዲወድም ይደረጋል፣ ግድቦች በዘላቂነት በአንድ ቦታ አካባቢ የሚኖሩትን የወገኖቻችንን ህይወት በሚጎዳ መልኩ በመገደብ በህብረተሱ ዘንድ መቅሰፍታዊ አደጋ እንዲመጣ ይደረጋል፣

በሀሰተኛዋ ሬፐብሊካዊት ኢትዮጵያ ድህነት ሀብታምነት ማለት ነው፣ ረሀብ ማለት በጥጋብ መወጠር ማለት ነው፣ የመንግስት በስህተት መዘፈቅ የሰብአዊ መብት ማክበር ማለት ነው፡፡ ጭቆና ፍትሀዊነት ነው፣ እናም ወሮበልነት ዴሞክራሲያዊነት ማለት ነው፡፡

በሀሰተኛዋ ሬፐብሊካዊት ኢትዮጵያ ድንቁርና ምሁርነት ነው፡፡ የመንግስት ዋና ዓላማ ህዝቡን አደንቁሮ ለማቆየት እና በህገወጥነት መንገድ ለመግዛት እውነታውን ማጣመም፣ መወጠር እና እውነታውን ማፍተልተል፣ ጸጥ ማድረግ እና ምንም ሳያስቡ ባላወቁት እና ባላመኑበት ነገር ላይ ስምምነት እንዲያደርጉ ማስቻል ነው፡፡

በሀሰተኛዋ ሬፐብሊካዊት ኢትዮጵያ ወሮበሎች ይገዛሉ! ወሮበሎችን መፍራት የህግ የበላይነት ማለት ነው!

በዞን 9 ሰላማዊ እንቅስቃሴ ምክንያት የሚደረግ የፍርሀት የሞት ሽረት ትግል፣

በ196ዎቹ አመታት ሮድ ሴርሊንግ በተባለ በአንድ ታዋቂ እና ተወዳዳሪ በሌለው “የሞት ሽረት ትግል” በተሰኘ ተከታታይ የቴሌቪዥን የተውኔት ደራሲ አስፈሪ ተውኔቶችን፣ ጭንቀት የተሞላበት እና በጣም አስቸጋሪ የሆነ የአውዳሚነት ባህሪን የተላበሰ የሳይንስ ልብወለድ ድርሰት ተዘጋጅቶ ቀርቦ ነበር፡፡ በአንድ ትርኢት ያቀርበው ታሪክ የቤተመጽሐፍት ባለሙያ ሰው ላይ የተመሰረተ ነበር:: ይህ የቤተመጽሐፍት ባለሙያ “አታስፈለግም” የሚል ክስ ቀርቦበት ነበር:: በዚህ በቀረበበት ክስ ምክንያት የሞት ፍርድ ሊበየንበት እንደሚገባ የግዛቱ አስተዳዳሪ የሆነው ባለስልጣን በችሎት በተሰየመው የዳኞች ስብሰባ ፊት በመገኘት ችሎቱን ለማሳመን ሞከረ፡፡ በፍርድ አሰጣጥ ሂደቱ ወቅት ባለስልጣኑ ( ቻንስለሩ) እና የቤተመጽሐፍት ባለሙያው በሰው ልጅ ክብር ላይ በሚከተለው መልኩ ጠንካራ የሆነ ክርክር በማድረግ ስራ ላይ ተጠመዱ፣

ባለስልጣኑ (ቻንስለሩ) (ለቤተመጽሐፍት ባለሙያው)፡ “አንተ የማታስፈለግ ባለሙያ ነህ!

የቤተመጽሐፍት ባለሙያው፡ የመጽሐፍ ገጾችን በማቃጠል እውነታውን ልታወድም እንደማትችል ከማሳሰብ የዘለለ ሚና የለኝም!

ባለስልጣኑ፡ አንተ ትኋን ነህ፡፡ በመሬት ላይ የምትሳብ ነብሳት፡፡ አስቀያሚ እና ምንም ዓይነት ቅርጽ የሌለህ ዓላማ ቢስ አናሳ ፍጡር ነህ! ምንም ዓይነት ስራ የለህም…“

የቤተመጽሐፍት ባለሙያ፡ “እኔ ሰብአዊ ፍጡር ነኝ…”

ባለስልጣኑ፡ “አንተ የመጽሐፍት አከፋፋይ ነህ፣ በመጽሐፍት ማውጫ መደርደሪያው መስመር ላይ ትርጉም የለሽ የሆኑ ቃላትን በኃይል በማውጣት በተዘጋጀው የመጽሐፍት መደርደሪያ ላይ ሁለት ሳንቲም የሚያወጡ ጥራዞችን እያወጣህ የምትደርድር ከንቱ ፍጡር ነህ፡፡ ምንም ዓይነት ዋጋ የሌላቸው ቃላት፣ እንደ ነፋስ፣ ምንም ዓይነት አቅጣጫ የሌላቸው ናቸው፡፡ እንደ ባዶ ህዋ በትንሽ ካርድ ላይ አመልካች ቁጥሮችን በመደርደር ትርጉም የለሽ ምልክት በማድረግ ህልውና እንዳለህ በመቁጠር እምነት እንዲያድርብህ ታደርጋለህ፡፡“

የቤተመጽሐፍት ባለሙያው፡ “እኔ ደንታዬ አይደለም፡፡ ነግሬሀለሁ፣ ደንታዬ አይደለም፡፡ ሰብአዊ ፍጡር ነኝ፣ እኖራለሁ… እናም አንድን ሀሳብ ከፍ በማድረግ በተናገርሁ ጊዜ ያ ሀሳብ በዘላቂነት ይኖራል ወደ መቃብር ከተወረወርኩ በኋላም ቢሆን እንኳ፡፡“

ባለስልጣኑ፡ እነዚህ ሁሉ ከንቱ የውሸት እምነቶች ናቸው!! የማተሚያ ቀለሙን በደምህ ውስጥ በማዋሀድ መጽሐፍ ቅዱስ፣ ግጥም፣ ድርሰት እና ሌላም ነገር ሁሉ ስነጽሁፍ እያልክ የምትጠራውን አደንዛዥ ዕጽ በመውሰድ ምንም ዓይነት ኃይል ሳይኖርህ ኃይል እንዳለህ አድርገህ እራስህን ትቆጥራለህ!!! አንተ ምንም ማለት አይደለህም፣ ሆኖም ግን አንተ ማለት የሚንቀሳቀሱ የእጆች እና እግሮች ቅርጽ አንዲሁም ህልም ብቻ ያሉህ ፍጡር ነህ፡፡ እናም መንግስት አንተ የዋህ በመሆንህ የሚያገኘው አንዳችም ጥቅም የለም!!! ጊዚያችንን አቃጥለሀል፣ እናም ያቃጠልከውን ጊዜ ያህል ጠቀሜታ የሌለህ ከንቱ ፍጡር ነህ፡፡

ፍርድ ቤቱ የሞት ቅጣቱን ውሳኔ የቤተመጽሐፍት ባለሙያ ላይ ተግባራዊ አደረገ፡፡

የቤተመጽሐፍት ባለሙያው ድፍረት በተመላበት መልኩ የሞት ቅጣቱን ዕጣ ፈንታ በጸጋ ተቀበለ፡፡ ጨካኝ አረመኔዎቹ ምህረትን እንዲያደርጉለት ከመጠየቅ ይልቅ የእራሱን ሰብአዊ ክብር እና ነጻነት ለማስጠበቅ ሲል ከኃይለኞቹ ጉልበተኞች ፊት በጽናት ቆመ፡፡ ሁለት ልዩ የሆኑ ጥያቄዎችን አቀረበ፣ 1ኛ) በምን ዓይነት መንገድ የሞት ቅጣቱ ሊፈጸምበት እንደሚገባ እንዲመርጥ የሞት ቅጣቱን የወሰኑበት እብሪተኞች ዕድል እንዲሰጡት ጠየቀ፣ 2ኛ) የሚፈጸምበት የሞት ቅጣት እና በመሬት ላይ በህይወት የሚቆይባቸው የመጨረሻዎቹ ጥቂት ሰዓታት በቴሌቪዥን ለህዝብ ይፋ እንዲደረግ ጠየቀ፡፡ ሁሉም ዝግጅት ከተጠናቀቀ በኋላ የቤተመጽሐፍት ባለሙያው የሞት ቅጣቱን የሚያስፈጽመውን ባለስልጣን ወደ ማቆያ ክፍሉ ለመጨረሻ ጊዜ እንዲመጣ ጋበዘው፡፡ ባለስልጣኑ/ቻንስለሩ የሞት ቅጣቱ ከሚፈጸምበት ጊዜ ጥቂት ደቂቃዎች ቀደም በማለት ደረሰ፡፡ ለጥቂት ደቂቃዎች ተወያዩ፡፡ የውይይታቸው ዳህራ እንደሚከተለው ቀርቧል፣

የቤተመጽሐፍት ባለሙያ፡ እዚህ ድረስ ጥያቄዬን አክብረው በመምጣትዎ አመሰግናለሁ፡፡

ባለስልጣን፡ ለመሆኑ ለምን እንደመጣሁ ታውቃለህ?

የቤተመጽሐፍት ባለሙያ፡ አዎ እንዲመጡ ስለጋበዝኩዎ ነው፡፡

ባለስልጣን፡ እዚህ አንተ ጋ ለምን እምደመጣሁ ልነግርህ እፈልጋለሁ፡፡ ምናልባት ስለአንተ ጉዳይ አንድ ነገር ለማረጋገጥ ነው፡፡

የቤተመጽሐፍት ባለሙያ፡ እና ያ….?

ባለስልጣን፡ መንግስቱ ምንም ዓይነት ፍርሀት የለውም፣ ይህንን ላረጋግጥልህ ነው የመጣሁት፡፡ በምንም ዓይነት መልኩ ቢሆን ምንም ፍርሀት የሚባል ነገር የለም፣ ምንም…

የቤተመጽሐፍት ባለሙያ፡ ክቡር ባለስልጣን እንደዚህ ላለ የተለቀቀ ፌዝ ይቅርታ እንዲያደርጉልኝ እጠይቃለሁ…ማለቴ ወደ እኔ ማቆያ ክፍል የመጡት መንግስት… እኔን የማይፈራኝ መሆኑን ለመግለጽ ነውን!? እኔ ለምንድን እንደዚህ ያለ የማይታመን ሸክም ለመሆን እንደቻልኩ የሚገርም ጉዳይ ነው! መንግስት አንድ እንደ እኔ ያለውን ያረጀ የቤተመጽሐፍት ባለሙያ የማይፈራ መሆኑን ለማረጋገጥ እዚህ ድረስ መምጣቱ የሚያስደንቅ ነው፡፡ ኦ! አይደለም፡፡ እዚህ ድረስ የመጡበትን ምክንያ በግልጽ ልነግርዎት እፈልጋለሁ… እርስዎ ለእራስዎ ለመቀበል ፈቃደኛ ባይሆኑም እንኳ ምክንያቱን እንግረወታለሁ፡፡

ባለስልጣን፡ ያ ለምን መሆን እንዳለበት አሁን ጥያቄ የማቅረብ ተራው የእኔ መሆን የለበትምን?

የቤተመጽሐፍት ባለሙያ፡ የእርስዎን መስፈርት አላሟላም፡፡ የእርስዎ መንግስት ሁሉንም ነገር ፈርጆ አስቀምጧል…መለያ ቁጥር እና ኮድ ሰጥቷል፣ እንደዚሁም የመለያ ተለጣፊ ጸሑፍ/ታግ ሰጥቷል፡፡ እንደ እርስዎ ያሉ ሰዎች ኃያል ናቸው፡፡ እንደ እኔ ያሉ ሰዎች ደግሞ ደካሞች ናቸው፡፡ እርስዎ ስርዓትን ይቆጣጠራሉ፤ እናም ያስገድዳሉ… እኔ እና መሰል ደካሞች ፍጡራን ደግሞ እርስዎን መከተል እና መታዘዝ ነው፡፡ ሆኖም ግን አንድ ነገር ስህተት ተሰርቷል፣ አይደለምን? ለዚህ ጉዳይ ተስማሚ አይደለሁም፣ ነኝ እንዴ?

የቤተመጽሐፍት ባለሙያው ለባለስልጣኑ ማሳየት የፈለገው ህዝቦች በምን ዓይነት መንገድ ክብራቸው እና ሰብዕናቸው መጠበቅ እንዳለበት መከራከር እና መብትን መጠየቅ ለሞት ቅጣት እንደሚያደርስ አየተከራከረ ከዳዊት መዝሙር ምዕራፍ 23 እና 53ን ማንበብ ጀመረ ፡፡ በቴሌቪዥን ህዝቡ የቤተመጽሐፍት ባለሙያው እና ባለስልጣኑ ክርክር ሲያደርጉ ይመለከታል፡፡ የሞት ቅጣት የሚፈጸምበት ጊዜ እየተቃረበ ሲመጣ ባለስልጣኑ የቤተመጽሐፍት ባለሙያውን ክፍል ለቅቆ ለመውጣት ሞከረ፡፡ ሆኖም ግን የክፍሉ በር ተዘግቶ አገኘው፡፡ የሞት ቅጣቱ ሰዓት እኩለ ሌሊት መሆኑን ከማመልከቱ በፊት ባለስልጣኑ በጭንቀት ማዕበል ውስጥ ሰምጦ የሚይዝ የሚጨብጠውን አጣ፡፡ የቤተመጽሐፍት ባለሙያው ግን በተረጋጋ መንፈስ እና ከፍርሀት በጸዳ መልኩ ይመለከት ነበር፡፡ ባለስልጣኑ የቤተመጽሐፍት ባለሙያው የተቆለፈውን በር እንዲከፍትለት እና መውጣት እንዲችል እንዲህ በማለት ለመነው፣ “በእግዚአብሔር ስም ይዠሀለሁ ከዚህ ክፍል ውስጥ ልውጣ!“ የቤተመጽሐፍት ባለሙያው ደስታ በተቀላቀለበት ሁኔታ ሆኖም ግን መንግስት “እግዚአብሔር እንደማይኖር ያረጋገጠውን” ቃል ሳይደግም ባለስልጣኑ እንዲወጣ በሩን ከፈተለት፡፡ ከዚያ በኋላ ባለስልጣኑ በደረጃው ላይ አድርጎ ከክፍሏ በመውጣት ቁልቁል እየወረደ ከውስጥ ባለው የቤተመጽሐፍት ባለሙያ ክፍል ላይ የእሳት ቃጠሎ ተነሳ፡፡ በመጨረሻው ሁኔታ ባለስልጣኑ እንደ ወንጀለኛ የተፈረጀ እና አስፈላጊ አንዳልሆነ ወደ ፍርድ ሰጭ ጉባኤው ተመለሰ፡፡ የምክንያቱም ፍርሃት በማሳየት ያለዉን መንግስት መሳቂያ ስላደረገ:: ፈራጆቹ ባለስልጣኑን በጠረጴዛ ላይ በመጎተት እስከሚሞት ድረስ ጨፈጨፉት፡፡

በኢትዮጵያ ያለው ገዥ አካል ጋዜጠኞችን እና ጦማሪያንን አሸባሪ ብሎ በመፈረጅ ጭካኔ በተመላበት ሁኔታ እያሰቃዬ በተጨባጭ እነርሱ “የማያስፈለጉ” ናቸው በማለት በመዘባበት ላይ ይገኛል፡፡ እንዲሁም “ትኋኖች እና የሚሳቡ ነብሳት ናቸው” ይላል፡፡ ከዚህም በተጨማሪ “እነርሱ መጥፎዎች፣ የተበላሸ ቅርጽ ያላቸው፣ ምንም ዓይነት ዓላማ የሌላቸው እና ትርጉምየለሽ ፍጡሮች ናቸው!” ይላል፡፡ ገዥው አካል እንዲህ በማለት ይነግራቸዋል፣ “በሳንቲም የሚሸጡ ጋዜጦች፣ መጽሔቶች እና በድረገጽ የሚለቀቁ ኃይል ያዘሉ ትርጉም የለሽ ጽሑፎች አከፋፋዮች ናቸው፡፡“ “ምንም ዓይነት ጥራት የሌላቸው እንደ ነፋስ እና እንደ አየር ምንም ዓይነት ቅርጽ የሌላቸው፣ እንደ ህዋ ባዶ የሆኑ፣ ጋዜጠኞች እና ጦማሪያን ቃላትን በጋዜጦች፣ በድረገጾች እና በብሎጎች ላይ በመሞነጫጨር የሚኖሩ ትርጉመ ቢስ ፍጡሮች ናቸው” በማለት በህዝቡ ዘንድ እምነት እንዳይጣልባቸው ይዘባበታሉ፡፡

በሴርሊንግ ታሪክ እንደ የቤተመጽሐፍት ባለሙያው ሁሉ በእስር ላይ የሚገኙት የዞን 9 ጦማሪያን እና የነጻው ፕሬስ ጋዜጠኞች ጸጥታ በተላበሰ መልኩ እንዲህ በማለት ሀሳባቸውን ይገልጻሉ፣ “እኛ ሰብአዊ ፍጡሮች ነን… ገዥው አካል ስለሚናገራቸውም ሆነ ስለማይናገራቸው ነገሮች ደንታ የለንም፡፡ አለን፣ እንኖራለን… እናም አንድ ነገር ድምጻችንን ከፍ አድርገን በተናገርን ቁጥር ያ ሀሳብ ለዘለቄታው ይኖራል፣ እኛ ወደ መቃብር ከተወረወርን በኋላ እንኳ ቀጣይነት ይኖረዋል፡፡“ ገዥው አካል “ስርዓትን መቆጣጠር እና ማስገደድ” ይችላል፣ ሆኖም ግን የዞን 9 ጦማሪያን እና ጋዜጠኞች “እንደ ቀላል ነገር በዘፈቀደ የሚከተሉ እና የሚታዘዙ አይደሉም” በውሸታሟ ሬፐብሊካዊት ኢትዮጵያ ላይ አንድ መሰረታዊ የሆነ ስህተት ተከስቷል! በእስር ላይ የሚገኙት ጋዜጠኞች እና ጦማሪያን መስፈርቱን አያሟሉም፡፡

“የማያስፈለጉት” የውሸታሟ ሬፐብሊካዊት ኢትዮጵያ ወንዶች እና ሴቶች ወይስ የማያስፈለጉት የውሸታሟ ሬፐብሊካዊት ኢትዮጵያ መሪዎች?

ሮድ ሴርሊንግ አሁን ቢኖር ኖሮ የውሸታሟ ሬፐብሊካዊት ኢትዮጵያ የጽሑፉ ትረካ መግቢያ በሚከተለው መልክ ይናገር ነበር:

(የተራኪው ድምጽ፡፡) በአሁኑ ጊዜ የአፍሪካ የፖሊስ መንግስት ገዥ የወሮበላ ስብስብ በብረት ጡንቻቸው ህዝብን ቀጥቅጠው በመግዛት ላይ ይገኛሉ፡፡ በግልጽ ለመናገር “የአፍሪካ የወሮበላ አገዛዝ” ነው በአህጉሪቱ ተንሰራፍቶ ያለው፡፡ ዋናው ዓላማቸው፣ “የተቃዋሚ ቡድኖች ምርጫችንን ዋጋ የሚያሳጣ የኃይል እርምጃ የሚወስዱ ከሆነ በሙሉ ኃይላችን እንደመስሳቸዋለን፡፡ ለዘላለም በእስር ቤት ውስጥ ሆነው ይበሰብሳሉ፡፡“ በዚህ የወሮበላ አገዛዝ ስርዓት ውስጥ በህሊና መኖር እና ማሰብ ወንጀል ነው፡፡ በስልጣን ላይ ላሉት ሸፍጠኞች እውነቱን መናገር ወንጀል ነው፡፡ ሰላማዊ ተቃውሞ ወንጀል ነው፡፡ የአንድን ሰው ህይወት ለመሸጥ ተቃውሞ ማሰማት ወንጀል ነው፡፡ ለዴሞክራሲያዊ ስርዓት ግንባታ እና ለሰብአዊ መብት ጥበቃ መከበር መቆም ወንጀል ነው፡፡ የህግ የበላይነት እንዲጠበቅ መሟገት እና መከራከር ወንጀል ነው፡፡ ሰላማዊ በሆነ መልክ መንግስታዊ ሽብርተኝነትን ለማስቆም መታገል ወንጀል ነው፡፡

በዚህ የአፍሪካ የወሮበላ አገዛዝ ጋዜጠኝነት በሞት የሚያስቀጣ ወንጀል ነው፡፡ ጦማሪነት ወይም ጸሐፊ መሆን በሞት የሚያስቀጥ ወንጀል ነው፡፡ ማንም ቢሆን በዥው አካል ላይ ትችት ካቀረበ በጆሮ ጠቢ ደህንነት ወይም በጦር ኃይል ይታፈናል፣ ይታሰራል፣ ይሰቃያል፣ እንዲሁም ይሰወራል፣ ይገደላል፡፡ የዩኒቨርስቲ ተማሪዎች ባመጹ ጊዜ በአነጠጥሮ ተኳሾች በጥይት ይደበደባሉ፡፡ ሰላማዊ አመጸኞች በተጭበረበረ የምርጫ ውጤት ምክንያት ተቃዎሟቸውን ለማሰማት ወደ አደባባይ በወጡ ጊዜ በይፋ በጥይት በመንገዶች ላይ ይደበደባሉ፡፡ የወሮበላ አገዛዝ ስርዓት እድሜውን ለማራዘም እና በስልጣን ላይ እንደ መዥገር ተጣብቆ ለመቆየት ሲል ከውጭ የሚገኝ የገንዘብ እና የማቴሪያል እርዳታ ይጠቀማል፡፡

(ተራኪው የካሜራ እይታ፡፡) በእራስህ ኃላፊነት አዝሂች የውሸታሟ ሬፐብሊካዊት አገር ትገባለህ ፡፡ ይህ አዲስ አገዛዝ አይደለም፡፡ ይልቁንም ከዚህ በፊት የነበረው የቀድሞው ያፍዝ ያደንግዝ አገዛዝ ስርዓት ቅጥያ ነው፡፡ ከእያንዳንዱ አምባገነን መሪ በኋላ በታሪክ ሂደት ውስጥ የእራሱን አምባገነናዊ ስርዓት እና ባህል ጥሎ ካለፈው አምባገንን የሚመነጭ ነው፡፡ በአሁኑ ጊዜ የሰብአዊ መብትን እና ነጻነትን ለማፈን የቴክኖሎጂ መስፋፋትን እና ምጥቀትን በመሳሪያነት ይጠቀማሉ፡፡ ሆኖም ግን ከእነርሱ በፊት እንደነበሩት አገዛዞች ሁሉ እነዚህም አንድ ዓይነት የመቀጥቀጫ የብረት ጡንቻ አላቸው፡፡ ምክንያታዊነት ጠላት ነው እናም እውነት አደጋ ላይ ወድቋል፡፡ (ካሜራ ወደ ተከሰሱት ተከላካዮች ፊቱን ያዞራል፡፡) እነዚህም የዞን 9 ጦማሪያን፣ ጋዜጠኞች፣ ዜና ዘጋቢዎች፣ አታሚዎች እና አርታዒኦች በወሮበላው አገዛዝ በአሸባሪነት ተከስሰው በእስር ቤት በመማቀቅ ላይ ይገኛሉ፡፡ በአጭር ጊዜ ውስጥ ሊወገዱ የሚችሉ የአንድ መንግስት ዜጎች ናቸው ምክንያቱም ከስጋ የተሰሩ ፍጡሮች እና የሚያስቡበት አእምሮ እና ስቃይን የሚመለከቱበት ልብ አላቸው፡፡

“ባላስፈላጊ ሰው” ተራኪው እንዲህ በማለት ማጠቃለያ ሰጠ፣ “ባለስልጣኑ/ቻንስለሩ አሁን በህይወት የሌለው ባለስልጣን ብቻ ነበር ትክክለኛው ሰው፡፡ እርሱ አስፈላጊ ሰው አይደለም፣ እንዲሁም ያመልክበት የነበረው አሁን በስልጣን ላይ ያለው መንግስትም አስፈላጊ አይደለም፡፡“ በስልጣን ላይ ያለ ማንም መንግስት፣ የትኛውም አካል ቢሆን እና የትኛውም የአመለካከት ፍልስፍና ጠቃሚነትን፣ ክብርን፣ የሰውን ልጅ መብት መጠበቅ ከግምት የማሰያስገባ ወዳቂ ከሆነ ያ መንግስት አስፈላጊ አይደለም፡፡

በህይወት የተለየው የውሸታሟ ሬፐብሊካዊት ኢትዮጵያ ባለስልጣን/ቻንስለር እና የመሰረተው መንግስት እና አምልኮ አስፈላጊ አይደለም!

ኢትዮጵያ በክብር ለዘላለም ትኑር!

ሀምሌ 17 ቀን 2006 ዓ.ም

ምርጫ በአንድነት ዉስጥ፣ ለአቶ በላይ ፍቃደ ድጋፌን እሰጣለሁ ( ግርማ ካሳ)

በኢትዮጵያ አንጋፋ ከሚባሉ የፖለቲካ ድርጅቶች መካከል የሚገኙት፣ መኢአድ እና የአንድነት ፓርቲ ዉህደት በቅርቡ ይፈጽማሉ ተብሎ ይገመታል።

በዚህ ዙሪያ፣ ይችን ሰሞን በሶሻልሜዲያዎች፣  አንዳንድ ጤናማ ዉይይቶችን  እያነበብኩኝ ነው። የአንድነት ፓርቲ በቅርቡ ከመኢአድ ጋር ሲዋሃድ ፣ መጀመሪያ የአንድነት እና የመኢአድ ጠቅላላ ጉበኤ፣  የምርጫ ቦርድ ሃላፊዎች ባሉበት በተናጥል ይደረጋሉ።  ለዉህዱ ፓርቲ የሚቀርቡ ተወካዮችን እና ዉህዱ ፓርቲን የሚመሩ እጩ  ተወዳዳሪዎች ንያቀርባሉ።በነጋታዉ ከሁለቱም ፓርቲዎች እኩል የተወጣጡ ተወካዮች ያሉበት የዉህዱ ፓርቲ  ጠቅላላ ጉባኤ፣  የዉህዱን ፓርቲ ሊቀመንበር ይመርጣል።

የተከበሩ  ኢንጂነር ግዛቸው ከስድስት ወራት በፊት የአንድነት ፓርቲን እንዲመሩ መመረጣቸው  ይታወቃል።  የመኢአድ እና  የአንድነት  ዉህደት  ሲጠናቀቅ ፣  አንድነትም፣  መኢአድም  እንደ  ድርጅት  ይከስማሉ።  አዲስ  ድርጅት  ነው የሚፈጠረው።  በመሆኑም የኢንጂነር ግዛቸው ምሊቀመንበርነት ከአንድነት  ፓርቲ  ጋር አብሮ  ይከስማል። ኢንጂነር ግዛቸው የዉህዱፓርቲ ሊቀመንበር መሆንከፈለጉ፣  እንደገና ተወዳድረው  መመረጥ ይኖርባቸዋል። ለዚህም ነው ለዉህዱ ፓርቲ ሊቀመንበርነት ለመወዳደር፣  በአንድነት ፓርቲ በኩል እጩ ሆኖ ለመመረጥ፣ ራሳቸዉን ለእጩነት ያቀረቡት።

ከኢንጂነር ግዛቸው በተጨማሪ፣ የአንድነት ፓርቲ ምክትል ሊቀመንበር አቶ በላይ ፍቃዱ እንዲሁም የአንድነት ሥራ አስፈጻሚ አባል እና የቀድሞ የአንድነት የአዲስ አበባ ምክር ቤት ሰብሳቢ አቶ ትእግስቱ አወል እጩዎች ሆነው ቀርበዋል።

ይህ ፓርቲዉን ለመምራት በአንድነት ዉስጥ እየተደረገ ያለው የምርጫ ፉክክር፣ በጣም የሚያስደስትና የሚያኮራ ነው። «ይሄኛው ይመረጥ፣ ያ ይሻላል» እያሉ አባላትና ደጋፊዎች ሲከራከሩ ማየት፣ በዉጭ አገርም ሆነ ከአገር ዉጭ ባሉ የኢትዮጵያ ተቃዋሚዎች ሆነ በገዢዉ ፓርቲ ዘንድ ያልተለመደ ነው።

የአንድነት ፓርቲ አባል ባለመሆኔ፣  በምርጫዉ ለመሳተፍ አልችልም። ነገር ግን የአንድነት ፓርቲ የመሪዎቹና የአባላቱ ብቻ ሳይሆን፣  በሚሊዮኖች የሚቆጠሩ ደጋፊዎቹም ነው ብዬ ስለማምን፣ እኔም እንደ አንድ ፣ በዉጭ አገር የሚኖር ተራ ደጋፊ፣ በቀረቡ እጩዎች ዙሪያ አንዳንድ አስተያየት ለመስጠት እሞክራለሁ።

ኢንጂነር ግዛቸው ሽፈራዉን  የማያውቅ ሰላማዊ ታጋይ አለ ብዬ አላስብም። የቀድሞ ቅንጅት የድርጅት ጉዳይ ሃላፊ ነበሩ። ትዝ ይለኛል፣  በፓልቶክ፣ ቃለ መጠይቅ በመስጠት ላይ እያሉ ነበር፣ ፖሊሶች መጥተው  ወደ እሥር ቤት የወሰዷቸው።  ሁለት አመት ከሌሎች የቅንጅት አመራሮች ጋር በቃሊቲ ተሰቃይተዋል። ሌሎች ስደትን ወይንም የግል ኑሯቸውን መርጠው ፖለቲካዉን ሲተዉ፣  ኢንጂነር ግዛቸው እና እንደ ዶር ሃይሉ አርአያ ያሉ ጥቂቶች ግን፣   ትግሉ ቀጣይነት እንዲኖረው ያደረጉ አንጋፋ መሪዎች ናቸው። ወ/ት ብርቱካን በታሰረች ጊዜ አንድነትን በተጠባባቂ ሊቀመንበርነት የመሩ ሲሆን፣ ከመድረክ መመስረት አንስቶ፣ በርካታ ወጣቶችን ወደ አንድነት እስከ ማምጣት ድረስ፣  ትልቅ ስራ ኢንጂነር ግዛቸው ሽፈራው ሰርተዋል። በአጭሩ የአንድነት ፓርቲ አሁን ያለበት ደረጃ እንዲደርስ ካደረጉት ሰዎች መካከል ኢንጂነር ግዛቸው  በዋናነት የሚጠቀሱ ኢትዮጵያዊ ናቸው። ኢንጂነር ግዛቸው ከዚህ በፊት ላበረከቱት አስተዋጾ አክብሮትና አድናቆቴን ከማቅረብ ዉጭ ሌላ የምለው ነገር አይኖረኝም።

ከዚህ በኋላ ላለው ጉዞ ግን፣ በቅንጅት ጊዜ ከነበረው በተለየ መንፈስ፣ በተለየ ራእይ፣  ሰላማዊ እንቅስቃሴዉን መምራት የሚያስፈልግ ይመስለኛል። ማንዴላ ለነ ኢምቤኪ፣ ሃላፊነቱን እንዳስረከበው፣ ኢንጂነር ገዛቸውም፣ ላፈሯቸው፣  ብቃት ላላቸው አዳዲስ አመራር አባላት፣  ቦታዉን ቢለቁ ጥሩ ይሆናል ብዬ አስባለሁ። ከነዚህ አመራር አባላት መካከል፣ እጩ ተወዳዳሪ ሆኖ የቀረበው ፣ አቶ በላይ ፍቃዱ አንዱ ነው።

አቶ በላይ ፍቃደ፣ የአንድነት ፓርቲ ም/ሊቀምነበር ሲሆን፣ እስከ ቅርብ ጊዜ ድረስ የፍኖት ኤዲቶሪአል ቦርድ ሰብሳቢ ሆኖ ሰርቷል። ለሹመትና ለስልጣን የማይቸኩል፣  ከበስተጀርባ ሆኖ መስራት የሚወድና በፓርቲዉ ዉስጥ ትልቅ ከበሬታ ያለው አንጋፋ የአንድነት አመራር አባል ነው። ኢንጂነር ግዛቸው እራሳቸው፣  አቶ በላይ፣  ፓርቲዉን ለመምራት ብቃት፣ እውቀትና ብስለት ያለው እንደሆነ ብዙ ጊዜ መስክረዉለታል። የሚሊዮኖች ንቅናቄ ክፍል አንድ ወቅት ከዋና አስተባባሪዎች መካከል አንዱ ሲሆን፣ ከሌሎች አገር ቤት ካሉ የፖለቲካ ድርጅት መሪዎች ጋርም የቀረበ ግንኙነት ያለው፣ የአንድነት አመራር አባል ነው። በዉጭ አገር ባሉ የአንድነት ደጋፊዎች ዘንድም ትልቅ ድጋፍና ከበሬታ አለው። ወጣቱን ክፍል ፣ የእድሜ ባለጸጎችን፣ በአገር ዉስጥ ያለውን፣ ከአገር ዉጭ ያለውን የአንድነት አባልና ደጋፊ ማሰባሰብ የሚችል ተግባቢ አመራር እንደሆነ ይነገርለታል።

በዚህም ምክንያት፣ እንደ አንድነት ደጋፊ ፣ አቶ በላይ ፍቃደ፣ አንድነትን ወክሎ ለዉህዱ ፓርቲ ሊቀመንበርነት እጩነት ቢቀርብና የዉህዱን ፓርቲ ቢመራ፣ ፍላጎት እንዳለኝ ለመግለጽ እወዳለሁ። አቶ በላይንም  በዚህ አጋጣሚ ኢንዶርስ አደርገዋለሁ።

እኔም ሆንኩኝ ሌሎች መራጭ ያልሆኑ ደጋፊዎች አንዱ ወይንም ሌላዉ እጩ ኢንዶርስ ብናደርግም፣ ወሳኙ ግን አገር ቤት ያሉት የአንድነት ጠቅላላ ጉባኤ ተወካዮች ናቸው። አቶ በላይን  ቢመርጡ በጣም ደስተኛ ብሆንም፣   ሌሎች እጩዎች ከተመረጡ ግን ፣ ሙሉ ለሙሉ የጠቅላላ ጉባኤዉን ዉሳኔ እንደማክበር፣ አዲስ ለተመረጠዉ አመራር ድጋፌን እንደምሰጥ ለማሳወቅ እወዳለሁ።

ከሚስጥራዊና ዉስጣዊ አሰራር ወጥቶ፣ ዉድድሮችን ይፋ በማድረግ እንደ እኛ አይነት ደጋፊዎች ሐሳባችንን መግለጽ የምንችልበትን ሁኔታ፣  የአንድነት ፓርቲ በማመቻቸቱም፣ ያለኝ አድናቆትና ምስጋና በማቅረብ አቆማለሁ።

በቸር እንሰብት !

ከኢትዮጵያ ውጭ በምንኖር ስለ ኢትዮጵያ ዝም ማለት ያቃተንን ኢትዮጵያውያኖች ወያኔ እንደ አሎሎ የሚጠቀምበት በርገርን ነው።ስለ- መብታችን ስንናገር በርገር እየበላህ ነው ፣ ስለ ግፍ ስናወራ በርገር እየበላህ ነው ፣ ስለ አፈና እና ግድያ ስናወራ በርገር እየበላህ ነው ፣ እስክንድር ለምን ታሰረ ፣ ርዮት ትፈታ ፣ የበቀለ ገርባ እስር ኢ’ፍታዊ ነው ፣ እነ አንዱዓለም አራጌ ስለነጻነት፣ ስለ ፍትሕ እና ርትዕ ምክንያታዊ ጥያቄ ነው ያነሱት ማለት ፣ ህውሃትን የጥያቄውን ስር እንዲመለከት ሳይሆን ይልቁንም በተጣመመ አስተሳሰብ ፣ ነገሩን በመጠምዘዝ ” በርገር እየበላህ” ወደሚል ክርክር እና አግቦ መሰል ፍሬ ከርስኪ ወሬ እንዲምዘገዘጉ አድርጎዋቸዋል ።

ለምሳሌ እኔ አማሪካ ነው የምኖረው ፣ የምኖርበት ሀገር ደሞ የራሱ የሆነ የአመጋገብ ባህል አለው ፣ ከዚያ የአመጋገብ ባህል ውጭ ራስን ሙሉ ለሙሉ ነጻ ማውጣት አይቻልም ፣ የዚያ የምኖርበት ሀገር የ ምጣኔ ሀብት ጥንካሬ ፣ የአስተሳሰብ ሆኔታ ፣ ያ የአስተሳሰብ ሁኔታ ያፈለቃቸው መሳሪያዎች ብሎም እነዚህ መሳሪያዎች የሚያመርቱዋቸው ምርቶች ሁሉ ተጠቃሚ መሆን ብርቅ አይደለም ። ለምሳሌ የእጅ ስልኬ በ አፕል የሚሰራው (አይ ፎን) የተባለው ነው፣ ከቤቴ ፊት ለፊት የመዋኛ ገንዳ አለ፣ ሁለት አዳዲስ ሞዴል መኪኖች አሉኝ ፣ በአሜሪካ የኑሮ ደረጃ የመካከለኛ ገቢ እርከን ላይ ካሉት ውስጥ ልመደብ እችላለሁ ፣ ለልጄ በዓመት ለሞግዚት የምከፍለው በአሁኑ የኢትዮጵያ ብር ሲሰላ ከ ሁለት መቶ ሺ ብር በላይ ነው ፣ ማቀዝቀዣዬ ውስጥ ( ለጌጥም ቢሆን እንኩዋ ) ብዙ አይነት መጠጦች፣ ፍራፍሬዎች አሉ ፣ ቅዳሜ ቅዳሜ በል ካለኝ የመርከብ ላይ ጉብኝት አደርጋለሁ ፣ ከፈለኩ የፈለኩትን ጸሐፊ መጽሐፍ ከአማዞን ላይ ገዝቼ ማንበብ እችላልሁ፣ በርገር ብቻ ሳይሆን ፣ ላዛኛ ፣ ሱሺ ፣ ሚት ቦል፣ ስቴክ ፣ ቺክን ክባብ ወዘተ ወዘተ እበላለሁ ። እንግዲህ ይሄ የምኖርበት ሀገር ራስን ለመርሳት የተመቸ ፣ እጅግ በጣም ልብ የሚሰልብ ፣ ቀልብ የሚስብ ፣ በሕልቅ ውበት የተሞላ መንደር ነው ማለት ነው ። ግን ያም ሆኖ ስለ ኢትዮጵያ እጮካለው ፣ ስለ ሀገሬ ዝም አላልኩም ፣ የመጨረሻውን መስዋትነትም ልከፍል መንገዴን ሀ ብዬ ጀምሬያለሁ ።

አንተ ግን እስከ አሁን ከተናገርኩት ፣ እስከ ዛሬም ይሄን ሁሉ ምቾት ጥሶ ፣ ከዚህ ሁሉ ሙቀተ ሕይወት ገዝፎ ስለተናገርኩት ማንነት ፣ ሃገሬ ስለምላት ሀገሬ ስላወራሁት እውነት ሳይሆን በርገር መብላቴ ያስቆጨህ ይመስላል ፣ ያሳዝናል ። ባታውቀው ነው እንጂ እኮ አንተ ያለህበት ሀገር ጨጨብሳ ፣ ስልጆ፣ ክትፎ፣ ዶሮ፣ ሃምባሻ፣ ሕብስቲ፣ ጠላ፣ ጠጅ፣ ቁርጥ ፣ ሸክላ ጥብስ ፣ ተጋቢኖ ፣ አረ ስንቱ ስንቱ አለ መሰለህ ፣ ግን እሱን እንኩዋ እየበላህ አይደለም ። ቢገባህ በርገር እየበሉ ነው የሚሉህ አለቆችህ ፣ እነሱም ከላይ የጠቀስኩትን ምግብ እየበሉ ነው አንተን ወታደር ፣ ድንጋይ ፈላጭ ፣ ህገ መንግሱትን ጠባቂ ፣ ልማታዊ ፣ ሕዳሴያዊ ፣ ገለመኔ ገለመኔ ሁን የሚሉህ። ደሞ በርገር እኮ ምንም የተለየ ነገር አይደለም ፣ በ ዘይት የተጠበሰ ሙዳ ስጋ ነው ፣ ታዲያ ሙዳ ስጋ ኢትዮጵያ የለም? አለ ! አንተ ግን አይተኸው ታውቃለህ ? አታውቅም ፣ ምክንያቱም በርገር እየበሉ የሚሉህ አለቆች ወጥ አርገው እየበሉት ስለሆነ አንተን አይታይህም። አየህ በርገር በ ቀይ ወጥ መልክ እየበሉ ፣ በርገር በክትፎ መልክ እየበሉ ፣ በርገር በጥብስ መልክ እየበሉ ፣ አንተን ድንጋይ እያስፈለጡ ፣ ወታደር አርገው ጸሓይ እያሥቀጠቀጡ ፣ በርገር እየበሉ ይሉሃል ። እኔ ዝም ብል ምን የማጣ ይመስልሃል ( እንደው ቁም ነገሩ ለራስ መሆን፣ ለራስ መኖር ከሆነ )፣ ምን እንዳይጎልብኝ ነው ስላንተ የምጮኸው? ምን እንዳላጣ ። ከገባህ ነጻነት የምግብ ጥያቄ አይደለም ፣ ግን የምግብ ጥያቄ ነጻነት በሌለው ስርዓት ውስጥ የሚጠየቅ ጥያቄ እንጂ። አየህ እኔ በርገር እየበላሁ ዝም ብዬ መተኛት አልቻልኩም ፣ ያንተ ቁርጥ አለመብላት አሳስቦኛል ማለት ነው ፣ የሀገሬ የወደፊት ዕጣ ፈንታ አስጨንቆኛል ማለት ነው ፣ መናቅ አብሽቆኛል ማለት ነው ።

እስኪ ማን ይሙት ስለ ሀገር መጮህን በርገር ከመብላት ጋ ምን አገናኘው ? ወይስ ባዶ ሆዳችሁን ተቃወሙን እያሉ ነው ያሉት ? አልገቡኝም ፣ አይገቡኝም ። ጉራ ፈርዳ ላይ ስለተፈናቀሉት ዘመዶቼ መናገር በርገር ከመብላት ጋ ምን ያገናኘዋል ፣ የኦሮሞ ገበሬን መሬት በግፍ መቀማት አግባብ አለመሆኑን ማጋለጥ ከበርገር ጋ ምን ያገናኘዋል ፣ እስክንድር ነጋ እኮ የታሰረው ማክዶናልድ ዘይት ሰርቆ አይደለም፣ የአንዱዋለም ጥያቄ ጃክ እን ዘ ቦክስ ወይም ኬ-ኤፍ-ሲ አስቀጥሩን የሚል አልነበረም፣ ርዮት አለሙ እኮ የታሰረችው ፣ ቀኑ ያለፈበት ምግብ ( በርገር ) ስትሸጥ አይደለም ፣የሕዝበ ሙስሊሙ የመጅልስ ጥያቄ ከበርገር ጋ ምን አገናኘው ? አቡበከር የጣልያን ባሬስታ ልሁን እኮ አላለም፣ የጣልያን እንቁላል አዙዋሪ ልሁን አላለም ! ብሎዋል እንዴ? ማወቅ ከፈለክ ይህንን ጽሑፍ ስጽፍም ፒዛ እየበላሁ ነሁ ( ፒዛ ማለት ምን ማለት መሰለህ ፣ ጨጨብሳ ታውቃለህ ፣ ወይም ፈታ አዋ በቃ እሱ ነው )፣ እመነኝ እንጀራ ስበላ ግን ወያኔን ውሃ ውሃ የሚያስብል ግጥም ነው የምጽፈው ! ደሞ ተጋዳላይ ለመሆን የግድ አንበጣ መብላት ፣ ድንጋይን እንደ ግብር ውሃ መጠቀም ፣ ሰውነቴ ላይ ቅማል መፍላት አለበት ብለህ አታስብ ፣ መሆን ሲኖርበት ደሞ እናደርገዋለን ፣ እመነኝ ቅማል ብርቄ አይደለም ፣ ከቅማላሞች ጋ 20 ዓመት ኖረያለሁ ! ታዲያ ምንደን ነው ይሄ በርገር እየበሉ ፣ በርገር እየበሉ ።

ይቺ ” በርገር እየበሉ ” የወያኔ አሎሎ ናት ፣ ግን ወንጭፍ የሆንከው አንተ ነህ ፣ እስቲ ረጋ ብለህ አስበው ፣ እኔ ለምን እጮኸለው ? ታማኝ ለምን ይጮሃል ፣ እያሱ አለማየሁ ለምን ይጮሃል? ብርሃኑ ነጋ ለምን ይጮሃል ? ሲሳይ አጌና ለምን ይጮሃል ? መሳይ መኮንን ለምን ይጮሃል ? ተክሌ የሻው ለምን ይጮሃል ? ቡልቻ ደመቅሳ ለምን ይጮሃል ? አበበ ገላው ለምን ይጮሃል ? ( ልዩነታችን እንዳለ ሁኖ፣ ሲገባኝ ይሄ ሁሉ ሰው ግን የሚጮኸው የሚቀጥለው ወር የበርገር አገልግሎት እንዳይቁዋረጥ ብሎ አይመስለኝም

ከሥርጉተ ሥላሴ 28.07.2014 (ሲዊዘርላንድ ዙሪክ)

ታሪክ ራሱን ሲሳራ

ዘመን አፈራ

በተግባር ጎመራ!

ታማኝ በየነ

እኔ እህታችሁ ትንሽ ነገር ቆጣጥሬ ከች! እንሆ ዘንድሮም አርቲስት ታማኝ በዬነን አገኘሁት ከምል አዬሁት ልበል። አገኘሁት የምለው በሥርዓት እንደ አባት አደሩ ቁጭ ብዬ ከእሱ ጋር ወግ ቢጤ ሳደርግ ነው። ታማኝም ለእኔ እራሱን የሰጠ ነው ብዬ ነው የማስበው። ስለሆነም  ስለምን ይህን እላለሁ መሰላችሁ አሁን እኔው ሥርጉተ ከዚህች ከብዕር ቀለምና ከብራና ወጥቼ መኖር ፈጽሞ አልችልም። ሳስበው አራሱ ጭንቅላቴን መሸከም ይከብደኛል። አልገርምም ግን? ማሰቡን እንኳን አልችለውም ….

አይዋ – ጥበብ በውስጥ ሲያድር ሲውል ሲኖር መንፈስህን የመግዛት አቅሙ ከታላቅ ሐዋርያ ስብከት በላይ ነው። ፈቅደህ ወደህ ትገዛለታለህ። ቁጭ አድርጎ ጎልቶ አውሎ ያሳድርሃል። ከቤቱ ፈቀቅ ብለህ በሌሎች ነገሮች ላይ አትኩሮትህ ማዘንበሉን ሲያውቅ ጥበብ ቀናተኛ ነውና አዲስ ሃሳብ ጭሮ ሲያስጨርህ ውሎ ያድራል። ወይ ከራስህ ጋር ወይ ከዚህች ፉንጋ ዓለም ጋር ወይ ከተንጣለለው ሰማይ ላይ ወስዶ ወይ ከማራቶኑ ንፋስ ጋር ወይ ደግሞ አውሮፓና አሜሪካ ላይ ጉዝጓዝ ተጎዝጉዞ አለሜ ለምለሜ ከሚባልት እሜቴ ጠሐይ ጋር ወይ ደግሞ አራት የመብረሪያ እግረ –  ከተሰካላት ዥግራ ጋር ብቻ ከሆነ ከሚታይ ከሚጨበጥ ከማይታ በምናብ ከታላመ ልቅ ዓለም ጋር እያፈታገ ገርቶ ይደቁስህና ቅመሙ ሆነህ የዓለም መንፈስ ማጣፈጫ ያደርገኃል። ፍትልክ እላለሁ ብትል አስገብቶ ቤቱ ውስጥ ቁልፍ።

ዘበኛ ወታደሩ የአይዋ ጥበብ ማለቴ ነው፣ መዘዘዣ ጣቢያው፣ ተናጋሪው – አናጋሪው፣ አድመጩ እሱ እራሱ ሆኖ አስደግድጎ ይገዛሃል – ይነዳሃል። እንግዲህ ይህን ሰንሰለት ተጋፍቶ ጥሶ የወጣ ነው አርቲስት ታማኝ በዬነ ማለት። የጄኒራል ሥነ ጥበብ ጠቅላይ አዛዥ ከነሠራዊቱ ሽንፈት ግቶ ገዥ መሬቱን በመቆጣጠር አይዋ ሥነ – ጥበብን አፍንጫህን ላስ ያለ የነጻነት የፍቅር ሙሴ ነው ኢትዮጵያዊው ታማኝ በዬነ።

ከዚህ ማዕቀፍ ውስጥ ሲወጣ ፈተናዎቹ ትሬኮለታ ናቸው። ስለምን? ጥበብ በውስጡ ካደረ ሰው ጋር ሲኖር ህይወቱ ሌላ ነው። ትገባባለህ። ትደማመጣለህ። ትተሳሰባለህ። እሰዎታ እንኳን ታላላቆቻችን የሻሩት ያልተጻፈ ህግ አካል ነው። ለቅጽበት ጥበብ ከጎበኘው መንፈስ ጋር ስትገናኙ ግንኙነቱ ረቂቅ የአንደምታ ሚስጥር ነው። የጥበብ ሰው ትርጓሜው ቅኔ ነው። እኔ እንደ ድቃቂነቴ ሲወዘርላንድ ውስጥ ከነጠሩ የጥበብ ሰዎች ጋር ተገናኝቼ መኖር የምጀምርበትን በትጋት እጸልይለት ነበር። ጸሎቴ ግን የጥበብ ሰው ሆኖ ሰነፍ ያልሆነ። ላንቁሶ ያልሆነ። በራሱ መቆም የሚችል። ከዘራ የማያስፈልገው። በመንፈሱ ውስጥ ባሉ ሴሎቹ ብቻ ለመኖር የቆረጠ። ሳንባው የሥነ ጥበባት ህገ መንግሥት የሆነ። ለሥነ ምግባሩ ስለ እውነት ለእውነት ስለ ሰብዕ ታላቅነት የማይገሰስ ተፈጥሯዊ መብተ – ውበት በውስጡ፣ በመንፈሱ ያደረበት ሰውን ፍለጋ መንፈሴ ብዙ እሩቅ ሲጓዝ ኖረ። የሥነ ጥበብ ቋንቋ አሃቲ ነው። ዓለም የምትግባባበት አንዱ ብቸኛው ቋንቋ ሥነ ጥበብ ብቻ ነው። ሥነ ጥበብ ዓለምና ውስጧን የፈጠረ የታላቁ አባት የአማኑኤል ምርቃት ነው።

አሁን ትንሽ የቀናኝ ይመስለኛል። ጥበብ በውስጡ ማደሩ ብቻ ሳይሆን ጥበቡ እሱን የሆነ ሰው አድርባይ አይሆንም – በፍጹም። ሃቅን ፈልጎ የግንባር ሥጋ ሆኖ ይማገዳል። ጥበብን ዬማድመጥ አቅሙ ብቁ እንዲሆን የሚያደርገው በእሱ ውስጥ ያደረው ጥበብ ውስጡን እሱ በእሱ የጠለፈው ከሆነ ብቻ ይሆናል። ታዲያ እንዲህ ያለ ሰው ለማግኘት ህልም ነበር። አሁን እግዚአብሄር ይመስገን ጥበብን ማደመጥ፤ ቃናውን ማጣጠም፤ ምቱን መተወን የሚችል አንድ ቀዳዳ ከተገኘ ብዙ ተግባር ይከወናል። ጥበብ እራሱ አንተን ፈጥሮ ብቃትን የመሸለም አቅሙ ቀለሙ ሰማያዊ ነውና።

ታማኝ ለጥበብ ሰው ያለው ፍቅርና አክብሮት ሃብቱ ነው። የጥበብ ሰውም ታማኝ ከሚለው ይልቅ የሥነ – ጥበብ ቋንቋ ቢለው ይቀል ይመስለኛል። ግን ለምን ይመስለኛል አልኩ? ነው! በሥነ – ጥበብ ሰው ዙሪያ ያለው ፍቅር የማያብል ነው። ከዚህ ማዕቀፍ ወጥቶ ካለ ጸጋውና መክሊቱ እራሱን ፈቅዶ በልመና ተግባር ላይ ማሠማራቱን ስታዩት ታማኝን ለነፃነት ትግሉ ራሱን ያሸነፈ የሥነ – ጥበብ የአዲስ ዘምን ጮራ ነው!  ምዕራፍም! ታሪክ ራሱን ሲሰራ ዘመን እንዲህ አንደበቱን ከፍቶ ይናገራል! ይመሰክራል።

ክብረቶቼ ይህን ስል እራሴን በእሱ ቦታ አስቀምጬ ስመትረው፤ እራሴን በምንም ዓይነት ቀመር ከሥነ ጥበብ አውጥቼ ልኖር እንደማልችል ስለማውቀው ነው። ጥሪቴም ሃብቴም ይሄው ብቻ ስለሆነ፤ መተንፈሻ ቧንቧዋን ዘግታ መኖርን ሥርጉተ አታሰብም። ታማኝ ግን አድርጎታል። ስለዚህ ሥነ – ጥበብ የሚያውቅው ታማኝ ዛሬ ፊታውራሪ መደረክ አሱን እዬራባው ግን ቁንጥጥ አድርጎ፣ ክርኒውንም አክሎ፣ ደልቆሶ፣ አሳምሮ ቀጥቶ ለህዝብ ትንፋሽ ለሆነው ለኢሳት የጥበቡ አበወራ የመድረኩ ልዑል ከረባቱን አስሮ ይለምናል።

10.00 (10.00 CH) የሲዊዝ ፍራንክ ለታማኝ ብዙ ናት። አክብሮ ዝቅ ብሎ ይቀበላታል። በሙያው ቢሆን ደግሞ የሚሊዮን ዶላር ታማኝ በሆነ በነበረ። አንድ አጭር የእንግሊዘኛ ኮመዲ ቢሠራ የዓለም የፊልም ማዕከል ሆሊውድ እጁን ስሞ ይቀበለዋል። እሱ ግን ይሄው መተኪያ የሌለውን ጸጋውን አፍኖ፤ ከድቶ፤ ጨቁኖ ለህዝብ ዕንባ ይባትላል። ስለዚህ ታማኝ ለእኔ ለጸጋው – ለመክሊቱ  የጨቋኝ ጨቆኝ ነው። ጨቆኝነቱን ሲፈቅደው የሚበልጥበት ለምልዕት ዬዕንባ ጥሪ ለማደር መቻሉ ነው።

ታማኝ መቻል ነው። ቅርጥምጣሚ – ቅንጥብጣቢ ያላችሁ ታማኝን በሸፍጥ ታሪኩን ለማክሰል የምትሹ ታማኝ በመሆን የደመቀ ከወርቅ ገበር የተሠራ አንጡራ የህዝብ ሃብት ነው። ታማኝ መተኪያ የለውም።  ለእኔ ታማኝም እንደ አንዳርጋቸው ጽጌ ሽልማቴም ጀግናዬም ነው። ይህ አገላለጼ  የማይመቻቸው የነፃነት ትግሉ ጥቂት ወገኖቼ ሊኖሩ ይችላሉ። ነገር ግን ማስተዋል እንዳለባቸው በትህትና ዝቅ ብዬ ለሳስባቸው የምሻው ብልህ ቁምነገር አለኝ። ስናጣው ሳይሆን በእጃችን ሳለ ክብሩን – ተሳትፎን – ብናከብርለት ነው የሚበጀው። በማናቸውም ሁኔታ ታማኝ ነገ ሊገጥመው ስለሚችል ማናቸውም ሁኔታ አናውቅም። ጦርነቱ የእርስ በእርስ ነው። ቢያንስ እያለ – እዬሰማን – እያዬነው ለመንፈሱ ጥንቃቄና ጥበቃ ልንደርግለት ይገባል ባይ ነኝ። አቀባባል ሲደረግ እንኳ የሚያርመጠምጣቸው እንዳሉ ሁሉ መሰናከል የሚፈጥሩ አሙካዎችም አሉ። የታማኝ ፍቅር የተገኘው ፈተናን አሸንፎ ከተፈጠረው ኢትዮጵያዊነት ወራጅ ወንዝ ሳይሆን ከምንጩ ከፏፏቴው የተቀዳ ነው።

ጠላትን ስንጠላ ጠላት የማይፈልገውን ነገር አዘውትረን ተግተን በመሥራት በባለቤትነት ስሜት በመከወን ነው። እኛ ደግሞ አብሶ ዬነፃነት ትግሉ ቤተሰቦች በወያኔ ላይ ከምንሰነዝረው ጥይት ይልቅ በወገናችን ላይ የምንለቀው የቦንብ ናዳ ይልቃል። ወይ ይበልጣል። እኔን ዬሚታገለኝ ቀፎ የነፃነት ትግሉን በነቀዝ እያሳረረ የወያኔን ተክል በእንክብካቤ እንደሚያስድግ አያወቀውም።  ከእንግዲህ ግን እንዲህ እዬተላላሱ መቀጠል አይቻልም። በፍጹም። አንድ የነፃነት አርበኛ የሁለቻንም ሃብት ሆኖ ሰፊ ጥበቃ ማደረግ ስንጀምር የወያኔ ከበሮ መተንፈስ ይጀምራል። ተሰውረው ሲበሉን የነበሩ የራሳችን ተወሳኮችን በሙሉ በአደባባይ ወጥተን የምናጋልጥበት ዘመን ላይ ነን። ቀደመው እራሳቸውን ወቅሰው ከእኩይ ተግባራቸው ከተመለሱ እሰዬው ነው። በስተቀር ጉሩቧቸውን እናንቃቸዋለን። ማረገፍ ደግሞ በውጪ ላለው ኢትዮጵያዊ የተመክሮው ማሳ ፍሬ ገብ ነው።

ከረንት ቤቴ ሲዳከም እኔን ሊጎረብጠኝ ይገባል። የእኔ መጎርበጥ ደግሞ በኢትዮጵያዊ ብቸኛ ተቋሜ ላይ ጥቃት በሰነዘረው ጠላቴ ላይ በእጥፍ ረመጥ ልኬ እንዲጎረብጠው – እንዲያርመጠምጠው የማደረግ አቅሜን በታታሪነት በመገንባት ነው። አቅምን ለሚሸረሽር ስንኩል ጊዜ የለንም! ትእግስትም ከተፈጥሯችን ተፍቋል! የጀግናዬ አንዳርጋቸው ጽጌን ሁለተኛውን ቪዲዮ መዳፉን ተመልከቱት በማሳተዋል ሆናችሁ። ተፈጠሯዊ ወዙ በኤሌትሪክ ተራቁቷል። ነጭ ሆኗል ታዲያ ከእንግዲህ በኋላ ለዬትኛውም ጥሙርሙር አቋም ነው ትእግስቱ ልክልኩ የሚኖረን?! አይታሰብም!

(No Tolranz more! )።

የማከብራችሁ ወገኖቼ የነፃነት ትግሉን ወያኔ ከወጋው – ካዳካመው በላይ በነፃነት ትግሉ ስም የተሰገሰጉ አቅመ – ቢስ ተባዮች የነፃነት ትግላችን እንደ ቅንቅን መሬት ለመሬት የበሉት በእጅጉ ይበልጣል። አንድ የነፃነት ታጋይ ከእሱ ጋር በአንድ የወያኔ ባሩድ ለሚሰዋው ወገኑ አንዲት ዘለላ መልካም ምስክርነት ቢሰጥ 100 ኪሎ ስለ አጋሩ የሚሰጠው አሉታዊ ነገር ይሆናል። ይህ ነበር ጠመዝማዛው ጉዟችን። ሥርጉተ ሥላሴ ወይንም በፓልቶክ ሥሟ ሥርጉት ለኢትዮጵያም የጥቃቱ ሰለባ ነበረች። ከእንግዲህ ማናቸውም ተቋም፣ ድርጅት፣ ግለሰብ ስለ አንድ ሰው ብቃት – ታታሪነት – ትጋትና ታሪክ ለሚበክል አቅመ ቢስ በዘመቻ ተነቅሎ እንዲወገድ ዬማድረግ ሂደቱን ሊያዘወትሩበት ይገባል። ይህን ህዝባዊ ሃላፊነት መርኃቸውና መሪያቸው ማደረግ ይኖርባቸዋል። በስተቀር ዘመቻ አንዳርጋቸው በስውር ትል ይወረራል። ይህ ነበር እዬተሰበሰበ የሚበትነን፤ እዬለቀምን ስናፈሰው፤ ከእጅ የገባውን በተመክሮ የከበረውን አፈስን ሌላ ስነለቅም የየኖርነው፤ ሁል ጊዜ ለጋ፤ ሁል ጊዜ ታቱ እንድንል ይፈለጋል። ሁለመናችን ስናባክን አቅማችን ስናሾልክ የኖርነው የድክመታችን የጨለማ ታሪክ። ስለሆነም አታዳምጧቸው የኢጎ አርበኞችን! ሰው በወደደው ይደራጅ፤ ሰው በፈለገው ይሰባሰብ አቅም በዚህ መለክ እንዲሰባሰብ ቅንነትን ልቀሙ ከፈሰሰበት – መሪዎቻችን – የነጻነት ትግሉ ማናቸው ድርጅቶች ሁሉ!

ወንድሜ ታማኝም የዚህ ዘመቻ ተጠቂ ነውና በተለይ በተለይ ውጭ ያላችሁ ወጣቶች አርበኛችሁን ጠብቁት። ስእለሱ በሚሰነዘሩ ነገሮች ሁሉ አልሰማም አላይም ብላችሁ ጆሯችሁን ቀርቅሩ። አሳፍሯቸው! እሱ በሚገኝበት መድረክ ሁሉ ከሥር ቅጥል ንድድ እርር የሚሉ ተኩላዎች አሉታዊ ነገር ይጽፋሉ። እናንተስ እጃችሁን ማን ያዘው? አስታጥቋቸው። ከሥሩ እናንተም አድናቆታችሁን አክብሮታችሁን ለግሱ። ጥበቃ ይሏችኋል ይህ ነው። መረጃ አነሰ አደገ ሳትሉ ወዲያውኑ በፌስ ቡካችሁ ላይ ልቀቁት።

ታማኝ የእኛ እኛም የታማኝ ብለን መነሳት አለብን። ታማኝ ብቻ አይደለም የሰሞናቱ የወያኔ የዜና ማሰራጫ የሚያላዝነው ዬጀግኖቻችን ዝርዝር አለ። አዎን የእኛ ጀግኖቻችን ቀንዶቻችን ዓይኖቻችን ናቸው! የምናከብራቸው የምንወዳቸው የታሪካችን ሙሴዎቻችን ናቸው! እነሱ በሚገኙበት ቦታ ሁሉ መገኘት-  በአካል። ጥበቃውን ማደረግ ከእኛ ይጠበቃል። ሳንገኝ ስንቀር ደግሞ ባለመቻል ከሆነ የተገባውን ግዴታ መወጣት። ፍቅር ፈሪ አይደለም። ኢትዮጵያ ፍቅር ናት። ልጇችም የፍቅር ልጆች ከሆኑ የፍቅርን የድፍረት ተፈጥሮ ውሰጥ ያደረጉ ናቸውና መሆን ይቻል። ኢትዮጵያ በታሪኳ ባንዳ ሆና አታውቅም። ኢትዮጵያ በታሪኳ ተሸንፋ አታውቅም። ተላጣፊውን ቅብ ታሪክ የወያኔ አሽኮኮዎች ያላዝኑት። በኢትዮጵያ ምድር ላይ ሰላም አግኝቶ የተውለበለበ የጠላት ሰንድቅ ዓላማ አልነበረም። ህዝቧም ባንዳ ሆኖ አያውቅም። ሆድ አደር ግለሰቦች ግን ነበሩ። ልክ እንደ አሁኖቹ አረሞች ….. የባንዳ ወያኔን አምሳያ ፍላጋ የሚፈሱት ዝብጥ ታሪኮችን አንከባሏቸው።

ለማንኛውም ባተሌው ወንድሜ ታማኝ እንዴት ሆኖ ይመጣ ይሆን ብዬ ሳዬው በተደላደለ መንፈስ፤ በተረጋጋ ህዝባዊ ፍቅር ተልዕኮውን ለማሳካት በ2013 ካዬሁት በልጦ ነው እኔ በግሌ ያገኘሁት። ሲዊዘርላንድ ትንሽዬ ሀገር ናት። ስለሆነም በ26.07.2014 ሁለት ሠርግ ነበር። ቅዱስ ገብርኤል ንግሠ – በዓልም ነበር። ዝግጅቱ ምሽቱን የሚቀጥል ስለነበረ የሮመዳን ፆሚዎችም ነበሩን። በቅርብ ሳምንታት ሁለት ተከታታይ ሰላማዊ ሰልፍ ተደርጓል። ግን ይገርማል ካለፈው ድንቅ የጄኔቡ ጉባኤ  በእጥፍ ታዳሚ ነበረው። መንፈሱ – ሙቀቱ – አክብሮቱ ጥረቱ መሰናዶው ሁሉም አንቱ ነበር።

በ2013 አርቲስት ታማኝ  በዬነ ቁጭ ብሎ ጨረታውን ሌሎች ወገኖቹ ነበር የመሩት። ዘንድሮ ግን እሱ እራሱ በሚፈልገው መልክ ታዳሚውን እንደ ምሽት የማህሌት ቅኝት አሳምሮ ከሸነው። ዘና ባለ በተፍታታ ገጽ ነፃ በሆነ ህሊና  ዬዕንባን ሃዲድ በመንፈስ አስተሳስሮ በውል ቋጠረው። የሚገርመው ከቤተ እግዚአብሄር ዘግይተው ለሚመጡት ሳይቀር ቦታ ተይዞ ነው የጠበቃቸው። ቀድመው ግምት ሊሰጣቸው የሚገቡ ነገሮች ሁሉ በሚገባ የተደረጀ ተግባር ነበር የተከወነው። ነገም የጀግና አንዳርጋቸው መንፈስ አይተኛም አያንቀላፋም። ሲዊዘርላንድ ብዙ የተከደነ ሲሳይ ባለሃብት ናትና ተግባር ቀድሞ ሥም ዝና እንዲሁም የግል ኢጎ ተቀብሮ በሁሉም መስክ የተቀነባባረ ተግባር ይሰክንበታል። ዬእነዚህ የሲዊዝ ኢትዮጵውያን የተግባር አናባስት ተግባርም እንዲህ በአደባባይ ጎምርቶ ይከተባል። የባንዳ ዝርያ ስሌለብን አርበኝነታችን ተግባርን አስብሎ አብነቱ እንዲናገራ ይደረጋል እዚህ ሲዊዘርላድን ወስጥ!

የትናንት የሲዊዘርላንድ መሠረት ያያዘ ተግባር ዛሬም ይቀጥላል።

ሌላ አስቲ አንድ …. ግብዣው ከስክሱ። በዚህ ሊንክ ገብታችሁ። ሥርጉተ ሥላሴ ትባላላች ሰብሳቢዋ የከርንቷ ሥርጉት ለኢትዮጵያ ሌለኛ የሥጦታ ሥሟ፤ ጀግናውንም እዬዩት ሥራው ፍላጎቱን ተረካቢዎች አሉት …. ጌጥ የለም! ምቹት የለም! ዘመቻ እንዳርጋቸው ዕውን ይሆናል!  አረሞች ስሙኝ ልነገራችሁ እናንተ የምታስቡት የግንቦት 7 አባላት ተመዝግብው ወርሃዊ ክፍያ ዬሚከፍሉትን ብቻ ነው። ለእኔ ግንቦት 7 የበኸር ልጄ ነው። ግንቦት ማህደሬ ነው።  ግንቦት 7 ቁጥር ሥፍር የሌላቸው የመንፈስ ልጆች አሉት።  ይህ ደግሞ ለወያኔ ምጣና ማጥ እንደሚሆንባችሁ ነው! አትመጥኑትማ!

ክወና ——– እያዋት አሸባሪዋን ሥርጉተ ሥላሴን! ከጀግናዋና ከሽልማቷ ጋር!

http://www.ethiotube.net/video/3299/Andargachew-Tsige-at-Ginbot-7-Meeting-in-Germany–Part-1

http://www.ethiotube.net/video/3301/Andargachew-Tsige-at-Ginbot-7-Meeting-in-Germany–Part-2

የ2013  ጹሑፏን ደግሞ እንዲህ አንብቡት! አንዳርጋቸው የጭንቅላቴ ልብ ነው!

http://sebiawi.blogspot.ch/2013/09/blog-post_5448.html

ውስጤንና መንፈሴን ለነፃነት ትግሉ ቀጠይ ትግል ለልዕልት ኢትዮጵያ ሸልሜ ከመሰናበቴ በፊት አንድ ነገር ልበል ግርማዬ ለሆነው ለዘሀበሻ ዝግጅት ክፍል ዝቅ ብዬ ምስጋዬን ላቅርብ! ዘሃበሻንም እንርዳ! አብሶ ለሴቶች አብነቱ ገድል ነው!  ለነበረን ጊዜ እጅግ አመሰገንኩኝ! ውድድ! እያጣማችሁ ሽው — ለዛሬ!

የጀግናዬ መንፈስ ውስጤን ሰጥቼ እንድተጋ ስላደረገኝ አመስግነዋለሁ ፈጠሪዬን!

ሰማዕቱ አንዳርጋቸው ምንግዜም ህያው ነው! 

እግዚአብሄር ይስጥልኝ!

ናኦሚን በጋሻው

ኢንጂነር ግዛቸው ሽፈራው የአንድነት ፓርቲ ሊቀመንበር

የአንድነት ፓርቲ ከመኢአድ ጋር ሲዋሃድ ዉህዱን ፓርቲ ለመምራት በአንድነት በኩል ዉድድሮች ተጧጡፈዋል። ሶስት እጩዎች የቀረቡ ሲሆን በአብዛኛው ቅስቀሳው እየተደረገ ያለው በአቶ በላይ እና በኢንጂነር ግዛቸው ደጋፊዎች መካከል ነው።

“ኢንጂነር ግዛቸው ?”   ነው ብላችሁ የጠየቃችሁኝ። አዎን፣ የጥንቱ፣ የጠዋቱ ፣ የነ ዶር ኃዩ አራያ፣ የነ አቶ ሃይሉ ሻወል ጓደኛ ፣ የቀድሞ  የቅንጅት አመራር አባል ኢንጂነር ግዛቸው !

ኢንጂነር ግዛቸው ትግሉ፣  ፍሬሽ አዲስ አመራር በሚያስፈልግበት ጊዜ፣  ራሳቸው እጩ አድርጎ በማቅረብ ለመወዳደር ለምን እንደፈለጉ በራሱ እንቆቅልሽ ነው የሆነብኝ። “ሰውዬው  ስልጣን አይበቃቸውም እንዴ ?  ስልጣን የሚወዱ ናቸው ማለት ነው”” ብዬ አሰብኩ።

ከስድስት ወራት በፊት የረቀቀ ዉስጣዊ አሰራር ስለነበራቸው፣ የቀረቡ እጩዎች በቀላሉ በብዙ ድምጽ አሸንፈው ድርጅቱን እንደገና ለመምራት ብቅ አሉ።  (በነገራችን ላይ በኮንስፒራሲ ዉስጣዊ ሴራ ኢንጂነርግ ግዛቸው አደጋኛ ናቸው ተብሎ ይነገራል። በዚህ አደገኛ ዉስጣዊ ሰራቸውም ሳይሆን አይቀርም እነ ግርማ ሰይፉን የዘረሩት)

በበርካታ የአንድነት ደጋፊዎች ዘንድ የኢንጂነሩ ተመልሶ መምጣት ትልቅ ቅሬታን ፈጠረ።  ኢንጂነር ግዛቸው፣ ያደረጉት ብዙ መልካም ተግባራት ቢኖሩም፣ የሰሯቸው በርካታ ስህተቶችም ነበሩ፣  አሉምም።  ወ/ት ብርቱካን ሚደቅሳ ታስራ የነበረ ጊዜ ፣ የአንድነት ፓርቲ በተጠባባቂ ሊቀመንበርነት ይመሩ ነበር። ያኔ ነበር  የአንድነት ፓርቲ የተከፈለው። አሁን ሰማያዊ ፓርቲን የመሰረቱት በርካታ ወጣት አመራሮች፣ ከፓርቲው ታግደው የተባረሩት በኢንጂነር ግዛቸው ሽፈራው ሲሆን፣ በፓርቲ መከፋፈል ምክንያት ለተፈጠረው ጉዳት የሚጠየቁት በዋናነት ኢንጂነር ግዛቸው ናቸው።

ሰማያዊና አንድነት፣  ከተቻለ ዉህደት፣ ካልሆነም ትብብር እንዲመሰርቱ  ህዝቡ ከየአቅጣጫዉ ግፊት እያቀረበ ነው። የሰማያዊ ፓርቲ አመራሮች ፣ አብሮ የመስራት ፍላጎት እንዳላቸው ይናገራሉ። ነገር ግን የወጋ ቢረሳ የተወጋ አይረሳም እንደሚባለው፣ የአንድነት አመራር አባል ሆነው፣  በኢንጂነር ግዛቸው የተደረገባቸውን  ስለሚያስታወሱ፣ ትልቅ የአመኔታ ችግር አለባቸው። በመሆኑም የኢንጂነር ግዛቸው መኖር፣ በአንድነት እና በሰማያዊ መካከል ትልቅ መቀራረብ እንዳይኖር እንቅፋት ሆኗል።

በመሆኑም ለትግሉ ሲሉ ኢንጂነር ግዛቸው ቢበቃቸው ጥሩ ነው። ሃላፊነቱን ለአዳዲሶች ያስረክቡ። ከዶር ኃይሉ አራአያ ፣ ከዶር ነጋሶ ጊዳዳ ይማሩ። አዲስ አመራር ከመጣ፣ ከመኢአድ እና አንድነት ዉህደት ቀጥሎ፣ ሰማያዊ ፓርቲ የሚከተልበት ሁኔታ ሰፊ ነው የሚሆነው።   ያ ደግሞ ለወያኔ ትልቅ መርዶ ነው የሚሆነው።

ኢንጂነር ግዛቸው እባክዎትን ወያኔ አይደሰት ! ሰላማዊ ታጋዮች እንዳይሰባሰቡ እንቅፋት አይሆኑ ! በአንድነት ዉስጥም፣  በርስዎ የተነሳ፣  ቀውስ አይፈጥር ! እረ በመድሃኔ ኣለም ይብቃዎት !!! ሁሌ ዝንተ አለም ተመሳሳይ መሪ አሁንስ ሰለቸን ።

ኢንጂነር ዘለቀ ረዲ፣  ጊዜያቸዉን ወስደው ፣ በአንድነት ዉስጥ እየታየ ያለዉን በሌሎች ድርጅቶች ያልተለመደ፣ ዲሞክራሲያዊ ፉክክርን በመቀላቀል፣ የድርሻቸዉን ለማበርከት በርካታ ጽሁፎችን አስነብበዉናል። ለዚህም ያለኝን ምስጋና እና አድናቆት መግለጽ እወዳለሁ። ከርሳቸው ጋር በግል የተለዋወጥናቸው ሐሳቦች እንደተጠበቁ ፣ በአደባባይ ፣ በፌስ ቡክ ላቀረቡልኝ አንዳንድ ጥያቄዎች ግን ፣ እኔም በአደባባይ መልስ ለመስጠት እሞክራለሁ።

«ምርጫ በአንድነት ዉስጥ ፤ ለአቶ በላይ ፍቃደ ድጋፌን እሰጣለሁ» በሚል ርእስ፣  የመምረጥ መብት ባይኖረኝም፣ እንደ ደጋፊ ሐሳቤን የመግለጽ መብቴን ተጠቅሜ ፣ አቶ በላይን ኢንዶርስ ማድረጌ ይታወሳል።

«በላይ ጠንካራ መሆኑን እንዴት አወቁ ? በእርግጥ እርስዎ አሁን የያዙትን አቋም ቀደም ብለን እኛም ይዘን ነበር። ሆኖም በላይ ምክትል ሆኖ ከተመረጠ በኋላ፣ እኔ ሐሳቤን አንስቻለሁ። የተወሰኑትም እንዲሁ አደርገዋል። ምክንያቱም በስሩ የነበሩትን የኢኮኖሚ፣ የማህበራዊ እና የፖለቲካ ጉዳዮችን አንቀሳቅሶ መስራት አልቻለም። ለዚህም ይህ ትንሽ ነገር መምራት ካልቻለ ግዙፉን የአንድነት ፓርቲ ይመራዋል የሚል እምነት የለኝም። የእርስዎ ግምገማም መነሻዉን ባውቀው ደስ ባለኝ ነበር» ሲሉ ኢንጂነር  ዘለቀ ጥያቄ አቅርበዉልኛል።

በጣም ጥሩ፣ ወቅታዊና መጠየቅ ያለበትን  ጥያቄ ነው የጠየቁኝ። ኢንጂነር ዘለቀ ፣  ከስድስት ወራት በፊት፣ በላይ ብቃት አለው የሚል እምነት እንደነበራቸው አልሸሸጉም። «ምክትል ሊቀመንበር ከሆነ ጀምሮ ግን፣ ስራዉን አልሰራም» በሚል ነው ትችታቸው።

በላይን  ያለመምረጥም ሆነ፣ በላይ እንዳይመረጥ የመቀስቀስ ሙሉ መብት አላቸው። አቶ በላይ አንድ ትልቅ ድርጅት ለመምራት ራሱን እጩ ካደረገ፣ ጠንካራ ጥያቄዎች ሊቀርቡለት፣ ሊተች ይገባል። ኢንጂነር ግዛቸውም እንደዚሁ።

ኢንጂነር ዘለቀ፣  ከአንድነት ፓርቲ ጋር የተዋሃደው፣ የቀድሞ የብርሃን ለአንድነትና ለዲሞክራሲ ፓርቲ ከፍተኛ አመራር ነበሩ። ሁለቱ ፓርቲዎች ሲዋሃዱ፣ ዉህዱን ፓርቲ ለመምራት እጩ ሆነው ከቀረቡ ሶስት እጩዎች መካከል አንዱ ነበሩ። የአዲስ አበባ ምክር ቤት አመራር የነበሩ ዶር ንጋት፣ የተከበሩ ዶር ነጋሶ ጊዳዳ ሁለተኛውና ሶስተኛ እጪዎች ነበሩ። በወቅቱ ኢንጂነር ግዛቸው «ፖለቲካ በቃኝ!  በመምህርነት አገሬን አገለግላለሁ» በሚል እራሳቸውን ያገለሉበትም ወቅት ነበር።

ዶር ነጋሶ ጊዳዳ  በጠቅላላ ጉባኤው ሲመረጡ ፣ ኢንጂነር ዘለቀ ፣ ከአንድ ተፎካካሪ የሚጠበቅ ግሩም ንግግር በማድረግ ከዶር ነጋሶ ጋር አብረው በጋራ እንደሚሰሩ አሳወቁ። በዶር ነጋሶ ካቢኔ ዉስጥም በመመረጥ የአንድነት ፓርቲ የድርጅት ጉዳይ ሃላፊ ሆነው መስራት ጀመሩ። እንግዲህ አንባቢያን ተመልከቱልኝ በአንድነት ፓርቲ ዉስጥ ያለዉን የዲሞክራሲ ባህል።

የትም ቦታ በሥራ ላይ መጋጨት፣ አለመስማማት አለ። ይሄ ደግሞ ብዙ ሊያስገርመን አይገባም። ያዉም ደግሞ አባላት አስተያየታቸዉን በግልጽ መናገር በሚችሉበት ድርጅት ዉስጥ ፣ ግጭቶች የተለመዱ ናቸው። የግድ አለመስማማቶች መፈጠር አለባቸው። ችግር የሚሆነው አለመስማማቶች፣ ወደ እህልና ግትርነት አምርተው መከፋፈልን ሲፈጥሩ ነው እንጂ። (ኢሕአዴግ ዉስጥ አለመስማማት ሲኖር የበላይ ሆኖ የሚወጣው ቡድን ሌላዉን ወይ እሥር ቤት፣ ወይም ስደት፣ ወይም ካለው ሃላፊነት አባሮ መዋረድ ልማድ እንደሆነ የምታወቅ ነው። የኢሕአዴግ ደጋፊዎች እንደ ሮቦት በሉ የተባሉትን ማለት፣  ጻፉ የተባሉት መጻፍ፣ ግደሉ፣ ደብድቡ ሲባሉ ሕሊናቸዉን እና ኃይማኖታቸውን ሸጠው ሲገድሉና ሲደበድቡ ነው የምናውቀው።)

ኢንጂነር ዘለቀ በሥራ አስፈጻሚው ዉስጥ ሲሰሩ ከዶር ነጋሶ ጋር የመስማማት ችግር አጋጠማቸው። ከድርጅት ጉዳይ ሃላፊነታቸው ተነሱ። ነገር ግን ኢንጂነር ዘለቀ፣  አኩርፈው ፓርቲዉን ጥለው አልሄዱም። በምክር ቤት አባልነት አንድነትን ማገልገል ቀጠሉ።

ከስድስት ወራት በፊት አንድነት ፓርቲ መሪዉን እንደገና የሚመርጥበት ጊዜ መጣ። ዶር ነጋሶ ፣ የእድሜ ጉዳይ አይፈቅድልኝም በሚልና ሌሎች ምክንያቶች እንደማይወዳደሩ አሳወቁ። ሶስት እጩዎች ቀረቡ። የፓርላማ አባልና በወቅቱ የፓርቲው ምክትል ፕሬዘዳንት አቶ ግርማ ሰይፉ፣ በወቅቱ የፋይናንስ ሃላፊ አቶ ተክሌ በቀለ እንዲሁም «ከፖለቲካ ወጥቻለሁ። በቃኝ » ብለው የነበሩት ኢንጂነር ግዛቸው።

በወቅቱ አገር ዉስጥም ሆነ ከአገር ዉጭ ያሉ በርካታ የአንድነት አባላትና ደጋፊዎች፣ አቶ በላይ ፍቃደ፣ ደርጅቱን እንዲመራ፣  እንዲወዳደር ጥያቄ አቀረቡለት። ኢንጂነር ግዛቸው ሽፈራው  ሳይቀሩ «በላይ ድርጅቱን ለመምራት ብቃት፣ ብቻ ሳይሆን እውቀትና ብስለት ያለው ወጣት አመራር ነው » ሲሉ፣  በላይ ቢወዳደር እርሳቸው ወደ ዉድድሩ ይገቡ እንዳልነበረና ድጋፋቸውን ለበላይ እንደሚሰጡ ይናገሩ ነበር። በላይ «አንድ የአንድነት ተራ አባል፣ ከሊቀመንበሩ ያልተናነሰ መስራት የሚችል ነው። እኔ አገሬን እና ፓርቲዬን ለማገልገል የግድ ሊቀመንበር መሆን የለብኝም»  የሚል አስተሳሰብ ያለው፣ ለስልጣን እና ለወንበር የማይሸቀዳደም፣  እርጋታና ትህትና የተሞላበት ሰው ነው። በመሆኑም ኢንጂነር ግዛቸው ሁሉ ጠይቀዉት፣ ለመወዳደር ፍቃደኛ አለመሆኑ፣ የሚያሳየው የዚህን ሰው ትህትና ነው።

የማታ ማታ ኢንጂነር ግዛቸው የአንድነት ሊቀመንበር ሆነው ይመረጣሉ። አቶ በላይ ፍቃደን  እንዲሁም ከርሳቸው ጋር የተወዳደሩትን አቶ ተክሌ በቀለን ምክትል ሊቀመናብርት አድርገው በመምረጥ ስራ ይጀመራሉ። እርስ በርስ ሲፎካከሩ የነበሩ እንደገና አብረው መስራት ጀመሩ ማለት ነው።

ኢንጂነር ግዛቸው ሽፈራው ባዋቀሩት ካቢኔ  ከተካተቱት መካከል፣ በዶር ነጋሶ ከሥራ አስፈጻሚ እንዲወጡ የተደረጉት፣ በጠቅላላ ጉባኤውም የምክር ቤት አባል ሆነው በድጋሚ የተመረጡት፣  ኢንጂነር ዘለቀ ረዲ ይገኙበታል። ኢንጂነር ዘለቀ፣ በጣም ቁልፍና  ብዙ ሥራ የሚጠይቅ ሃላፊነት ይሰጣቸዋል። የዉጭ ግንኙነት ክፍል ሃላፊ ሆነው በኢንጂነር ግዛቸው ይሾማሉ። ከስራቸው ዉስጥ በዉጭ ያሉ የድጋፍ ማህበራትን ማሰባሰብና የበለጠ ማደራጀት አንዱና ዋናው ነበር።

የመኢአድ እና የአንድነት ዉህደት ሲጠናቀቅ አዲስ አመራር መኖር ስላለበት፣ የአንድነት ምርጫ በተደረገ በስድስት ወራቱ፣  እንደገና ምርጫ ማድረጉ የግድ ሆነ።

ዉጭ ባሉ ደጋፊዎች ዘንድ አዲስ አመራር የማግኘት ትልቅ ፍላጎትና ጉጉት አለ። ይሄም ኢንጂነር ግዛቸው ላይ ካለ ተቃዉሞ ሳይሆን፣ ኢንጂነሩ ከዘጠና ሰባት ጀምሮ የነበሩ እንደመሆናቸው፣ በቅንጅት ከዚያም አንድነት ዉስጥ ለነበሩ መከፋፈሎች  ተጠያቂ የሚያደርጓቸው ኢትዮጵያዉያን ጥቂት ባለመሆናቸው፣ በአጭሩ ኮንትሮቨርሻል መሪ በመሆናቸው፣ ለዉህዱ ፓርቲና ለትግሉ ከርሳቸው ሌላ አዲስ አመራር  ቢኖር በጣም ጠቃሚ ነው ከሚል አስተሳሰብ ነው።

በዚህም ምክንያት አንድነትም ሆነ ዉህዱ ፓርቲ በውጭ ያሉ ደጋፊዎቹን ከማብዛት አንጻር፣ አቶ በላይ ከስድስት ወራት በፊት የነበረዉን ዉሳኔ ከልሶ፣ እንዲወዳደር ዉጭ ያለው ደጋፊ ግፊት ማድረግ ጀመረ። ይሄ ደግሞ በየትም ዴሞክራሲ ያለ አሰራር ነው። (ትዝ ይለኛል እዚህ አሜሪካ አገር ጀነራል ኮሊን ፓወል፣ ለፕሬዘዳንት እንዲወዳደር፣  ብዙ ግፊት ከየአቅጣጫው ይቀርብለት እንደነበረ)

አገር ቤትም፣ አቶ በላይን በቅርበት የሚያወቁ፣ የጊዜዉን አሳሳቢነት፣ የትግሉን ወሳኝነት በማስመር፣  በነርሱ ዘንድ ያለዉን የአገር ቤት ሁኔታ ጠረቤዛ ላይ በማስቀመጥ፣  የድርሻቸውን ከፍተኛ ግፊት አደረጉ። አቶ በላይ፣ ሊቀመንበር ባይሆንም፣ ለአገሩና ለሕዝቡ ድሮም ሲሰራ የነበረ እንደመሆኑ፣ ፍቃደኛ ሆኖ፣ ሁኔታዎችን አመቻችቶ እጩ ተወዳዳሪ ሆኖ ቀረበ። ይሄም ለብዙዎቻችን መልካም ዜና ሆነ።

«አንዳንዶች ያኔ አልወዳደርም ብሎ አሁን ለመወዳደር ለምን ፈለገ ?» የሚል ጥያቄ አቶ በላይ ላይ ያነሱ አሉ። እንግዲህ መልሱን ከዚህ ጽሁፍ የሚያገኙ ይመስለኛል። ደግሞ እነዚህ ሰዎች፣  ለአቶ በላይ ይሄን አይነት ጥያቄ ሲያቀርቡ  «ኢንጂነር ግዛቸው ፖለቲካ በቃኝ ብለው በነበረበት ጊዜ፣ ከየት መጡ ሳይባል፣  እንደገና ሲወዳደሩ፣  «ለምን ? ምን ተገኝቶ ?» ብለው ጠይቀዋል ወይ ?  አንዳንድ አስተያየቶች ስንሰጥ፣  ትንሽ ደብል ስታንዳርድ ባይኖረን ጥሩ ነው።

ኢንጂነር ግዛቸው ራሳቸውም በተደጋጋሚ እንዳስረዱት ለሊቀመንበርነት ከስድስት ወራት በፊት የተወዳደሩት፣ ብዙዎች እንዲወዳደር ስለጠየቋቸውና ግፊት ስላደረጉባቸው እንደሆነ ገልጸዋል። « እኔ ተለምኜ ነው። አልፈልግም ነበር» ነበር ያሉት። እዚህ ላይ ምን ችግር የለኝም። ልክ ኢንጂነር ግዛቸው እንዳደርጉት፣ አሁን አቶ በላይ፣  ከደጋፊዎቻቸው የሚቀርብላቸውን ጥያቄ አስተናግደው ፣ ለመወዳደር ቢወስኑ ምኑ ላይ ነው ሐጢያቱ ? አስቡት ኢንጂነር ግዛቸው ከፖለቲካ ዉጭ ሆነው ሳለ ነው በአንዴ ዘለው ሐሳባቸው ቀይረው፣ ሊቀመንበር ለመሆን ብቅ ያሉት። አቶ በላይ ግን  አሁን የአንድነት ምክትል ሊቀመንበር ነው። ከምክትል ሊቀመንበርነት ወደ ሊቀመንበርነት ለመሸጋገር ነው ራሱን እጩ ያደረገው።

አቶ በላይ እጩ ሆነ እንደቀረበ፣ የአብዛኞቻችን ግምት፣ ከጥቂት ወራት በፊት፣  ስለ አቶ በላይ የተናገሩትን ቃል አክብረው፣ ኢንጂነር ግዛቸው የዶር ነጋሶን ፈለግ በመከተል ራሳቸዉን ከእጩነት ያወጣሉ የሚል ነበር። ነገር ግን እንደገመትነው አልሆነም። ኢንጂነሩ ቃላቸውን ገልብጠው፣ ራሳቸውን ለእጩነት አቀረቡ። ያ ብቻ አይደለም፣ «በአንድነት ፓርቲ ዉስጥ ከስድስት ወራት በፊት ምርጫ ስለተደረገ ፣ ኢንጂነር ግዛቸው ሳይወዳደሩ በቀጥታ ነው ማለፍ ያለባቸው» የሚል ክርክር ይዘው የተወሰኑቱ፣  ያለ ምርጫ ኢንጂነር ግዛቸውን ለማስመረጥ ዘመቻ ጀመሩ። እነዚህ ወገኖች ያለ ኢንጂነር ግዛቸው ውስጣዊ ስምምነት፣ ኢንጂነር ግዛቸው ያለምርጫ እንዲሾሙ ለማድረግ ይከራከራሉ ብዬ አላስብም። በሌላ አባባል፣ ኢንጂነር ግዛቸው ራሳቸው፣ ሳይመረጡ በቀጥታ ለማለፍ ፍላጎት ሊኖራቸው ይችላል ብዬ አስባለሁ።

ከነዚህ የ«ኢንጂነር ግዛቸው ይመረጡ» ዘምቻ አጧጧፊዎች አንዱ ኢንጂነር ዘለቀ ረዲ ናቸው። ኢንጂነር ዘለቀ ፣ ኢንጂነር ግዛቸውን ለማስመረጥ በሚጽፉት፣ በሚያደርጉት እንቅስቃሴውች ሁሉ ምንም ቅሬታ የለኝም። ኢንጂነር ግዛቸው እንዲመረጡ በሥራ አስፈጻሚ ዉስጥ፣ በብሄራዊ ምክር ቤቱ፣  በጠቅላላ ጉባኤው እንዲሁም በአደባባይ የመቀስቀስ፣ የመሟገት ሙሉ መብት አላቸው። መብታቸውን ተጠቅመው፣ የዲሞክራሲ ባህሉን ለማሳደግ ለሚያደርጉት ጥረት አመሰግናቸዋለሁ።

እንደ ማንኛዉ የምርጫ ዉድድር፣ የምንደገፈውን ለማስመረጥ ስንል ፣ የማንደግፈው ለምን መመረጥ እንደሌለበት ማሳየቱ የተለመደና ብዙ ችግር የማይፈጠር ነው። ኢንጂነር ዘለቀም፣ ኢንጂነር ግዛቸው እንዲመረጡላቸው ፣ አቶ በላይ ለምን መመረጥ እንደሌለበት ያመላክታል የሚሉትን የራሳቸውን ምክንያቶች በማቅረብ፣  አቶ በላይ ብቃት የላቸዉም የሚለውን መከራከሪያቸውን ለመሸጥ የሚያደርጉት እንቅስቃሴ ተገቢና ዴሞክራሲያዊ ነው።  አቶ በላይ ሆነ ደጋፊዎቻቸው፣ የአቶ ዘለቀን ትችና አስተያየት በመረጃና በሐሳብ መመከት እንጂ፣  ቅር መሰኘት ያለባቸው አይመስለኝም። እኔም፣ አቶ በላይን ኢንዶርስ እንደማድረጌ፣  ለምን የኢንጂነር ዘለቀ ረዲ መከራከሪያ ነጥብ፣  ዉሃ እንደማይቋጥር ለማሳየት ልሞከር። የኢንጂነር ዘለቀን ረዲ ሐሳቦች በሐሳቦች ለመመከት ማለት ነው።  (አስቡት እንግዲህ የአንድነት አባላትና ደጋፊዎች እንዲህ ባለ ሁኔታ ነው በሐሳብ በመፋጨት የሰለጠነ ፖለቲካ እያሳዩን ያሉት)

ኢንጂነር ዘለቀ፣ ስለ አቶ በላይ የብቃት ጉድለት ሲናገሩ፣ በአቶ በላይ ሥር ያሉ የኢኮኖሚ፣ የማህበራዊና የፖለቲካ ዘርፍ ኮሚቴዎች ሥራ አልሰሩም ከሚል ነው። በመጀመሪያ ደረጃ እነዚህ ኮሚቴዎች ሥራ እየሰሩ ነው የሚል እምነት አለኝ። ኮሚቴዎች ባላቸው አነስተኛ ሪሶርስ፣  የተቻላቸውን እያደረጉ እንደሆነ የሚገልጹ አንዳንድ መረጃዎች አሉኝ። ኢሕአዴግን መቃወም ብቻ ሳይሆን፣ አንድነት ከኢሕአዴግ ለምን እንደሚሻል የሚገልጹ አማራጭ ፖሊሲ ሰነዶችን ለማዘጋጀት ደፋ ቀና እያሉ እንደሆነ ሰምቻለሁ። እንዲህ አይነቶቹን ሰነድ ማዘጋጀት ጊዜ ይወስዳል። ተራ ደብዳቤ አይደለም። ምሁራንን ማማከር፣ ምርምሮች ማድረግ፣ ነገሮችን ከሁሉም አቅጣጫዎች መመልክት ያስፈልጋል። (በቅርቡ የነዚህ ኮሜቴዎች የሥራ ዉጤት፣ በአዲሱ የውህዱ ፓርቲ አመራር ዘንድ ቀርቦ፣ ዉይይቶች ተደርጎበት ፣ ተሻሽሎ፣  ይፋ ሲሆን የምናየው ይሆናል)

አልሰሩም ብለን ደግሞ ብንቀበልም እንኳን ፣ የነዚህ ኮሚቴዎች ሃላፊዎችን የሾሙት ኢንጂነር ግዛቸው መሆናቸዉን መርሳት የለብንም። በአቶ በላይ የተሾሙ አይደሉም። ለኮሚቴዎቹ ድክመት ሃላፊነት መዉሰድ ያለባቸው ኢንጂነር ግዛቸው ናቸው። ኢንጂነር ዘለቀ አላስተዋሉትም እንጂ ትችት ያቀረቡት ኢንጂነር ግዛቸው ላይ ነው።

ሌላው ኢንጂነር ዘለቀ  በአቶ በላይ ስር ናቸው ያሏቸውን የኢኮኖሚ፣ የማህበረሰባዊና የፖለቲካ ጉዳዮች ኮሚቴዎች እንደጠቀሱት፣ ሌሎች እንደ ዉጭ ጉዳይ ያሉ ኮሚቴዎችን ቢጠቅሱ ጥሩ ይሆንም ነበር። እስከሚገባኝ ድረስ የዉጭ ጉዳይ ኮሚቴው፣ የሚጠበቅበትን ሥራ ሰርቷል ማለት አይቻልም። የዚህ ኮሚቴ ሃላፊ ደግሞ ፣ አቶ በላይን ሥራዉን አልሰራም ብለው የሚጽፉት ኢንጂነር ዘለቀ ረዲ ናቸው።

አንድ ጠንካራ የአንድነት ደጋፊ ስለ ኢንጂነር ዘለቀ ሲጽፉ « ኢንጂነር ዘለቀ የዉጭ ጉዳይ ሃላፊነት ስራቸውን ትንሽ አይደለም ምንም አልሰሩም» ነበር ያሉት። እኝህ ደጋፊ ሲያክልም «ታዲያ እርሳቸው ምንም ሳይሰሩ ፣ ስንት ሥራ የሰራዉን፣ በወሬና በአሉባላታ ሳይሆ በስራዉ ዉጭ ሆነ አገር ውስጥ ባሉ ደጋፊዎች ዘንድ ትልቅ ከበሬታ ያለውን ፣ አንጋፋ የአንድነት አመራርን በአደባባይ ብቃት የለዉም ማለት ነውር ነው» ሲሉ ኢንጂነር ዘለቀ ስለ አቶ በላይ በሰጡት አስተያየት እንደማይስማሙ ገልጸዋል።

አቶ በላይ ፍቃደን፣ ለአንድነት ቅርበት የሌላቸው ወገኖች ላያውቋቸው ይችላሉ። የአንድነት አባላት፣ ደጋፊዎች፣ አገር ቤት የሚደረገዉን ትግል በቅርበት የሚከታተሉ ግን፣  አቶ በላይን በደንብ ያወቁታል። በተለይም ዉጭ አገር ባሉ የአንድነት ደግፊዎች ዘንድ አቶ በላይ እጅግ በጣም ተወዳጅ ነው።

አቶ በላይ ከሰሩት ጥቂቶቹን  ላካፍላችሁ ( ሌሎች የአንድነት አባላትና ደጋፊዎች ከተሰጡ አስተያየቶች ቀንጨብጨብ አድርጌ)

አቶ አንዱዓለም ወደ ቃሊት ከመወሰዱ በፊት ፣ የአንድነት ፎርም የሚባል ዝግጅት በየጊዜው ይቀርብ ነበር። በዚህ ፎረም፣  በአንድነት ፓርቲ ጽ/ቤት ዉስጥ የተለያዩ እንግዶች እየተጋበዙ ወቅታዊ በሆኑ ጉዳዮች ዙሪያ ሰፊ ሃተታ ያቀርቡ ነበር። ከዉጭ አገርም በስካይፕ ምሁራን እየቀረቡ የሰላማዊው ትግል የሚያደግበትን የተለያዩ ስልጠናዎችን ሰጥተዋል። የዚህ የአንድነት ፎረም ጀማሪና ዋና አዘጋጅ  አቶ አንዱዓለም አና አቶ በላይ ነበሩ። በዚህ ፎረም ከዉጭ እንደ ዶር መሳይ ከበደ፣ ዶር አክሎግ ቢራራ፣ ፕሮፌሰር ሰይድ፣ አቶ ብርሃነ መዋ፣ ጠበቃ ፍጹም አለሙ፣ አቶ ግርማ ሞገስ የመሳሰሉ ቀርበው የፖለቲካ ሃተታ አቀርበዋል። ከአገር ዉስጥም እንደ እስክንደር ነጋ፣ አሁን በ እሥር ቤት የሚገኙ ዞን ዘጠኖች  የመሳሰሉ ቀርበው ስልጣና ሰጥተዋል።

ሁላችንም መቼም የአንድነት ልሳን የነበረችውን የፍኖት ጋዜጣ እናስታወሳታለን። ይች ጋዜጣ መዉጣት እንድትጀመር  በዋናነት ያደረገው በላይ ፍቃዱ ነው። የጋዜጣው የኢዴቶሪያል ቦርድ ሰብሳቢም ሆኖ አግልግሏል። ጋዜጣው በወያኔ መታተም ሳትችል ስትቀር ፣ አንድነት የራሱ ማተሚያ እንዲኖረው ለማድረግ ፣ ለዚህ ጉዳይ ከተቋቋመው የፍኖት ግብረ ኃይል ጋር በመተባባበር ገንዘብ እንዲሰበሰብ አድርጎ፣ የማተሚያ መሳሪያዉ ተገዝቷል። በኢትዮጱያ የመብራት ችግር ስለሌለና አገዝዙ የአንድነት ጽ/ቤትን የኤሌትሪክ መስመር ሆን ብሎ ብዙ ጊዜ ስለሚቆርጥ፣ ለማተሚያ ሥራ ጅኔሬተር በመግዛት የሕትመት ሥራው የሚጀመርበት ሥራ ለማፋጠን ጥረቶች እየተደረጉ ነው።

የአምስቱ አመት ፓላን በሚል ሰፊ ሰነድ መዘጋጀቱ ይታወቃል። ይህ ሰነድ ለድጋፍ ድርጅቶች ተልኮም አንብበነዋል። ይህን ሰነድ ካዘጋጁት ወገኖች መካከል አንዱ አቶ በላይ ነው። (ምናልባትም ኢንጂነር ዘለቀ ያኔ የአንድነት አመራር ስላልነበሩ ላያውቁት ይችሉ ይሆናል)

የአንድነት ፓርቲ ተቀባይነት ከፍ ካደረጉት እንቅስቃሴዎች መካከል በዋናነት እና በቀዳሚነት የሚጠቀሰው የሚሊዮኖች ድምጽ ንቅናቄ ነው። ይህ የሚሊዮኖች ድምጽ ንቅናቄ፣  ኢንጂነር ግዛቸው ሽፈራው ከፖለቲካው ወጥቻለሁ ባሉበት ወቅት፣ የተከበሩ ዶር ነጋሶ አንድነትን ሲመሩ ፣ የተጀመረ እንቅስቃሴ ነው። የሚሊዮኖች ድምጽ ለነጻነት የተሰኘዉን የመጀመሪያዉ ዙር እንቅስቃሴ ፣  ከሚመሩትና ከሚያስተባብሩት አመራር አባላት መካከል በዋናነት የሚቀመጠው በላይ ነበር።

የተለያዩ ጉዳዮች ሲነሱ፣ በራዲዮኖች ፣ ቴሌቭዥኖች፣  ፓልቶክ ክፍሎች በመቅረብ፣ የአንድነት ደጋፊዎች በሚያዘጋጁት ዝግጅቶች ላይ በስካይፕ በመገኘት፣ የአንድነት ራእይና ተልእኮ በሚገባ የገለጹ፣  ጠንካራ የአመራር አባል ናቸው። እስቲ አቶ በላይ አንድ ወቅት ፣ አሁን በማእከላዊ ከሚገኘው፣ ሌላው አንጋፋ የአንድነት አመራር ጋር በኢሳት ያደረጉትን ቃለ ምልልስ እንስማ። ረጋ ያለ፣ ማሳመን የሚችል፣ የሚናገረዉን የሚያወቅ አመራር እንደሆነ እናያለን።

እንደ እኔ ግምት፣  ትግሉ በአሁኑ ወቅት አዲስ ፣ የበሰለ፣ ባጌጅ የሌው አመራር ይፈልጋል። ወደፊት እንጂ ወደ ኋላ እየተመለስን መጎተት አንፈልግም። በድጋሚ የአንድነት ጠቅላላ ጉባኤ አባላት ድምጻቸውን ለአቶ በላይ ፍቃደ እንዲሰጡ በአክብሮት እጠይቃለሁ።

አገር ውስጥ ባሉ በከፊል ፣ ዉጭ ባሉ ደጋፊዎች ዩናኒመስሊ ማለት ይቻላል የማይደገፉ፣ ኮንትሮቨርሻል የሆኑ ሊቀመንበር መርጠው፣  አንድነት ሆነ ዉህዱ ፓርቲ ትግሉን ወደፊት ለማስኬድ ያለዉን ብቃት እንዳያሽመደምዱ እመክራለሁ።

እኔም ሆንኩኝ ሌላው ተራ ደጋፊ፣ አስተያየት መስጠት እንጂ መራጮች አይደለንም። የአንድነት፣ የዉህዱ ፓርቲ፣ የትግሉን አቅጣጫ የሚወስኑት አገር ቤት ያሉት፣  የጠቅላላ ጉባኤ ተወካዮች የሆኑት እንደ ኢንጂነር ዘለቀ ረዲ ናቸው። በሥራቸው አልገባንም። እነርሱን ለማዘዝና ለመጫን መብትም የለንም፤ አልሞከርንምም። ነገር ግን  አንድነት፣  የሚሊዮኖች ንቅናቄ የሚመራ፣  ሚሊዮኖች እያሰባሰበ ያለ እንደመሆኑ፣  «እኛም የሚሊዮኖች አካል ነን። የአንድነት ጉዳይ ያገባናል» በሚል ነው አስተያየት የምንሰጠው።

በዚህም አጋጣሚ፣ ኢንጂነር ግዛቸው ከዚህ በፊት የተናገሩትን  ቃል አክብረው፣ አመራሩን ለአዲሶች በማስረከብ የዶር ነጋሶን ጊዳዳ ፣ የዶር ኃይሉ አርአያን፣ የአቶ ቡልቻ ደመቅሳ .. ፈለግ እንዲከተሉ በድጋሚ በአክብሮት እጠይቃለሁ።

በ ገለታው ዘለቀ
በቅርቡ የኣሜሪካ ፌደራል ኣቪየሽን ኣስተዳደር(FAA) በዓለም ላይ ለበረራ ኣደገኛ የሆኑትን መስመሮች በካርታው ላይ ከቦ ኣስጠንቅቆ የነበረ ሲሆን በሪፖርቱ ላይ እንደሚታየው እነዚህን ኣደገኛ ቦታዎች በሁለት ከፍሏቸዋል። ኣንደኛው መስመር ኣደገኛነት ያለው ክልል (potentially hostile region) ሲሆን ሁለተኛው ክልል ግን በረራን ጨርሶ የከለከለ(Flight prohibited) ክልል ነው። ኣደገኛነት ኣላቸው ተብለው ኣብራሪዎች ከግምት እንዲያስገቡ የተመከሩባቸው ክልሎች ኬንያ፣ኣፍጋኒስታን፣ኢራን፣ሶሪያ፣ ማሊ፣የመን፣ ኮንጎና ግብጽ ሲናይ ናቸው። የበረራ መስመር የተከለከለባቸው ኣካባቢዎች ደግሞ ዩክሬን ውስጥ ድኒፕሮፐትሮቭስክ (ይህ ኣካባቢ በሶቪየት ዮኒየን ጊዜ የኒውክሌር ማምረቻ ተቋም የነበረበትና በኣሁኑ ሰዓት ደግሞ በራሽያ የሚደገፉ ገንጣዮች የሚንቀሳቀሱበት ክልል ነው) ፣ የክራይሚያ  ክልል፣ ሊቢያ፣ሶማሊያ፣ኢራቅ፣ሰሜን ኮርያና ሰሜናዊ ኢትዮጵያ (ትግራይ) ናቸው።

የፌደራል ኣቪየሽን ኣስተዳደር መግለጫውን ካወጣ በሁዋላ በተለይ ለበረራ የተከለከሉትን ክልሎች ስናይ ብዙም ጥያቄ ያልፈጠረብን ቢሆንም የሰሜኑ የኢትዮጵያ ክፍል ግን ተለይቶ ከነዚህ ኣደገኛ ኣካባቢዎች  ጋር እንዴት ሊመደብ ቻለ? የሚለው ጉዳይ በተለይ ለኛ ለኢትዮጵያዊያን ትልቅ የመወያያ ጉዳይ የሆነ ይመስላል። የኣሜሪካ መንግስት ምን ኣይቶ ነው? ምን መረጃ ኣገኘ? የሚሉት ጥያቄዎች በጣም ያጓጉንም ይመስላል። ይህ ጉዳይ መወያያ ከሆነ ወዲህ ብዙ ሰው መላ የመታው የኢትዮጵያ መንግስት ከኤርትራ ጋር ለመዋጋት እቅድ ስላለውና የኣሜሪካ መንግስትም ይህንን ስለተረዳ በኣካባቢው ወታደራዊ እንቅስቃሴ ስለሚታይ ቦታውን ከኣደገኛ ኣካባቢ ሊያስመድበው ችሎኣል የሚል ነው።ሙያው ባይኖረኝምና  ለዛሬ ጽሁፌ ዋና ጭብጥ ይህ ጉዳይ ባይሆንም በዚህ ላይ እኔም እንደ ግለሰብ የግል ኣስተያየቴን መስጠት እፈልጋለሁ።

በእኔ ግምት የፌደራል የበረራ ኣስተዳደርን ወደዚህ ከፍተኛ ውሳኔ ያመጣው መረጃ ኤርትራና   ኢትዮጵያ ወደፊት ወይም በቅርቡ ለሁለተኛ ጊዜ ጦርነት ሊያደርጉ በዝግጅት ላይ ከመሆናቸው ጋር በጥብቅ የተያያዘ ኣይመስለኝም። የኢትዮጵያ መንግስት ከኤርትራ ጋር ለመዋጋት ማሰቡ በራሱ የትግራይን ክልል ኣደገኛ ሊያሰኘው ኣይችልም። ከዚህም በላይ ኢትዮጵያና ኤርትራ ጦርነት ለማድረግ ዝግጅት ካለም ይህ የመጀመሪያ ኣይደለም። ከ1998 እስከ 2000 ድረስ ሰባ ሽህ ሰው ያለቀበትን ውጊያ ባደረጉበት ጊዜ ኣሜሪካ ይህ የበረራ መስመር እንዲህ ኣሳስቧት ኣታውቅም። ከዚህም በላይ ጉዳዩ የሁለቱ ወገኖች ጦርነት የማስነሳት ፍላጎት ማሳየት ለኣሜሪካ በረራ ኣስጊ ነው ከተባለ የኤርትራ የኣየር ክልል ኣብሮ ለምን ኣልተዘጋም?ብለን እንጠይቃለን:: ቢያንስ-ቢያንስ Potentially hostile region በሚለው ማሳስቢያ ውስጥ እንኳን ኣልገባም። ይልቁን መረጃው የሚያስጠነቅቀው የኢትዮጵያ ሃይላት ኣልፈው ኬንያ  ማንዴራ ኣየር ማረፊያ ላይ ሳይቀር ኣውሮፕላኖች ሲነሱም ሆነ ሲያርፉ ከኢትዮጵያ ሃይላት ሊተኮስባቸው ሊችል እንደሚችል ነው። በካርታው ላይ እንደሚታየው ኤርትራ በኣደገኛ ክልል እንኳን ያልተፈረጀች ሲሆን ሌላው የኢትዮጵያ ክፍልም በሁለተኛ ደረጃ ኣደገኛ እንኳን ኣልተባለም። ኤርትራም ሌላውም የኢትዮጵያ ክፍል ንጹህ የበረራ ክልል ሆነው ነው የሚታየው። ሌላው ደግሞ ሌሎች ሃገሮች ማለትም የጦርነት ቀጣና የሆኑ ሱዳኖችን ጨምሮ በኣስተዳደሩ በኣደገኛነት ያልተፈረጁ መሆኑ የሚያሳየው ኢትዩጵያና ኤርትራ ለመዋጋት ኣቅደዋልና በረራ እንሰርዛለን ወደሚል ከፍተኛ ውሳኔ እንደማያመጣ ነው።

ከሁሉ በላይ ግን ኣስተዳደሩን ያሰጋው የጦርነት ቀጣና መሆን ያለመሆን ጋር የተያያዘ ሳይሆን ከኣሸባሪነት ጋር የተያያዘ ስጋት ነው። ስጋቱ ልክ ዩክሬን ውስጥ እንደሆነው ሲቪል ተጓዦችን ሳይቀር ሊያነጣጥርና ሊጎዳ የሚችል የሽብር ስራ ሊደረግባቸው የሚችልባቸውን ቦታዎች ነቅሶ ከማውጣት ጋር የተያያዘ ነው።ታዲያ የኣሜሪካ መንግስት መደዚህ ከፍተኛ ርምጃ ሲመጣ ኣንዱ የሃገራችን ክፍል በዚህ ክብ ውስጥ ወድቆኣልና ይህ ክፍል ትኩረት ውስጥ መግባቱ ለእኔ ያሳየኝን እንደሚከተለው ኣንድ ሁለት ልበል።

1. ትግራይ ውስጥ የከፍተኛ ሮኬቶችና ሚሳየሎች ክምችት ኣለ ማለት ነው።

2. መሳሪያ መኖሩ ብቻ ሳይሆን ኣሜሪካ እምነት ያጣችበት ኣደገኛ ቡድን በዚህ ክልል ይንቀሳቀሳል ማለት ነው::   ያ ቡድን ማን ሊሆን ይችላል?

በቅርቡ ዪክሬን ውስጥ ተመቶ የወደቀው የማሌዢያ ኣውሮፕላን ሲመታ ኣንዱ የተፈጠረው ጥያቄ የዩክሬን ገንጣይ ቡድን ይህን ኣውሮፕላን በዚያ ከፍታ ላይ መቶ ሊጥል የሚችል ሚሳየል ከየት ኣመጣው? የሚል ነበር። የብዙዎች መላ ምት የነበረው ራሺያ ቡድኑን ስለምትደግፍ ከሱዋ የተገኘ ድጋፍ መሆን ኣለበት የሚል ነበር።

ታዲያ በዚህ የኢትዮጵያ ክልል በልዮ ስሙ ትግራይ ውስጥ እንዲህ ከፍተኛ ሮኬት ሊኖረው የሚችል ለኣሜሪካ ኣውሮፕላን ስጋት የሚሆን ቡድን ማን ሊኖር ይችላል? ብለን እንድንጠይቅ ያደርጋል። ኣልፎ ኣልፎ እንደምንሰማው በዚያ ኣካባቢ ኣለመረጋጋት ካለ ያቺ የውስጥ ኣለመረጋጋት ከክላሽን ኮፕ በጣም ከዘለለ ደግሞ ከላውንቸር የበለጠ ኣቅም ያለው ተቃዋሚ ቡድን ኣይኖርም። በመሆኑም በዚህ ቀጣና ከፍተኛ ሮኬቶችንና ሚሳየሎችን ሊያከማች የሚችለው ብቸኛ ቡድን ወያኔ (TPLF) ብቻ ስለሆነ ይህ ቡድን ነው በኣሜሪካ የበረራ ኣስተዳደር በኣደገኛነት የተፈረጀው ለማለት ይቻላል። ይህ ቡድን ብቻ ነው ኣቅም ያለውና። ወያኔ ትግራይን ለምን የከፍተኛ ሮኬቶችና ሚሳየሎች መደበቂያ ኣደረጋት ለሚለው ምላሹ ከኤርትራ ጋር ለምታደርገው ጦርነት ብቻ ተብሎ ሊወሰድ ኣይችልም። ኢትዮጵያ በሶማሊያ በኩል በሱዳን በኩልም ስጋቶች ኣሉባት። በከፍተኛ ሁኔታ ወያኔ በሚስጥር ትግራይ ውስጥ መሳሪያዎችን መደበቁ ድሮም ቢሆን ለብዙዎች ሲሸት የነበረ ጉዳይ ነው። ወያኔ ህዝባዊ ኣመጽ ሲነሳ የመጨረሻው መደበቂያየ ብሎ የሚያምነው ትግራይን በመሆኑ መሳሪያ ሲደብቅ መሰንበቱ ኣይገርምም።

ያለበት ስጋት ከፍተኛ በመሆኑ መሳሪያ ሰብስቦ ኣይጠግብም። ጥያቄው ታዲያ ይህን ከፍተኛ መሳሪያ ከየት ያመጣዋል? ካልን ምንጮቹ ኣሸባሪነትን ከሚደግፉ፣ ለዩክሬን ገንጣይ ቡድን ራሽያ ታግዛለች እንደሚባለው በሚስጥር ከደጋፊዎቹ የሚሰበስበው ነው። ባለፈው ጊዜ ደቡብ ኮርያ ውስጥ ጥገኝነት የጠየቁ የኢትዮጵያ ንግድ መርከብ ሰራተኞች እንደገለጹት የኢትዮጵያ ንግድ መርከብ ሰሜን ኮርያ ውስጥ በምስጢር ገብቶ የጦር መሳሪያ ጭኖ እንደተመለሰ ነው።ህወሃት ያልተረዳው ነገር ሚሳየል መሰብሰብ ከምንም ሊያድነው እንደማይችል ነው። ይልቁን ኣሁን ኣሜሪካ እንዳደረገችው ኣለም እየተረዳው መጥቶ ለኣለም ስጋትነቱ ስለሚጋለጥ መጥፊያው ይሆናል።

ከዚህ በፊት የወያኔ መንግስት በኣፍሪካ ቀንድ ላይ ኣሸባሪ መሆኑ የተገለጸ ሲሆን ኣሁን ደግሞ የኣሜሪካ የበረራ ኣስተዳደር ትግራይን ለይቶ በካርታው ላይ መክበቡ በተለይ የትግራይ ነጻ ኣውጪ ላይ ያለውን እምነት ማጣት ብቻ ሳይሆን ወያኔ ለራሷ ለኣሜሪካ ስጋት ነው ወደሚል ድምዳሜ እንዳመጣቸው ያሳያል። እውነትም ነው።

ይህ መረጃ በተለይም የትጥቅ ትግል ለሚያደርጉ ወገኖች ጠቀሜታው ከመጉላቱም በላይ የሃገራችንን የትግል ኣቅጣጫና ሊመጡ የሚችሉ ተለዋዋጮችን እንድናይ ይረዳናል። ወያኔ በዚያ ክልል መሳሪያ መሰብሰቡ በኤርትራ በኩል ሊመጡ የሚችሉትን ሃይሎች ለመቋቋም ብቻ ሳይሆን ከፍ ሲል እንዳልኩት ሁኔታው ከገፋና ኣመጾች ከበረቱ ትግራይ ውስጥ መሽጌ ኣገር መበጥበጤን እገፋለሁ የሚል በመሆኑ ይህንን ባህርዩን ከመቼውም በላይ በመገንዝብ  ተቃዋሚዎች  በትግል ካልኩሌሽናቸው ኣንድ ደረጃና ሁለት ደረጃ ከፍ ብለው መገኘት ኣለባቸው። ይቺን ካልኩኝ በሁዋላ በኢትዮጵያ የነጻነት ትግል ኣሰላለፍ ዙሪያ ጥቂት ወንድማዊ ኣሳቤንና ስጋቴንም ጭምር እንደሚከተለው ልጻፍ።

በሃገራችን የነጻነት ትግል እንዳያብብ ኣብቦም እንዳያፈራ ካደረጉት ችግሮች መካከል ኣንዱ የነጻነት ትግሉ ኣጠቃላይ ቅርጹ ወዲያና ወዲህ የተጠመደ መሆኑ ነው። ኣንዱ በብሄር ላይ የተመሰረተ ሌላው ደግሞ ብሄራዊ በሆነ ኣቋም ላይ የተመሰረተ ኣንዱ ደግሞ ለዘብተኛ ነኝ የሚል በመሆኑ ትግሉ እንዳያሸንፍ ኣሸንፎ ስልጣን ቢይዝም ነጻነት እንዳያፈራ ያደርጋል።

የቅርብ ጊዜውን ታሪክ ስናይ እንኳን ህወሃት የብሄር ኣርማ ኣንግቦ ትጥቅ ትግል ከጀመረ በሁዋላ ሌሎች ብሄራዊ ኣቋም ያላቸውን ቡድኖችን ኣብረን እንታገል በማለት ይቀሰቅስ ነበር። በተለይ ኢህዴን ኣንዱ ለህወሃት ከፍተኛ ኣስተዋጾ ያደረገ ድርጅት ነው።

እነዚህ ሁለት ቡድኖች ማለትም ኢህዴንና ህወሃት ከመርህ ኣንጻር ከሳይንስ ኣንጻር የማይደባለቅ ምንነት ይዘው ደርግን መጣል ታላቅ ግብ በማድረግ ብቻ ተጣምረው ታገሉ። ህወሃት ትንሽ ብልጠት ስላለው ኢህኣዴግ የሚባል የማንነት ማደናገሪያ ለጠፍ ኣርጎ ቀጠለ። በትግሉም ወቅት ሆነ ከትግሉ በሁዋላ ህወሃት ወታደራዊ የበላይነቱን እንደጠበቀ የቆየ ሲሆን ሁኔታዎች ሲረጋጉ፣ መንግስት ተመስርቶ ኣገር የሚባለውን ነገር የምር የማስተዳደሩ ጉዳይ ሲመጣ ህወሃት ኢህዼንን እንደገና ኣተኩሮ ያየው ይመስላል። እኔ የትግራይ ነጻ ኣውጪ ነኝ፣ ኦህዴድም የኦሮሞ ሆኖ ተሰልፎኣል፣ ኣንተ ምንድነህ? በሚል ኣይነት ኣፍጦ ካየው በሁዋላ ወደ ብሄር ቡድንነት ዝቅ እንዲል ስሙንም ኣርማውንም እንዲያስተካክል ተፈረደበት። ህወሃት ወታደራዊ የበላይነቱን ይዞታልና ኢህዼን ምንም ኣላለም።

ኢህዴን በኣማራ ተወላጆች ብቻ ኣልነበረም የተሞላው። የተለያዩ ብሄሮች ያሉበት ኣገራዊ ኣሳብ የነበረው ድርጅት ቢሆንም ብዓዴን በመባል የኣማራ ድርጅት እንዲሆን ተፈረደበት። ኣሁን የምናያቸው ኣማራ ያልሆኑ መሪዎች የኣማራ ስም ለጥፈው ብዓዴን የሚባል ኣስገራሚ ድርጅት ፈጥረው ቁጭ ኣሉ።የሚገርመው ኣማራውም ደንታ ሳይሰጠው ዝም ብሏቸው ሰነበተ።

ይህ የማንነት ጥያቄና የመጣመድ ጥያቄ ቀድሞ በትግሉ ጊዜ ቢመጣ ሚናቸውን በሚገባ ቀድመው ቢረዱ የተለየ መልክ ሊኖረው የሚችል ሲሆን ከድል በሁዋላ ህወሃት ወታደራዊውንና ደህንነቱን በሙሉ ከተቆጣጠረ በሁውላ በመሆኑ እነ ኢህዴን ሃይል ኣልነበራቸውምና የተሰጣቸውን ስም ተሸክመው፣ ያልሞቱለትን፣ የህወሃትን ዓላማ ያራምዱ ዘንድ ቀጠሉ። ህወሃት ከመነሻው ደርግን ለመጣል ከሚገባው በላይ የጓጓ በመሆኑ የማይጣመደው ኣልነበረም። ከኤርትራ ነጻ ኣውጪ ጋር ተስማምቶ ታግሏል፣ ከሱዳን በኩል የሚነሳ ቢኖር ኖሮም ኣብሮ ይታገላል ብቻ ከማንም ጋር ታግሎ ደርግን መጣል የመጨረሻው ኣላማው ነበር። ኢህዼንም ቢሆን ደርግን መጣል እንደ መጨረሻ ግብ በማየቱና ይህ ግብ ዋናውን የሃገሪቱን መሰረታዊ የነጻነትና የኣስተዳደር ጉዳዮች ለማየት ኣይኑን በመጋራዱ ከማይጣመደው የቡድን ነጻ ኣውጪ ጋር ተጣምዶ እያረሰ ኣዲስ ኣበባ ገባ:: ህወሃትን ለድል ኣብቅቶ ሲጨርስም እንደ ህወሃት እንዲሆን የህወሃትን ኣምሳል ሆኖ እንደገና እንዲፈጠር ተደርጎ ቁጭ ኣለ።

በሃገራችን በተለይም በሰሜኑ ክፍል የገና በዓል ሲመጣ የገና ጨዋታ ይደረጋል። በእድሜ ገፋ ያሉ ሰዎች ሳይቀሩ ይሳተፋሉ። ታዲያ በዚህ ጨዋታ ጊዜ ከየቀበሌው ወይም ጎጡ የመጡት ሰዎች ጥንጓን (ሩሯን) ሲቆረቁሱ “ሚናህን ለይ!” የሚባል ነገር ኣለ። ሚና ያለየበት የገና ጨዋታ የሚያስታውቀው ሩሯ ርቃ ኣትሄድም። በሚገባ ሚና የለየለት ጨዋታ ግን ወደ ኣሸናፊው ያደላና ድል ኣድራጊና ተደራጊ በጊዜ ይለያል።

የሃገራችን የነጻነት ትግል ከህወሃትና ኢህዴን ትግል ጀምሮ ኣሁን ድረስም በቡድነኝነትና በብሄራዊ ታጋይነት ሚናው ቅጡ የጠፋበት ነው። የዚህ የብሄር የነጻነት ጥያቄ ጉዳይ በኢትዮጵያ ውስጥ መስመሩን ሁሉ ስቶ ግልጽነት የጎደለው እንዴውም ኣደገኛ ኣሰላለፍ ሆኖ እናያለን። በመጀመሪያ ደረጃ በብሄር ላይ ተመስርቶ የሚደረግ ትግል የሚያስፈልገው ለመገንጠል ነው። ለምሳሌ የ ኤርትራን ትግል ካየን እንደግፈውም ኣንደግፈውም ለመገንጠል ታገሉ እንዳሉትም ተገነጠሉ። እንደ ህወሃት ኣይነቱ ግን ፍላጎቱም ኣይታወቅም። የብሄር ጥያቄ ይዞ ተነሳ ትግራይን ኣልፎ ኣዲስ ኣበባ ገባ። ከገባም በሁዋላ ኢትዮጵያን ማስተዳደር ጀምሮ ሃያ ኣመት ከቆየ በሁዋላ እንኳን ተምሮ ኣቋሙን የማይቀይር ኣስቸጋሪ ድርጅት ነው።

በኣንድነት እያመኑ በብሄር የፖለቲካ ጥላ ስሮ መቆም ፈጽሞ ኣብሮ ኣይሄድም። የሃገራችን የፖለቲካ ግጭትም ይሄ ነው። በመሆኑም ኣሁንም ለነጻነት ቆመናል የሚሉ ድርጅቶች ጥያቄያቸው ለመገንጠል ካልሆነና የነጻነት ጥያቄ ከሆነ ኣገራቸውን ነጻ ለማውጣት ከዚህ ግልጽነት ከጎደለው የትግል መስመር ወጥተው ህብረ ብሄራዊ መልክ መያዝ ኣለባቸው። የለም እኛ በኢትዮጵያ ኣንድነት ላይ ጥያቄ የለንም ነገር ግን በብሄር ላይ ቆመናል የሚባል ነገር ሚናው ያልለየ በመሆኑ የሃገራችንን የነጻነት ትግል ከማወሳሰቡም በላይ ማንንም ነጻ ኣያወጣም። በብሄር ላይ የተደራጁ ወገኖቼ ሊረዱት የሚገባቸው ጉዳይ ቢኖር በዚህ የትግል ስልት ለማሸነፍ ኣይችሉም ቢያሸንፉም ቡድናቸውንም ሆነ ሃገራችንን ነጻ ሊያወጡ ኣይችሉም። ይህንን ከነ ህወሃት መማር ያስፈልጋል። ህወሃት ኢትዮጵያንም ነጻ ማውጣት ኣልቻለም ቆሜለታለሁ ላለው የትግራይ ህዝብም ነጻነትን ሊያመጣ ኣልቻለም። ኢትዮጵያ ብዙ ናት ብሎ ያመነ ታጋይ፣ ብዙህነቱዋን ያመነ ነጻ ኣውጪ ብዙነቱዋን የያዘ የነጻነት ሰራዊት ነው ነጻ ሊያወጣት የሚችለው ብሎ ያምናል።

በኣሁኑ ሰዓት በትጥቅ ትግሉ ኣካባቢ የሚንቀሳቀሱ ወገኖችም ቢሆኑ ይህንን ሃቅ መረዳትና በመርህ ላይ የተመሰረተ መቀናጀት ሊያደርጉ ይገባቸዋል። እንደ ትግራይ ህዝቦች ዴሞክራሲያዊ ንቅናቄ (TPDM) ያሉ የህዝብ ብሶት ኣስነስቶናል የሚሉ ታጋዮችም ከወያኔ መማር ኣለባቸው።

እውነቱን ንገረን ካላችሁኝ ከመርህ ኣንጻር ለእኔ ህወሃትም ሆነ የትግራይ ህዝብ ዴሞክራሲያዊ ንቅናቄ (ዴምህት) ሁለቱም ኣንድ ናቸው። ልዩነታቸው ህወሃትን ስልጣን ላይ ሆኖ ብዙ በደል ሲፈጽም ያየሁት ሲሆን ዴምህትን ኣላየሁትም። ህወሃት ወንጀለኛ ሲሆን ዴምህት እንደማንኛውም የጎሳ ድርጅት ነው የሚታየኝ። በቃ። መነሳት ያለበት የመርህ ጥያቄ እንጂ የህወሃት ኣመራሮች በግለሰብ ደረጃ ክፉዎች ናቸው የዴምህት(TPDM) ኣመራሮች ግን ጥሩ ዴሞክራት ይመስላሉ የሚለው ኣይሰራም። የመርህ ጥያቄ መነሳት ያለበት ሲሆን እነዚህ ቡድኖችም ሆኑ ሌሎች በብሄር ላይ የቆሙ ሁሉ በመርህ ደረጃ ኣንድ መሆናቸውን ማስተዋል ተገቢ ነው። በግለሰቦች ጥሩነት ከሆነ የህወሃት ሰዎችም በትግሉ ጊዜ በጣም ጥሩ ይመስሉ ነበር። ሌሎች ህብረ ብሄራዊ የሆኑ ድርጅቶች ደግሞ በብሄር ላይ ከተመሰረቱ ጋር በመጣመድ ኣብረን እንታገላለን ማለት የለባቸውም። በተለይም በትጥቅ ትግል ጎራ ያሉ ከሆነ ይህ መንግስት ቢወድቅም በእንደዚህ ዓይነት የትግል ስልት የተመራ ትግል ኣንዱ የብሄር ቡድን እንደ ህወሃት ወታደራዊ የበላይነቱን ይዞ እንደ ህወሃት ኣይነት ስርዓት ላለመቀጠሉ ዋስትና የለንም። በተለይ በጣም ስስ የሆነው ወታደሩና ደህንነቱ በኣንድ የብሄር ቡድን እጅ ሲወድቅ ነጻነት ኣያፈራምና ከእንዲህ ዓይነት የትግል መጣመድ ሚና መለየት ያስፈልጋል።የጨከነ በመርህና በሃቅ ላይ የተመሰረተ ሚናውን የለየ የትግል ኣቅጣጫ ያስፈልጋል ማለቴ ነው።ራሱ ወያኔ እንደ መጨረሻ ኣማራጭ (worst case scenario) እንደሚሉት  የተለያዩ ተቃዋሚ የሚመስሉ ድርጅቶችን በመፈልፈልና የሰለጠኑ ደህንነቶቹን በዚያ በመሰግሰግ ገዢነቱን(status quo) ለመጠበቅ ስለሚጥር ህብረ ብሄራዊ የትግል ስልት መኖሩ እንዲህ ዓይነቶቹን ኣስመሳዮች ለመዋጥ ይጠቅማል። ዋናው ግን ሁሉን ለመጠርጠር ሳይሆን ጥበብ የተሞላበት ሚና የመለየት ስራ መስራት ኣሰፈላጊነቱን ለማስመር ነው።

ዴምህት እንደዚህ ኣስቦ ሊሆን ይችላል። ምናልባትም ህወሃት ከትግራይ የተነሳ በመሆኑና ኣሁን ያለው የኣስተዳደር ብልሹነት ስላበሳጫቸውና ስላሳፈራቸው እኛው ያመጣነውን እኛው እንመልሳለን የሚል ስሜት ያየለበት ቁጭት ኣስነስቱዋቸው ሊሆን ይችላል። ለነዚህ ወገኖቼ መልእክት ኣለኝ። ኣይዞኣችሁ ህወሃትን ያመጣችሁት እናንተ ብቻ ኣይደላችሁም። እነ ኢህዴን፣ የጎንደር ህዝብ፣ የወሎ ህዝብ፣ የኦሮሞ ህዝብ፣ የሰሜን ሸዋ ህዝብ የኤርትራ ነጻ ኣውጪው ተባብረው ነው ኣዲስ ኣበባ ያስገቡት። የትግራይ ህዝብ ለዚህ መንግስት ለብቻው ተጠያቂ ኣይደለም። ሁላችን ተጠያቂዎች ነን።የደርግ ጭቆና ስላንገፈገፈንና የደርግ መውደቅ ጉዳይ ዋና ግብ መስሎ ስለታየን የህወሃትን ተፈጥሮ ሳንመረምር፣ ስምህ ህወሃት ሆኖ እንዴት ወደ ኣዲስ ኣበባ ትገሰግሳለህ ብለን ኣጥብቀን ሳንጠይቅ ሁላችን ገፍተን ነው ኣዲስ ኣበባ ያስገባነው። ኣበባ ይዘን የተቀበልነው ። በብልጠት ህወሃት ለጠፍ ያደረጋት ኢህኣዴግ የምትባል ስያሜንም ኣልመረመርንም።ጥፋቱ የሁላችን ነው። የትግራይ ህዝብ ለብቻው ተጠያቂ ኣይሆንም። በመሆኑም ሁላችን በጋራ ታግለን ነው ይህንን ኣሳፋሪ ታሪክ የምንቀለብሰው። የትግራይ ህዝብ በታሪኩ ከሌሎች ወንድም ወገኖቹ ጋር እኩል ኣስተዋጾ ሲያደርግ የኖረ፣ ክፉንና ደጉን ኣብሮ ያሳለፈ ለኢትዮጵያዊነቱ ምንም የማይወጣለት ነው። በመሆኑም ከኣሁን በሁዋላ በዚህ ህዝብ ስም ምንም ኣይነት የትግል እንቅስቃሴ ኣይፈልግም። ህወሃት የጎዳው ይበቃዋል። ይህ ወንድማዊ ኣሳብ ነፍጥ ላነሱ ወገኖች ብቻ ሳይሆን በሰላማዊ መንገድ ለሚታገሉ በብሄር ላይ ለተመሰረቱ ወገኖች ሁሉ ነው። ኣረና ትግራይ፣ ኦሮሞ ፌደራላዊ ዴሞክራሲያዊ ንቅናቄ የመሳሰሉት ድርጅቶችም ከማንነት ፖለቲካ ወጥተው ህብረ ብሄራዊ መልክ እስካልያዙ ድረስ ትግላችን ኣያፈራም። በቅርቡ ኣረና ትግራይ ለውህደት መነሳቱን በውህደት ላይ ኣዎንታዊ ኣቋም መያዙ የሚደነቅ ሲሆን ይህን ኣቋሙን ቶሎ ብሎ ወደ ተግባር ቢለውጥ ትልቅ የመንፈስ መፈታትን በትግራይ ኣካባቢና በሌሎች ወገኖች ዘንድ ያመጣል የትግራይ ህዝብ የሚፈልገው ከሌሎች ቡድኖች ጋር ኣብሮ ታግሎ ሃገሩን ነጻ ማውጣት ነው። ሌላው የኢትዮጵያ ህዝብም የትጋራይ ነጻ ኣውጪ የሚባል ኣዲስ ቡድን ነጻ እንዲያወጣው ኣይፈልግም። ሁላችን እኩል የተሳተፍንበት ትግልና ድል ነው የሚያዛልቀን። የኦሮሞው ወገናችንም ጥያቄ እንደዚሁ ነው። ያልበላውን ለማከክ ከመሞከር ይልቅ ተቃዋሚ ሃይላት ተባብረው ዴሞክራሲን መልካም ኣስተዳደርን ቢያሰፍኑለት ያ ነው ጥማቱ። የኣማራውም ጥያቄ ይሄ ነው። ለብቻው የዓማራ ቡድን ተቁዋቁሞ እነንደ ህወሃት የዓማራ የበላይነት እንዲመጣለት ኣይደለም። የደቡቡም የምስራቁም ህዝብ የጋራ ችግር በውነቱ ይሄ ኣይደለም።

ሌሂቃን በዚህ ችግርተኛ ህዝብ ህይወት ላይ ባይጫወቱ ጥሩ ነው። ዛሬ የኢትዮጵያ ኣስር በመቶ የሚሆነው ህዝብ በየኣመቱ ርዳታ ጠባቂ ነው። ሰባ በመቶ የሚሆነው ህዝብ ድሃ ነው። በዚህች ምድር ላይ ከኒጀር ቀጥለን የመጨረሻውን የድህነት ኑሮ የምንገፋ ህዝቦች ነን። ይህ ድህነት የሚገለጸው በኢኮኖሚ ብቻ ሳይሆን በመላ ህይወታችን ነው። ወደ ሰላሳ በመቶ የሚሆነው ህዝብ ማንበብና መጻፍ እንኳን ኣይችልም። በሃያ ኣንደኛው ክፍለ ዘመን ሃያ ሰባት ሚሊየን የሚሆን ህዝብ ስሙን እንኳን መጻፍ በማችልባት ኣገር ኣርባ ኣመት ሙሉ በማንነት ጥያቄ መደናቆር በሚሊየኖች ህይወት መቀለድ ይባላል።

እንደ ዴምህት ኣይነቱ ድርጅት ህወሃትን ያመጣነው እኛ ነንና እኛው እንዳመጣን እኛው እንመልሰው ብለዋል ጥሩ ሰዎች ናቸው ብሎ ወታደራዊውን የበላይነት ማስረከብና በእንዲህ ኣይነት መርህ በሌለው የትግል ስልት መጣመድ ለብሄራዊ ታጋዮች ተገቢ ኣይደለም ብቻ ሳይሆን መርህ የጎደለው ማስተዋል የጎደለው ኣካሄድ ነው።። በቆራጥነት በመርህ ላይ የተመሰረተ ሚናው በደንብ የለየለት የትግል መስመር ያስፈልጋል። ህወሃት፣ ኢህዴን፣ የኤርትራ ነጻነት ግንባር ደርግን ማሸነፍ የመጨረሻ ግብ ኣድርገው ታግለው ሲያበቁ ኢትዮጵያ በኣንድ የብሄር ቡድን ወታደራዊ የበላይነት ስር ወደቀች:: ወታደራዊ ተቋም ደግሞ በቀላሉ ደህንነቱን ይቆጣጠርና የዚያች ኣገር የፍትህና የዴምክራሲ ጥያቄዎች ዳዋ እንዲበላው ያደርጋሉ። ከኣሁን በሁዋላ ኢትዮጵያን የኣንድ ብሄር የበላይነት ያለው ወታደራዊ እንቅስቃሴ ነጻ ኣያወጣትም ብቻ ሳይሆን ኣደገኛ መሆኑንም መገንዘብ ኣለብን። ለኦነግ ወገኖቼ፣ ለኣማራ ነጻ ኣውጪ ወገኖቼ፣ ለጋምቤላ ነጻ ኣውጪ ወገኖቼ፣ ለኦብነግ ወገኖቼ፣ ለሲዳማ ነጻ ኣውጪ ወገኖቼና ለሌሎችም የምመክረው ምክር ኣጭር ነው። ወንድሜ ኦባንግ ያለው ነገር ኣለ።

“ሁላችንም ነጻ ካልወጣን ማንም ብቻውን ነጻ መሆን አይችልም!”

ኦባንግ ሜቶ

ታላቅ ኣባባል ነው። የቡድን ጥያቄ ይዘን ቡድናችንንም ሆነ ኣገራችንን ነጻ ልናወጣ ኣንችልም።  ሌላው ስለ ሚና ስናነሳ የርእዮቱን ጉዳይ ብቻ ሳይሆን ራሳቸው ተቃዋሚ የመሰሉ ኢህዓዴግ የመሰረታቸው ወይም የሱ መጫወቻ የሆኑትን እነሱንም የመለየት ስራንም ይመለከታል:: እነዚህን በይፋ የመለየትና የማውገዝ ስራ ካልተሰራ ኣሁንም ኣይናፋር ታጋዮች ሆነን ሚናው ያለየለት ትግል ውስጥ ስለምንቆይ ትግላችን ቶሎ ኣያፈራም።

በመሆኑም የነጻነት ታጋዮች በኣንድ በኩል ውህደትንና ህብረትን እያጠናከሩ በሌላ በኩል ደግሞ የሚና መለየቱን ጉዳይ በቆራጥነት ሊመሩት ይገባል። ኣንድ ሰው በኣንድ ኣስተዳደራዊ ጥያቄ ዙሪያ ኣርባ ኣመት መጨቃጨቅ የለበትም። ኣለም ጥሎት በመጣ፣ በኣንድ ወቅት ብልጭ ባለ ግልጽነት በጎደለው የማንነት ጥያቄ ዙሪያ ተኮልኩለን ድሃውን ማሰቃየት የለብንም። በመሆኑም ኢትዮጵያዊያን ህብረ ብሄራዊ የሆኑትን እንቅስቃሴዎች እንደግፍ። እናንተ ኢትዮጵያን በሙሉ ማንነቱዋ የምታዩ ነጻ ኣውጪዎች ደግሞ ሚና የመለየት ስራ እየሰራችሁ ወደ ህብረት ኑና ኣገራችንን ታደጉ። ዛሬ ህዝቡ እየጠየቀ ነው። ኧረ እንደዚህ ኣድርጉ በሉን፣ ምሩን…. ለመታገል ዝግጁ ነን…… የት ናችሁ? የት ደረሳችሁ? ኣየ…. የጨነቀው ህዝብ….።  የሚያሳዝነው ግን በተግባር የሚታይ ነገር የለም። ይህ መንግስት በኣመጽ ነው የሚወድቀው። ይህንን ደግሞ ለመምራት ሚናቸውን በሚገባ የለዩ ነጥረው የወጡ የእውነተኛ ፓርቲዎች ህብረትና ኣመራር ሰጪነትን ይጠይቃል።  በቃ!…. ያለፈው ይብቃንና ወደ ፍጻሜ እንምጣ።ለነዚህ በብሄር ላይ ለቆሙ ወገኖቼ በመጨረሻም የምመክረው ይህንን ነው። ችግሮቻችን የሚፈቱት ከላይ ሆነን ስናይ ነው። ከላይ ከኣፍረካ ህብረት፣ ከላይ ከግሎባላይዜሽን፣ ከላይ ከኢትዮጵያ ኣንድነት ላይ ሆነን ስናይ ውስጥ ለውስጥ የሚነሱ የባህላዊ ቡድን ማንነት ጉዳዮች የትግላችንን መስመር ኣያሰምሩልንም። ከላይ ኣሁን የሰው ልጅ ከደረሰበት ማህበራዊና የተፈጥሮ ሳይንስ የግንዛቤ ደረጃ ላይ ሆነን ስናይ ከማንነት ፖለቲካ ጋር የተያያዙብን ጥያቄዎች ገዝፈው ኣይታዩንም።ይልቁን ከፍ ባለ ዴሞክራሲና መልካም ኣስተዳደር ላይ ኣይናችን ኣርፎ በዚያ ይህን የተቸገረ ህዝብ ለመርዳት መቆም ይገባናል ለማለት ነው።

እግዚኣብሄር ኢትዮጵያን ይባርክ!

geletawzeleke@gmail.com